Uncategorized

Les fanfarries van animar les cais d’Avilés nun martes nel que torna’l XL Gran Desfile d’Antroxos, Moxigangues y Carroces, presentáu por Alberto Rodríguez, y va ser l’últimu día para esfrutar de los Menúes de Antroxu. El Miércoles de Ceniza va tener llugar el Desenclavu, Veloriu, Entierru y Quema de la Sardina.

La 51ª edición del Festival Interceltique de Lorient, que va celebrase del 5 al 14 d’agostu, vieno acabante amosar agora la segunda y penúltima parte del so programa, cola incorporación de dellos artistes asturianos como Rodrigo Cuevas que refuercien la celebración del añu dedicáu a Asturies nel Festival.

Esti xueves a les 19:00 hores, na Biblioteca d’Asturies d’El Fontán, Alejandro Fernández-Osorio va presentar el poemariu Tayu, una propuesta poética que s’aparta de la presentación tradicional p’averase al monólogu dramáticu y qu’algamó esti añu’l Premiu Xuan María Acebal de poesía n’asturianu.

La estatua del Anxelín estrena nuevu allugamientu nel Campu San Francisco. Operarios del serviciu dieron en la so instalación nel Paséu del Bombé, al altor de la biblioteca de La Granxa, ente’l paséu y la zona de xuegos infantiles.

El Xardín Botánicu Atlánticu empecipia esti mes un nuevu ciclu de conferencies que, sol títulu “De charra col Botánicu”, pretende averar a la ciudadanía la ciencia y la cultura venceyaes al mundu vexetal.

El movimientu de reivindicación llingüística volvio pedir esti xueves nes cais d’Uviéu responsabilidá y compromisu a los partíos políticos pa resolver nesta llexislatura un déficit democráticu que nun almite más aplazamientos, convocáu pola Xunta pola Defensa de la Llingua Asturiana (XDLA).

La Xunta pola Defensa de la Llingua (XDLA) vieno acabante convocar una concentración pa esti xueves 3 de febreru, a les 19:30 hores, alrodiu de la Xunta Xeneral n’Uviéu, a la que se quier arrodiar cola “O” d’Oficialidá. La concentración va presentase esti martes  a les 17 hores na so sede de la cai Cimadevilla 15, escalera A 1° C d’Uviéu.

IX vieno acabante asoleyar esti llunes una nota de prensa na que desvenceyase dafechu d’un alcuerdu fiscal Podemos-Foro y pide ‘descontaminar’ la reforma pa la oficialidá del alderique impositivu. Alejandro Suárez, a la vista de que yá hai “probablemente” una mayoría parlamentaria p’aprobar una baxada d’impuestos n’Asturies, cree que yá “nun hai razón por que la mesa del estatutu siga bloquiada”.

Foro Asturias asoleyaba esti día un comunicáu depués de que’l so Comité Executivu ficiera un analís de la propuesda fiscal de Podemos col que facía anuncia de la so disposición a llograr un apautamientu al rodiu de la reforma estatutaria y la oficialidá del asturianu.

Kanye West (agora llamáu Ye) pidió editar el documental sobro la so vida, ‘Jeen-yuhs: A Kanye Trilogy’, cuando faltaben menos de dos díes por que se estrene nel Festival de Sundance.