Plástiques Abierta una expo sobre les campañes de normalización social de la llingua feches na Mancomunidá del Cabu Peñes by asturnet 23 de xunu, 2010 La MANCOMUNIDÁ DEL CABU PEÑES espón esta última quincena de xunetu, y nel Centru Polivalente La Baragaña – Candás, delles CAMPAÑES DE NORMALIZACIÓN SOCIAL DE LA LLINGUA ASTURIANA entamaes dendel Serviciu de Normalización Llingüística de la Mancomunidá cola collaboración de la Conseyería de Cultura y Turismu del Principáu dAsturies y la REDE. Y ye que ye sabío que lusu de la llingua autóctona en tou tipu dactividaes xenera un texíu de producción económica y cultural al rodiu desti tipu campañes que tienen como enfotu la recuperación, conservación y promoción del asturianu; esto ye, la normalización social de la llingua asturiana. Anguaño, estes actividaes al rodiu del asturianu caltiénense con gran vigor y tán algamando un grau madurez bien importante. 23 de xunu, 2010 0 FacebookTwitterPinterestEmail
Fiestes Les fogueres enllenen el país na nueche de San Xuan by asturnet 22 de xunu, 2010 Asturies prende cada 23 de xunu pa celebrar la nueche más curtia del añu, y lo que supón, de fechu, lentamu de les fiestes de branu en tol país. Ente les más importantes fogueres de San Xuan, tán les de Xixón, Mieres, Uviéu, Noreña, Villaviciosa, Navia, Llanera, etc. Perol país celebra esta enraigonada folixa en tolos requexos, con pequeñes fogueres vecinales quallumen la nueche en sableres, praos y places de la cuasi totalidá de los conceyos asturianos. NAsturnews facemos repás a una parte importante de les que van celebrase. Xixón, la gran foguera dAsturies Na ciudá más grande dAsturies celébrase la foguera con más sonadía. A partir de les ocho la tarde, el grupu folclóricu Los Xustos actúen nel paséu de Begoña. A les nueve va facese lenramáu de la fonte de Pelayo, al cargu dAndecha de Cultura Tradicional na Señardá. A partir de les diez les gaites tomen les cais coles bandes Noega y Villa de Xixón, pela Plaza Mayor y la cai Corrida. La foguera celébrase na Playa Poniente a partir de les doce la nueche, con fueos artificiales, Danza Prima y conciertu dAsturiana Mining Company. Mieres, una foguera desesperada Y ye que Desesperada sedrá unu de los temes que podrá sentise a la célebre cantante Marta Sánchez nel conciertu que va celebrar dempués de la foguera de Mieres, a la una la nueche. Sicasí, muncho enantes, a les once y media la mañana, entamen les actividaes, con xuegos predeportivos. A les siete la tarde, enramáu de les fontes del conceyu, y a les ocho, preparación de la Foguera, la conocidá como “la Cargüeñá” (Acarréu de lleña pa la foguera) Y mientres unos carreten, otros van celebrar larrozada. A les 23, 15 celébrase un gran espectáculu de fueos artificiales tituláu ¡Color, lluz, maxa!, y na foguera, Danza Prima. Noreña, foguera musical y de tradición La foguera que se celebra en Noreña tien a la música por protagonista. A partir de les siete la tarde celébrase amás, nel Parque los Riegos, un desfile de Cabezudos acompangaos de Tambor y Gaita. A les 20:00 hores xuegos tradicionales pa neños y una amuesa de música tradicional. A les diez de la nueche va cuntase cola orquesta LaNoche y dempués de la foguera, que se prende a les doce, actúal grupu ska-reggaeLa Tarrancha. Villaviciosa, foguera medieval Nel Campu San Xuan dAmandi, en Villaviciosa celébrase una fiesta