Educación Fina’l primer cursu sobro Usu Especializáu del Asturianu organizáu pol Institutu Asturianu d’Alministración Pública by asturnet 27 de marzu, 2014 Los díes 24, 25, 26 y 27 de marzu d’anguaño vieno impartiéndose un cursu tituláu «Usu Especializáu del Asturianu: Testos Científicos, Técnicos, Divulgativos y Informativos», organizáu pol Institutu Asturianu d’Alministración Pública «Adolfo Posada» y coordináu por Ramón d’Andrés que ye la primer esperiencia d’esti tipu desenvuelta nel contestu de la formación que se ufre a los funcionarios asturianos sobre l’usu especializaú de la llingua asturiana nel so desendolcu llaboral cotidianu. La esperiencia finaba esti día con una participación bultable que fai albidrar la posibilidá de que se repita nel futuru, Les materies impartíes y el profesoráu que les impartió foron les que vienen darréu: «Introducción a los estilos formales na llingua asturiana», por Ramón d’Andrés Díaz, profesor titular de Filoloxía Española y Asturiana de la Universidá d’Uviéu y coordinador del Seminariu de Filoloxía Asturiana. «Llinguaxe científico-técnicu n’asturianu», por Ramón d’Andrés Díaz. «Llinguaxe divulgativu y informativu n’asturianu», por Xosé Miguel Suárez Fernández, llicenciáu en Filoloxía Española y Espertu en Filoloxía Asturiana pola Universidá d’Uviéu; espertu en lexicografía y corrección llingüística. «Ferramientes y recursos llingüísticos pal asturianu», por Héctor García Xil, llicenciáu en Filoloxía Española pola Universidá de Lleón y Especialista en Filoloxía Asturiana pola Universidá d’Uviéu; espertu en llingüística asturiana. 27 de marzu, 2014 0 FacebookTwitterPinterestEmail
Sociedá El Llano Béisbol homenaxea esta fin de selmana a Vaski by asturnet 27 de marzu, 2014 Esti prósimu sábadu, va disputase’l primeru de los dos partíos qu’El Llano Béisbol Club, disputará contra l’Astros de Valencia nel que retirarase José Luis Bailón Tomás Vaski, l’eternu númberu 9 del club al que va facese-y un homenaze y que lleva n’activu como xugador dende l’añu de fundación del Club El Llano en 1986. Los horarios d’esos alcuentros sedrán el sábadu a les 16:00 hores ya’l domingu a les 11:00 hores. El sábadu, a les 16:00 hores, el pitcher abridor va ser José Luis Bailón Tomás Vaski, l’eternu númberu 9 del club que lleva n’activu como xugador dende l’añu de fundación del Club El Llano en 1986. Este va ser el so postreru partíu como xugador y va facése-y un homenax a lo poco d’entamar esti. Llanzará al primer batiador contrariu y pararase’l xuegu unos 10 minutos, pa proceder a esti homenax nel que collaboren el Club El Llano, la Federación de Béisbol y Sófbol del Principáu d’Asturies, la Real Federación Española de Béisbol y Sófbol, el Conceyu de Xixón y la Direición Xeneral de Deportes del Principáu d’Asturies. Vaski pasó por toles las categoríes del club dende cadetes, asitiándose como iconu del club xixonés, y ta percibiendo señes de cariñu veníes de tolos equipos españoles, familiares y collacios. Sedrá una xornada emotiva y espérase una presencia de públicu importante pa esti homenax y pa ver el partíu a la escontra los valencianos. L’equipu xixonés, espera cuntar con tolos sos efeutivos pa esti alcuentru y espera poder ufrir la primer victoria de la temporada, que sedrá dura pa les aspiraciones de los verdigrises dala dixebra en presupuestos col restu d’equipos de la Lliga. Con un equipu mui remocicáu y cuntando con xugadores permozos anque con una plantía bramente curtia pa esti tipu de competición, la ilusión ye enorme ente estos xugadores. El club va dar de baldre unos vales a 100 neños del deporte escolar de béisbol, compuestos de refrescu y perrín caliente, pa qu’esfruten del espectáculu. Per otru llau, el club sigue colos sos preparativos p’acudir al Campeonatu de la Pony League en categoría sub16, que se va cellebrar en Praga (República Checa) n’abril. El Llano BC ye’l primer y únicu equipo español invitáu a esta competición tan prestixosa onde xugará un campeonatu con 16 equipos de toda Europa, ente otros la Seleición checa, la Selección d’Israel y l’Academia Alemana. Acúdese a esti campeonatu con dellos refuercios aunque tamién se cunta con dalgunes baxes importantes. 27 de marzu, 2014 0 FacebookTwitterPinterestEmail
