Tecnoloxía

Los ocho miembros de la Comisión de Presupuestos del Parlamentu Europeu van tar estos díes de visita per Aviles, Xixón, Uvieu, Llanera y Llangreu-La Felguera, por unes xornaes coordinaes pola Dirección Xeneral de Rellaciones Esteriores y Asuntos Europeos qu’escomenzarán güei cola visita a la Ría d’Aviles y al Puertu de Xixón. L’obxetivu d’estes xornaes ye amosa-yos a los Comisarios dalgunes de les midides y de los proyectos más representativos que foron desendolcaos n’Asturies nos ultimos años gracies a la xestión de los Fondos Estructurales y el Fondu de Cohesión; principales instrumentos financieros puestos a disposición pola Unión Europea, col obxetivu de fortalecer la cohesión económica y social.

El primer actu del día tendrá llugar güei a les 17:30 n’Aviles onde l’alcalde de la villa Santiago Rodríguez Vega, va recibir a los comisarios pa conocer in situ les meyores feches na rodiada de la ría. Ente los actos programaos ta la visita a la depuradora de Maqua, ún de los pilares del saneamientu integral de la Ría d’Aviles y al puntu d’encuentru: ‘Punte de aprendices’, onde se-yos va esplicar con paneles les obres feches.

La xornada terminará a les 19:30 nel Puertu de Xixón onde los miembros de la Comisión van tener la ocasión de siguir los avances nel proyectu d’infraestructures y tresporte de l’Autoridá Portuaria de Xixón pal puertu d’El Musel.

Mañana, la delegación va treslladase a Uvieu pa visitar el Consorciu de Xestión de Residuos (COGERSA) y p’asistir a la reunión posterior na se de Presidencia d’Uvieu col Presidente del Principáu d’Asturies, Vicente Álvarez Areces, el Conseyeru de Xusticia Seguridá Pública y Rellaciones Esteriores, Francisco Javier García Valledor, y el Conseyeru de Facienda,Jaime Rabanal García.

La Comisión terminará la so estancia nel Principáu col actu programáu en La Felguera pa conocer la Ciudá Industrial y Tecnolóxica del Valle’l Nalón (VALNALÓN) y el so proyectu de formación, emplegu y nueves tecnoloxíes.

Un consorciu lleváu a cabu por tres firmes de soluciones informátiques en collaboración cola Universidá Politecnica de Cataluña, el País Vascu, Alicante y Vigo, financiáu por Ministeriu d’Industria, desarrolla’l primer sistema de traducción automático, llamáu Opentrad, que trabaya sobre testos, documentos y páxines web completes, pa volveles del castellán al catalán, al gallegu y vascu, y dende’l catalán y el gallegu al castellán.

Mentes que yá existíen otros traductores bidireccionales, esti ye’l primeru que se fai con programariu llibre, lo que permite’l so usu de baldre al travies de la páxina web Opentrad.

Anguaño yá se ta usando esti traductor na Alministración pública gallega na traducción de documentos oficiales.

Opentrad

Angel Cabal, Direutor Rexonal d’Informática fizo l’anuncia en Vilanova i la Geltrú de que dientro un mes yá tará operativu’l Xestor d’Infraestructures de Telecomunicaciones (GIT) del Principáu d’Asturies que tien d’encargase de xestionar la Rede de Telecomunicaciones asturiana. Angel Cabal participa na Primer Xunta Europea de Ciudaes IP (IPCities Event 2006) nel que tamién participa como ponente invitáu’l direutor d’Asturnews, Próspero Morán.

IP CITIES EVENT 2006, convocáu pol Centru Tecnolóxicu Neapolis y l’Ayuntamientu de Vilanova i la Geltrú, axunta a un conxuntu de ciudaes europees que cunten con modelos de desendolcu afitaos n’infraestructures de FTTH (Fiber To The Home). La tecnoloxía FTTH permite crear infraestructures de redes d’alta velocidá pa innovar ya incentivar les economíes urbanes. Angel Cabal presentó’l proyeutu de FTTH previstu pales Cuenques Mineres del Nalón, el Caudal y el Narcea, que tien de tar fináu en xineru de 2007.

