Música Tejedor escosó la taquilla del Campoamor by asturnet 5 de xineru, 2007 La presentación del últimu discu de Tejedor “Música na maleta” acabó coles entraes del teatru Campoamor d’Uviéu. Nesta presentación xunta la composición avezada de la banda participaron dellos de los musicos que collaboraron con los hermanos Tejedor na grabación d’esti trabayu. Noticia presentación discu “Música na maleta” 5 de xineru, 2007 0 FacebookTwitterPinterestEmail
Música Los hermanos Tejedor presentaron Música na Maleta by asturnet 4 de xineru, 2007 Tejedor presentó “Música na Maleta” güei nel Teatru Campoamor. La presentación del nuevu discu de los hermanos Tejedor tien yá vendíes les tres cuartes partes del aforu del teatru uvieín. Les entraes pueden comprase nes taquilles del Teatru Campoamor o nos caxeros Tiquexpress de Caxastur por 10 euros. El conciertu entamará a les 21 hores del xueves 4 de xineru. Tejedor presenta’l so tercer discu “Música na maleta” dedicáu a Ígor Medio y Carlos Redondo 4 de xineru, 2007 0 FacebookTwitterPinterestEmail
Música Ciclu de Jazz en Caxastur by asturnet 3 de xineru, 2007 La Obra Social y Cultural de Caxastur anuncia una nueva edición del so ciclu de jazz. La selmana del 22 de xineru al 27 de xineru el jazz centrará l’actividá de los auditorios de la Obra Social de Caxastur. Nel ciclu participen figures como Isaac Turienzo, Joaquín Chacón o Confuksion. El día 22 de xineru entamará’l ciclu de jazz de Caxastur cola actuación del Isaac Turienzo Trío nel Centru Cultural de Caxastur n’Uviéu, esti tríu ta formáu por Isaac Turienzo, Miguel Ángel Chastang y Tino di Geraldo. Darréu actuar n’Uviéu darán otru conciertu na Casa la Cultura d’Avilés el martes 23 de xineru. El duu de piano y guitarra compuestu por Federico Lechner y Pablo Reganado actuarán en Xixón el xueves 25 de xineru a partir de les ocho de la tarde. Los guitarristes Joaquín Chacón y Marco Martínez actuarán el 26 de xineru nel Centru Caxastur de Mieres a partir de les 20,00 hores. Confunksión tocarán en L.luarca el vienres 26 de xineru dende les 20,00 hores. Esti grupu formáu en 2003 integra a músicos que provienen de diferentes aries de la música, dalgunes tan estremaes como’l heavy metal o la música latina. Llangréu pesllará’l Ciclu de Jazz uvieín cola actuación del Images Jazz Trío, un grupu formáu por músicos participantes en bandes como Fool Ensemble o V8 Ford. 3 de xineru, 2007 0 FacebookTwitterPinterestEmail
Música Hevia lleva los sones de la gaita asturiana a Tel Aviv by asturnet 29 d'avientu, 2006 José Ángel Hevia va pesllar el Murphy’s Irish Festival qu’añalmente se vien cellebrando en Tel Aviv, Israel. Hevia participará nesti prestixosu festival como invitáu especial y cabeza de cartel. Hevia dará nesti festival tres conciertos. José Angel Hevia actualmente ta trabayando nun nuevu trabayu discográficu que posiblemente s’asoleye en 2007 El primer conciertu d’Hevia sedrá nel Zappa Club de la ciudá asiática. Los siguientes conciertos fadránse’l día 4 de xineru nel Cinematheque y el día 5 nun sitiu entá por confirmar. Esta ye la segunda ocasión na qu’el gaiteru de Villaviciosa viaxa a dar un conciertu a Israel yá que nel añu 2004 Hevia participó nel Red Sea Jazz Festival d’Eliat. 29 d'avientu, 2006 0 FacebookTwitterPinterestEmail
Música Dixebra presenta N’acción by asturnet 29 d'avientu, 2006 Dixebrá presentó’l so últimu trabayu “N’acción”. Un discu y DVD nel que s’alcuentra el conciertu de cellebración de los 20 años del grupu de rock asturianu. Esti trabayu recueye’l conciertu qu’el grupu ufrió, en xunu, n’Avilés, y nel que Dixebra recorrió, a lo llargo de 20 cantares, la so historia a lo llargo de más d’hora y media de música, que yá forma parte del maxín colectivu del pueblu asturianu. Nel DVD de Dixebra alcuéntrase bien d’imaxenes y grabaciones d’actuaciones del grupu mesmo n’Asturies como fuera del país. Asina como entrevistes colos miembros del grupu, nes que falen de la situación llingüística, social, cultural y política d’Asturies. Una ayalga imprescindible en cualaquier discoteca asturiana que se precie 29 d'avientu, 2006 0 FacebookTwitterPinterestEmail
