Asturies llideró la tasa de mortalidá nel 2006

Asturies foi la comunidá autónoma con una mayor tasa de mortalidá nel 2006, que s’asitió en 1.166,7 muertos por cada 100.000 habitantes, según datos del Institutu Nacional d’Estadística (INE) recoyíos por Europa Press. Per detrás d’Asturies ta Galicia con una tasa de 1.080 muertes por cada 100.000 habitantes, Castiella y Llión, Aragón y Cantabria. Toes estes comunidaes tán penriba de la media nacional (843 casos).

A nivel xeneral, les enfermedaes cardiovasculares fueron la primera causa de muertes nel 2006, siendo responsables del 32,5%, de los muertos n’España. En segundu llugar, tuvieron un añu más los tumores, causantes de 101.669 defunciones, un 1,2 por cientu más que nel 2005. Nun tercer puestu, los males del sistema repiratoriu, que mataron a 39.486 persones l’añu pasáu, según informó güei l’Institutu Nacional d’Estadística. En total, l’añu pasáu morrieron n’España 371.478 persones, 15.877 menos que les rexistraes nel 2005. La tasa bruta de mortalidá s’asitió en 843 muertos por cada 100.000 habitantes, lo que supón una disminución del 4,1% respecto al 2005, añu nel que s’incrementaron les muertes por enfermedaes agravaes pol efectu de la gripe.