Ente los proyeutos de les ciudaes europees participantes alcuéntrense’l Pau Broadband Country (ciudá de Pau, en Francia, col su proyectu en desendolcu Pau Broadband Country y el so proyectu xeneral Paulywwod) y Ons Net (de la ciudá de Nuenen, en Holanda).

Ente los díes 18 y 20 de mayu, va acoyer la cellebración del Congresu Europeu d’empresarios mozos que va cuntar cola presencia d’empresarios-ponentes de reconocimientu nacional y internacional que tresmitirán les sos esperiencies empresariales a los asistentes, amás de centrase n’estremaos foros de debate nos que se van tratar, ente otros, los retos a los que s’enfrenten nestos momentos les Pymes d’Europa.

Esti congresu de calter intersectorial constitúi un foru de reflexón sobre la situación, les inquietúes y los retos de les Pymes en toa Europa. Quier, sobre too, xenerar conciencia sobre la necesidá d’aumentar la competitividá de les empreses y va tratar los temes que, según les encuentes, son más importantes: la Globalización, los mercaos emerxentes, la responsabilidá social corporativa, la nueva xestión de los RRHH, nueves tecnoloxíes, la sostenibilidá, la calidá y l’I+D+I.

Páxina de los alcuentros

Colectivos profesionales y ciudadanes de Galicia tenten algamar la reconocencia d’un dominiu propiu n’Internet pa la so comunidá siguiendo los pasos daos apocayá por inicitives asemeyaes como la catalana .cat. Tres l’admisión pel ICANN (Internet Corporation for Assigned Names and Numbers) d’un rexistru propiu pa la comunidá cultural del idioma catalán, los gallegos allampien por esi finxu pa la so comunidá.

Una docena d’entidaes representatives de diversos ámbitos sociales de Galicia constituyeron recientemente en Santiago de Compostela la promotora de l’Asociación PuntoGal , que tien como oxetivu la creación del dominiu .gal como espaciu propiu na Rede pa la cultura y la lingua del país vecín. Estes organizaciones van avalar la candidatura énte l’ICANN, l’organismu internacional que se encarga d’autorizar y de reconocer los dominios.

La promotora ta formada por representantes de l’ Asociación de Editores de Galicia, Asociación de Enxeñeiros de Telecomunicacións de Galicia, Asociación Fillos de Galicia (fillos.org), Colexio Profesional de Xornalistas de Galicia, Consello da Xuventude de Galicia, Asociación de Empresas Galegas Adicadas a Internet (Eganet), el diariu dixital Galicia Hoxe, Idesga-Galego 21, ISOC-Galicia, Mesa pola Normalización Lingüística, Real Academia Galega (RAG) y el portal Vieiros.

Blogak 2.0 yel nome d’unes xornaes que van desendolcase na Universidá de Deusto en Bilbo el día 6 d’abril y nes que los representantes de destacaes compañíes teunolóxiqueas van xuntase cola xente que ta desendocando la “Web 2.0” anguaño n’España. Blogs, wikis, ferramientes sociales, servicios web y APIs, podcasts, tags y folksonomíes o la web semántica van ser dellos de los temes sobre los que s’alderique nuna xornada na que Microsoft va presentar el so futuru sistema operativo online “Atlas”.

Les Xornaes van celebrase’l xueves 6 de abril na Universidá de Deusto (Bilbo)y van cuntar cola participación de responsables de proyeutos que piensen de compartir les sos esperiencies. Ente los que ya tienen perconfirmada la so asistencia alcuéntrense representantes de destacaes compañíes teunolóxiqueas( como Martin Varsavsky, de Fon; Bernardo Hernández, de Google;o Alberto Sánchez Escudero, de Microsoft Atlas).

Ente los obxetivos que se planteguen estes xornaes atópense cuestiones como la descipción de les estremaes esperiencies que se tan desendolcando nel ámbitu de la ‘Web 2.0’ y la ufierta de formación téunica de las diverses teunoloxíes que se empleguen anguaño: Ajax, APIs, feeds, microformatos, software social, ect..

