Sociedá Ecoloxistes denuncien l’espilfarru de les lluces navidiegues by asturnet 2 d'avientu, 2008 L’asociación Ecoloxistes n’Aición denunció esti llunes el “espilfarru’ que supón el plan d’allumbráu navideñu d’una parte importante de les ciudaes españoles, atalantando que ye “ecolóxicamente inaceptable, ya quelloñe del “supuestu espíritu navideñu, tenta de recuperar la cultra del consumismu pa que les grandes superficies puean continuar faciendo caxa”. La organización ecoloxista informó nun comunicáu que les lluces d’estes navidaes van costar un total de 7.557 euros diarios en Valladolid y 3.600 euros n’Uviéu. Esto según los sos cálculos, torna nun aumentu d’un 15 por cientu si comparamos eses cifres coles del añu pasáu en Madrid, o d’un 20 por cientu si facemos lo mesmo con Barcelona. 2 d'avientu, 2008 0 FacebookTwitterPinterestEmail
Sociedá Xixón ye más caro qu’Uviéu menos nes “marques blanques” by asturnet 2 d'avientu, 2008 El primer estudiu del Observatoriu de Precios del Comerciu Minorista, espublizáu pol Ministeriu d’Industria, Turismu y Comerciu amuesa que Xixón ye más caro qu’uviéu pa mercar alimentos, pero si són de marca blanca, la villa Xovellanos asitiase como la más aforradora d’españa. Les ciudaes españoles onde la cesta de la compra ye más cara son Bilbao, Cádiz y Valencia. Xixón alcuéntrase averada al nivel de precios de les zones con precios más altos y, a la escontra, la capital averase a los llugares más económicos. Esti Observatoriu del Ministeriu d’Industria fai una segunda clasificación sobre una “cesta económica”, que se centra en productos xeneralmente de lo que se noma como marques blanques y de preciu más baxu. Nesti casu, Xixón apaez como la ciudá española onde es’aforra más (cásique un 40 por cientu) si s’apuesta por estos productos. L’aforru ye del 34 por cientu n’Uviéu. En Xaén, por exemplu, el preciu del pescáu pue camudar un 70% según onde se merque. Primer Informe Trimestral del Observatoriu 2 d'avientu, 2008 0 FacebookTwitterPinterestEmail
Sociedá La Xunta entrega los Premios Andrés Solar 2008 a SoftAstur y Fernando Lastra by asturnet 27 de payares, 2008 La Xunta pola Defensa de la Llingua Asturiana vieno acabante facer anuncia de los gallardoniaos colos Premios Andrés Solar del añu 2008, que foron pa Softastur, “El Pegollu”, y Fernando Lastra, “El Madreñazu”. SoftAstur ye una iniciativa de calter cívicu que traduz al asturianu programes de códigu llibre. La versión negativa de los Premios Andrés Solar, “El Madreñazu”, ye nesta ocasión pa Fernando Lastra Valdés, portavoz parllamentariu del Partíu Socialista na Xunta Xeneral, pol “papel desempeñáu a lo llargo de bien d’años cola so actitú contra tolo que suponga un avance o meyora pa la situación del asturianu, y especialmente nel últimu añu, pola so actitú contra’l reconocimientu de la llingua asturiana como llingua oficial”. 24 ediciones Los Premios Andrés Solar algamen nesti 2008 la so XXIV edición y como nos sos ventricuatro años de vida, los premios tienen una vertiente doble: per un llau, la Xunta premia a una entidá o persona que rescamplara nel últimu añu pol so llabor en defensa de l’asturianu. Esti reconocimientu materialízase n’El Pegollu, que nesta ocasión foi pa Softastur, “una plataforma de programadores y traductores en llingua asturiana dedicada a la traducción y desarrollu de software llibre n’asturianu. Ente los proyectos de Softastur que se puen destacar tán el Sistema Operativu Ubuntu, el caltenimientu del navegador Firefox en Llingua Asturiana, y el proyectu MediaWiki. Pa la Xunta pola Defensa de la Llingua Asturiana ye mui de valorar el trabayu