Patrimoniu

Güei a les 19:30 hores, nel Atenéu Obreru de Xixón, asitiáu na cai Cuadonga, 7, El Garrapiellu va ufrir la charra d’Ignacio Abella , “La cultura’l texu, esplendor y decadencia d’un patrimoniu esencial”. A lo llargo d’esta esperiencia van presentar, al traviés d’imáxenes y hestories, “ún de los patrimonios naturales y culturales más desconocíos d’Asturies y d’Europa: los texos”.

El Garrapiellu organiza en Xixón una charra sobre la cultura’l texu

L’investigador, naturalista y escritor Ignacio Abella va tar dando una conferencia esti xueves 31 de xineru na sede del Ateneu Obreru de Xixón alredor de la cultura’l texu. “La cultura’l texu. Esplendor y decadencia d’un patrimoniu esencial” ye’l nome d’esta charra, va entamar a les 19:30 hores y ta organizada pola tertulia cultural “El Garrapiellu”.

Durante la conferencia, Abella va acompañar la so pallabra con imáxenes de dalgunos de los texos más representativos de la rexón, munchos d’ellos centenarios.Tamien falará de la necesidá d’avanzar na proteición d’esti patrimoniu natural, paisaxísticu y cultural de nueso, escontra l’aición indiscriminada del home col exemplu del texu d’abamia como referente más cercanu.

Mañana xueves, a les 19:30 hores, nel Atenéu Obreru de Xixón, asitiáu na cai Cuadonga, 7, El Garrapiellu va ufrir la charra d’Ignacio Abella , “La cultura’l texu, esplendor y decadencia d’un patrimoniu esencial”. A lo llargo d’esta esperiencia van presentar, al traviés d’imáxenes y hestories, “ún de los patrimonios naturales y culturales más desconocíos d’Asturies y d’Europa: los texos”.

Los texos cabo les ilesies y ermites, palacios, casones y otros llugares significativos de tolos nuesos pueblos tienen un estraordinariu valor pola so edá (munchos d’ellos centenarios) y pol so sentíu espiritual y simbólicu, cultural, social, paisaxísticu, históricu, etc.; como árboles centrales y de conceyu. Sicasí, nos últimos tiempos tán sufriendo un escontrillamientu aceleráu poles frecuentes obres ya igües que causen la so muerte o agonía enantes de tiempu. Pa El Garrapiellu “ye importante nesti momentu tomar conciencia de tolo qu’estos árboles significaron y signifiquen inda, y abordar la decidida proteición de tou esti llegáu, que representa un verdaderu patrimoniu de la humanidá”.

Ignacio Abella ye investigador, naturalista y escritor. Collaborador habitual d’Integral, Cuerpo Mente y otres publicaciones, tien escrito llibros como “El Hombre y la Madera”, “La Magia de los Árboles” y “La Memoria del Bosque”.

La parroquia d’Aces, del conceyu de Candamu, ye la última de les parroquies cola toponimia asoleyada dientro de la coleición de l’Academia de la Llingua Asturiana, “Toponimia”. Col númberu 119 la recopilación ta basada nel trabayu de campu con entrevistes orales que ficieren los hestoriadores Andrea Miranda Duque y Juan Ignacio Santos Rodríguez. Miranda espublizare yá nesta coleición, nesti casu con Alejandro Rodríguez Alonso, la toponimia de la parroquia d’Agüeria, asitiada n’Uviéu..

Nos cartafueyos d’esta coleición apaecen los nomes de la toponimia menor de les parroquies: praos, tierres, cases, llugares, regueros, fontes, zones, barrios… y una pequeña descripción de caún de les entraes. Nesti casu la parroquia tien namás un pueblu, Aces, que ta espardíu per La Sierra Piedrafita. Dientro d’él estrémense dellos barrios: Barréu, La Cai, Forna, El Pueblu y El Sucu. Tien amás una parte de la parroquia nel pueblu de La Mortera, llugar que tamién comparten les parroquies de San Tisu y Praúa.

