Aconceyamientu ente’l CAO y UAS

El Conceyu Abiertu pola Oficialidá aconceyó colos candidaatos de la Unión Asturianista, que treslladaron al colectivu el so compromisu cola oficialidá del asturianu y la so voluntá de desenvolver l’actual Llei d’Usu y Promoción del Asturianu.
El candidatu a la presidencia d’Asturies, Sergio Marques, y el candidatu a l’alcaldía de Xixón mantuvieron ayeri un alcuentru con Fernando Ornosa y Xulio Casado, representantes del Conceyu Abiertu pola Oficialidá. Nesti aconceyamientu los dirixentes de la Unión Asturianista treslladaron a los representantes del CAO’l so compromisu cola cooficialidá del castellano y del asturianu n’Asturies. Asina mesmo remarcaron la importancia que-y daríen al desarrollu de la Llei d’Usu y Promoción del Asturianu, que saliera alantre nel periodu de gobiernu de Sergio Marques.
Na reunión Marques aseguró que si algamaben la representación na Xunta Xeneral entamaríen un procesu de reforma estatutaria al marxe de mayoríes parlamentaries. Sánchez Vicente, candidatu de la UAS a l’alcaldía de Xixón, afitó’l so rechazu a les polítiques llingüísitiques que dende’l gobiernu PSOE-IX se tán desenvolviendo, en concretu’l llider asturianista fizo referencia a los pilancos que sofren les ordenances del usu del asturianu nel conceyu de Xixón, situación qu’a xuiciu de Sánchez Vicente nun pasaría cola situación d’oficialidá.