Comunicación La Xunta Pola protagonizó esti sábadu “Nós” na TPA by asturnet 19 d'avientu, 2008 Coincidiendo col día nel qu’entrega en Xixón los Premios Andrés Solar, la Xunta Pola Defensa de la Llingua protagonizó l’espaciu “Nós” qu’emitió la TPA a partir de les 12 de la mañana d’esti sábadu 20 de Xineru. Nel programa, que dirixe y presenta Próspero Morán, fízose un percorríu pela sé de la organización y pola so historia y actividaes alrodiu de la promoción y la normalización de la Llingua Asturiana. La sesta entrega d’esta temporada, qu’entamó’l primer sábadu de Payares n’Ibias, componse de 30 capítulos de 10 minutos de duración caún realizaos íntegramente n’asturiano. L’espaciu vien superando’l 10 por cientu d’audiencia en dellos programes d’esti añu y algamó na primer temporada una cuota media del 8,2%, que superaba en cásique un puntu al promediu actual de la cadena, un 7,4%, según datos facilitaos por Taylor Nelson Sofres (TNS). Nos emítese tamién pol satélite Hispasat pal restu d’España, Europa y América y por Internet para tol mundiu al traviés de la web de la RTPA. 19 d'avientu, 2008 0 FacebookTwitterPinterestEmail
Comunicación Los blogueros escueyen la meyor páxina personal del añu 2008 by asturnet 17 d'avientu, 2008 Siguiendo la iniciativa entamada pol blogue Trayasgaya, los blogueros asturianos tán votando al Meyor Blogue nAsturianu del añu 2008. Una votación que va tar abierta hastal próximu día 31 davientu a les 00:00 hores y na que namás puen votar los titulares dun blogue nasturianu, nun pudiendo votase a si mesmos. El votu tien que mandase al corréu trayasgaya@hotmail.com indicando a quién se vota y cuál ye’l blogue del que se ye titular. La votación va espublizándose nun blogue creáu a tal efectu que va dando los resultaos, anque ensin especificar la procedencia de los votos. Na actualización última destos resultaos González y González encabezaben la votación con 3 puntos, siguiéndolu darréu El Trasgu d’Areces, con 2 puntos y TrayasgayA, El Xanu’l Caborniu y Asturian Weird Foundation, con un puntu caúnu. Blogue onde siguir los resultaos 17 d'avientu, 2008 0 FacebookTwitterPinterestEmail
Educación El Garrapiellu púnxo-y el pieslle a los Cursos de Xuegos y Deportes Tradicionales by asturnet 15 d'avientu, 2008 El Garrapiellu y el Conceyu de Xixón organizaron esti sábadu pasáu nel tendayu del Pueblu dAsturies de Xixón un amagüestu nel que sentregaron los diplomes a los asistentes a los dos cursos dirixíos por Carlos Suari y celebraos nel Pueblu dAsturies. Los asistentes recibieron de manes de Sabel Tuñón, encargada de xuegos y deportes tradicionales dEl Garrapiellu y Jesús Montes Estrada, conceyal de cultura tradicional y llingua asturiana de Xixón, los diplomes que los certifiquen como Monitor de Xuegos y Deportes Tradicionales Asturianos. Lalcuentru sirvió paconceyar a les varies decenes dasistentes a los cursos alredor de la sidra y les castañes amagostaes. 15 d'avientu, 2008 0 FacebookTwitterPinterestEmail
Educación La Xunta considera que l’aministración ta obligada a pronunciase sobre l’informe del Conseyu d’Europa by asturnet 15 d'avientu, 2008 Nunes declaraciones feches tres la publicación del informe del Conseyu d’Europa Xulio Casado, portavoz de la Xunta pola Defensa de la Llingua Asturiana, declaró esti llunes que “nun ye la primer vez qu’instituciones o organismos europeos s’esmolecen pola situación de desamparu na que vive l’idioma propiu d’Asturies”. Nesti informe compárense les situaciones de les llingues minorizaes qu’esisten nel estáu y rescamplen les diferencies ente les que gocien del estatus de llingues oficiales y les que nun lu tienen. Nel casu de la llingua asturiana, faise mención esplícita a la falta d’información apurrida dende l’alministración del estáu y al peligru grave de desapaición si nun se tomen decisiones series en tolos terrenos, dende’l marcu llegal hasta la presencia nos