Música Skontra y La Tarrancha representen a Asturies nel EHrZ by asturnet 19 de marzu, 2014 Skontra y La Tarrancha representen a Asturies nel EHrZ, concursu de grupos de música de naciones ensin estáu y que tien como premiu participar nun recopilatoriu xunto a 20 grupos y tocar nel propiou festival Euskal Herria Zuzenean (EHZ), principal festival del País Vascu francés. Sofitar y espardir la creación musical de les cultures oprimíes o ensin estáu ye l’oxetivu d’esti concursu musical nel quAsturies va tar representada poles bandes punk-folk Skontra y ska-fusión La Tarrancha. El doble premiu ye participar nun recopilatoriu xunto a 20 grupos y tocar nel festival Euskal Herria Zuzenean (EHZ). El xuráu va formalu Fermin Muguruza y otros músicos vascos, amás del votu popular al traviés de la web. Con 20 años de trayectoria, Euskal Herria Zuzenean ye’l principal festival euskaldun de Iparralde (País Vascu francés). Cinco son los años que lleva entamando’l EHrZ, un concursu que per primer vegada amplíase a grupos d’otres cultures y llingües minorizaes amás de la vasca. Bretones, catalanes, corsos, occitanos, gallegos, quebequeses un total de 77 bandes van participar nesti eventu. Los representantes dAsturies van ser Skontra colos cantares Billete ensin vuelta, Nun se pue y Unidá; y La Tarrancha con De Tazones a Candás, Cántame y Somos. Amás de por cantar n’asturianu, otru de les razones que-yos dio la posibilidá de formar parte d’esti concursu ye’l de cumplir el requisitu de tener tola so obra con llicencia Creative Commons y nun pertenecer a nenguna sociedá privada de xestión de derechos d’autor. Votaciones y xuráu Dende’l martes 18 de marzu y hastal próximu 15 d’abril pueden facese les votaciones al traviés de la web del festival. El públicu va decidir la metá de los votos; la otra metá va facelo un xuráu formáu polos músicos Fermin Muguruza (Kortatu, Negu Gorriak ), Igor Otsoa (Oreka TX) y Jurgi Erkiza (Willis Drummond). El 1 de mayu van decidise los 20 grupos que van integrar el recopilatoriu y el 28 de xunu van actuar nel EHZ Festibala, que se cellebra en Lekorne. La inscripción de Skontra y La Tarrancha nesti concursu fíxose gracies a la xestión dIxuxú Asturies-Euskal Herria elkartea, l’asociación d’asturianos emigraos al País Vascu que fai de ponte sociocultural ente los dos países. 19 de marzu, 2014 0 FacebookTwitterPinterestEmail
Política Presentada la web d’Europa de los Ciudadanos by asturnet 18 de marzu, 2014 El so presidente, José María González, presenta estio día la nueva web de la Fundación pola Europa de los Ciudadanos, la primera venceyada a una formación política qu’inclúi’l balance y la memoria de les sos cuentes. El presidente de la fundación asegura que dende IX siempres tuvimos pola defensa de la tresparencia de les instituciones públiques, pola tresparencia nel usu de los recursos públicos y, tamién, na tresparencia de la mesma organización. El presidente de la Fundación pola Europa de los Ciudadanos, José María González, aseguró güei que dende Izquierda Xunida siempres tuvimos pola defensa de la tresparencia de les instituciones públiques, pola tresparencia nel usu de los recursos públicos y, tamién, na tresparencia de la mesma organización. Con éses cola nuesa nueva páxina web damos un pasu más escontra la tresparencia. González, que tamién ye coordinador d’IX en Castiella y Llión, fixo esta valoración demientres la presentación en rueda de prensa de les novedaes de la ferramienta n’Internet de la fundación que dirixe, venceyada a IX. Nel contactu colos medios de comunicación na see federal d’IX, na que tamién tuvieron presentes el so coordinador federal y el secretariu executivu d’Economía y Emplegu, Cayo Lara y José Antonio García Rubio, respectivamente, el presidente de Pola Europa de los Ciudadanos esplicó que la nueva web inclúi la publicación del balance y la memoria de les nueses cuentes, les postreres que fueron visaes a nivel oficial, les de 2012. Yá tán a disposición de la ciudadanía y, si nun me equivoo, ye la única fundación dependiente d’una organización política que dio esti pasu escontra la tresparencia. 18 de marzu, 2014 0 FacebookTwitterPinterestEmail