de prau, a la oriella del ríu, xunto a la ponte medieval y la ermita del Santu. Un espaciu mui especial nel que pela tarde va celebrase una xira a la que da pasu una verbena. A media nueche, báillase la Danza de San Xuan dAmandi alredor de la foguera, col sofitu, nesta ocasión del Grupu Folcklóricu “Villaviciosa”. La folixa sigue darréu hasta lamanecer. Doble cita con San Xuan na capital dAsturies NUviéu, celébrense dos fogueres parroquiales. La primera delles tien llugar en La Corredoria. El día va entamar a les 19:30 hores, con una misa polos socios de la comisión de fiestes finaos esti añu. A les 21:30 hores entama la romería y verbena amenizada poles orquestes Dominó y Tango. A les 22 hores escuéyese a la Reinina y Reina de les fiestes, y a les doce la nueche préndese la foguera. A la mesma hora, en Santianes celébrase una foguera ente la xente del pueblu que da entamu a les fiestes del llugar, quentamen perdafechu esti vienres 25. Llugo y Posada ufierten foguera en Llanera El conceyu de Llanera cunta tamién con dos cites. En Llugo, celébrase San Xuan con parriyada y la música del grupu folklóricu Picu Santufirme. A les once préndese la foguera y báillase la Danza Prima alredor. En Posada, repiten el plan de los sos vecinos: parriyada, anque nesti casu amenizada pol grupu folklóricu La Madreña y foguera con Danza Prima, dende les once. Avilés treslládase a Trasona pa celebrar San Xuan El programa de la Foguera de San Xuan dAvilés, que tien llugar xunto al banzáu de Trasona, ye unu de los más ambiciosos. Va entamar a les diez de la nueche con un conciertu dSpanta la Xente. A les once, celébrase una actuación del grupu de teatru pa neño El Ñeru de los Coríos, que muestral so espectáculu Los Pyroduendes II. Dempués de la foguera conciertu de la banda de gaites de Corvera, Rarefolk y a les dos de la mañana, como pieslle, Llangres. El barriu de Llaranes tamién celebra una foguera vecinal, dempués de dellos años ensin convocala. Navia, la gran foguera del occidente En Navia celébrase una de les fogueres más multitudinaries del occidente. Dende les cuatro la tarde neños y adultos pinten xuntos el gran cuélebre que dempués se quema na foguera. A les seis de la tarde celébrense nel Parque Alfonso Iglesias xuegos populares y a partir de les doce la nuech, nes pistes dEl Pardo, va arder la conocida como la Gran Fogueira dAmancio. En Tinéu, la foguera celébrase nel barriu de San Xuan, onde tán de fiestes. Al otru día celebren misa solemne y procesión dende la ilesia a la fonte San Xuan, onde se celebra la foguera la nueche anterior. En Santalla dOzcos, celébrase foguera popular con música, sidra y pinchu. De la mesma forma, en Cangas, a partir de la media nueche, foguera nel barriu del Corral. Soirana, Puertu Veiga, nel conceyu de Navia, tamién celebren foguera. A partir de les diez repártese sidra de baldre y toca la banda de gaites Aires de Valdés”. Xunto a la capiella de San Xuan, a partir de les 23:30 préndese la foguera. La tercer cita nel conceyu navetu ye en Talarén, nuna foguera amenizada con música. En Trelles Cuaña y tres la ilesia parroquial de San Xuan, va celebrase otra foguerina, a partir de la media nueche. Otres fogueres y foguerines Tán planificaes tamién otres pequeñes fogueres en llugares como Campu Casu, a partir de les diez de la nueche, con cena y conxuros; La Pola Llaviana, onde a partir