Música Llastres acueye esti sábadu la so V Nueche Rock by asturnet 26 de xunetu, 2007 Redacción. L’Asociación Xuvenil Rock del Pienzu y l’Área de Cultura del Conceyu de Colunga cola collaboración de la Federación de Conceyos, el Serviciu de Mocedá de la Comarca de la Sidra y Caxastur entamen esti sábadu a les diez de la nueche nel Paseu de la Ilesia de Llastres, la V Nueche Rock de Llastres. Nel mesmu van tocar ‘Chinatown’, d’Aviles, los franceses ‘Rodeo Joe’, los vascos ‘Positiva’, col so nuevu discu ‘Centaur’s Ride’, los carbayones d’‘Amon y The Punishers. La Nueche convirtióse nos últimos años nun de los referente de los rockeros asturianos. 26 de xunetu, 2007 0 FacebookTwitterPinterestEmail
Música Navelgas celebra esti sábadu’l concursu de folk Cuartu Los Valles by asturnet 25 de xunetu, 2007 Navelgas, celebra esta fin de selmana la 8ª edición del concursu de folk Cuartu Los Valles. El pueblu del conceyu de Tinéu acoyerá a los cinco grupos d’España y Portugal que consiguieron pasar a la fase final: los barceloneses Dealan y Keympa, los gallegos Ophiusa, los Dulzaineros del Baxjo Aragón de Zaragoza, y los vizcaínos Ghatusain. El concursu celébrase’l sábadu y el vienres toquen tamién en Navelgas el bandurrieru Héctor Braga y los grupos “Ghaita Depedra”, de Lugo, y los oscenses “Hato de Foces”. Al tiempu qu’esti concursu celebrase en Navelgas el VIII Campeonatu d’España de batéu d’oru, que va ser el prolegómenu del campeonatu mundial de la especialidá que tien de celebrase en Navelgas en 2008. 25 de xunetu, 2007 0 FacebookTwitterPinterestEmail
Música El Festival de Lorient entama la recta final completando’l programa by asturnet 25 de xunetu, 2007 Con Tejedor, Corquiéu y la Banda Villa de Mieres a la cabeza de la delegación asturiana, el Festival Intercélticu d’Avilés ya tien peslláu’l programa y entama la so recta final na organización de los 10 díes de programación que na primer quincena d’agostu 8del 2 al 12) va ufrir actuaciones tan destacaes como les de Sinead OConnor, la Bagad de Lann-Bihoué, que cumple 55 años, Didier Squiban Quartet, Capercaillie y Dan Ar Braz. El vienres 3 dagostu entamarán los conciertos nel Espace Marine cola amestaura de gaites y guitarres elléctriques de grupos galos, canadienses y escoceses: Frizbee, Red Hot Chilli Pipers, The Mahones. Y el sábadu 4 siguirá presente la música elléctrica, pero cola apaición yá de la tradicional de la man del Campeonato Nacional de Bagadoù. Esti día actuará una de les más nomaes instituciones de la música Folk Irlandesa: Les Dubliners y en Les « After » du Manège HiKS et DJ Blue darán el toque elléctricu a la xornada. Anque pa los asturianos, el sábado 4 ye fundamentalmentel día del Concursu McCrimon de Gaita quenfrenta tradicionalmente a los gaiteros astures colos gallegos, cola participación de dalgún bretón interpretando la gaita asturiana y gallega dende va unos años. Con Tejedor, Corquiéu y la Banda Villa de Mieres a la cabeza de la delegación asturiana, el Festival Intercélticu d’Avilés ya tien peslláu’l programa y entama la so recta final na organización de los 10 díes de programación que na primer quincena d’agostu 8del 2 al 12) va ufrir actuaciones tan destacaes como les de Sinead OConnor, la Bagad de Lann-Bihoué, que cumple 55 años, Didier Squiban Quartet, Capercaillie y Dan Ar Braz. El domingu día 5 la cultura céltica amuela la so gran diversidá cola Grande Parade de Nations Celtes, con 3500 artistes desfilando peles cais de Lorient y pela nueche, Sinead OConnor presentarál so nuevu discu Theology. La primer Nueche céltica cuntará con Doudou NDiaye Rose Junior y la Bagad Men Ha Tan. El llunes 6 dagostu sedrá la Grande Nuit