Patrimoniu La revista Cultures fai un repás a la cultura de la fiesta nAsturies nel so númberu 15 by asturnet 11 de febreru, 2008 foto1>LAcademia de la Llingua Asturiana espublizada dende va diecisiete años la revista Cultures, una publicación que dirixe lantropólogu, académicu y profesor de la Universidá dUviéu, Roberto González-Quevedo. El so númberu 15, acabante de ponese a la venta, ta dedicáu nesti casu, y en forma de númberu monográficu, a les fiestes nAsturies, dende los aspectos más tradicionales a los cambios esperimentaos nes últimes décades. Ente los autores que firmen trabayos tán Joaquín Fernández García, Concepción Lada Tuñón & Genaro Alonso Megido, Pilar Fidalgo Pravia, Matilde Fernández Álvarez, Xosé María García Sánchez, Llorián García Flórez, Vicente Rodríguez Hevia, Josefa Couceiro Gestal & Severino Antuña González, Juan José Domínguez Carazo & Nacho Fonseca Alonso, Mª Antonio Pedregal Montes, Xandru Martino Ruz, Mª Aurina González Nieda y Jesús Fernández Reyero ente otros. Apaeciendo estudios de munchos conceyos asturianos y de dellos del norte de Lleón. Conteníu completu del númberu 15 de Cultures 11 de febreru, 2008 0 FacebookTwitterPinterestEmail
Patrimoniu El Gobiernu aproból decretu doficialización de la toponimia del conceyu de Riosa by asturnet 6 de febreru, 2008 El Conseyu de Gobiernu dio esti llunes el preste al decretu pol que se determinen los topónimos oficiales del conceyu de Riosa. Con ello, los topónimos tradicionales, nasturianu, pasen a ser los únicos oficiales, sacantes dalgunes escepciones onde se caltién el topónimu billingüe. Les alministraciones públiques han dir adecuando los cartelos y rotulaciones públiques de Riosa, asina como mapes y planos. Con esti, van 26 conceyos cola toponimia tradicional aprobada, magar de les llargues étapes nes quel gobiernu paraliza les aprobaciones. 6 de febreru, 2008 0 FacebookTwitterPinterestEmail
Patrimoniu Ediciones La Cruz prepara una revista destudios llocales sobre Xixón by asturnet 4 de febreru, 2008 La editorial La Cruz de Grau, ta acabante danunciar la so intención despublizar un nuevu proyeutu, una revista destudios llocales de Xixón que va tener por títulu “Vieya Gigia” y que va tratar de recoyer diversos artículos de diferentes disciplines rellacionaes col conceyu. La revista va ser, amás, como la propia ciudá de Xixón, billingüe. La publicación, diz el xerente de la editorial, ñaz col oxetivu de caltener viva la identidá del conceyu xixonés al traviés de la pallabra escrita que va a perdurar cola fin de tresmitir esti llegáu a les xeneraciones vinientes. Arqueoloxía, economía, xeografía, folclore, xeoloxía y otros temes van enllenar cada seis meses les 132 páxines de 21×21 centímetros. Nel proyectu confimaron la so collaboración, ente otros, Chema Vega, José Luis Suárez, Tino Lozano, Janel Cuesta, Inaciu Galán, Boni Ortiz, Xurde Morán y Alberto Álvarez Peña. Sicasí, la editorial ta abierta a nueves inclusiones. La estensión máxima destes collaboraciones ha ser de seis páxines y pueden incluyise fotografíes, gráficos , lo mesmo en castellán, que nasturianu. Hastal 15 de marzu ta abiertul plazu pa esti primer númberu. Les collaboraciones pueden mandase a vieyagigia@yahoo.es 4 de febreru, 2008 0 FacebookTwitterPinterestEmail
Patrimoniu Alredor de 300 persones asistieron al III Conceyu Abiertu del Texu n’Abamia by asturnet 4 de febreru, 2008 Alredor 300 persones asistieron en Corao al III Conceyu Abiertu del Texu pa sofitar la denuncia polos daños ocasionaos a los texos durante les obres de restauración na Ilesia d’Abamia. “La execución de la obra foi verdaderamente espantosa. Ye inadmisible. Ye un despropósitu, una falta de sintíu común y una falta de respetu tantu al edificiu como a la naturaleza el so entornu”, dixo’l presidente de l’Asociación Cultural d’Abamia, Paco Pantín . Amás los representantes de l’Asociación Cultural d’Abamia pidieron la inclusión d’esta ilesia nel plan director del Prerrománicu Asturianu pa que tolos monumentos venceyaos de dalguna manera al Reinu d’Asturies sían trataos col mesmu procuro que los prerrománicos. Per otra parte tamien anunciaron la so participación nun congresu científicu de la Dirección Xeneral de Patrimoniou Cultural, que se va cellebrar el prósimu fin de selmana en Cangues d’Onís, nel que van tratase temes tocantes a la restauración del patrimoniu cultural y monumental d’Asturies y de elementos como la Ilesia d’Abamia. 4 de febreru, 2008 0 FacebookTwitterPinterestEmail
