Sociedá

El Grupu d’Opinión Algamar, de Siero, entama güei, xueves 3 d’avientu a les 19 hores, un alderique. L’actu va celebrase nel salón d’actos de la Casa la Cultura de La Pola Siero y va cuntar con un miembru de la Coordinadora Ecoloxista d’Asturies y representantes de les asociaciones vecinales de La Malpica (Carbayín) y El Solanu (El Remediu).

Andecha Astur (AA) y Partíu Asturianista (PAS) nun comunicáu conxuntu, que s’enxerta dientro de la so estratexa de buscar temes comunes, ta acabante pidir Al Gobiernu d’Asturies la promoción de toles federaciones deportives asturianes y la defensa de la so oficialidá y reconocimientu internacional. Amás, de pidir la vuelta de la seleición asturiana de fútbol a la qu’en 2000, 2001 y 2002 y dempués de 64 años ensin xugar “el pueblu asturianu amosó’l sofitu abrumaor pa cola so seleción y supunxeron una fiesta deportiva y de vindicación identitaria”.

Dempués d’ésitos talos, AA y PAS, camienten que la supresión de la selección “namái se pue pescanciar como una amuesa más de la política antiasturiana del gobiernu del PSOE y IU, que na so estratexa de negación, reprimen cualquier manifestación d´identidá coleutiva del nuesu país”.

Andecha y PAS consideren que ye momentu d’iguar esta situación y píden-y al Gobiernu que faiga “les xestiones afayaices pa garantizar la torna de la seleción asturiana absoluta de fútbol, nel prósimu mes d’avientu y el so afitamientu como representante futbolísticu de los asturianos y asturianes”.

Arriendes d’ello encamienten la puesta en marcha de toles midíes necesaries p’algamar “la oficialidá y el reconocimientu internacional” de toles federaciones deportives asturianes, oficialidá que “conllevaría una induldable promoción y afalamientu del deporte asturianu y una mayor capacidá económica y de xestión”.

Asinamesmo, el PAS quier recordar “que foi una iniciativa de só, aprobada nel Parllamentu Asturianu, la que punxo en marcha la selección asturiana de fútbol de los años 2000, 2001 y 2002”.

Resultaos hestóricos de la Seleición Asturiana de fútbol

Centenares de persones averáronse a La Pola Siero pa celebrar xunto col CAO, les 10.000 persones concretes que dan la Cara pola Oficialidá, dende xente anónimo hasta deportistes, músicos… Ente los que tán Chechu Rubiera, Milio’l del Nido o el xugador del Sporting de Xixón, Quini. Los trés y otres persones participaron nes actividaes, que pueden vese nel vidiu qu’acompaña a esta noticia.

Bolos nel Parque Alfonso X, en collaboración de la Federación Asturiana de Bolos, xuegos tradicionales na Plaza d’Abastos, amás d’un cuentacuentos, amuesa de Software llibre n’asturianu, per parte de SoftAstur y un Alcuentru de Pandereteres con Ramu peles cais de La Pola, xunto Los Sidros de Valdesoto, fueron delles de les actividaes d’una xornada que terminó con un Amagüestu, nel Antiguu Bancu Central, cola participación de Toli Morilla, Anabel Santiago, Duerna, Pandereteres de Fitoria y La Curuxa, ente otros.

El cantautor Víctor Manuel declaró nuna entrevista nel periódicu “El Diario Montañes”, de Cantabria, que se considera falante d’asturianu, “el que falen la mayoría de los asturianos, castellanizáu, con xiros y pallabres sueltes en bable”. Víctor Manuel comentó tamién al diariu cántabru que, según ve, “nes xeneraciones nueves hai más interés por deprendelu”, anque camienta que ta “jodida” la situación “pa que l’idioma despegue”. Víctor Manuel sofitó nun vidiu la campaña “Doi la cara pola oficialidá”, qu’esti sábadu celebra los 10.000 apoyos en forma de semeya.

Entrevista completa a Víctor Manuel

La Fundación Caveda y Nava va nomar Vicente Gotor, rector de la Universidá d’Uviéu, patronu d’honor de la organización. L’actu celébrase esti sábadu, 28 de payares, en Villaviciosa. La Fundación quier reconocer asina “el compromisu de Gotor cola llingua y l’actitú que vien mostrando hacia l’idioma del país dende que se convirtió na máxima autoridá de la institución académica”.