de lÉcosse con The Whistlebinkies, Red Hot Chilli Pipers y The Unusual Suspects y el martes 7 la primer Nueche Máxica aportará al Stade du Moustoir pa afitar la gran vitalidá desti nimáus espectáculo, auténtica seña didentidá del festival. Les Nueces Máxiques repetiránsel xueves y el sábadu. Laurent Voulzy, los 55 años de la Bagad de Lann-Bihoué, Didier Squiban Quartet o Capercaillie y Dan Ar Braz son dellos otros nomes que cuntarán ente les actuaciones del restu la selmana, na que tarán siempre presentes los miembros de la delegación asturiana, col grupu Tejedor a la tiesta y Corquiéu o la Banda Villa de Mieres. 25 de xunetu, 2007 0 FacebookTwitterPinterestEmail
Música La danza de los países celtes pieslla güei un día más de Festival Intercélticu dAvilés by asturnet 25 de xunetu, 2007 Redacción. A les 12:15 entamen los actos de güei del Festival Intercelticu d’Aviles con ‘Música na cai’, que recibe al grupu ‘Bagad Landi ’. De cinco a siete y media la tarde van celebrase les Xornaes d’estudiu del Baille y danza tradicional n’Asturies. A les 17:30 na Bolera Llaranes va haber xuegos y deportes populares. De 18:00 a 23:00 na Plaza d’Alfonso VI va celebrase un Mercáu Tradicional Astur. A les siete, la Banda de Gaites d’Aviles protagoniza ‘Música na cai’. Y na Plaza de Camposagráu a la mesma hora va facese un taller de bailles d’Asturies, col grupu de baille ‘Vezos Astures’. L’actuación diaria del ciclu ‘Países Celtes’ va tar dedica güei a Asturies, na Plaza de Carlos Lobo cola actuación de la Banda de Gaites d’Aviles y los bailles de Vezos Astures. La nueche va terminar col cuentacuentos de Milio’l del Nido a les once la nueche y l’actuación de Inquedanzas, Ballocheam Highland Dancers, Dawnswyr Môn, Grupu de Baille Esbardu, Curran – Fegan na Plaza de Carlos Lobo. Programación del xueves 26 11:00 a 14:00 y 18:00 a 21:00 Amuesa: Asturies na emigración (Palaciu de Valdecarzana) 12:15 Música na cai (Les Meanes, Centru Comercial “El Atrio”, Cai La Cámara y El Parche) Bagad Landi 17:00 a 19:30 Xornaes d’estudiu: Baille y danza tradicional n’Asturies (ver detalle) (Palaciu de Valdecarzana) 17:30 Xuegos y deportes populares: Talleres llibres de bolos, llave y rana. (Bolera de Llaranes) Club popular de cultura de Llaranes 18:00 a 23:00 Mercáu tradicional astur (Plaza d’Alfonso VI) 19:00 Música na cai (Les Meanes, Centru Comercial “El Atrio”, Cai La Cámara y El Parche) Banda de gaites Villa d’Aviles 19:00 Taller de baille: Asturies (Plaza de Camposagrado) Vezos Astures 20:00 Paises Celtes: Asturies (Plaza de Carlos Lobo) Banda de gaites Villa d’Aviles Vezos Astures 23:15 Druides del Mundu Celta: Nueche de dances (Plaza de Carlos Lobo) Grupos de danza y baille tradicional de los paises celtes: Inquedanzas Ballocheam Highland Dancers Dawnswyr Môn Grupu de Baille Esbardu Curran – Fegan Danserien Lann Tivizio 25 de xunetu, 2007 0 FacebookTwitterPinterestEmail
Música El Festival Intercélticu dOccidente tien yá programa pa la edición desti añu by asturnet 24 de xunetu, 2007 Redacción. La XI Edición del Festival Intercelticu d’Occidente va celebrase esti añu ente los díes 15 y 21 d’agostu na playa del Murallón en Tapia y los organizadores yá dieron anuncia del programa d’actividaes alredor de la música que va tener llugar esti añu na yá tradicional fiesta. El Festival d’Occidente va cuntar esti añu cola presencia de músicos de la talla del irlandes John Mcsherry o de los bretones David Pasquet Group. El programa del Festival va tar compuestu esti añu por actuaciones en vivu y otru tipu d’actividaes que quieren ser a ‘animar a tou tipu de públicu’. Ente los grupos que van poder vese esti añu en Tapia tán los irlandeses ‘Lunasa’ y los asturianos ‘Llan de Cubel’ y ‘Tejedor’. Ta previstu un calendarariu de conferencies y exposiciones a lo llargo de los díes de Festival, cuntando tamien cola ‘Noite Máxica’, una cita “enllena de soníos y colores, onde música, teatru y danza van dase la mano pa sorprender al públicu”. Amás, van celebrase actividaes dedicaes a la reciella, ente les que destaquen los xuegos tradicionales y los talleres de música, nos que va poder deprendese a tocar instrumentos como la zanfona o’l curdión diatónicu. 