Alrodiu 5000 muyeres y moces participaren nes 102 actividaes de la conceyalía d’Igualdá en 2017

Alrodiu 5000 muyeres y moces participaren nes 102 actividaes promovíes y entamaes dende’l Centru Asesor, la Casa d’Alcuentru, el Centru de Documentación y el Conseyu Municipal de la Muyer d’Avilés en 2017.

La conceyala Raquel Ruiz destaca’l calter tresversal de les árees municipales d’igualdá, mocedá y educación y asegura que “les muyeres d’Avilés siguen demostrando que quieren ser más visibles y que tienen una voluntá de participación y reivindicación creciente” La conceyala  qu’informara hai poco d’estes actividaes destaca que “siguimos trabayando de manera tresversal colos servicios municipales d’Educación y Mocedá, especialmente nel desenvolvimientu de programes que potencien los bonos tratos ente los más nuevos”. Nesti sentíu, anunció anguaño va estendese l’algame del programa “Educando los Bonos Amores” al alumnáu de Formación Profesional Básica d’Avilés.

La conceyalía d’Igualdá del Conceyu d’Avilés siguió reforzando ya intensificando la so actividá demientres 2017. Un añu más  tuvo incidiendo tanto n’acciones de dinamización de la participación de les muyeres na sociedá como na promoción de la igualdá y de la prevención de la violencia de xéneru -especialmente ente los y les nueves-, emprestando amás atención integral a les víctimes al traviés del Centru Asesor de la Muyer.

Al igual que n’años anteriores, les actividaes llevaes a cabu dende la conceyalía d’Igualdá en 2017 enmarcaronse nel cumplimientu de los oxetivos tantu de la Carta Europea pa la Igualdá de Muyeres y Homes na vida local -aprobada pol Plenu municipal el 15 de mayu de 2008- como del II Plan Integral contra la Violencia de Xéneru nel conceyu d’Avilés, según nes conclusiones y encamientos del informe d’evaluación del III Plan d’Igualdá d’Oportunidaes ente muyeres y homes.

Como datos globales, 4.435 muyeres y moces participaron nes 102 actividaes, actos y talleres en materia de fomentu de la igualdá y los bonos tratos promovidos pola conceyalía d’igualdá del Conceyu d’Avilés. A estes cifres suman les 1.351 demandes rexistraes pel Centru Asesor de la Muyer y el siguimientu de 181 ordes de protección a muyeres víctimes de malos tratos.

Estos datos de participación nun inclúin a les persones participantes nos distintes actividaes programaes por cuenta de les siguientes xornaes conmemorativas: Día Internacional de les Muyeres, Día Internacional contra la Esplotación Sexual y el tráficu de Muyeres, Neñes y Neños y Día Internacional contra a Violencia escontra les Muyeres.

Más información