Con esta obra yá son dos les parroquies del conceyu de Candamu espulizaes na coleición Toponimia: Aces y El Valle. El próximu númberu de la coleición va tar dedicáu a la parroquia de La Collá, asitiada en Siero y tien por autores a Marta Lozano Carbajal ya Inaciu Galán.

La Comisión de Cultura del Conceyu de Carreñó aprobó’l 17 de Xineru por tolos grupos políticos la convocatoria d’unes beques pa la recopilación de la toponimia del conceyu. Inicialmente, y en collaboración cola Academia de la Llingua Asturiana, l’Ayuntamientu convocará estes beques pa facer los trabayos d’investigación, y será l’Academia quien los vaya publicando. Al final d’esti procesu, y colos trabayos de toles parroquies completaos, l’Ayuntamientu recopilará y editará un llibru con tola toponimia menor del Conceyu.

Esta propuesta trata de recuperar y evitar que se pierdan los nomes tradicionales de llugar asturianos: nomes d’accidentes xeográficos, montes, praos, cases, ríos, fontes, etc, y pretende rescatar la sabiduría popular y les denominaciones tradicionales que demientres sieglos fueron emplegaes polos vecinos de Carreño. Les denomaciones van acompangaes d’una curtia descripción de caúna d’elles, gracies a les informaciones de bonos falantes y conocedores de la xeografía.

D’esta mena, y con esta propuesta, nesta llexislatura completaráse la recopilación de los nomes de llugar asturianos de les parroquies del Conceyu. Esti proyeutu d’investigación toponímica foi entamáu nos años 90 pola Academia de la Llingua Asturiana, que ya tien investigaos y publicaos pa Carreño los estudios de les parroquies de Tamón, Ambás, El Valle y Candás, polo que les beques diríen dirixíes a les 8 parroquies que tienen pendiente l’estudiu.

A día de güei, l’Academia de la Llingua Asturiana tien publicáu l’estudiu toponímicu d’unes 125 parroquies de les 1000 qu’aproximadamente tien Asturies. Carreño convertiríase, xunto con Amieva, nel primer conceyu que completa l’estudiu de la toponimia menor.

L’Arzobispáu d’Uvieu, Carlos Osoro a la cabeza y la Fundación María Cristina Masaveu Peterson tan acabante de firmar un conveniu pa collaborar nel mantenimientu y adecuación de los tesoros de la Cámara Santa de la Catadrel ovetense y los elementos del so entornu. Les actuaciones van facese a lo llargo d’esti 2008 coincidiendo cola cellebración del añu santu xubilar y del centenariu de les cruces de los ánxeles y de la victoria.

Una de les meyores va ser l’acondicionamientu, mediante la construcción d’una alfombra de madera, del accesu a la Cámara Santa a dín de protexer la escalera barroca de Francisco de la Riva. Tamien van renovase los elementos espositivos, hologrames y realidaes virtuales, esistentes ya incorporar nuevos elementos informativos en tres dimensiones sobre los tesoros na girola de la catedral.

Güei a les doce la mañana y nel llocal de la SGAE n’Uviéu, el Conceyu de Cultura Tradicional Vezos Astures y l’Archivu de la Música Tradicional del Pueblu d’Asturies va presentase’l DVD “El baille na tradición asturiana”. Na presentación van intervenir Heliodoro Díez Viñuela, presidente del Conceyu de Cultura Tradicional Vezos Astures; Fernando Ornosa, director del Archivu de la Música Tradicional (Muséu del Pueblu d’Asturies), y Ramón Lluis Bande, director d’«El baille na tradición asturiana».

Esti trabayu inclúi ventiún bailles del país grabaos y esplicaos, embaxo la direción de Ramón Lluís Bande, que nesti casu vuelve al xéneru del documental.

