Sociedá

“Nun pue zarrar los güeyos ante fechos tan claros como l’exitu clamorosu de les marches pola oficialidá del 24 de payares del añu pasáu, o más recientemente la gran acoyida de les I Xornaes sobre Llingua y Educación, organizaes pola Confederación Intersindical y Suatea”. Esti ye’l mensaxe que’l Sindicatu Unitariu Autónomu de Trabayadores de la Enseñanza d’Asturies quiso unviar a la clas política cola negociación del futuru estatutu d’autonomía nel horizonte. SUATEA asoleyó esta idea nun comunicáu nel que pidio la participación de la concentración convocada pol Conceyu Abiertu pola Oficialidá pal próximu llunes 14 d’abril a les 9:30 hores, delantre de la Xunta Xeneral del Principáu.

El sindicatu considera necesario que la llingua asturiana seya oficial nel prósimu estatutu porque esta ye la única ferramienta llegal que pue garantizar el respetu a los derechos civiles de tolos asturianos y asturianes.

Los Vaqueiros d’Alzada quieren optar al Premiu al Pueblu Exemplar d’Asturies na edición de 2008. Como meritos, les asociaciones La Brañína, Vaqueiro de Honor y la Vaqueirada presenten, la defensa que fae del patrimoniu natural y los fondos raigaños culturales que exemplifiquen los vaqueiros. Según el presidente de la entidá, Gonzalo Gayo Corbella, “los vaqueiros d’alzada foron y son los verdaderos guardianes del paraísu natural que ye güei Asturies”. La candidatura ya ta remitida a la Fundación Príncipe de Asturias.

Esti sábadu, día 12 d’abril, a les seis de la tarde, celebraráse una reunión pa formar oficialmente la delegación asturiana de l’Asociación de Madres, Padres y Familiares de Lesbianes, Gais, Transexuales y Bisexuales (AMPGYL).

Nestos meses un grupu de madres y padres asturianes, xunto coles sos fies y fios con orientación gai, lébica, bisexual y transexual implicáronse en delles actividaes organizaes pola asociación AMPGYL. Frutu de too ello fue’l viaxe a Zaragoza’l pasáu mes de payares pa participar na reunión estatal de families, la presencia n’Asturies de responsables d’AMPGYL asina como l’asistencia a la reunión de coordinación celebrada va poco en Rivas-Vaciamadrid.

Depués d’estes actividaes decidiose dar el pasu definitivu pala fundación d’una sección n’Asturies de l’Asociación de Madres y Padres. Por ello convidamos a tolos padres, madres y familiares de gais, lesbianes, transexuales y bisexuales a participar na asociación y a qu’asistan a la reunión fundacional que va celebrarase nel Conceyu Abiertu, Cai La Gascona 12 d’Uviéu’l próximu sábadu a les seis de la tarde.

El Conceyu de L.lena, al travies del Serviciu de Normalización Llingüística llanzuna nueva campaña de normalización, dedicada nesta ocasión a fruteríes, carniceríes y pescaderíes. ‘Ye como ye’ ye ‘l nome d’esta campaña que vien a promover l’usu de la llingua asturiana nes rellaciones sociales de los ciudadanos. Van repartise cartelos descriptivos colos nomes de los alimentos na variante del asturianu que se fala nel conceyu y 21.000 bolses de plásticu pa los comercios col eslogan “lo que necesites, lo que te presta, comerciu asturianu”.

La campaña ta organizada pola “Rede de Normalización Llingüística nos conceyos” : un organismudel que formen parte L.lena, xunto con Siero, la mancomunidá del Cabu Peñes, la mancomunidá de la Sidra, Llangreu y Samartín del Rei Aurelio.

El vienres 11 d’abril a les 20:00 hores, el Llar Solidariu celebra nel so espaciu de “Conceyu Abieru”, la charra titulada “El movimientu antiglobalización en perspectiva”. Un actu nel que va intervenir Raúl Camargo, Miembru d’Espacio Alternativo y ún de los promotores del Foro Social de Madrid.

El llanzamientu del Foru Social Mundial nel añu 2000 fízose nel periodu inicial de xuba y medría rápida del movimientu “antiglobalización” embaxo l’impactu de les movilizaciones de Seattle en payares de 1999. Nesti contestu ñació la idea del Foru Social Mundial, a manera de contrapuntu al Foru Económicu de Davos.

Ernesto Avelino, de la Xunta pola Defensa de la Xingua, aprovechó l’actu de presentación del XX Conciertu pola Oficialidá, pa llanzar a los partíos políticos que van negociar el prósimu estatu p’Asturies, una riestra d’entrugues alredor de la oficilidá de la llingua asturiana. ” ¿Que quieren facer pa que la llingua asturiana nun muerra nin desapaeza adulces?. ¿Porque venti años de planes de normalización, de programes de promoción, nunvalieron más que pa caxigalines?. ¿Como ye qu’Asturies sea la única comunidá autónoma con una llingua propia y qu’esa llingua nun tea recoyida nel so estatutu como una llingua oficial?”, foron algunes de les más destacaes.