medios, rotulación, traducción de documentos, facilitación del usu, escolarización. Faciendo mención al conteniu del informe, el portavoz de la Xunta dixo que “nos puntos 11, 112 y 113 del documentu tíren-y de les oreyes a l’alministración por nun apurrir siquiera los datos solicitaos pol Conseyu d’Europa lo que, como afirma testualmente l’informe, amuesa la falta absoluta de interés de l’alministración y, lo que ye peor, la inhibición sobre’l compromisu adquiríu de tomar midíes urxentes y firmes pa la normalización de la llingua. Lo mesmo podemos dicir sobre los puntos 114 y 115 onde se trata de los problemes detectaos pol Conseyu na revitalización del gallego-asturianu”. Como conclusión al análisis de la publicación del documentu, Xulio Casado quixo amestar que “lo menos que pueden facer los gobiernos asturianu y español ye responder a unes acusaciones pergraves que-yos tán faciendo dende les instituciones europees” y amestó que “ensin una alministración que faga por defender al asturianu, el so futuru ta completamente comprometíu y l’aministración asturiana y española tienen una reponsabilidá pergrande como ta acabante asoleyar esta institución europea”. Casado comentó pa rematar que la Xunta pola Defensa de la Llingua Asturiana va volver a ponese en contactu col Conseyu d’Europa p’apurrir tola información qu’amuesa’l flagrante incumplimientu de la regulación europea en materia llingüística. 15 d'avientu, 2008 0 FacebookTwitterPinterestEmail
Educación El Bloque por Asturies súmase a les movilizaciones escontra Bolonia by asturnet 15 d'avientu, 2008 El Bloque por Asturies fizo güei un llamáu a los estudiantes asturianos pa que se movilicen escontra la reforma d’enseñances universitaries de Bolonia. el bloque ye’l primer partíu asturianu qu’asoleya la so postura contraria al procesu de Bolonia y a la implantación de los nuevos graos europeos na Universidá de nueso. 15 d'avientu, 2008 0 FacebookTwitterPinterestEmail
Educación SUATEA desendolca estos díes un Seminariu d’Educación pala Igualdá nel Auditoriu Príncipe Felipe d’Uviéu by asturnet 12 d'avientu, 2008 Dende güei vienres y hasta mañana sábadu, el sindicatu SUATEA desendolca nel Auditoriu Príncipe Felipe d’Uviéu’l seminariu “EDUCACIÓN EN IGUALDAD: materiales y proyectos para todas las aulas”. La idega d’esti seminariu parte de la necesidá d’una intervención educativa global que permita “conseguir mayores graos d’afectividá y non violencia nes relaciones humanes, potenciando rasgos como la cordialidá, el respetu, o’l compañerismu y considerando que la promoción de relaciones d’igualdá ente mozos y moces ye básica como sistema socializador y preventivu de les desigualdaes sociales”. El seminariu desendolcase nel auditoriu Príncipe Felipe d’Uviéu, entamando esti vienres a las 16:00 hores y finando’l sábadu a les 20:30 hores, faviéndose en collaboración col Centru de Profesores y Recursos d’Uviéu. 12 d'avientu, 2008 0 FacebookTwitterPinterestEmail
Comunicación Inaciu Iglesias, editor dÁmbitu y Trabe, presental 16 davientul llibru “Soi empresariu, confiésolo” by asturnet 11 d'avientu, 2008 Esti martes 16 davientu a les 20.00 hores na Llibrería Asturiana (c/ Padre Buenaventura de Paredes 4, Uviéu) l’editor d’Ambitu y Trabe y xerente de Cartonajes Vir, Inaciu Iglesias va presentar el llibru “Soi empresariu, confiésolo” y la so versión en castellanu Soy empresario, lo confieso, un trabayu onde esplica temes relacionaos cola xestión dempreses a partir de la so esperiencia personal. La introducción al autor va facela Íñigo Noriega, director del diariu El Comercio. “Soi empresariu, confiésolo” estrémase en cuatro partes: Histories damor, En contra linmovilismu, Discursu en positivo y De nós depende. Nes cuatro enfócase, dende puntos de vista distintos, el fenómenu empresarial como lo que ye: una aventura, siempre a dos bandes, ente unes persones y un proyectu. Iglesias ye autor de títulos como Dar la cara, Independencia, La identidá asturiana o Historia de Vir 11 d'avientu, 2008 0 FacebookTwitterPinterestEmail