Patrimoniu “El Garrapiellu” fala güei de la importancia del texu nel Atenéu Obreru de Xixón by asturnet 31 de xineru, 2008 Güei a les 19:30 hores, nel Atenéu Obreru de Xixón, asitiáu na cai Cuadonga, 7, El Garrapiellu va ufrir la charra dIgnacio Abella , La cultural texu, esplendor y decadencia d’un patrimoniu esencial. A lo llargo d’esta esperiencia van presentar, al traviés d’imáxenes y hestories, ún de los patrimonios naturales y culturales más desconocíos d’Asturies y d’Europa: los texos. El Garrapiellu organiza en Xixón una charra sobre la cultural texu 31 de xineru, 2008 0 FacebookTwitterPinterestEmail
Patrimoniu Ignacio Abella va falar sobre la cultura’l texu nel Atenéu Obreru de Xixón by asturnet 30 de xineru, 2008 L’investigador, naturalista y escritor Ignacio Abella va tar dando una conferencia esti xueves 31 de xineru na sede del Ateneu Obreru de Xixón alredor de la cultura’l texu. “La cultura’l texu. Esplendor y decadencia d’un patrimoniu esencial” ye’l nome d’esta charra, va entamar a les 19:30 hores y ta organizada pola tertulia cultural “El Garrapiellu”. Durante la conferencia, Abella va acompañar la so pallabra con imáxenes de dalgunos de los texos más representativos de la rexón, munchos d’ellos centenarios.Tamien falará de la necesidá d’avanzar na proteición d’esti patrimoniu natural, paisaxísticu y cultural de nueso, escontra l’aición indiscriminada del home col exemplu del texu d’abamia como referente más cercanu. 30 de xineru, 2008 0 FacebookTwitterPinterestEmail
Patrimoniu El Garrapiellu organiza en Xixón una charra sobre la cultural texu by asturnet 30 de xineru, 2008 Mañana xueves, a les 19:30 hores, nel Atenéu Obreru de Xixón, asitiáu na cai Cuadonga, 7, El Garrapiellu va ufrir la charra dIgnacio Abella , La cultural texu, esplendor y decadencia d’un patrimoniu esencial. A lo llargo d’esta esperiencia van presentar, al traviés d’imáxenes y hestories, ún de los patrimonios naturales y culturales más desconocíos d’Asturies y d’Europa: los texos. Los texos cabo les ilesies y ermites, palacios, casones y otros llugares significativos de tolos nuesos pueblos tienen un estraordinariu valor pola so edá (munchos dellos centenarios) y pol so sentíu espiritual y simbólicu, cultural, social, paisaxísticu, históricu, etc.; como árboles centrales y de conceyu. Sicasí, nos últimos tiempos tán sufriendo un escontrillamientu aceleráu poles frecuentes obres ya igües que causen la so muerte o agonía enantes de tiempu. Pa El Garrapiellu ye importante nesti momentu tomar conciencia de tolo questos árboles significaron y signifiquen inda, y abordar la decidida proteición de tou esti llegáu, que representa un verdaderu patrimoniu de la humanidá. Ignacio Abella ye investigador, naturalista y escritor. Collaborador habitual dIntegral, Cuerpo Mente y otres publicaciones, tien escrito llibros como El Hombre y la Madera, La Magia de los Árboles y La Memoria del Bosque. 30 de xineru, 2008 0 FacebookTwitterPinterestEmail