de les doce, y cabol ríu Nalón, xunto a la escuela, va prendese la foguera llocal; Rusecu (Sobrescobiu), onde la enllena de les selmanes últimes marchó con parte de lo axuntao pola mocedá del pueblu pa la foguera, tamién va celebrar foguera a partir de la media nueche, sedrá na zona conocida como La Nave. La nueche más curtia del añu va celebrase tamién en La Torre, Samartín de Grazanes, nOnís, onde a partir de les diez y media van prender una pequeña foguera, quanuncien, va poder vese dende la vegal Güeña. NEl Remediu, en Nava, celébrase una foguera, xunto al Centru Social de La Pría. Y en Candás (Carreño) celébrase la foguera na playa la Pregona, con música tradicional y la Danza Prima, a partir de la media nueche. Cabrales, el San Xuan más tardiegu Non tolos llugares dAsturies escueyen el 23 pa celebrar la foguera. La llocalidá cabraliega dArenas va celebrar la so fogueral próximu vienres 25, a les 12 la nueche. 22 de xunu, 2010 0 FacebookTwitterPinterestEmail
Fiestes Siero fai un viaxe al pasáu nes xornaes del Valdesoto d’Antañu by asturnet 17 de xunu, 2010 La parroquia de Valdesoto, en Siero, va acoyer esta fin de selmana delles actividaes coles que la parroquia recreea la vida d’enantes. Una amuesa de los llabores de l’aldea que se recrea na rodiada de la Casona de Lliceñes, y qu’inclúi trabayos como llabrar la tierra, llavar la ropa, catar, esquilar, segar, xuncir les vaques… Amás faense representaciones teatrales de vezos y costumes. L’horariu de les actividaes ye d”11 a 9 de la nueche’l sábadu y de 11 a 8, el domingu. Pa más detalles consultar el programa completu. Programa completu de les actividaes 17 de xunu, 2010 0 FacebookTwitterPinterestEmail
Plástiques Grau celebra un taller de branu de pintura by asturnet 16 de xunu, 2010 L’artista Ana Rodríguez Iglesias va impartir un taller de pintura nel que va se va trabayar oliu, acuarela, témpera, acrílicu, carboncillu Les inscripciones pueden facese na Biblioteca Municipal de Grau pa toles edaes. El cursu va celebrase nos meses de xunetu y agostu, los martes, d’11 a 14 h. y de 16 a 19 h. (anque esti horariu puede afaese). El preciu ye de 25 euros al mes. 16 de xunu, 2010 0 FacebookTwitterPinterestEmail
Fiestes Piarnu (Castrillón) acueye esti sábadu l’abiertu de liriu “Pitu Caleya” by asturnet 11 de xunu, 2010 El sábadu 12 de xunu vuelve’l más antiguu de los abiertos de liriu n’Asturies, el del “Pitu Caleya” de Piarnu, Castrillón. L’equipu Quirinal, de la mano del residente na parroquia Hevia, organiza esti tornéu abiertu que, nel casu de cumplimetar los requisitos de participación, sedrá valederu pal Campionatu d’Asturies de Liriu Individual. A partir de les 18:30 hores daráse comienzu a la xornada de liriu con un taller d’espardimientu pa guah.es y mayores, col oxetu d’animar a la xente a apuntase a esti clásicu del CNL. L’eventu intégrase nes actividaes de les Fiestes Sacramentales de Piarnu, que van cellebrase durante tola fin de selmana, con mercáu, xuegos infantiles, cuentacuentos, teatru, paellaes, vermús y verbena. 11 de xunu, 2010 0 FacebookTwitterPinterestEmail