Los actos del 28 de payares van empezar a les doce del mediudía con una ufierta floral na casa natal de Caveda y Nava, en Villaviciosa. Media hora depués, la Casa la Oliva –sé de la Fundación Cardín– va acoyer el actu d’acoyida al rector. Nesi mesmu marcu va proyectase un videu ellaboráu pola propia Fundación onde se recueye la propuesta que fai’l colectivu pa desbloquiar la situación del idioma asturianu, incluyendo lo que podía ser un modelu pa la redacción del artículu IV del Estatutu d’Autonomía. Nel actu va participar amás la Directora Xeneral de Política Llingüística del Gobiernu d’Asturies, Consuelo Vega.

El discursu del presidente de la Fundación Caveda y Nava, Inaciu Iglesias, y de José Suárez Arias-Cachero –conceyal de Cultura d’Uviéu–, que va ser l’encargáu de facer la presentación de Gotor, van preceder al ingresu definitivu del rector na nómina de patronos d’honor del colectivu.

Nestos últimos años, la llista de patronos d’honor de la Fundación Caveda y Nava vieno sumando nomes como los de Pilar Fernández Pardo, Hugo Morán, Enrique Castro Quini, Carmen Ruiz-Tilve, Gabino Díaz Merchán o Isidro Martínez Oblanca. A los actos del 28 de payares, que van concluyir con una espicha de celebración, van poder asistir toles persones que quieran.

El Centru Social Sestaferia, de Xixón, acueye l’actu de presentación del Colectivu Emilio García de la Fundación Andreu Nin n’Asturies. Amás fadráse una proyección del documental “Doblemente olvidados” fechu pola Fundación Andreu Nin alredor de la figura de Wilebaldo Solano, amás de facer un resume de la hestoria del POUM. L’actu va entamar a les siete la tarede.

El Conceyu Universitariu pol Asturianu (CUPA) celebró al traviés d’un comunicáu, el nomamientu de Vicente Gotor, Rector de la Universidá d’Uviéu, como patronu d’honor de la organización, lo que supón, pal CUPA “un reconocimientu al so llabor a favor del asturianu”, y en pallabres de la Fundación pola mor del “compromisu de Gotor cola llingua y l’actitú que vien mostrando hacia l’idioma del país dende que se convirtió na máxima autoridá de la institución académica”.

El CUPA, qu’apoyó la campaña de Gotor y”trabaya col equipu rectoral nestos avances”, entiende esti nomamientu como un reconocimientu a “los pasos yá daos nel primer añu y mediu de mandatu del cabezaleru universitariu”, pero sobre manera a “les espectatives abiertes pol Rector pa la normalización del asturianu”. El CUPA entiende amás, que “ye’l momentu d’acelerar estes polítiques llingüístiques na Universidá, con nueves midíes que sirvan pa normalizar l’asturianu na Institución”.

Al actu, que va celebrase esti sábadu, 28 de payares, en Villaviciosa. El Conceyu Universitariu pol Asturianu va unviar a dellos representantes, col envís de “felicitar al Rector pola reconocencia recibida y a la Fundación Caveda y Nava polo acertao de la so decisión”.

Páxina del CUPA

Un añu dempués de la presentación de la campaña “Doi la Cara pola Oficialidá”, la respuesta de la xente foi mui positiva y yá son 10.000 les persones concretes que dan la Cara pola Oficialidá, dende xente anónimo hasta deportistes, músicos… Por eso, al llegar a esta cifra significativa, va facese un actu de celebración que va tener como escenariu La Pola Siero, esti sábadu 28.

Esti sábadu, a les 12 hores, va entamar la xornada con una partida de Bolos nel Parque Alfonso X, na que van participar Bernardo y Chechu Rubiera vs Iván y Cundi, cuntando cola collaboración de la Federación Asturiana de Bolos.

A les cuatro y media van celebrase dellos Xuegos Tradicionales na Plaza d’Abastos, amás d’un cuentacuentos per parte de Milio’l del Nido. De 17 a 19 hores, na mesma plaza, va facese una Muestra de Software Llibre n’asturianu, per parte de SoftAstur.

A les siete, va celebrase un Alcuentru de Pandereteres con Ramu peles cais de La Pola, xunto Los Sidros de Valdesoto.