constante y desinteresáu de les persones que formen parte de Softastur, abriendo camín pal usu de la llingua asturiana nel ámbitu de les tecnoloxíes nueves, volviendo a amosar que l’asturianu tien y pue tar en tolos ámbitos de la vida moderna”. Los Premios Andrés Solar tienen tamién una versión negativa, que reconoz a la persona o entidá que rescamplara pol so llabor negativu pa cola llingua asturiana. Esti dudosu honor represéntase con un “Madreñazu”, que na edición de 2008 va “pal portavoz del grupu parllamentariu de la FSA-PSOE, Fernando Lastra Valdés, pol papel desempeñáu a lo llargo de bien d’años cola so actitú contra tolo que suponga un avance o meyora pa la situación del asturianu, y especialmente nel últimu añu, pola so actitú contra’l reconocimientu de la llingua asturiana como llingua oficial d’Asturies nel testu del estatutu asturianu. Lastra recibe l’antipremiu porque, como representante de la Federación Socialista, ye ún de los ponentes que llanzó la propuesta d’artículu 4u del estatutu, que condena al asturianu a ser una llingua fuera de la categoría que nel marcu constitucional se-yos da a les llingues propies del estáu”. L’actu d’entrega de los Premios Andrés Solar va ser el día 20 d’avientu, nel Salón d’Actos del Antiguu Institutu de Xixón. D’equí a unos díes van conocese más datos sobre l’actu, que va facer el númberu 24 na so hestoria. Páxina web y wiki de SoftAstur 27 de payares, 2008 0 FacebookTwitterPinterestEmail
Sociedá El BOPA publica’l sábadu la primer tanda d’ayudes pa ordenadores y n’Avientu la segunda by asturnet 26 de payares, 2008 Los Reis Magos van trayer cosigo les ayudes p mercar ordandores que diere’l Gobiernu a los mozos con menos de 35 años y que nun acababen de dase entamando n estos díes a orixinar quexes ente la mocedá asturiana. El Boletín Oficial del Principáu d’Asturies (BOPA) d’esti próximu sábadu publica la resolución de les 24.374 solicitudes d’ayuda a la compra d’ordenadores y conexón a Internet, lo que va permitir entamar a pagales demientres la próxima selmana. Facer frente a estes ayudes va suponer un gastu de 9,5 millones d’euros. Del total de solicitudes, el 60,8% yera pa mercar ordenador, el 34,6% pa coneutase a Internet al tiempu que se mercaba l’ordenador y el 4,5% sólo pa tener conexón a la rede.Casi la metá les solicitúes foron d’homes, con Xixón como la ciudá de la que veníen el 26,5% de les solicitudes. Tres d’esta primer tanda d’ayudes queden por resolver otros dos periodos de solicitudes, resolviéndose’l segundu nel mes d’avientu. 26 de payares, 2008 0 FacebookTwitterPinterestEmail
Educación Vicente Gotor valora positivamente laprobación del minor dasturianu by asturnet 25 de payares, 2008 El rector de la Universidá d’Uviéu, Vicente Gotor, valoró ayeri laprobación per parte de la Xunta de la Facultá de Filoloxía de la propuesta de creación d’un Minor de Llingua Asturiana, un títulu que “el decanu trabayó bien y col que tuvo una amplia mayoría, solliñó. Asina s’espresó en declaraciones a Europa Press. Al so xuiciu, esta propuesta supón que “per primer vez na historia de la Universidá d’Uviéu l’asturianu cuente con un títulu universitariu oficial y regláu que, si bien nun va ser equivalente a una llicenciatura, sí va esixise pa poder impartir clases de llingua asturiana tanto n’enseñanza primaria como en secundaria”. El Minor d’Asturianu ye un aspeutu más dientro de la propuesta xeneral de títulos del decanu. La previsión ye qu’estos estudios se pongan en marcha de magar el cursu 2010-2011. Hasta entós, la propuesta ha desarrollase nos diversos planes d’estudios y aprobase n’instancies superiores, tanto autonómiques como estatales. 25 de payares, 2008 0 FacebookTwitterPinterestEmail
