Lliteratura La Fundación Muñiz Zapico entama la cuarta edición del so Concursu de Microrrelatos by asturnet 14 d'ochobre, 2007 La Fundación Juan Muñiz Zapico acaba de convocar por cuartu añu el so Concursu de Microrrelatos “Manuel Nevado Madrid”. El certame busca premiar narraciones curties escrites n’asturianu o en castellanu y relacionaes temáticamente col mundiu de la minería. La brevedá ye xunto a la orixinalidá el requisitu fundamental del premiu convocáu pola fundación cultural de Comisiones Obreres d’Asturies embaxo’l nome del dirixente sindical Manuel Nevado Madrid. Asina nengún cuentu presentáu va poder pasar de les cuarenta llinies anque van almítense un másimu de dos obres por persona. El primer premiu del concursu ta dotáu con 1.000 euros y hai diversos accesit: asturianu, de tema hestóricu y mozu. Les obres tienen d’unviase a la Fundación Juan Muñiz Zapico (Concursu de Rellatos Mineros Curtios “Manuel Nevado Madrid”) c/ Santa Teresa 15, CP 33005 Uvieu, enantes del prósimu 22 d’ochobre. El fallu va dase a conocer el 4 d’avientu, na celebración de Santa Bárbara, la Fiesta de la Minería. Los cuentos gallardonaos y los más interesantes van editase. Bases del Concursu 14 d'ochobre, 2007 0 FacebookTwitterPinterestEmail
Lliteratura Finó’l plazu d’entrega d’obres al V certame de poesía “Nené Losada Rico” con 44 inscripciones by asturnet 14 d'ochobre, 2007 44 obres d’otres tantes artistes procedentes de tol estáu nacional asina como de Arxentina o Cuba son les que van competir pol premiu nel Certame de Poesía Nene Losada Rico qu’organiza l’asociación de Muyeres “Valdes Siglo XXI” na so quinta edición. Al certame van concurrir cinco poemarios escritos en llingua asturiana y 39 en castellanu. El primer premiu ye de 1.000 euros, asina como un diploma pa cada modalidá. El xuráu va aconceyar pa decidir el fallu durante la última slemana d’esti mes y van dar el so veredictu na primer quincena de payares. 14 d'ochobre, 2007 0 FacebookTwitterPinterestEmail
Lliteratura El Salón del Cómic de Xixón propón un alderique con autores y dibuxu en vivo nel so programa by asturnet 9 d'ochobre, 2007 Los dibuxantes asturianos y dellos invitaos a la XXXI edición del Salón Internacional del Cómic del Principáu d’Asturies que se cellebra en Xixón van tar faciendo cómic en vivo a partir de les 16:30 hores nel Centru de Cultura Antiguu Instituto de Xixón. Amás a partir de les 18:00 hores va haber firma d’autógrafos y alderique colos artistes Suso y Zapico, Maurice Horn y Ruben del Rincón. Nel festival, dedicáu nesta edición a dibuxantes como Luis Olmo, Stan Sakai o Michael Golden va cuntar con presencia asturiana na figura de los viñetistas Jesús Perez Losa (Suso Mortimer) y Alfonso Zapico. Dientro de la programación d’esta edición tamien se van impartir tres cursos de comic que van cuntar cola presencia del norteamericanu Michael Golden, co-creador del perxonaje de los comic X-Men, Rogue. Los cursos van impartise nel Centru de Cultura Antiguu Instituto y na Escuela d’Arte d’Uviéu. 9 d'ochobre, 2007 0 FacebookTwitterPinterestEmail
Lliteratura Una asturiana algama’l Premiu Nacional de Poesía by asturnet 9 d'ochobre, 2007 La escritora asturiana Olvido García Valdés, direutora del Insituto Cervantes de Toulouse (Francia), ye la ganadora del Premiu Nacional de Poesía, qu’otorga’l Ministeriu de Cultura. La asturiana ganó’l premiu esti día pol so poemariu “Y todos estábamos vivos”. eL Premiu Nacional de Poesía ta dotáu con 15.000 euros y concedese a la meyor obra de poesía espublizada en 2006 en español o en cualquier de les llinguas cooficiales. El xuráu d’esta edición presidíalu’l director xeneral del Llibru, Rogelio Blanco, y formábenlu tamién Andrés Sorel, Luis García Jambrina, Jon Kortazar, David Jou, Xoxé Luis Axeitos, Juana Vázquez, Juana Castro, Francisca Aguirre y José Manuel Caballero Bonald, ganador de la edición anterior. Olvido García Valdés ñación en Santianes de Pravia en 1956 y ye llicenciada en Filoloxía Románica y en Filosofía. Tien yá espublizaos los llibros de poesía “El tercer jardín” (1986); “Exposición” (1990), Premiu Ícaro de Literatura; “Ella, los pájaros” (1994), Premiu Leonor de Poesía; “Caza nocturna” (1997) y “Del ojo al hueso” (2001). 9 d'ochobre, 2007 0 FacebookTwitterPinterestEmail
