Opinión

Énte les declaraciones del Presidente de la Xunta de Galicia en rellación col prouyeutu de que la señal de la televisión gallega algame l’occidente asturianu, la Presidenta de l’Academia de la Llingua Asturiana, afita delles cuestiones nun declaración escrita, qu’Asturnews ufre a los sos llectores.

Nuna sociedá moderna y democrática, onde nin se puede nin se debe tar al marxe de les nueves teunoloxíes de la información, nun se debería poner dengún tipu torga a la receición de dengún mediu de comunicación; nadie lo fairía dende una posición medianamente oxetiva y racional. Cuido que cuanto más bayurosa seya la ufierta, más posibilidaes d’escoyeta y de formación tendrá’l ciudadanu; y cuido tamién que l’intercambiu cultural ye siempres arriquecedor tanto pal individuu como pa la sociedá.

Otra cosa ye, como paez deducise de les declaraciones del Sr. Núñez Feijóo, espeyaes na prensa gallega y asturiana esti día, cuando tres esi mediu de comunicación del que falamos hai intereses de calter políticu; cuando la presencia de la televisión gallega nos conceyos más occidentales d’Asturies respuende a un intentu de galleguizar esta fastera; cuando se venceya a un plan de normalización llingüística, aprobáu per unanimidá pel Parllamentu de Galicia va unos años, pa ser aplicáu nun territoriu que ensin dulda de nengún tipu pertenez a Asturies.

Nós nun escaecemos que, ente les midíes recoyíes nel referíu Plan Xeral de Normalización da Lingua Galega que surdió de resultes del pautu de gobiernu ente’l Partíu Socialista de Galicia y el Bloque Nacionalista Galego de la llexislatura cabera, unes cuantes d’eses midíes diben empobinaes a la galleguización d’esti territoriu y que, xustamente, ente elles, taba la d’entamar conversaciones coles autoridaes polítiques d’Asturies pa qu’esta fastera recibiere una sintonía perfeuta de la rtvg.

Y too ello ye más grave cuando per parte d’Asturies nun esiste una contrapartida asemeyada, darréu que nun hai una tpa que esparda (nin n’asturianu nin en gallego-asturiano) dientro de la comunidá vecina la realidá cultural y llingüística de nueso.

Acordies colo anterior, y como yá afitamos delles vegaes, l’Academia refuga cualquier intentu, venga d’onde venga y seya del tipu que seya, de galleguización del territoriu asturianu del Navia-Eo. Pa nós el gallego-asturiano o eonaviego nun forma parte del denomáu “galego estremeiro” o “gallego exterior”.

Como ye bien sabío l’Academia reconoz el gallego-asturiano como la variedá llingüística propia d’esti territoriu, con entidá como llingua, qu’habrá ser oficial nel so ámbitu de mou paralelu a la oficialidá del asturianu en tol territoriu d’Asturies.

Arriendes d’ello, la normativización y normalización social del gallego-asturianu o eonaviego correspuende namái a l’Academia de la Llingua Asturiana, cimera institución llingüística del Principáu, y al propiu Gobiernu asturianu.

Nesti sen, encamentamos al Gobiernu d’Asturies que curie los derechos llingüísticos de tolos falantes asturianos y que tome les midíes afayadices pa que nun se produza ningún tipu d’espansionismu gallegu dientro de les llendes territoriales d’Asturies.

Sicasí somos sabedores de qu’urxe la reconocencia oficial de la llingua asturiana (y del gallego-asturiano o eonaviego). Namái asina se llogrará, ente otres coses, frayar los intentos del espansionismu gallegu de colonizar culturalmente Asturies.

L’Academia enxamás renunciará a l’asturianidá de los conceyos más occidentales del so territoriu y defenderá los derechos llingüísticos de la so xente col mesmu enfotu que defiende los del restu de los ciudadanos d’Asturies.

La Fundación Nueva Asturies presentó estos díes “Dende a llareira con señardá. Cocina de Bual y del occidente asturianu”, del que ye autora María Teresa López García. Sobres esta publicación reflexona Sánchez Vicente nuna artículu nuevu d’opinión.

Artículu completu n’AsturnewsOpinión

Inaciu Galán, escritor y periodista, asoleya güei un artículu nuevu n’AsturnewsOpinión, nel qu’embaxo’l títulu “¿Qué pasa cola política llingüística en Xixón?”, fai un repás peles promeses electorales, la normativa creada y el desenrrollu de la mesma nos tiempos últimos. Una crítica a la falta d’acción que llega na mesma selmana na que la Xunta pola Defensa de la Llingua Asturiana denunció “l’arrequexamientu de la llingua asturiana nes campañes de promoción entamaes pol Conceyu Xixón”.

Artículu completu n’AsturnewsOpinión

Inaciu Galán asoleya n’AsturnewsOpinión un artículu nel que comenta la obra de teatru “El xuegu de Yalta” estrenada por Telón de Fondo en Colunga y Xixón.

Artículu completu n’AsturnewsOpinión

Nuevu artículu d’opinión del presidente del Partíu Asturianista (PAS) y escritor Xuan Xosé Sánchez Vicente.

Artículu de Sánchez Vicente n’AsturnewsOpinión

La estaya d’opinión d’Asturnews ufre dos artículos nuevos. El primeru, de Xuan Xosé Sánchez Vicente, faise delles entrugues alredor del ecoloxismu n’Asturies. D’otra banda, Inaciu Galán, fai una reflexón alredor del rexistru llingüísticu qu’usen los medios de comunicación en llingua asturiana.

Artículu d’Inaciu Galán

L’escritor Xaviel Vilareyo ta acabante espublizar un nuevu artículu n’AsturnewsOpinión. Nesta ocasión Vilareyo fala del rei asturianu Nepocianu I, del que discute delles teoríes daes a lo llargo la hestoria por hestoriadores.

Artículu completu n’AsturnewsOpinión

Xuan Xosé Sánchez Vicente, presidente del PAS y perconocíu escritor, espubliza un artículu nuevu n’AsturnewsOpinión, onde axunta l’actualidá económica cola polémica sobre la indumentaria de les fíes del presidente Zapatero na visita de la familia presidencial al presidente americanu Barack Obama.

Artículu de Sánchez Vicente n’AsturnewsOpinión

Sánchez Vicente, presidente del Partíu Asturianista y escritor, reflexona nesti nuevu artículu alredor de la postura de los partíos estatales sobre la instalación d’una incineradora n’Asturies.

Artículu completu n’AsturnewsOpinión

L’escritor Xaviel Vilareyo fai un repás hestóricu a la dómina del Reinu d’Asturies, na estaya d’opinión d’Asturnews.

Artículu completu de Vilareyo