Lliteratura I Concursu de Videopoesía República de la Poesía by asturnet 18 de marzu, 2014 Una serie de colectivos culturales ciudadanos sofiten la iniciativa de convocar el primer Concursu de Videopoesía República de la Poesía: el Colectivu Artísticu Musa Cafeína, l’Atenéu Obreru de Xixón, la Sociedá Cultural Xixonesa, el Espaciu Cultural La Manzorga y el Colectivu Versos Llibres. Tratase de que, a partir de la obra poética, la vida y los enclinos políticos de Machado, cualquier persona col so móvil, cámara dixital o cualesquier otru dispositivu afayadizu, traduza les imaxes poétiques o escenes de la vida del poeta n’imaxes que puedan proxectase, faciendo de la orixinalidá, l’usu estéticu de les nueves tecnoloxíes y la palabra, un argumentu y una forma d’espresión. 18 de marzu, 2014 0 FacebookTwitterPinterestEmail
Cine Los Colexos asturianos ya tienen el cine d’Esbilla 2013 by asturnet 18 de marzu, 2014 Esti llunes 17 de marzu terminó la distribución de 900 unidaes del DVD ESBILLA 2013 a organismos, escueles y personalidaes de los ámbitos cinematográficos y culturales d’Europa y los EEUU. Otres 100 unidaes destínense a promoción n’Asturies y fondu de la productora. El DVD inclúi dellos curtiumetraxes del más recién cine asturianu. ESBILLA 2013 inclúi cinco curtiumetraxes, THE STORYTELLER d’Eliana Álvarez, con John Nutt, Richard Kohn y Kate Loitz; A GOLPE DE TACÓN d’Amanda Castro, protagonizáu por Cristina Marcos, Lola Herrera, Belén Ponce de León, Fernando Andina y Fran Sariego; LA MIRADA CIRCULAR de Jim-Box, Dirk Soldner ya Iván Sáinz Pardo, con un repartu formáu por Carmen Mier, Jorge Juanes, Inés Mallada, Jorge Moreno, Fernando Marrot, Felix Corcuera, Laura Mallada y Elisa Mier; LE FUTUR de Benjamín Villaverde, colos actores Jorge García Blanco, B. Pozas, Léa Dupiellet, Daniel Álvaro Rodríguez Meliande, Silvia Lacera Acebal y Jorge Moré; y DOBLAJE d’Omar Tuero, que protagonicen Izar Gallo, Fernando Marrot y Félix Corcuera. N’ESBILLA 2013 tamién afayamos un documental, LOS QUE VUELVEN, rodáu en 1930 nos conceyos de Noreña, Siero y Xixón y que cunta con testos de Pachín de Melás, y el clásicu cinematográficu L’ACORAZÁU POTEMKIN rotuláu n’asturianu con una tradución de Sixto Cortina. Esti DVD, producíu por Gonzali Producciones col apoyu de la Fundación Municipal de Cultura de Xixón, axunta en total más de 170 minutos de cine. 18 de marzu, 2014 0 FacebookTwitterPinterestEmail
Música Cursu de Bandurria en Llaranes by asturnet 18 de marzu, 2014 Esti prósimu sábadu día 22 de marzu del 2014, celebraráse en LLaranes, Asturies, un CURSÍN de bandurria asturiana empobináu pol músicu Dani García de la Cuesta, y un ALCUENTRU DE BANDURRIEROS. El cursín tá despeslláu a tolos niveles y nun fai falta tener conocimientos previos. Tendrá esti horariu, de 10,30 a 14 hores y de 16 a 20, y desendolcaráse como vien darréu: -Sábadu día 22, LLaranes, nos locales del Aula de Cultura Popular, Centru Municipal dAsociaciones, tercer pisu, Plaza Mayor de LLaranes. LAlcuentru de bandurrieros, celebraráse nel chigre El Cafetón, c/ Sol 8, Avilés, a partir de les 21,30. LAlcuentru tá despieslláu a la llibre participación de músicos venceyaos a la bandurria, el rabel y la gaita rabil. La xente interesao puede contautar anantes cola organización o averase dafechu al llugar. El coste de matrícula del cursín ye de 15 euros. AL TANTU, col enfotu datender lo meyor posible a les persones participantes, ufiértense SEIS PLACES, si hubiere más xente interesao la organización intentará entamar otros cursinos en feches prósimes. Aquelles persones que nun tengan instrumentu, tendrán de comunicalo nel intre dapautase, pa, na midía les posibilidaes de la organización, apurri-yos ún. Les persones interesaes pueden contautar cola organización nes señes que vienen darréu, onde facilitaráse tola información complementaria sobre esti eventu: dagarcuesarrobayahoo.es 18 de marzu, 2014 0 FacebookTwitterPinterestEmail
