El Conceyu y ADEIPA ponen en marcha’l programa “Uviéu Inclúi”

El conceyal d’Economía y Empléu, Rubén Rosón, presentó esta selmana’l programa “Uviéu Inclúi”, frutu del conveniu suscritu ente’l Conceyu y l’Asociación d’Empreses d’Insertamientu del Principáu d’Asturies (ADEIPA) que tien como oxetivu contribuyir a les xeneración d’un territoriu más inclusivu.

El proyectu “Uviéu Inclúi” tien como oxetivu contribuyir a les xeneración d’un territoriu más inclusivu al traviés de preseos como les empreses d’insertamientu y la contratación pública responsable, dando respuesta al retu de la inclusión de les persones en situación de riesgu d’esclusión social dende la xeneración de propuestes amestaes a les empreses del territoriu y a los axentes sociales.

El proyectu presentáu esta selmana vertebrase en cuatro exes: la promoción d’empreses d’insertamientu como preséu que dexa xenerar oportunidaes d’empleabilidá; l’impulsu de la reserva de mercáu pa empreses d’insertamientu y l’introducción de clauses sociales na contratación pública; la creación d’una rede d’empreses responsables col insertamientu y el emprendimiento inclusivu. Trátase, a última hora, de fomentar “l’emplegu sostenible porque económicamente aguanta muncho meyor la crisis y ta amestáu al trabayu d’atención y curiáu a les persones, trabayos que difícilmente van poder ser amortizados d’equí a venti años”, indicó Rosón, estimando “el trabayu que dende l’entamu d’añu lleva a cabu ADEIPA dende’l Telecentro”.