24 de xunetu, 2007 0 FacebookTwitterPinterestEmail
Música Soncai System estrenal so primer cantar cola descarga de baldre by asturnet 24 de xunetu, 2007 Redacción. El primer cantar del nuevu grupu de Xune Elipe, la voz de Dixebra, ta yá na rede pa poder descargalu de baldre. ‘Soncai System,’ ye’l primer cantar de tolos inxertos nel primer discu de la banda, ‘Clashsturies’. El discu va tar nes tiendes a lo llargo del mes d’agostu. Nel discu, Elipe y Sergio Rodríguez axuntaron a dellos músicos asturianos de diferentes estilos y tendencies ente los que tán Delfo Valdes y Vito Álvarez (La Tarrancha), Mario Fueyo (Dark la eMe), Aique (Chalaneru Sound System), Javier Tejedor, Ruben Bada (DRD), Eladio Díaz y Jorge Cambareli (Dixebra) o los disc jokeys Dani Stylo y Dj pimp. El discu ye, según los autores “un percorríu pelos diversos estilos que güei sonen con fuercia nes cais de les nueses ciudaes: reggae, ska, funk, raggamuffin, hip hop… pero enllen de matices y detalles”. Descarga’l cantar de baldre 24 de xunetu, 2007 0 FacebookTwitterPinterestEmail
Música Tuenda pieslla güei un día más de Festival Intercélticu dAvilés by asturnet 23 de xunetu, 2007 Redacción. El Festival Intercelticu d’Aviles llega güei al cuartu día de celebraciones. A lo llargo del día van celebrase conciertos Pitlochry and Blair Atholl Pipe Band y la Banda de Gaites Ledicia dientro del ciclu ‘Música na cai’. A les cinco y media la tarde van celebrase xuegos y deportes populares, talleres llibres de bolos, llave y rana na bolera de Llaranes organizaos pol Club popular de cultura de Llaranes. A les siete la tarde na Plaza de Camposagráu va celebrase, como cada día, un ‘Taller de baille’, que güei tien a Galicia como protagonista embaxo la organización del grupu Inquedanzas. A les ocho la tarde, los grupos a Bagad Landi y Danserien Lann Tivizio van representar a Breizh (Bretaña), na Plaza de Carlos Lobo. A les 23:00 hores na mesma plaza, Milio’l del Nido va facer una nueva sesión de cuentacuentos, mientres que Tuenda, el grupu de Xose ‘Ambás’ va echar el pieslle al día a les 23:15 na Plaza de Carlos Lobo. Programa del martes 24 11:00 a 14:00 y 18:00 a 21:00 Amuesa: Asturies na emigración (Palaciu de Valdecarzana) 12:15 Música na cai (Les Meanes, Centru Comercial “El Atrio”, Cai La Cámara y El Parche) Pitlochry and Blair Atholl Pipe Band 17:30 Xuegos y deportes populares: Talleres llibres de bolos, llave y rana. (Bolera de Llaranes) Club popular de cultura de Llaranes 19:00 Música na cai (Les Meanes, Centru Comercial “El Atrio”, Cai La Cámara y El Parche) Banda de Gaites Ledicia 19:00 Taller de baille: Galicia (Plaza de Camposagrado) Inquedanzas 20:00 Paises Celtes: Bretaña (Breizh) (Plaza de Carlos Lobo) Bagad Landi Danserien Lann Tivizio 23:00 Cuentacuentos (Plaza de Carlos Lobo) Milio’l del Nido 23:15 Nueche pesica (Plaza de Carlos Lobo) Tuenda 23 de xunetu, 2007 0 FacebookTwitterPinterestEmail
