Opinión

L’escritor y políticu asturianista ta acabante espublizar un artículu alredor de les consecuencies de los retrasos d’esti tramu de l’Autovía del Cantábricu.

Artículu: “Les víctimes d’Unquera-Llanes”

El políticu asturianista Xuan Xosé Sánchez Vicente espubliza dende va dellos díes un blogue nel qu’espubliza artículos n’asturianu y en castellán.

Sánchez Vicente ye ún de los fundadores del asturianismu contemporáneu, fundador de Conceyu Bable nel 74 y del Partíu Asturianista en 1985. Escritor de poesía, teatru, narrativa y ensayu, tien espublizaos dellos diccionarios y estudios lliterarios, amás de cientos d’artículos d’opinión n’asturianu y castellán.

Blogue de Xuan Xosé Sánchez Vicente

Na primera selmana del mes de Payares, les executives de IX y el PSOE (FSA), lleguen a un alcuerdu de gobiernu pol que IX-BA-LV entra a formar parte del Gobiernu d’Asturies.

Nes caberes elleiciones llocales, el que robla esti escritu, Xandru Martino Ruz, apaecía nes llistes de IXBA-LV nel conceyu de Ribeseya como númberu cinco. Tengo de dicir que me costó muncho dar el pasu d’apaecer nes llistes citaes, pero dempués de valorar dellos puntos decidí dar el pasu alantre y entrar nes llistes y audar a l’agrupación de Ribeseya no que me pidieran. Los puntos que sirvieron de sofitu a esta decisión fueron los que vienen darréu:

1. La necesidá urxente de sacar al antiguu alcalde de Ribeseya del cargu. Nes anteriores elleiciones al IX faltáran-y 15 votos pa que’l PP perdiera la mayoría, y barruntaba que la mio presencia nes llistes, a parte dotres circunstancies, podía apurrir esos 15 votos.

2. El frañimientu dafechu de los partíos d’izquierda nacionalista a los que venía votando y, de xemes en cuando, audando.

3. El compromisu personal y lamistá con mucha de la xente que milita en IX Ribeseya, colos que en dengún momentu hebo problemes, a los qu’alrniro pol so trabayu y pola so defensa de la oficialidá del asturianu.

4. Supuestu pasu alantre d’IX na defensa de la oficialidá; defendiendo na campaña el non entrar nel Gobiernu d’Asturies si la oficialidá nun se consiguía, anque na otra llexislatura yá pautara col PSOE. Una vegada que IX entra a formar parte d’un gobiernu que nun respeta los drechos humanos de los asturiano-falantes, arriendes de munches otres lleis y trataos que cinquen a los drechos llingüísticos, entiendo que tengo que dexar de tar vinculáu dafechu a dicha organización.

El señor Iglesias, cabezaleru de la formación, intenta dar a entender qu’entren nel gobiernu porque, según les pallabres de so: «Si nun hai reforma del estatutu, nun hai problema». Paez ser que’l cabezaleru de la formación escaez qu’anguañu existe un estatutu que nun reconoz la oficialidá de la llingua asturiana y que’l Gobiernu del que van a formar parte ye’l principal culpable del desaniciu del asturianu y la so futura desapaición. Poro, ellos sedrán tamién responsables. Nun val tapar les ñarres y dicir que’l calabre nun güel. Lúnicu camín pal asturianu ye la oficialidá Quiero sopelexar per aciu d’esti escritu a los señores d’IX que si entren nel Gobiernu dAsturies: Nun sedrá nel mio nome. Nun tendrá más el mío votu.

La organización, presente nel Claustru de la Universidá calificá de “despropósitu” les declaraciones del Presidente del Conseyu d’Estudiantes , Gonzalo Asenjo, que, nun periódicu de tirada asturiana, denunciaba’l domingu 14 “manipulación y llucha política” frente al procesu de Bolonia y les protestes que ta xenerando la so implantación nes universidaes.

Asinamesmo, el Presidente del Conseyu de tolos y toles estudiantes de la universidá asturiana afirma que “la idea de Bolonia ye bona y necesaria”, condicionando’l so preste a la reforma del Espaciu Europeu si “el procesu se fai colos estudiantes y non al marxe d’ellos”. Amás, afita que nos grupos d’oposición al plan de Bolonia “tan meciendose problemátiques sociales colos problemes que plantía’l procesu, buscando la xenesis d’estos últimos nos primeros”.

Énte les declaraciones de Gonzalo Asenjo, queremos manifestar lo siguiente:

1- El procesu de Bolonia, tal como ta anguaño diseñáu, supón un retrocesu y un pasu atrás na reivindicación d’una enseñanza pública y de calidá: una enseñanza onde se van dir multiplicando los gastos de matrícula y estudiu, onde se prepara a los estudiantes como mercancía de les empreses, qu’entren en xuegu ensin escrúpulos, y non como persones, que propón “beques prestamos”, que zarra les sos puertes a quien tamien trabaya, con evaluaciones contínues y ampliación de creitos…

2- Esti contestu de reforma universitaria nun pue dexar de llau la situación global económica y social na que tamos inmersos. Les recientes propuestes de les 65 hores llaborales selmanales, la directiva Bolkestein qu’abre la puerta al llibre-mercáu más sangrín, son les esperiencies futures que van tener que vivir les y los graduaos/es que salgan de les universidaes. Nesti sen y ensin dulda, la reforma del Espaciu Europeu d’Educación Superior ye la espresión d’estes polítiques agresives “neocón” que se pretenden aplicar nel campu de la enseñanza, anque’l Presidente del Conseyu d’Estudiantes d’Aula Joven quiera mirar pa otru llau y desvincular, con argumentos mui asemeyaos a los que’l Secretariu d’Estáu del PSOE usa, esta reforma del contestu global del capitalismu xabaz nel que nos atopamos.