Educación Vicente Gotor reclama protagonismu pala Universidá nel PCTI by asturnet 18 de marzu, 2014 El rector de la Universidá d’Uviéu, Vicente Gotor, reclamó esti llunes na Xunta Xeneral del Principáu que la Universidá d’Uviéu tendría de tener más protagonismu nel Plan de Ciencia, Tecnoloxía ya Innovación (PCTI) 2013-2017, porque “cuando se fala d’un plan de Ciencia y tecnoloxía, la investigación básica y tamién l’aplicada ye fundamental”. La reclamación de Gotor produxose nes comparecencies nel Parlamentu sobre’l nuevu Plan de Ciencia nes que tamién participaron represenantes empresariales y de la sociedá civil. Xunta Gotor faló tamién pela Universidá la Vicerrectora d’Investigación, Paz Suárez Rendueles, que dexó bien a les clares que dende la Universidá consideren que se debería incorporar al Plan más ciencia y tecnoloxía y que la so denuncia diba pola escasa presencia de protagonismu de la institución nun Plan “qu’ignoró dafechu’l plan de conversión de campus d’excelencia que dexó de tener financiamientu del principáu dende 2012”. La Universidá d’Uviéu namái ta presente en dos de la totalidá de les llínees d’actuación que contempla dichu Plan, polo que reclama falta de concrección presupuestaria pa llograr caún de los oxetivos previstos y consideró enforma optimista la previsión sobre fondos privaos. 18 de marzu, 2014 0 FacebookTwitterPinterestEmail
Política Andecha va cola coallición LOS PUEBLOS DECIDEN by asturnet 17 de marzu, 2014 Andecha Astur tomará parte nes elleiciones al Parllamentu Européu xunta con EH Bildu (Euskal Herria), BNG (Galiza), Puyalón de Cuchas (Aragon), UPC y ANC (Canaries). Andecha Astur participará nes elleiciones al Parllamentu Européu que tendrán llugar el 25 de Mayu, dientru la coallición LOS PUEBLOS DECIDEN, soscribiendo un sopelexu común nel que se recueye la nuesa llectura compartía sobro’l contestu nel que tienen llugar estos comicios. La candidatura a la que-y dan puxu presentaráse públicamente nes prósimes selmanes. 17 de marzu, 2014 0 FacebookTwitterPinterestEmail
Comunicación La XDLA aplaude con matices la nueva programación de la RPA qu’inclúi un informativu en llingua asturiana by asturnet 17 de marzu, 2014 “Un avance pal asturianu en RTPA, anque con matices”, asina titula la Xunta Pola Defensa de la Llingua una nota de prensa que vieno acabante d’asoleyar esti día pa da-y la bienvenía na radio pública al estrenau del so primer informativu nasturianu esti llunes 17 de marzu a les 13 hores. Sigún la XDLA “va dase un reblagu importante pa la presencia del asturianu nos medios de comunicación públicos”. La Xunta diz que “nesi momentu, va empezar un boletín de noticies de diez minutos nasturianu. Va ser el primer informativu nel nuestru idioma de la historia de RTPA, quamás va ufrir una visión del mundu en clave asturiana. Ye un avance pol fechu de la so importancia simbólica: que linformativu sía nel idioma propiu ayuda a fomentar la sensación de normalidá, porque la noticia yá nun yel fechu dusar la llingua asturiana sinón la información en sí”. La Xunta pola Defensa de la Llingua Asturiana (XDLA) felicita a la dirección de RTPA por esti pasu dau, “anque tien mieu de qu’esta iniciativa tuviere muncho más que ver col interés de los mesmos trabayadores que col los encargaos de xestionar los medios públicos. La prueba ta en quesi mesmu día TPA estrenal so primer informativu matinal, con dos hores de duración y dafechu en castellanu. Ehí queda una seña clara de la importancia que se da a cada idioma en tiempos, medios y promoción”. Con too, esperen questi pasu tan importante “síal primeru pa que vaiga medrando la duración del espaciu radiofónicu nuevu y pa que tamién, bien ceo, podamos ver informativos nel nuestru idioma na televisión”. 17 de marzu, 2014 0 FacebookTwitterPinterestEmail