Fiestes Xune Elipe va ser el pregoneru de la Fiesta de la Oficialidá by asturnet 10 de xunu, 2010 Yá se conoz el programa de les fiestes de la decimocuarta edición de la Fiesta de la Oficialidá de la Llingua Asturiana de Bimenes, que va celebrase ente los díes 16 de xunu y 3 de xunetu, cuando Xune Elipe Raposo, voz del grupu Dixebra y empresariu, responsable de la discográfica LAguañaz. Amás de les actividaes musicales, van celebrase dos esposiciones: “La llingua na hestoria” (del 16 de xunu al 1 de xunetu) y “La gaita n’Asturies” (del 2 al 16 de xunetu). Amás tán programaes obres de teatru y la entrega de los premios del XIII Concursu Cuentos pola Oficialidá (el día 1 de xunetu). El día 3, día grande, va haber munches actividaes. El pregón d’esti añu va dalu y el conciertu de pieslle de la fiesta va ser de la Bandina La Coruxa, La Tarrancha y DJ J15. Asturnews ufre darréu programa completu de les fiestes, que se celebren en Bimenes pa facer alcordanza de la fecha na que lAyuntamientu declaró la llingua asturiana oficial, decisión revocada polos poderes políticos superiores: miércoles 16 xunu xueves 1 xunetu na Casa la Cultura (Santuyano) 1600 – 2000 hores. Esposición: La llingua na hestoria. Collabora: Serviciu de Normalización Llingüística de la Mancomunidá Comarca de la Sidra. xueves 1 xunetu na Casa Conceyu (Martimporra) 1930 hores. Entrega de premios del XIII Concursu de Cuentos pola Oficialidá del Asturianu y llectura pública de la obra ganadora del primer premiu. na Casa la Cultura (Santuyano) 2030 hores. Teatru. Representación de la obra Nel cielu hai una estrella, a cargu del Grupu de Teatru El Hórreo. vienres 2 xunetu vienres 16 xunetu na Casa la Cultura (Santuyano) 1600 – 2000 hores. Esposición: La gaita nAsturies. Collabora: Obra Social y Cultural de Caxastur. sábadu 3 xunetu nel prau dEl Padrizu (Rozaes) 1100 hores. Apertura de la VIII Feria dArtesanía y Mercáu de Productos Agroalimentarios. 1130 hores. Pasacais de los grupos folklóricos Los Yerbatos (Bimenes) y Os Pauliteiros (Miranda del Douro) hasta la Casona de los Careaga (Xenra). na Casona de los Careaga (Xenra) 1200 hores. Pregón, a cargu de Xulio Elipe Raposo Xune, cantante del grupu de rock Dixebra. 1230 hores. Misa nasturianu, oficiada por José Manuel García de Jesús y cantada por El Corriellu la Pandorga (Bimenes). nel prau dEl Padrizu (Rozaes) 1315 hores. Puyal ramu. Entama: Sociedá de Feries y Fiestes Nuestra Señora del Rosario de Santuyano. 1330 hores. Actuación de los grupos folklóricos Los Yerbatos (Bimenes) y Os Pauliteiros (Miranda del Douro). 1430 hores. Xinta popular. Entama: Sociedá de Feries y Fiestes Nuestra Señora del Rosario de Santuyano. Corderu a la estaca y parrillada mixta (costielles, chorizu y pollu) PRECIU: 20 (inclúi pan y arroz con lleche). Venta de vales na Casa Conceyu, Casa la Cultura, Casa de les Radios, Café Bar La Vega y Taberna de Vite. El plazu pa mercar los vales acabal 28 de xunu. Nun se venderán vales nel prau de la fiesta. 1600-1800 hores. Taller de manualidaes pa neños, a cargu de lAsociación Sociocultural Afayaivos. 1830 hores. XI Concursu de Gaiteros y Gaiteres Mozos. 2300 hores. Conciertu de La Bandina la Curuxa, La Tarrancha y DJ J15 10 de xunu, 2010 0 FacebookTwitterPinterestEmail
