Uncategorized

La segunda proyección del ciclu de cine “La muyer nel arte” qu’entama la conceyalía d’Igualdá d’Avilés, ufierta “Pollock”, un llargumetraxe que va dexar encetar la vida y l’obra de Llei Krasner, pintora y amante del artista protagonista, Jackson Pollock. Va Ser el xueves 6 de mayu, a les 18 hores nel Auditoriu de la Casa de Cultura.

El calendariu escolar preparáu pola Conseyería d’Educación pal nuevu xursu 2021-2022 va incluyir descansos cada seis selmanes. La Conseyería d’Educación aprobó esta selmana’l calendariu escolar del próximu cursu, que va arrincar el 9 de setiembre pa Infantil y Primaria y el 14 en Secundaria.

El pasáu xueves 22 d’abril de 2021 púnxonse en marcha’l circuitu lliterariu «Autores nel Camín 2021», que la Dirección Xeneral de Política Llingüística entama cola idea doble de d’averar al públicu a los y les autores que llevaron dalgún de los premios lliterarios n’asturianu y al tiempu participar na celebración del Añu Xacobéu 2021.

Iniciativa pol Asturianu treslladó esta selmana nel Conseyu Asesor de Política Llingüística de la Conseyería de Cultura, Política Llingüística y Turismu, la necesidá d’abrir el procesu de reforma del Estatutu. La organización llamaba asina a nun perder tiempu y entamar a falar pa facer oficiales les nueses llingües.

IX va faer un llamamientu a otru partíos pa establecer un ‘itinerariu’ pola oficialidá del asturianu y darréu d’ello va pidir la concreción d’una fueya de ruta que dexe algamar la reforma del Estatutu pa incluyir la oficialidá del asturianu.

L’escritor Xandru Martino Ruz y la periodista Pilar Rubiera Alonso van ser esti mayu nuevos miembros de l’Academia de la Llingua Asturiana, depués de qu’asina lo apaitara l’ALLA na so sesión estraordinaria d’esti mes.

Iniciativa pol Asturianu vieno acabante calificar d’absurdu l’alderique sobre l’usu del asturianu na Xunta Xeneral nuna nota de prensa na que la organización ufierta de manera gratuita y a costu cero pal erariu públicu un cursu pa tolos y toles diputaes de la Cámara.

La Xunta pola Defensa de la Llingua Asturiana (XDLA) vieno acabante desixir nesta selmana santa a la dirección de RTPA la puesta en marcha d’una programación infantil nel nuestru idioma duradera nel tiempu. Amás, la organización reclama qu’estos conteníos se cubran col propiu presupuestu de RTPA.

La Xunta pola Defensa de la Llingua Asturiana (XDLA) entama un cursu básicu de llingua asturiana on line pa persones adultes de 20 hores de duración, onde los alumnos y alumnes van poder perfeccionase nel bon usu del idioma tanto a nivel escritu como oral. Les clases van escomenzar el llunes 12 d’abril.

Iniciativa pol Asturianu vieno acabante felicitase pola sentencia del Tribunal Constitucional refrendando l’usu del asturianu na Xunta que na so opinión afita la necesidá de siguir normalizando l’idioma: “Va una selmana que’l Congresu de los Diputaos sofitó con 194 votos a favor la demanda de la oficialidá del asturianu. Ye’l momentu d’iguar esta anomalía constitucional”, afirmen nuna nota de prensa asoleyada esti día.