Patrimoniu LAcademia de la Llingua Asturiana asoleya una entrega nueva de la coleición Toponimia by asturnet 28 de xineru, 2008 La parroquia dAces, del conceyu de Candamu, ye la última de les parroquies cola toponimia asoleyada dientro de la coleición de lAcademia de la Llingua Asturiana, Toponimia. Col númberu 119 la recopilación ta basada nel trabayu de campu con entrevistes orales que ficieren los hestoriadores Andrea Miranda Duque y Juan Ignacio Santos Rodríguez. Miranda espublizare yá nesta coleición, nesti casu con Alejandro Rodríguez Alonso, la toponimia de la parroquia dAgüeria, asitiada nUviéu.. Nos cartafueyos desta coleición apaecen los nomes de la toponimia menor de les parroquies: praos, tierres, cases, llugares, regueros, fontes, zones, barrios y una pequeña descripción de caún de les entraes. Nesti casu la parroquia tien namás un pueblu, Aces, que ta espardíu per La Sierra Piedrafita. Dientro dél estrémense dellos barrios: Barréu, La Cai, Forna, El Pueblu y El Sucu. Tien amás una parte de la parroquia nel pueblu de La Mortera, llugar que tamién comparten les parroquies de San Tisu y Praúa. Con esta obra yá son dos les parroquies del conceyu de Candamu espulizaes na coleición Toponimia: Aces y El Valle. El próximu númberu de la coleición va tar dedicáu a la parroquia de La Collá, asitiada en Siero y tien por autores a Marta Lozano Carbajal ya Inaciu Galán. 28 de xineru, 2008 0 FacebookTwitterPinterestEmail
Patrimoniu Carreño va convocar beques pa recopilar la toponimia de les parroquies del conceyu by asturnet 23 de xineru, 2008 La Comisión de Cultura del Conceyu de Carreñó aproból 17 de Xineru por tolos grupos políticos la convocatoria dunes beques pa la recopilación de la toponimia del conceyu. Inicialmente, y en collaboración cola Academia de la Llingua Asturiana, l’Ayuntamientu convocará estes beques pa facer los trabayos d’investigación, y será l’Academia quien los vaya publicando. Al final d’esti procesu, y colos trabayos de toles parroquies completaos, l’Ayuntamientu recopilará y editará un llibru con tola toponimia menor del Conceyu. Esta propuesta trata de recuperar y evitar que se pierdan los nomes tradicionales de llugar asturianos: nomes d’accidentes xeográficos, montes, praos, cases, ríos, fontes, etc, y pretende rescatar la sabiduría popular y les denominaciones tradicionales que demientres sieglos fueron emplegaes polos vecinos de Carreño. Les denomaciones van acompangaes d’una curtia descripción de caúna d’elles, gracies a les informaciones de bonos falantes y conocedores de la xeografía. D’esta mena, y con esta propuesta, nesta llexislatura completaráse la recopilación de los nomes de llugar asturianos de les parroquies del Conceyu. Esti proyeutu d’investigación toponímica foi entamáu nos años 90 pola Academia de la Llingua Asturiana, que ya tien investigaos y publicaos pa Carreño los estudios de les parroquies de Tamón, Ambás, El Valle y Candás, polo que les beques diríen dirixíes a les 8 parroquies que tienen pendiente l’estudiu. A día de güei, l’Academia de la Llingua Asturiana tien publicáu l’estudiu toponímicu d’unes 125 parroquies de les 1000 qu’aproximadamente tien Asturies. Carreño convertiríase, xunto con Amieva, nel primer conceyu que completa l’estudiu de la toponimia menor. 23 de xineru, 2008 0 FacebookTwitterPinterestEmail
Patrimoniu L’Arzobispáu y la Fundación Masaveu van trabayar xuntos nel mantenimientu de la Cámara Santa by asturnet 23 de xineru, 2008 L’Arzobispáu d’Uvieu, Carlos Osoro a la cabeza y la Fundación María Cristina Masaveu Peterson tan acabante de firmar un conveniu pa collaborar nel mantenimientu y adecuación de los tesoros de la Cámara Santa de la Catadrel ovetense y los elementos del so entornu. Les actuaciones van facese a lo llargo d’esti 2008 coincidiendo cola cellebración del añu santu xubilar y del centenariu de les cruces de los ánxeles y de la victoria. Una de les meyores va ser l’acondicionamientu, mediante la construcción d’una alfombra de madera, del accesu a la Cámara Santa a dín de protexer la escalera barroca de Francisco de la Riva. Tamien van renovase los elementos espositivos, hologrames y realidaes virtuales, esistentes ya incorporar nuevos elementos informativos en tres dimensiones sobre los tesoros na girola de la catedral. 23 de xineru, 2008 0 FacebookTwitterPinterestEmail