Educación Los neños entamen primero a deprender otru idioma n’españa que n’Europa by asturnet 24 de payares, 2008 España ye’l país de la Unión Europea onde los neños entamen primero a deprender un idioma estranxeru, de magar los tres años, pero tamién ye onde menos tiempu mediu se dedica a la llingua estranxera en primaria con sólo’l 6,5% del total según un estudiu de la Comisión Europea. L’estudiu, vieno ellaboráu pola rede d’información sobre la educación n’Europa ‘Eurydice’ y afita que “en delles comunidaes autónomes d’España, los neños entamaron ya deprender una llingua estranxera de magar de los tres años, y esta práutica ta estendiéndose al conxuntu del país demientres l’añua escolar 2008/2009”. La comunidá xermanófona de Bélxica ye otru exemplu del enfotu que lleva a que la enseñanza d’una llingua estranxera entame a los tres años. Poro, na mayoría de los Estaos, los neños entamen a deprender un idioma estranxeru ente los ocho y los diez años. El tiempu dedicáu a la enseñanza d’idiomes estranxeros nes escueles primaries alcuéntrase perbaxo del 10% del horariu llectivu total, menos en Bélxica (14%), Malta (15%) y Luxemburgo (39%). N’España, paez ablucante que’l tiempu mediu dedicáu la llingua estranxera en primaria seya sólo’l 6,5% del total. 24 de payares, 2008 0 FacebookTwitterPinterestEmail
Sociedá Furmientu solicita la declaración del Asturllionés como Bien d’Interés Cultural by asturnet 24 de payares, 2008 Lasociación cultural zamorana Furmientu vienco acabante de presentar eel día 21 de payares nel rexistru de la Junta de Castilla y León un documentu nel que solicita la declaración de Bien dInterés Cultural pal asturllionés. Lobxetivu que lasociación busca al solicitar esta figura de protección llegal pa la llengua llionesa ye “llograr el sou reconocimientu como una esprisión más de la riqueza cultural desta comunidá”. Sigún un comunicáu de que l’asociación asoleyares esti día, “nesti patrimoniu llingüísticu que se quier protexer embaxo la denominación de leonés quedan incluidas las falas llionesas ou asturllionesas tradicionales de las comarcas occidentales de la provincia de Zamora: sayagués, alistanu, carbayés, senabrés…”. Sicasí, Furmientu, pretiende quel testu aprobáu nel estatutu conviertase “cuantiantes nuna realidá y pa ello pidi a lalministración autonómica quemprincipie la xeira de fomentar lempregu oral y escritu del llionés na vida pública y privada, y que tienga llugar una provisión de medios que permitan deprendelu, así como la promoción destudios y investigaciones nas zonas onde ye la llengua tradicional”. La redacción del informe quacompaña la solicitú foi realizada pol xurista y miembru de Furmientu Nicolás Bartolomé Pérez y quedó afitada coles peticiones que vienen darréu: 2) el respetu del área xeográfica del llionés, actuando de tal xeitu que las divisiones alministrativas yá esistentes o nuevas nun torguen el sou fomentu; 3) la necesidá duna acción resuelta de fomentu del llionés, col fin de conservalu naquellas zonas onde on se fala; 4) estorgar y/o fomentar lempregu oral y escritu del llionés na vida pública y na vida privada; 5) el mantenimientu y el desarrollu de relaciones, nos ámbitos quincluye la Carta Europea de las Llenguas Rexonales o Minoritarias, entre los grupos quempreguen el llionés y outros grupos nEspaña y Portugal que falan una llengua utilizada de maneira idéntica o asomeyada , como yel casu del asturianu y del mirandés; 6) la provisión de formas y medios axeitaos pal enseñu y lestudiu del llionés en tódolos niveles nas zonas onde ye llengua tradicional, de maneira asomeyada a como sestá desarrollando lenseñu del idioma gallegu nos centros públicos de las zonas llionesas y zamoranas de fala gallega; 7) la provisión de medios que permitan deprender llionés a los non falantes que residan na comunidá autónoma de Castilla y León, se así lo deseyan; 8) la promoción destudios y investigaciones sobrel llionés nas universidades de la comunidá autónoma. 24 de payares, 2008 0 FacebookTwitterPinterestEmail