Lliteratura Rubén Sánchez Antuña presenta en Siero El murmuriu d’un mieu ensin nome by asturnet 8 d'ochobre, 2007 Ruben Sánchez Antuña va presentar esti martes la so obra “El murmuriu d’un mieu ensin nome” en Siero. El actu va nere llugar na Casa Cultura de LA Pola a partir de les 20:00 hores y xunto col autor van tar presentes la conceyala de Cultura de Siero y Xuan Santori, conocíu escritor asturianu y filólogu. La novela ye’l segundu trabayu del escritor de Sotrondio y ta espublizada pola editorial VTP, lo mesmo que “Dos estrelles nel firmamentu infinitu”, el so primer trabayu lliterariu. “El murmuriu d’un mieu ensin nome” cunta la historia d’un home de 52 años esin familia al que-y diagnostiquen un tumor. 8 d'ochobre, 2007 0 FacebookTwitterPinterestEmail
Lliteratura Miguel Rojo presenta “La senda del cometa” nel Atenéu Xovellanos by asturnet 8 d'ochobre, 2007 A les 19:30 hores nel salón d’actos del Ateneu Xovellanos de Xixón l’escritor asturianu Miguel Rojo va presentar el so últimu trabayu, “La senda del cometa”. Ne prsentación va tar presente acompañando al autor, l’escritor Ricardo Menendez Salmón. “La senda del cometa” cunta los cambios que se vandar na vida del prtagonista coincidiando cola llegada d’un cometa a la ciudá de Xixón, llugar onde se desendolca’l rellatu. El tinetense Miguel Rojo ye l’autor de noveles como “Hestories d’un seductor (Memories d’un babayu)” amás de testos narrativos y poeticos tanto n’¡asturianu como en castellanu. 8 d'ochobre, 2007 0 FacebookTwitterPinterestEmail
Lliteratura Convocada la segunda edición del premiu de microrellatu de la revista Hesperya by asturnet 7 d'ochobre, 2007 L’Asociación Hesperya convocal II Certame Lliterariu que lleval mesmu nome. Los alumnos de la Facultá de Filoloxía dUviéu son los miembros desta asociación quedita dende va dalgo más dun añu la revista lliteraria Hesperya. El plazu pa mandar orixinales pal concursu, nel van poder participar mozos dente 18 y 30 años, va tar abiertu hastal día 20 de febreru de 2008. Los rellatos tienen de ser inéditos y non premiaos en nengún otru concursu. La estensión ha ser dente 750 y 1.000 pallabres y pueden ser nasturianu o en castellán, teniendo caún un premiu de 300 euros. Pa participar hai que mandar los orixinales, hasta trés, per triplicao, a II Concursu Lliterariu Revista Hesperya, Revista dAlumnos de Filoloxía Hesperya, cai Teniente Alfonso Martínez s/n, Edificiu de Suboficiales, 3ª planta, 33011, Uviéu de manera anónima y hastal 20 de febreru de 2008. Bases completes 7 d'ochobre, 2007 0 FacebookTwitterPinterestEmail
Lliteratura “XIX Giornata Mondiale della Poesia” dedicada a la llingua ladina y organizada pola asociación “Poesía 2 ottobre” by asturnet 6 d'ochobre, 2007 Unes Xornaes Internacionales dedicaes en Bolzano a la Poesia en llingua ladina amosaron nel entamu d’Ochobre la importancia de la poesía nesta llingua minoritaria del nordeste italianu y del so papel sociu-cultural.Leventu de Bolzano tuvo entamáu pola Asociaciñon Internacional “Poesia – 2 ottobre”, con sede en Venezia y París, presidía pol profesor Domenico Simi De Burgis. 6 d'ochobre, 2007 0 FacebookTwitterPinterestEmail
Lliteratura Ábrese’l plazu pal VI Premiu de relatu costumbrista de l’Asociación d’Amigos de Raymundo Ibáñez by asturnet 5 d'ochobre, 2007 Ta acabante d’entamar el plazu pa presentar obres al VI Premiu de relatu costumbrista, organizáu pola Asociación d’Amigos de Raymundo Ibáñez: Marques de Sargadelos de Santalla d’ozcos. El plazu d’entrega va terminar el 20 de payares. Hai que mandar relatos, n’asturianu y castellanu, que tengan que ver cola recuperación del patrimoniu cultural de l’Ozcos y l’occidente. Los premios son de 250 euros pa los adultos y 25 euros en material escola pa la categoría escolar. El fallu del xuráu va asoleyase’l 17 d’avientu.. 5 d'ochobre, 2007 0 FacebookTwitterPinterestEmail
Lliteratura LAsociación dEscritores dAsturies entregó l II Premiu de les Lletres Asturianes by asturnet 4 d'ochobre, 2007 LAsociación dEscritores dAsturies va entregar el II Premiu de les Lletres Asturianes, questi añu fue pa los escritores Marta Portal y Ángel González . El Xuráu, según diz lacta, valoró les trayectories lliteraries clave na xeneración del mediu sieglu y na lliteratura española. El premiu entregose xunto colos VIII Premios de la Crítica dAsturies, questi añu llevó na categoría de poesía nasturianu Lourdes Álvarez. Los premios entregáronse nel Café La Pizarra dUviéu, asitiáu na Plaza la Catedral, 3 y cunten como cada añu col sofitu de la Conseyería de Cultura y Turismu del Principáu dAsturies y Caxastur ya incluyen les categoríes de narrativa, poesía, lliteratura infantil y xuvenil y otros xéneros, con categoría indepediente pal asturianu y el castellán. Video Páxina de l’Asociación d’Escritores d’Asturies 4 d'ochobre, 2007 0 FacebookTwitterPinterestEmail