Música Programación asturiana en xineru nel Forum de la FNAC by asturnet 28 d'avientu, 2006 La programación del Forum de la FNAC de xineru enllénase de música asturiana. Tejedor abrirá les actividaes del Forum el día 2 de xineru cola presentación en directu de “Música na Maleta”. El día 7 Dixebra fadrá la presentación del DVD y del discu directu del conciertu de cellebración de los 20 años de la banda. A estes actuaciones siguirán les de Ramon Lluís Bande día 11 a partir de les 20,00, Xuacu Amieva’l 13 a partir de les 20,00 o Toli Morilla’l día 20 de xineru dende les 20,00. 28 d'avientu, 2006 0 FacebookTwitterPinterestEmail
Música La Raita presenta Moh.ito, el so segundu trabayu. by asturnet 27 d'avientu, 2006 La Banda de Gaites La Raitana sacó al mercáu’l so nuevu trabayu tituláu Moh.ito. Nos once cortes d’esti trabayu de la banda de Piloña y Nava alcuéntrase dende temes tradicionales a nueves composiciones, feches por dalgunos de los más destacaos músicos del folk actual En Moh.ito amás de les igües y pieces compuestes polos directores de la Banda de Gaites La Raitana, Flavio R. Benito y Jordi F. Bolta, alcuéntranse composiciones de músicos como Ramón Prada, Javier Tejedor, Emilio Huerta, Jesús Arévalo, Ígor Medio o Kepa Junkera. El trabayu, editáu por Fonoastur, compleméntase con un clip denomináu “La Raitana. Apuntes d’una bande de gaites” fechu por Ramón Lluís Bande. Nel documental pueden vese imáxenes de los ensayos, y la mesma grabación del nuevu discu de la Banda La Raitana. Moh.ito ye’l segundu discu de la banda de Nava y Piloña, depués de que’n 2002 asoleyaren, cola mesma compañía, La Marea. Banda de Gaites La Raitana 27 d'avientu, 2006 0 FacebookTwitterPinterestEmail
Música Xera presenta’l so primer trabayu “Lliendes” by asturnet 27 d'avientu, 2006 El grupu autoxestionáu de techno-folk Xera acaba d’asoleyar el so primer discu tituláu “Lliendes”. Esti trabayu amiesta los sones tradicionales de la música asturiana coles bases de sintentizadores, esti amiestu confier-y a Xera un sonidu inconfundible al tiempu qu’ufre nueves siendes d’esploración sonora. Xera ye un grupu que dende que’n 2005 presentara la so primer maqueta, titulada Xera, na rede; siempre apostara pol usu de les nueves tecnoloxíes y n’especial n’aquelles que tienen por finxu compartir les produciones. Asina los temes d’esti nuevu discu pueden descargase dende’l web Xera en formatu mp3 o nel formatu llibre de compresión musical ogg, esto ye posible porque los componentes de Xera decidieron poner una llicencia Creative Commons. Asina mesmo’l discu Lliendes ta disponible en bien de sitios del país. 27 d'avientu, 2006 0 FacebookTwitterPinterestEmail
Música El Conceyu pola Normalización de la Llingua concedió’l premiu a la Meyor Canción n’asturianu de 2005 by asturnet 26 d'avientu, 2006 Anabel Sanatiago algamó esti premiu qu’añalmente conceden el Conceyu pola Normalización de la Llingua Asturiana y Triskel Dixital 2005. El cantar “Añada Amorosa” del discu “Anabel Santiago canta a Diamantina Rodríguez” escoyóse como’l meyor de los cantares n’asturianu por esta organización pola normalización social del idioma. 26 d'avientu, 2006 0 FacebookTwitterPinterestEmail
Música La Universidá inauguró una amuesa sobre’l cantar d’autor by asturnet 22 d'avientu, 2006 La Universidá abrió ayeri una amuesa, basada nel llibru “Volad, canciones, volad” de Fernado González Lucini, na que se fai un repasu de la historia d’esti xéneru a lo llargo de la so esistencia. Nesti llibru recóyense datos sobre los cantautores asturianos dende Victor Manuel hasta l’actualidá L’edificiu históricu de la Universidá abelluga dende’l 21 d’avientu l’amuesa basada na obra de Fernando González Lucini. El llibru entama l’estudiu del cantar d’autor nel estáu español dende qu’en 1956 aparecieren autores como Paco Ibañez o Raimón. Énte los cantautores del país alcuéntrese, ente otros, Victor Manuel San José, Toli Morilla, Chus Pedro o Jerónimo Granda. 22 d'avientu, 2006 0 FacebookTwitterPinterestEmail