Educación El Conceyu Universitariu pol Asturianu felicita a los miembros de la Xunta de Facultá de Filoloxía by asturnet 21 de payares, 2008 El Conceyu Universitariu pol Asturianu (CUPA), declaró al traviés dun comunicáu a los medios que gracies a la decisión de la Xunta de Facultá de Filoloxía dintroducir lasturianu dientro de los estudios reglaos lasturianu va tar per primer vegada como materia dafechu oficial na Universidá dUviéu, lo que consideren un pasu hestóricu pal idioma. Feliciten los miembros del CUPA a los miembros desta Xunta de Facultá pola so responsabilidá y consensu a la hora del votu y recueren questi cambiu dexa abierta la posibilidá de que la propia demanda del enseñu d’asturianu na Universidá, convierta’l ‘minor’ nun ‘maior’ nun futuru. 21 de payares, 2008 0 FacebookTwitterPinterestEmail
Educación La Xunta pola Defensa de la Llingua Asturiana ve nel minor un estatus marxinal by asturnet 21 de payares, 2008 Dempués de l’aprobación de la propuesta de Minor d’asturianu na Xunta de la Facultá de Filoloxía, la Xunta pola Defensa de la Llingua Asturiana caltién la crítica a la solución adoptada, que ye pa la organización “claramente insuficiente, porque caltién a la llingua asturiana nun estatus marxinal, en comparanza col rangu qu’ocupen el restu llingües con estudios reglaos de filoloxía”. La organización afirmó que “nun existen razones técniques que lleven a esta solución de compromisu”. “Nel ámbitu universitariu nun esiste alderique sobre la esistencia como tal de la llingua asturiana, esiste cuerpu de profesores abondo pa entamar una titulación propia de grau y esiste demanda d’estudiantes, mui superior a la que tienen la mayoría de los títulos de grau esistentes nesti momentu na Facultá de Filoloxía”. 21 de payares, 2008 0 FacebookTwitterPinterestEmail
Educación Les Universidaes del G9 quieren ufrir títulos conxuntos pa “fomentar la movilidá” by asturnet 21 de payares, 2008 Les universidaes españoles que formen parte del G9, ente les que figura la Universidá d’Uviéu xunta la mayoría de les Universidaes de rexones uniprovinciales, tan estudiando la posibilidá d’espedir títulos conxuntos cola idea de “fomentar la movilidá” de los estudiantes. La noticia diola’l rector de la Universidá d’Estremadura (UEx), Juan Francisco Duque, tres de l’Asamblea Xeneral de Rectores del G-p que se celebrara nesa Universidá. Al alcuentru del G9 asistieron amás del presidente y rector de la UEx, Juan Francisco Duque Carrillo, el rector de la Universidá Uviéu, Vicente Gotor; el de la Universidá de Cantabria, Federico Gutiérrez-Solana Salcedo; el de la Universidá de Castiella La Mancha, Ernesto Martínez, la rectora de la Univesitat d’Illes Balears, Montserrat Casas Ametller; el rector de la Universidá de la Rioxa, José María Martínez de Pisón Cavero; el rector de la Universidá del País Vascu; Juan Ignacio Pérez Iglesias, el rector de la Universidá Pública de Navarra, Julio Lafuente López; el rector de la Universidá de Zaragoza, Manuel José López Pérez, y el secretariu xeneral del G9, Jorge Martínez Castro. 21 de payares, 2008 0 FacebookTwitterPinterestEmail