La producción cuerre a cargu de Publicaciones Ámbitu y el DVD inclúi un montaxe de cada baille dixebráu en trés partes: una introducción fecha con grabaciones d’archivu, una parte didáctica onde s’espliquen visualmente los pasos y la grabación de cada baille polos componentes de Vezos Astures nun escenariu preparáu a costafecha pa ello. Yá ye posible deprender en casa baillaes como la Muñeira, la Danza d’El Val.le o’l Pericote de La Guía

Un añu más la Tertulia Cultural “El Garrapiellu” tuvo presente nel Salón de la Infancia y la Xuventú de Mercaplana, cita perimportante pa los más pequeños d’Asturies na ciudá de Xixón. Mercaplana ye un llugar d’alcuentru ente los neños y neñes y los sos mayores.

Siguiendo una llinia lludico-educativa-deportiva común, nesti salón pue atopase de too: alfareria, reciclaxe, animales, bebeteca, planetariu, deportes, etc… Esti añu el requexu dedicáu a la cultura asturiana, representada nesta ocasión pol Garrapiellu y la Oficina Municipal de la Llingua del Ayuntamientu de Xixón, medró guapamente, col enfotu de caltener l’esitu d’otres ediciones. Xuntes estes dos entidaes, ficieron un llabor d’espardimientu de la nuesa cultura: deportes, xuegos y talleres, engabitaron a los monitores a sacar p’alantre esta actividá.

Hai que decir que la organización de Mercaplana pon bien d’enfotu en facer qu’El Garrapiellu trabaye a gusto y nel mesmu sen que trabaya demientres l’añu. A la Tertulia Cultural El Garrapiellu prestaría-y tar presente nes ediciones vinientes de Mercaplana, esperando qu’esti eventu se caltenga coles mesmes directrices de anguaño, pa nun dexar de ser una cita obligada pa bien d’ellos de rapazos y rapaces de toa Asturies.

Un añu más la Tertulia Cultural “El Garrapiellu” tuvo presente nel Salón de la Infancia y la Xuventú de Mercaplana, cita perimportante pa los más pequeños d’Asturies na ciudá de Xixón. Mercaplana ye un llugar d’alcuentru ente los neños y neñes y los sos mayores.

Siguiendo una llinia lludico-educativa-deportiva común, nesti salón pue atopase de too: alfareria, reciclaxe, animales, bebeteca, planetariu, deportes, etc… Esti añu el requexu dedicáu a la cultura asturiana, representada nesta ocasión pol Garrapiellu y la Oficina Municipal de la Llingua del Ayuntamientu de Xixón, medró guapamente, col enfotu de caltener l’esitu d’otres ediciones. Xuntes estes dos entidaes, ficieron un llabor d’espardimientu de la nuesa cultura: deportes, xuegos y talleres, engabitaron a los monitores a sacar p’alantre esta actividá.

Hai que decir que la organización de Mercaplana pon bien d’enfotu en facer qu’El Garrapiellu trabaye a gusto y nel mesmu sen que trabaya demientres l’añu. A la Tertulia Cultural El Garrapiellu prestaría-y tar presente nes ediciones vinientes de Mercaplana, esperando qu’esti eventu se caltenga coles mesmes directrices de anguaño, pa nun dexar de ser una cita obligada pa bien d’ellos de rapazos y rapaces de toa Asturies.

El Garrapiellu tien instaláu en Mercaplana, la feria navidiega d’ociu pa la infancia de Xixón, un estand nel qu’ufren xuegos tradicionales pa los neños que s’averen hasta la tradicional cita navidiega de Xixón. Esti añu, comparten espaciu cola Oficina de la Llingua de Xixón y amplien espaciu y protagonismu con respectu a otros años.

Representantes de la organización comentaron a Asturnews “l’ésitu del estan esti añu”. Un estand pel que yá pasaron miles de neños y que va tar abieru hasta’l 5 xineru. Pa los responsables d’El Garrapiellu “ye bien prestoso poder amosar los xuegos tradicionales asturianos a los neños y tresmitir asina la nuesa cultura”. Pal añu que vien esperen repitir y facelo como esti añu, medrando n’espaciu y actividaes.