Xuventú Asturianista súmase a la petición de PAS y Andecha Astur por unes selecciones deportives asturianes

Xuventú Asturianista, mocedá venceyada al PAS, súmase a la que consideren “perbona iniciativa de xuntanza de los partíos nacionaliegos Andecha Astur y Partíu Asturianista” y piden Gobiernu d’Asturies “la torna de la seleición asturiana absoluta de fútbol”.

Xuventú Asturianista recuerda que lleven siete años “estrañando nestes fiestes navidiegues el partíu de la seleición absoluta asturiana de fútbol”.

XA llamenta “la inactividá de la nuesa clas dirixente que-y torga a los asturianos dende fai 7 años ver a la so selección nacional nel deporte rei (el fútbol)”. Nun son quien, comenten, “a imaxinar que-y fexo’l Pueblu Asturianu pa que comunidaes autónomes como Estremadura o Navarra puedan tenela y nosotros non”.

Dende Xuventú talanten que nun tien “nenguna credibilidᔠla política deportiva d’esti Gobiernu Asturianu formáu poles fuerces, que califiquen “centraliegues españoles PSOE ya IU”. La xuventú del PAS diz tar “trabayando (como ye vezu) pa que dientro d’unos años ver a la seleición de la nuesa nación seya daqué dafechamente normal, y que tea normalizada la so presencia internacional”.

Vidiu asoleyáu pola Xuventú Asturianista pa promocionar la selección asturiana de fútbol.