Política

Riosa, Samartín del Rei Aurelio y Llaviana van ser los tres siguientes conceyos qu’oficialicen la so toponimia tradicional, xuntándose a los 24 que ya tienen aprobada y vixente esa oficialización. Estos cuatro conceyos son los últimos de la llista de 24 ayuntamientos nos que la toponimia tradicional foi aprobada pol Conseyu de Gobiernu del Principáu. Colos próximos mencionaos (Riosa, Samartín y Llaviana) van ser 27. Van restar tovía 51 pa completar la xeografía asturiana. Finar esti llabor “ye un oxetivu pa esta llexislatura”, sigún dixo la Directora Xeneral de Cultura, Consuelo Vega na presentación del Anuariu 2006 de la Xunta Asesora de Toponimia d’Asturies.

Na inauguración del Congresu Internacional de Lliteratura Asturiana que se desendolca nel salón d’actos del la Facultá de Filoloxía de la Universidá d’Uviéu dende esti llunes día 5, la presidenta de l’Academia de la Llingua, Ana Cano, fizo un llamamientu a la Directora Xeneral de Cultura, presente nel actu, pa que se normalice dafechu la relación ente la institución y la Conseyería de Cultura del Principáu, dando les dos amuesa nidia de qu’esa normalización ya s’alcuentra entamada.

La cordialidá ente Consuelo Vega y la presidenta de l’Academia de la Llingua asoleyó nel actu inaugural del Congresu la esistencia de contautos ente les dos instituciones que vivieron momentos de fonda crisis na lexislatura anterior.

L’escritor y políticu Humberto Gonzali va protagonizar un ‘alcuentru dixital’ dientro de la sección col mesmu nome de La Nueva Esapaña Dixitial. L’alcuentru consiste nun chat en vivu onde los llectores pueden facer les preguntes dende casa.

La entrevista va entamar a les cinco y media pero yá ye posible unviar preguntes. Humberto Gonzali foi l’impulsor de l’Arribada y anguaño trabayar en xeres internes dientro del Partíu Popular, siendo representante d’esti n’organismos como la Fundación Municipal d’E ducación, Cultura y Universidá Popular de Xixón y nel Real Institutu d’Estudios Asturianos. La so trayectoria tuvo siempres venceyada a la lliteratura n’asturianu y a la reivindicación de la oficialidá, siendo presidente de la mesa nacional (un cargu yá desapaecíu) de la Xunta pola Defensa de la Llingua Asturiana nel so día.

Páxina onde va celebrase l’Alcuentru Dixital

Los ponentes del nuevu Estatutu d’Autonomía p’Asturies reconocieron que les negociaciones “van dir pa llargo”. Y ye que los grupos parllamentarios decidieron dexar los temes de más importancia pan pasando les elecciones xenerales que van celebrase nel primer semestre de 2008 y dedícase agora a temes menores, cuestiones técniques y llegales. El Conseyu Consultivu d’Asturies dio yá delles indicaciones sobre dalgunos de los temes más importantes como la posibilidá de la oficialidá del asturianu.

Nesti casu, el Conseyu “nun defende una opción concreta, pero alerta de les dificultaes que diben suponer la cooficialidá y ufre alternatives pa que se reconoza la llingua específica o propia d’Asturies ensin necesidá d’elevala a cooficial”. El PSOE mostróse “dispuestu a siguir les directrices d’esti organismu”creáu apocayá. Pal Consultivu un procesu de normalización llingüística “diba entrañar dificultaes”.

Esti sábadu 27 de payares va tener llugar la presentación pública de l’agrupación local d’UNIDÁ en Xixón, depués de dellos meses de trabayu organizativu. L’actu de presentación va ser na sidrería El Candasu a les 14.30 y va contar cola intervención de dellos miembros de l’agrupación y de la Coordinadora nacional d’UNIDÁ. Depués siguirá una espicha nel mesmu local.

Los miembros d’UNIDÁ en Xixón van presentar l’agrupación local de la coalición, que quier entamar darréu un llabor d’espardimientu y actividá cola que va intentar da-y voz a la sensibilidá asturiana, d’izquierdes y verde de la ciudá.