Comunicación La TPA emite esti xueves a les 10 el documental ‘Gaspar, misionero y comandante sandinista’, nel 30 aniversariu de la muerte de Gaspar García Laviana by asturnet 11 d'avientu, 2008 La Televisión del Principáu d’Asturies (TPA) va emitir esti xueves, 11 d’avientu, a les 22.00 hores, el documental ‘Gaspar, misionero y comandante sandinista’, ellaboráu coincidiendo col 30 aniversariu de la muerte del sacerdote asturianu Gaspar García Laviana. A les seis de la tarde, el documental va proyeutase amás nel Teatru Municipal de L’Entregu, en Samartín del Rei Aurelio, nun actu al que van asistir Ignacio Fernández Vázquez, alcalde del conceyu, y José Ramón Pérez Ornia, director xeneral de RTPA, y nel que tamién va dase a conocer el llibru publicáu pola cadena autonómica sobre la figura del sacerdote asturianu. ‘Gaspar, misionero y comandante sandinista’ repasa en 95 minutos la vida y la obra d’un home que según José Ramón Pérez Ornia “comprometióse colos más probes y dio la so vida pa lliberalos de la opresión”. El director xeneral de RTPA señaló calificó a García Laviana na rueda de prensa d epresentación del documental como “un asturianu universal porque universales son los valores qu’encarna, ente ellos la llucha escontra la inxusticia hasta dar la so vida pola lliberación de los oprimíos, que suelen ser los más probes”. 11 d'avientu, 2008 0 FacebookTwitterPinterestEmail
Comunicación Los llectores de prensa dixital xorrecieron un 24% by asturnet 11 d'avientu, 2008 Los llectores de diarios dixitales algamaron en 2007 un promediu diariu n’España de 6,42 millones de persones, con un xorrecimientu del 24% respectu al añu anterior, según el Llibru Blancu de la Prensa Diaria 2009, presentáu esti xueves pola Asociación Española de Editores Españoles (AEDE). La media d’usuarios únicos de la prensa online foi en 2007 de 1.191.749, o lo que ye lo mesmo de 146.656 usuarios únicos más que nel 2006. El númberu de cabeceres dixitales incrementose na mesma cantidá que l’añu anterior colo qu’algama los 59 diarios. Esta cifra torna a situar a España nel cuartu llugar dientro de los países de la UE, superáu sólo por Alemania (386), Italia (103) y Suecia (77). No que cina al perfil del llector de prensa dixital sigue siendo munchu más mozu que’l de la prensa tradicional, con un nivel d’educación abondo más altu y mayoritariamente home. 11 d'avientu, 2008 0 FacebookTwitterPinterestEmail
Educación Educación va facer obligatoriul billingüismu castellán-inglés, mientres nun se pue escolarizar nasturianu by asturnet 11 d'avientu, 2008 Mientres los padres asturianos siguen ensin tener nin ún solu centru en toa Asturies pa escolarizar a los neños nasturianu, la Conseyería dEducación, dirixida por Riopedre, avanza nos centros billingües, de castellán-inglés o castellán-francés. José Luis Iglesias Riopedre prometió multiplicar por diez el númberu de centros de Primaria y por más de trés el de Secundaria con estes característiques. Amás, el Conseyeru comentí Hasta agoral pasu yera voluntariu pa los centros, pero vamos a solucionalo pal cursu que vien, nun se pue facer una tortiella ensin romper los güevos. Educación prepara yá un llistáu de centros de Primaria y Secundaria a los que va recortar lautonomía pa incluyilos por orde del Gobiernu dAsturies dientro de los planes billingües. Mientres, nengún neñu pue ser escolarizáu nasturianu, nin siquiera nun mínimu porcentaxe y siguen les dificultaes pa matriculase na asignatura de llingua asturiana en munchos centros. El Conseyeru y el Gobiernu nun tienen problema en defender, pa la llingua propia dAsturies la voluntariedá, mientres obliguen a maestros y alumnos a escolarizar nun llingua foriata, que nun ye oficial en nengún territoriu español. 11 d'avientu, 2008 0 FacebookTwitterPinterestEmail