Una nueva llínea d’autobús exprés conectará la zona oeste y l’Hospital de Cabueñes

Xixón va cuntar con una nueva llínea d’autobús exprés que va conectar la zones Oeste y Este de la ciudá. La nueva llínea Y71 va empezar a funcionar el 14 de setiembre con cabeceres en Gran Capitán y Hospital de Cabueñes. Va Cuntar con dolce paraes y frecuencies cada 30 minutos, amenorgando un 20% el tiempu del trayectu al respective de la Llínea 1.

L’alcaldesa de Xixón, Ana González Rodríguez, tuvo na presentación d’esta nueva llínea tresversal de 11 kilómetros de percorríu la selmana pasada y señaló que la redeficinición del tresporte públicu de Xixón tien como oxetivu emprestar un meyor serviciu y atender les demandes del la ciudadanía. Tratase de poner llínees más directes con menos paraes para ganar rapidez, comodidá y eficiencia. Esto va amestáu a la renovación de llexar acorde al conceutu de sostenibilidá y confortabilidad.

El xerente de EMTUSA, Juan José Piniella, pela so parte, señaló que la llínea Y71 va tener un públicu oxetivu de 1’3 millones, dexando aumentar la cobertoria de los autobuses municipales, y va circular los díes llaborales de 7 de la mañana a 22:15 de la nueche.

Coles mesmes, el presidente de la Empresa Municipal de Tresporte Urbanu, José Luis Fernánez, informó que yá se recuperó un 62’5% de viaxeros al respective de 2019 y l’oxetivu ye algamar más del 80% a partir de setiembre.