Sociedá L’Academia de la Llingua Asturiana anuncia un Día de les Lletres alternativu na seronda by redacción asturnews 20 de marzu, 2020 L’Academia de la Llingua Asturiana (ALLA) aplaza pa la seronda’l Día de les Lletres Asturianes, qu’habría celebrase’l 8 de mayu, por cuenta de la crisis sanitaria. D’alcuerdu cola Conseyería de Cultura, Política Llingüística y Turismu y cola Dirección Xeneral de Política Llingüística del Gobiernu d’Asturies, l’Academia camienta que la situación provocada pol coronavirus COVID-19 –causante de la declaración del estáu d’alarma y del decretu de les midíes d’enzarru– aconseya l’aplazamientu de tolos actos previstos pa la Selmana y el Día de les Lletres Asturianes hasta la seronda, col enfotu de celebralos entós, en feches qu’habrán fixase y asoleyase de forma afayadiza. El Gobiernu asturianu yá entamare’l diseñu de la Selmana de les Lletres Asturianes que, ente los díes 4 y 8 de mayu, diba dedicar los sos actos de promoción de la lliteratura n’asturianu y n’eonaviegu a la figura de la escritora María Teresa Villaverde, Tuxa. Pel so llau, l’ALLA tenía yá bien avanzada la xera organizativa del cuarentenu primer Día de les Lletres Asturianes, previstu pal 8 de mayu y n’onde, ente otro, taba programada la entrega del II Premiu Nacional de Lliteratura Asturiana al escritor Xuan Xosé Sánchez Vicente. En respuesta a esti aplazamientu sobreveníu y necesariu, l’Academia piensa yá nun diseñu alternativu del actu que se desenvuelve añalmente alredor de la xunta estraordinaria de la Institución. ACADEMIA DE LA LLINGUA ASTURIANA Ver Nota 20 de marzu, 2020 0 FacebookTwitterPinterestEmail
SociedáTecnoloxía #yomequedoencasa: Les cites culturales on line del día by redacción asturnews 20 de marzu, 2020 Hai tantes propuestes que la llista de cites culturales p’acaldía sería llarguísima, por eso nun ta de más facer una escoyeta de les cites culturales que pueden siguise güei on line, yá sía en streaming, al traviés de les redes sociales o nes webs d’instituciones o equipamientos como respuesta al confinamientu. Siguir lleendo 20 de marzu, 2020 0 FacebookTwitterPinterestEmail
ComunicaciónConceyosSociedá El Conceyu de Xixón pon en marcha la web ‘Xixón quédase en casa’ by redacción asturnews 19 de marzu, 2020 Na direición web https://gijonsequedaencasa.es el Conceyu de Xixón busca convertise nun puntu d’alcuentru diariu de vecines y vecinos de la ciudá mientres estos díes de confinamientu nes cases. Siguir lleendo 19 de marzu, 2020 0 FacebookTwitterPinterestEmail
ComunicaciónConvocatoriesMúsicaSociedá Arranca’l #FormientuEnCasaFest, con actividaes diaries de cultura asturiana by redacción asturnews 18 de marzu, 2020 Arranca’l #FormientuEnCasaFest, con actividaes diaries alredor de la cultura asturiana dende casa, con más d’una decena d’actividaes que van llevase alantre p’animar el pasu del asillamientu de la sociedá asturiana y poner en valir la cultura asturiana. Siguir lleendo 18 de marzu, 2020 0 FacebookTwitterPinterestEmail
ComunicaciónSociedá El consumu televisivu algama máximos pol estáu d’alarma by redacción asturnews 18 de marzu, 2020 El domingu 15 de marzu de 2020 foi la xornada de mayor consumu televisivu na hestoria de la televisión española. El primer día nel qu’entraron a valir les restricciones pol estáu d’alarma, una media de 10,5 millones d’espectadores optaron pola pequenu pantalla mientres el confinamientu en casa para tratar de frenar la meyora del coronavirus ente la población española. Siguir lleendo 18 de marzu, 2020 0 FacebookTwitterPinterestEmail
ConceyosSociedá La Llaboral yá tien nueves feches pa dellos espectáculos aplazaos by redacción asturnews 17 de marzu, 2020 Llaboral Ciudá de la Cultura fixo públiques les nueves feches pa los espectáculos que tuvieron que ser atayaos por causa del coronavirus, dalgunos de los cualos fueron yá reprogramados en nueves feches. ‘ Siguir lleendo 17 de marzu, 2020 0 FacebookTwitterPinterestEmail
ConceyosSociedáTecnoloxía Xixón valora “bien positivamente” les resultancies del primer día de teletrabayu by redacción asturnews 17 de marzu, 2020 El Conceyu de Xixón vieno acabante valorar esti martes “bien positivamente” les resultancies del primer día de teletrabayu. La directora xeneral de Servicios del Conceyu de Xixón, Beatriz Zrezal, valoró los datos que refundia la primer xornada de teletrabajo que tuvo llugar ayeri llunes en tolos servicios municipales. Siguir lleendo 17 de marzu, 2020 0 FacebookTwitterPinterestEmail
ConceyosSociedá Avilés refuerza l’atención a mayores y persones vulnerables by redacción asturnews 17 de marzu, 2020 Con contactos telefónicos con mayores de 75 años y Ayudes d’Emerxencia para necesidaes básiques Avilés vieno acabante de dar anuncia esti dia al refuerzu de l’atención a mayores y persones vulnerables. La presencia física d’emplegaos municipales nos sos puestos llindar a los servicios esenciales siguientes: Alcaldía, Atención Ciudadana y Rexistru, Policía Local, Campusantu, Caltenimientu y Servicios Sociales. Siguir lleendo 17 de marzu, 2020 0 FacebookTwitterPinterestEmail
ConceyosSociedá Uviéu enllanta la gratuidá del bus urbanu by redacción asturnews 17 de marzu, 2020 Uviéu enllanta la gratuidá del bus urbanu y refuerza llínees para evitar andaes y garantizar el serviciu, amás d’amenorgar al 50 per cientu la flota de taxis y suspendre el pagu de la ordenanza reguladora d’aparcamientu (Zones Azul y Verde) mientres tea vixente l’estáu d’alarma. Siguir lleendo 17 de marzu, 2020 0 FacebookTwitterPinterestEmail
ConceyosSociedá Xixón suspende la O.R.A, l’I.B.I estremáu y les tases by redacción asturnews 16 de marzu, 2020 El Conceyu de Xixón decidió a primer hora d’esta mañana suspender el serviciu de cobru d’aparcamientu de la O.R.A y les tases pola instalación de terraces, agua, recoyida de basures y alcantarelláu. Tratase d’una más de les midíes adoptaes pol Consistoriu xixonés destinada a apangar l’impactu económicu que l’Estáu d’Alarma decretáu va tener sobro la hostelería, hotelería y pequenu comerciu de la ciudá. Siguir lleendo 16 de marzu, 2020 0 FacebookTwitterPinterestEmail