Otra manera, el Conceyu Abiertu pola Oficilidá convoca una concentración ente l’edificiu de la Xunta Xeneral n’Uvieu nel mesmu día (el 14 d’abril a les 09:30 hores), nel que los grupos parlamentarios asturianos van aconceyar pa negociar la reforma estatutaria. Dende’l CAO quieren facer ver qu’esti ye un momentu históricu p’Asturies y la última oportunidá de cuntar con un estatutu acorde cola realidá cultural y llingüística de nueso. El CAO sorrayó qu’Asturies ye la única comunidá con llingua propia que nun la reconoció como oficial.

El Conceyu Abiertu pola Oficilidá convoca una concentración ente l’edificiu de la Xunta Xeneral n’Uvieu nel mesmu día (el 14 d’abril a les 09:30 hores), nel que los grupos parlamentarios asturianos van aconceyar pa negociar la reforma estatutaria. Dende’l CAO quieren facer ver qu’esti ye un momentu históricu p’Asturies y la última oportunidá de cuntar con un estatutu acorde cola realidá cultural y llingüística de nueso. El CAO sorrayó qu’Asturies ye la única comunidá con llingua propia que nun la reconoció como oficial.

“La oficialidá ye una postura que pol momentu nun paez asumible pol PSOE”, nestos términos contestó’l voceru del grupu parlamentariu del PP, Joaquín Arístegui a los representantes de la Fundación Caveda y Nava nuna reunión cellebrada esti vienres, na que la Fundación pidió-y al PP que defendiese la oficialidá del asturianu na reforma estatutaria. Arístegui tamién quieso dexar claro que , pal so grupo, ye inasumible dafechu la obligatoriedá, anque ve “obsoleta la definición del asturianu nel actual Estatutu”.

Arístegui, si bien considera que podría algamase la reconocencia del asturianu como llingua propia, los límites de la propuesta del PP van pasar por una “oficialidá ensin obligatoriedá”. Amás, nel conceyu con Inaciu Iglesias, representante de la Fundación Caveda y Nava, afirmó que la propuesta de redacción fecha por esta organización va ser treslladada a los miembros populares que formen parte de la ponencia estatutaria. El diputáu treslladó amás el so convencimientu, de que’l PSOE va mantener una posición mui dura contraria de la oficialidá del asturianu.

El sindicatu de la enseñanza SUATEA va cellebrar los díes 4 y 5 d’abril les primeres Xornaes sobre Llingua y Educación nel Antiguu Institutu de Xixón. La primera xornada va entamar a les 16:30 hores con una mesa redonda sobre los derechos llingüísticos nel marcu estatal y europeu na que van participar xuristes como Leopoldo Tolivar, Jose Manuel Perez y Eva Pons; y el mayestru d’euskera Jose Manuel Urroz.

Tres un descansu, la xornada inaugural va finar con un alcuentro nel que sva debatise sobre’l papel de los axentes sociales na defensa de los derechos que cinquen a la llingua. Na mesma van intervenir, la direutora de Les Noticies, Beatriz R. Viado; el direutor de programación de Radio Sele, Xuan Xose Mariño; Xose Miguel Suárez, de Xeira; y Lluismi Orviz, de la Xunta pola Defensa de la LLingua.

Ne segunda de lesdos xornaes, la del sábadu 5 d’abril, van abordase dellos temes esenciales como la formación del profesoráu n’Asturies, del que falará, ente otros, el vicedecanu de la Facultá de Filoloxía, Xose Antón González Riaño; el tratamientu que se fai de la enseñanza del asturianu y otres llingües na educación primaria. Estes dos xornaes van finar con una espicha al cargu de los organizadores de les mesmes.

“La sidra como tien que ser”. Esti ye l’eslogán col que la Xunta pola Defensa de la Llingua y los llagareros d’Asturies van promover l’usu de l’asturianu nes sidreríes y restoranes de la rexón, no que ye una nueva inciativa cola normalización de la llingua asturiana como oxetivu caberu. El cartelu de la campaña va presentase esti vienres 28 de marzu nel Hotel Villa de Gijón (C/ San Juan de Valles, nº 3. Xixón) nun actu que va entamar a les seis la tarde.

Na presentación de la campaña van tar presentes el presidente de l’Asociación de Llagareros d’Asturies, Jose María Osoro; el representante de l’Asociación del Barriu de la Sidra, Jose Luis Acosta y el voceru de la Xunta pola Defensa de la Llingua Asturiana, Xuan Gonzalo. Esta campaña, qu’axunta sidra y cultura como ye tradicional na rexón, vien a amestase a les munches que vien desendolcando la Xunta, en favor del usu del asturianu.