Música El Festival Intercélticu dAvilés llega al so cuartu día de música celta by asturnet 22 de xunetu, 2007 Redacción. El Festival Intercelticu d’Aviles estrena güei l’amuesa ‘Asturies na emigración’ nel Palaciu de Valdecarzana, que va tar abierta d’11:00 a 14:00 y de 18:00 a 21:00 hores. A lo llargo del día van celebrase conciertos de Dawnswyr Môn y Bagad Landi dientro del ciclu ‘Música na cai’. A les 13:00 hores va celebrase na Casa’l Conceyu d’Aviles l’acoyida oficial per parte de les autoridaes de la comarca. A les cinco y media la tarde van celebrase xuegos y deportes populares, talleres llibres de bolos, llave y rana na bolera de Llaranes. A les siete la tarde na Plaza de Camposagráu va celebrase un ‘Taller de baille’, con Bretaña como protagonista per parte del grupu Danserien Lann Tivizio. A les ocho la tarde, los grupos Pitlochry and Blair Atholl Pipe Band y Ballocheam Highland Dancers van representar a Alba (Escocia), na Plaza de Carlos Lobo. A les 23:00 hores na mesma plaza, Milio’l del Nido va facer una sesión de cuentacuentos. La Bandina’l Tombo va echar el pieslle al día a les 23:15 na Plaza de Carlos Lobo. Programa del llunes 23 11:00 a 14:00 y 18:00 a 21:00 Amuesa: Asturies na emigración (Palaciu de Valdecarzana) 12:15 Música na cai (Les Meanes, Centru Comercial “El Atrio”, Cai La Cámara y El Parche) Dawnswyr Môn 13:00 Acoyida oficial: Recepción autoridades (Casa’l Conceyu d’Aviles) 17:30 Xuegos y deportes populares: Talleres llibres de bolos, llave y rana. (Bolera de Llaranes) Club popular de cultura de Llaranes 19:00 Música na cai (Les Meanes, Centru Comercial “El Atrio”, Cai La Cámara y El Parche) Bagad Landi 19:00 Taller de baille: Bretaña (Plaza de Camposagrado) Danserien Lann Tivizio 20:00 Paises Celtes: Escocia (Alba) (Plaza de Carlos Lobo) Pitlochry and Blair Atholl Pipe Band Ballocheam Highland Dancers 23:00 Cuentacuentos (Plaza de Carlos Lobo) Milio’l del Nido 23:15 Nueche luggonica (Plaza de Carlos Lobo) La Bandina’l Tombo Páxina oficial del Festival Intercélticu d’Avilés 22 de xunetu, 2007 0 FacebookTwitterPinterestEmail
Música Llucía yel nuevu discu del grupu folk Na Zona by asturnet 15 de xunetu, 2007 Redacción. El grupu folk ‘Na zona’ ta acabante sacar al mercáu ‘Llucía’, el discu segundu d’esta formación, que yá recibió mui bona acoyida col primeru. El nuevu discu tien más temes cantaos y un soníu más folk-rock, col que’l grupu “busca un estilu orixinal que nun se pueda identificar col d’otres formaciones”. El nome del discu provien de la maqueta col que trabayen dende va un añu. El discu ta autoproducíu pues los miembros del grupu creen que asina pueden ‘tener siempre’l control sobre tol procesu’. La formación folk ‘Na Zona’ ñació en Xixón nel añu 2003 y ta formáu por Luis Miguel Suárez ‘Otís’, Moises Álvarez y Rakel Castro. 15 de xunetu, 2007 0 FacebookTwitterPinterestEmail
Música El Primer Festival de Jazz de Tolivia anunciase pala fin de selmana by asturnet 9 de xunetu, 2007 Los días 13 y 14 de xunetu va a entamar el primer festival de Jazz de Tolivia (Llaviana). El programa aniciaráse’l vienres 13 a les 20:00 hores con una Master Class gratuita pa toos los guitarristes, músicos y aficionados a la música, que va impartír el guitarrista Alfredo Morán. El mesmu vienres, a les 22:00 hores tan previstes les actuaciones de Confluen Jazz y la cantante Terela Gradin & Jose Ramón Feito. El sábadu 14, a les 18:00 presentaráse’l cortu “Jóvenes con clase” cola actuación del grupu los Despreciables. A les 19:00 habrá otra Master Class gratuita pa tolos cantantes, músicos y aficionaos a la música impartía por la Cantante de jazz Paloma Berganza. El programa del sábadu finará con una Mesa Redonda sobro “La salud del jazz en Asturies y en España”, a les 20 hores, y dende les 22 hores les actuaciones de Jacobo de Miguel Quartet y de la cantante Paloma Berganza. 9 de xunetu, 2007 0 FacebookTwitterPinterestEmail