Va pesllar la xornada un Amagüestu, a les 21’00 hores, nel Antiguu Bancu Central, cola participación de Toli Morilla, Anabel Santiago, Duerna, Pandereteres de Fitoria y La Curuxa. Col escenariu abiertu pa que xuba’l que-y preste a animar la fin de folixa.

La Pola Siero va convertise en centru de la celebración de les 10.000 semeyes de “Doi la cara pola oficialidá”

Un añu dempués de la presentación de la campaña “Doi la Cara pola Oficialidá”, la respuesta de la xente foi mui positiva y yá son 10.000 les persones concretes que dan la Cara pola Oficialidá, dende xente anónimo hasta deportistes, músicos… Por eso, al llegar a esta cifra significativa, va facese un actu de celebración que va tener como escenariu La Pola Siero, esti sábadu 28.

Esti sábadu, a les 12 hores, va entamar la xornada con una partida de Bolos nel Parque Alfonso X, na que van participar Bernardo y Chechu Rubiera vs Iván y Cundi, cuntando cola collaboración de la Federación Asturiana de Bolos.

A les cuatro y media van celebrase dellos Xuegos Tradicionales na Plaza d’Abastos, amás d’un cuentacuentos per parte de Milio’l del Nido. De 17 a 19 hores, na mesma plaza, va facese una Muestra de Software Llibre n’asturianu, per parte de SoftAstur.

A les siete, va celebrase un Alcuentru de Pandereteres con Ramu peles cais de La Pola, xunto Los Sidros de Valdesoto.

Va pesllar la xornada un Amagüestu, a les 21’00 hores, nel Antiguu Bancu Central, cola participación de Toli Morilla, Anabel Santiago, Duerna, Pandereteres de Fitoria y La Curuxa. Col escenariu abiertu pa que xuba’l que-y preste a animar la fin de folixa.

El domingu 29 de payares, dende les 12 del mediudía hasta les 14 hores, nel tendayu del Muséu del Pueblu d’Asturies, el club Espor d’Asturies (Espor[a]) organizará’l I Alcuentru Xixón de Liriu.

El liriu ye un xuegu tradicional asturianu consistente en llevantar del suelu un palu d’unos 20 centímetros afiláu pelos estremos (el “liriu”) con otru de mayor tamañu (la “machorra”) y llantalu otra vuelta cuando tea nel aire, col oxetivu de metelu nun círculu que fai de meta (el “castru”). Con esti formatu esportificáu, el Conceyu Nacional de Liriu (CNL) organizare esti añu 2009 el Primer Campionatu d’Asturies de Liriu. Del liriu, palu, paliyu, biyarda –nomes que tamién recibe n’Asturies-, esisten otres variantes, siendo un xuegu que s’estienda por otros territorios d’Europa.

El I Alcuentru Xixón de Liriu permitirá a los asistentes más mozos descubrir el xuegu y, a los mayores, volver alcontrase con elli. Les actividaes de la cita consistirán nun taller práuticu de conocencia de les normes estandarizaes pol CNL y del manexu de los preseos del xuegu, la muestra d’otres variantes del mesmu y el desarrollu del Primer Tornéu Open “Bollu Preñáu” de Xixón, abiertu a la participación de tol mundu.

La campaña d’apoyu a la oficialidá “Doi la cara” celebra en La Pola Siero les primeres 10.000 semeyes xubíes a la web con una folixa. Esti sábadu, a les 12 hores, va entamar la xornada con una partida de Bolos nel Parque Alfonso X, na que van participar Bernardo y Chechu Rubiera vs Iván y Cundi, cuntando cola collaboración de la Federación Asturiana de Bolos.

A les cuatro y media van celebrase dellos Xuegos Tradicionales na Plaza d’Abastos, amás d’un cuentacuentos per parte de Milio’l del Nido.

De 17 a 19 hores, na mesma plaza, va facese una Muestra de Software Llibre n’asturianu, per parte de SoftAstur.

A les siete, va celebrase un Alcuentru de Pandereteres con Ramu peles cais de La Pola, xunto Los Sidros de Valdesoto.

Va pesllar la xornada un Amagüestu, a les 21’00 hores, nel Antiguu Bancu Central, cola participación de Toli Morilla, Anabel Santiago, Duerna, Pandereteres de Fitoria y La Curuxa. Col escenariu abiertu pa que xuba’l que-y preste a animar la fin de folixa.