Les xornaes tamién puxen por dar a conocer les nueves oportunidaes qu’hai na ‘Web 2.0′ d’emprender ya innovar, y dar a conocer los nuevos proyeutos que se están desendolcando nel nuesu entornu, pa que sirvan como “elementos tractores”.

Web de les Xornaes

La Plataforma Nacional d’Asociaciones de Profesores d’Informática tien convocada pa esti miércoles 22 una fuelga de calter estatal col fin de reclamar que la so asignatura algame’l calter d’obligatoria na enseñanza secundaria. Los docentes piden qu’esta obligatoriedá quede recoyida na Llei Orgánica de la Enseñanza (LOE), anguaño en fase de tramitación parlamentaria.

Según el colectivu qu’axunta a los profesores d’esa materia, l’español xunto a l’italianu son los únicos estaos comunitarios onde l’asignatura d’informática nun tien calter obligatoriu na enseñanza secundaria. La plataforma convocante de la fuelga d’esti miércoles remembra los encamientos de la UNESCO pa que los conocimientos informáticos se consideren al mesmu nivel que l’accesu a la llectura y a la escritura analóxiques.

L’Auditoriu d’Uviéu acueye hasta esti miércoles 15 les VI Xornaes de Software Llibre d’Asturies , entamaes pola asociación Asturlinux y pola Escuela Universitaria d’Inxeniería Técnica n’Informática. Diversos espertos analicen nel congresu les estremaes posibilidaes del códigu abiertu nel mundu de la comunicación, la economía y l’intercambiu cultural.

La sesta edición d’estes Xornaes desenvuelve un intensu programa dedicáu a dellos de los principales retos y realidaes a los que s’enfrenten los usuarios de Software Llibre, asina como a les aplicaciones profesionales y comerciales d’esta práctica tecnolóxica. El congresu piésllase esti miércoles 15 cola presencia, ente otros ponentes, de Raúl Rivero, responsable de la edición dixital del diariu El Mundo y del colaborador asturianu de Wikipedia, Omar Álvarez.

La web nomada Pitido Popular amuesa cola publicación d’un análisis del log de la cuenta de firmes contra l’Estatut catalán de la páxina oficial del Partido Popular (PP)que la recoyida de signatures respuende a un programa informáticu robot que les rexistra con una frecuencia regular.

La denuncia espuesta pola web anti-PP cuenta col sofitu d’especialistes como’l conocíu Ignacio Escolar qu’afirma na so bitácora Escolar.net que “si el contador de la páxina del PP amosase los datos a midida que se recueyen les firmas na web, sería imposible tal precisión, nengún fenómenu físicu -y menos inda una recoyida de firmes- ye tan ordenáu”, señala.

La denuncia de la web Pitido Popular súmase a otres nes que s’amosaba la votación contra’l nuevu Estatut de duldosos firmantes como Harry Potter, el patu Donald o los mesmésismos Pasquall Maragall y Carod Rovira. Pel so llau el

El gurú del software llibre y difusor del sistema operativu Linux el neoyorquinu Richard Matheew Stallman intervién esti viernes 2 en Xixón, nel salón d’actos de la Escuela Politécnica Superior d’Inxeniería, nuna conferencia sobre’l desenvolvimientu de programes con códigu abiertu. La figura central del movimientu tresnacional en favor de los sistemas operativos alternativos y promotor del sistema GNU/Linux llega a Asturies envueltu n’avezada espectación que provoquen les sos conferencies en cualquier llugar del mundu.

Stallman, graduáu en Física pola Universidá de Harvard y hacker nos 80 del llaboratoriu d’intelixencia artificial del MIT, ta consideráu como un auténticu profeta del movimientu pol software llibre. Dende que desarrolló el sistema Linux y espardió les sos teoríes per dayures tien coyechao abondos reconocimientos públicos pol so llabor y ente los sos admiradores recibe un tratamientu propiu de les grandes estrelles del pop. Doctor Honoris Causa pola Universidá de Salta (Argentina) y pol Royal Institute of Technology de Suecia creó creador como programador l’editor de textos Emacs, el depurador GDB y el compilador GCC.

La conferencia nel campus de Biesques en Xixón ta programada pa les once de la mañana d’esti viernes 3 de marzu.