Opinión

Mariu Arbesú, Secretariu d’Organización d’Andecha Astur esplica nun artículu n’AsturnewsOpinión el refugu a la reforma del Estatutu d’Autonomía aprobada por PP y PSOE. Andecha Astur entamó estos díes una campaña na que piden “que los asturianos puedan votar el nuevu Estatutu”.

Arbesú esplicá nel artículu como amás del “casu flagrante de la “non oficialidᔠdel asturianu…Nun ye una cuestion sólamente de conflictu llingüísticu”, p’AA “Rialmente’l conflictu llingüíticu ye una espresión más del conflictu políticu o conflictu democráticu que carecemos n’Asturies”.

http://opinion.asturnews.com/?p=123
Artículu de Mariu Arbesú: ¿Por qué los y les asturianes queremos votar l’estatutu?

El recién reescoyíu Presidente del Partíu Asturianista pon en dulda nel artículu les formes nes que se ta construyendo la nueva configuración política de la Unión Europea. El refugu de los ciudadanos irlandenses al últimu tratáu aprobáu polos presidentes comunitarios pon súmase, pa Sánchez Vicente, al refugu amosáu pol restu de los ciudadanos europeos. L’escritor xixonés recuerda amás nel artículu la importancia de respetar “la voluntá popular espresada nes consultes populares”.

Artículu de Xuan Xosé Sánchez Vicente n’Asturnews Opinión

El presidente del Partíu Asturianista y destacáu escritor y estudiosu del Surdimientu critica nun artíuculu espublizáu güei n’AsturnewsOpinión les midíes anunciaes p’Asturies pola Ministra d’igualdá, Bibiana Aído, na visita qu’estos díes fizo peles ciudaes asturianes. La midida estrella presentada pola Ministra foi un centru de creación d’empreses pa muyeres, una midida cola que pa Sánchez Vicente, la Ministra Aído “vieno a Asturies pa tomanos el pelo y tratar d’embaucanos” con una institución “de clares resonancies molieresques”.

Artículu de Xuan Xosé Sánchez Vicente n’Asturnews Opinión

Esta fin de selmana celebróse en Noreña’l XI Díi d’Andecha Astur. Una folixa con xinta popular na que Mariu Arbesú, Secretariu d’Organización d’Andecha Astur, lleó un discursu, qu’agora ufre AsturnewsOpinión.

Intervención de Mariu Arbesú

El recién nomáu Secretariu d’Organización d’Andecha Astur, Mariu Arbesú, espubliza un nuevu artículu na estaya d’opinión d’Asturnews nel que fala de la importancia de la militancia nel movimientu nacionalista asturianu.

Artículu de Mariu Arbesú

El Conceyal de Cooperación y Solidaridá Internacional, Cultura Tradicional y Política Llingüística, amás de Portavoz Municipal d’IX-BA-LV en Xixón, participó esti llunes na inauguración de la 29 Selmana de les Lletres Asturianes. AsturnewsOpinión ufre agora les pallabres nes qu’afalagó’l llabor lliterariu y de llucha polos drechos de los trabayadores de la protagonista de la Selmana, Mª Teresa González.

Discursu de Montes Estrada n’AsturnewsOpinión

Asturnews ufre un nuevu artículu na estaya d’opinión. Nesta ocasión trátase de la intervención completa del Conceyal de Política Llingüística y Cultura Tradicional de Xixón por Izquierda Xunida, Jesús Montes Estrada durante la presentación de la XXIX Selmana de les Lletres Asturianes. Nel artículu, que lleva por títulu Muyer de compromisu cola ciudá y la so cultura Montes Estrada fala n’alcordanza de la escritora María Teresa González, a la que ta dedicada esta edición de la selmana de les lletres.

Nel testu tamien aborda la necesidá de sofitar les polítiques de normalización llingüística y una valoración sobre la situación del asturianu nel conceyu. “A partir d’esta llexislatura la ciudadanía de Xixón va gociar d’una situación escepcional, dada l’actual situación político-llingüística asturiana, na que l’usu de la llingua asturiana nun va suponer en nengún casu causa de discriminación”, señala’l conceyal.

El presidente del Partíu Asturianista, escritor y habitual articulista de los medios asturianos fai repás nesta nueva entrega p’Asturnews Opinión de la so postura no que cinca al estatutu catalán, que pal políticu asturianista “Areces apoya contra los intereses d’Asturies”.

Artículu de Xuan Xosé Sánchez Vicente n’Asturnews Opinión

Col llamativu títulu de “La Tía Nemesia yá entiende’l bable pasteurizáu” asoleya José Carlos Loredo Narciandi, profesor de psicoloxía na Universidá Nacional d’Educación a Distancia, un artículu nuevu na estaya d’AsturnewsOpinión nel qu’opina sobre’l cambiu de la posición sobre la oficialidá del asturianu que se producía nos últimos meses dientro del Partíu Popular y que l’autor considera “oportunismu”.

Nuevu artículu de José Carlos Loredo Narciandi

El presidente del Partíu Asturianista, que tien columna n’Asturnews dende va poco, espubliza un nuevu artículu nel que fai un repás a los resultaos del 9-M n’España y especialmente n’Asturies.

Un artículu nel qu’analiza la victoria del PSOE n’Asturies, la derrota de los partíos minoritarios y l’apaición de nueves fuercies nel Congresu.

Artículu nuevu de Xuan Xosé Sánchez Vicente n’Asturnews Opinión