Nun comentariu urxente, tres de conocer la sentencia qu’esperaba sobre les sos reclamaciones pola negativa de l’Alministración a permiti-y emplegar l’asturianu na so relación con ella, Xurde Blanco dexa afitao que “nel plazu xustu d’un mes (de 24 de setiembre a 23 d’ochobre), sobre un mesmu asuntu –si un funcionariu tien o non drechu a empobinase n’asturianu a l’Alministración del Principáu d’Asturies que lu emplega, nel intre de defender los sos intereses llaborales- dos xulgaos de lo Contencioso-Alministrativu d’Uviéu, el tres y el cinco, dan resoluciones opuestes”.La situación de los derechos llingüísticos de los asturianos entama a ser kafkiana y a poner en tela de xuiciu’l valor de les lleis cuando traten de temes llingüísticos y dexando nidio que namái la oficialidá pue garantizar los más mínimos derechos ciudadanos nesti sen. ASTURNEWS ufre nesti enllaz la sentencia del Xulgáu númberu 5 íntegra en formatu PDF.

L’agrupación d’Avilés d’UNIDÁ entama esta selmana delles actividaes n’homenaxe a los revolucionarios de 1934, con una concentración cola intervención de miembros d’UNIDÁ y del Secretariu Xeneral de la CSI y una esposición temática centren les actividaes.

El Vienres 26 y el sábadu 27 d’ochobre tará abierta una Esposición de semeyes na Cai del Sol d’Avilés y el Sabadu 27 d’ochobre celebrarase una concentración a les 13.00 hores na cai del sol d’Avilés, cola intervención de Vitos Suari (EMIR), Paco Iglesias (UNIDÁ-Avilés) y Juan Manual Martínez Morala (Secretariu Xeneral de la CSI).

La Dirección Xeneral de Promoción Cultural y Política Llingüística de la Conseyería de Cultura del Principáu ta acabante de facer anuncia de los sos proyeutos más inmediatos ente los que s’atopa facer llegar al BOPA la llingua asturiana en más asuntos que los que cinquen a convocatories de premios n’asturianu y el reconocimientu de la toponimia tradicional nos 55 conceyos que queden por reconocer. Pa aportar la llingua al BOPA tendría de crease un muérganu oficial de traducción al asturianu, enfotu que se marca como obxetivu la Direición Xeneral pa esta llexislatura.

L’obxetivu d’esti simposium nun son sólo les llingües minoritaries como l’irlandés o gaélico como tales, sinon tamién les formes y medios que sostienen política y socialmente eses llingües minoritaries.

Ente les entrugues que se quieren facer los investigadores europeos en Belfast acluéntrense ¿Cuálu ye’l papel de la llingua na formación de una comunidá bien afitada? o ¿Cuálu ye’l papel de la comunidá mesma nel caltenimientu del idioma? La necesidá de facer xorrecer les disposiciones llegales de proteición o hasta qué puntu’l sostenimientu de les comuniddes llingüístiques minoritaries vien condicionáu poles infraestructures, el mediu ambiente, l’emplegu , o cualquier otra estaya van ser tamién referencies cimeres d’esti simposium nel que nun se va escaecer el papel de la educación nel sostenimientu de las comunidaes lingüístiques minoritaries.

Páxina Web del Simposium

Tres la anuncia per parte del conseyu políticu d”IX de que Laura Gonzalez va encabezar la lista del partíu nes prósimes elecciones xenerales, la ex-conseyera de vivienda señaló en rueda de prensa qu’encaraba esta nueva llabor col enfotu de recuperar “con entusiamu y pasión l’escañu de IU en Asturias”. “Ye importante pa IX recuperar esi escañu, pero creo que tovía ye más importante pa los asturianos”, sorrayó la política.

Tamien quiso agradecer a la dirección del partíu esti nombramientu que aceptó guiada pol so calter autodisciplináu. “Soy una persona autodisciplinada, aunque algunos hayan perdido la disciplina, y estoy agradecida a IU, que siempre ha pensado en mí para cargos de importancia fundamental, hay que aprovechar la enorme experiencia adquirida”.

La ex-conseyera declaró por últimu que anque llebave tres meses fuera de la política siempre tuvo al serviciu de la organización y que’l so metodu de trabayu va pasar por averase dende’l principiu a los problemes reales de los asturianos. “Voy a caleyar Asturies de cabu a rabu para recoyer los problemws que la xente plantega, que son munchos”.