Portada Conceyos ASATA celebra la segunda sesión de “Inverimpact Xixón”

ASATA celebra la segunda sesión de “Inverimpact Xixón”

by redacción asturnews

La la segunda sesión de la xornada “INVERIMPACT Xixón”, que ta organizando ASATA,  va amosanos nueves opciones de desenvolvimientu empresarial pa Xixón nuna conferencia online na qu’entá puen inscribise los interesaos.

L’oxetivu d’esta xornada va ser fomentar una cultura del impactu ente empreses y organizaciones pa faer ver que ye posible influyir en procesos clave que promuevan l’impactu social dende’l senu de la idea de negociu y l’actividá económica ensin perder la rentabilidá nin la crecedera.

Esti xueves 23 de febreru a les 12 h en formatu online vamos tener la posibilidá de cuntar con Carlos Ballesteros, director y co-productor del podcast “midiendo’l Cambéu”, que va compartir colos asistentes un puntu de vista d’analís y académicu sobro les oportunidaes del impactu social pa les empreses; lo mesmo que de consultoría y orientación empresarial nos siguientes ámbitos: microfinanzas y emprendimiento social, comunicación, marketing y sofitu a organizaciones sociales.

La so amplia esperiencia nel mundu de la economía y el emprendimiento pal desenvolvimientu, la consultoría social empresarial, y la xestión y midida del impactu va ufiertanos otra visión pa crear empreses con propósitu qu’arriquezan el texíu empresarial de Xixón.

Tres la xornada inaugural celebrada’l pasáu día 02 de febreru, que corrió al cargu de David Sandoval, director d’inversiones n’España de Global Social Impact Investment, y que s’atopa disponible nel siguiente enllaz, esta va ser la segunda xornada temática del proyectu. Pueden inscribise a la mesma al traviés del siguiente formulariu: https://asata.es/invertir-y-impactar-de forma responsable-opciones-y-posibilidaes/

L’actu de clausura va tener llugar de forma presencial el próximu día 15 de marzu a les 11.30 h nel salón d’actos del Edificiu Impulsa nel Parque Científicu Tecnolóxicu, y va cuntar cola intervención de Javier García, espertu en finances, director d’inversiones y sociu fundador de la xestora de capital riesgu LUAFund y del movimientu Asturies Growth, fundador y editor de Sintetia.com, consideráu unu de los meyores portales de finances y management. P’allegar a esta última xornada, pueden inscribise equí.

Tamién te podria gustar