Plástiques Convócase un certame fotográficu alredor de La Isla y la so redolada by asturnet 1 de xunu, 2010 L’Asociación Amigos de La Isla” convoca esti Certame Fotográficu “La Iisla y la so redolada” nel que pueden participar tolos interesaos con un máximu de trés fotografíes en llibre formatu y color. Les obres van tener un tamañu mínimu de 20 x 30 cm. y van presentase montaes en paspartú o cartulina ríxida de 40 x 50 cm. Hai un premiu de 300 y otru de 200 euros. Les obres van apurrise personalmente o corréu postal a la Casa Municipal de Cultura, asitiada na carretera xeneral de Colunga. El plazu máximu d’entrega d’obres va rematar el día 16 de xunetu. Del 1 al 16 d’agostu, va realizase una esposición nel Local Social “La Escuelina” de La Isla (Colunga) con toles obres presentaes. 1 de xunu, 2010 0 FacebookTwitterPinterestEmail
Fiestes Ciañu celebra esti domingu la Ier Romería de Primavera by asturnet 28 de mayu, 2010 LAyuntamientu de Llangréu, en collaboración cola Asociación de vecinos S. Antonio de Ciañu, el Club dAtletismu Lagueyu y la Escuela de Música Tradicional del AMPA del Conservatoriu Valle del Nalón organicen esta primer fiesta de primavera que va tener llugar en Ciañul próximu domingu 30 de mayu. La Romería coincide cola primer carrera de Montaña Valle del Samuño Memorial Marcos Hernández y presenta una montonera actos que dende primer hora de la mañanal domingu van llevar folixa y cultura tradicional per tol distritu llangreanu de Ciañu. A les 9:30 hores, nel parque Ciañu, va tener llugar la salida la carrera, dempués habrá Alborada de gaita y tambor con desfile de cabezudos y xigantes y disparu de voladores. A les 11:30h van ponese talleres de baille a lo suelto colos monitores de l’Andecha Folclor d’Uviéu, y de xuegos tradicionales pa neños/es colos monitores dESPOR[A]. Dempués de recibir a los vencedores de la carrera va tener llugar la I Muestra de Cantares en Chigre coles Corales Santa Apolonia de Pañeda y José León Delestal. A les 14:00h y pa rematar los actos de la mañana va tener llugar la entrega Premios de la 1er Carrera Valle del Samuño Memorial Marcos Hernández. Yá de tarde, a les 17.30h, el parque de Ciañu va acoyer la ROMERÍA DE PRIMAVERA DE CIAÑU coles actuaciones de: Coru del IES de la Quintana, Profesores de la Escuela de Música Tradicional del AMPA del Conservatoriu Valle del Nalón (Anabel Santiago, Chus Solís, Héctor Braga, Pepín de Muñalen, Elías García, Chema Fombona y Pelayo Fernández) y l”Ensame de Música Tradicional LLangréu”. 28 de mayu, 2010 0 FacebookTwitterPinterestEmail
Plástiques Xixón va acoyer un añu más lAlcuentru internacional de semeyes y periodismu by asturnet 28 de mayu, 2010 L’Asociación CREAR Cultural entama esti Alcuentru que se celebra ente los díes 9 y 18 de xunetu ya inclúi, amás, un concursu de fotoperiodismu y un taller. Al concursu de fotoperiodismu pueden resentase trabayos que contenga ente 40 y 100 semeyes y el premiu ye de 6.000 euros. El plazu del concursu remata’l 15 de xunu. La información alredor de les bases pue consiguise nel teléfonu 985 140 680 o na páxina web del certame. Páxina de los organizadores del certame 28 de mayu, 2010 0 FacebookTwitterPinterestEmail
Plástiques Corvera convoca un certame de dibuxu y pintura albentestate by asturnet 27 de mayu, 2010 El Conceyu de Corvera fai llamada pa participar d’esti Certame de Dibuxu y Pintura al aire llibre que se va celebrar el día 30 de mayu. La téunica, asina como los materiales que s’empleguen, quedarán a llibre escoyeta. Ente les categorías contémplanse una de 15 a 20 años y otra de 21 años n’adelantre. Los premios van de los 75 a los 700 euros. http://tematico.asturias.es/juventud/_contenidos/_docs/_pdf/8333_es.pdf 27 de mayu, 2010 0 FacebookTwitterPinterestEmail