3- Nesti procesu, lo mesmo a nivel global como nel casu de la Universidá d’Uvieu, los y les estudiantes nun tan siendo respetaes/os nin consultaes/os n’absoluto. La participación del sector estudiantil nel diseñu de les nueves titulaciones, nun falemos yá del modelu integral de la reforma, ye inesistente dafechu. La situación ye tan grave que, non sólo nun se ta cuntando cola nuestra opinión, sinón qu’a la gran mayoría d’esti sector nin siquiera se la ta informando acerca del cambiu y les consecuencies privatizadores que va tener. Resulta, asina, irónico que’l propiu Presidende del Conseyu d’Estudiantes dea’l so apoyu condicionándolu a una invisible participación estudiantil que va tener mui difícil xustificar.

4- Dende Fai! desiximos, en primer llugar, a les autoridaes universitaries, qu’entamen una campaña d’información real de los cambios d’esta reforma universitaria y que, de siguío, promuevan debates que culminen con asamblees vinculantes onde los y les estudiantes tengan un papel al más altu nivel pa decidir na formación del so futuru y del de los y les que vienen detrás. Al tiempu, animamos a tola comunidá educativa (profesores, PAS y estudiantes) a informáse, organizáse y plantar cara unitariamente a la privatización d’un sector que cada vegada ta sufriendo más y más agresiones a la so autonomía y calidá.

Javier Cubero, investigador y presidente del Atenéu Cultural Xuan María Acebal, ta acabante espublizar un artículu nuevu na estaya d’opinión d’Asturnews. Nel artículu, tituláu “Sacar la ciencia de l’academia”, l’autor critica la falta d’esmolecimientu de munchos investigadores “pola funcionalidá social que tendrán los productos qu’ellaboran” y celebra la salida al mercáu del númberu 2 de la revista d’hestoria contemporanea, Erada, onde collabora con una reseña.

Artículu nuevu de Javier Cubero

El políticu y escritor asturianu Xuan Xosé Sánchez Vicente espubliza un artículu nuevu na estaya d’opinión d’Asturnews. Un escritu nel que fai analís de les causes de la crisis mundial y les sos repercusiones n’Asturies y n’España.

Artículu de Xuan Xosé Sánchez Vicente n’Asturnews Opinión

La estaya d’opinión d’Asturnews abre güei l’espaciu a un nuevu articulista, el polifacéticu Xaviel Vilareyo y Villamil, que nesti casu abre les sos collaboraciones con un artículu tituláu “La llingua de los políticos y la política cola llingua”.

Xaviel Vilareyo ye escritor n’asturianu y en gallego-asturianu, con una bayurosa obra publicada, y como tal organiza dende va dellos años la Xunta d’Escritores Asturianos n’Uviéu, que lleva dos ediciones. Pero nun ye esta la única estaya que trabaya; el so interés pol cine llévalu a organizar el Festival de Cine Asturianu y el Festival Asturianu de Cine Gai y Lésbicu, amás de ser profesor d’asturianu en cursos qu’imparte en Madrid, onde vive y ye maestru de profesión.

Primer artículu de Vilareyo n’AsturnewsOpinión

Javier Cubero de Vicente, estudiante d’Hestoria y entamador de numberoses actividaes culturales, como l’Atenéu Cultural Xuan María Acebal, espubliza un nuevu artículu na estaya d’opinión d’Asturnews. Nél fai analís de los actos celebraos nel estáu por mor de l’alcordanza del llevantamientu de 1808.

Javier Cubero tien espublizaos artículos en revistes como N’ast, cartfueyos d’Asturies y El Federal.

Nuevu artículu de Javier Cubero

Mariu Arbesú,Secretariu d’Organización d’Andecha Astur, asoleya un nuevu artículu n’AsturnewsOpinión nel que fai delles reflexones alredor del movimientu independentista n’Asturies, del qu’opina “va perdiendo timidez y adaptándose a la nueva rialidá”. Ente otres afirmación Arbesú diz tar cada vuelta más convencíu de que “ye más propio falar d’independentismu que de nacionalismu y menos tovía d’asturianismu pa referise a la izquierda soberanista asturiana”.

Nuevu artículu de Mariu Arbesú

El Secretariu d’Organización d’Andecha Astur, Mariu Arbesú, espubliza n’AsturnewsOpinión un nuevu artículu nel que fai analís de la propuesta fecha pola so organización pal Día de la Nación Asturiana.

Nuevu artículu de Mariu Arbesú