Música

Les bandes “Verde Cannaia”, “Black Horde”, “Flying Padres”, “Pablo Valdes y los Crazy Lovers”, y “Vintage” recoyeron los premios pertenecientes a los cinco finalistes na decima ediciñon del Concursu de Rock “San Mateo 2007” organizáu pol Ayuntamientu d’Uvieu. L’encargáu d’entregar los gallardones fuó’l Presidente de la Sociedá Ovetense de Festeyos, Jose Suárez Arias-Cachero que destacó la importanciá d’un concursu que al so xuiciu ya ta consolidáu.

L’Asociación Aula Música Antigua entama un cursu de construcción d’instrumentos en Llangréu. El cursu ta centráu na percusión y van ponese clases del 12 al 23 de payares, cuntando con 50 hores llectives y cola participación del profesor gallegu Carlos do Viso.

Nel cursu los alumnos van construyir un panderu y un tambor asturianu colos que quedarán cuando fine’l cursu. La matrícula, que se pue formalizar magar del llunes que vien, día 1 y hasta’l 15 d’ochobre y el preciu ye de 600 euros, cuntando con diez places, que van ocupase per orde d’inscripción. Pa más información llamar al teléfonu 647 379 199.

Les clases entamaron con un conceyu d’alumnos y mayestros esti martes 2 d’ochobre a partir de les 19:30 hores na Escuela Pública Rei Pelayo de Xixón, na avenida Constitución 57, sede de la Escuela La Quintana.

< p>El periodu 07/08 supon el décimu cursu de la Escuela de Música Tradicional La Quintana, qu’echó a andar allá pel añu 1998. Asina, vuelve un añu más a ufiertar un Sitiu donde deprender y vivir la música tradicional nel conceyu de Xixón. Pa esti cursu la escuela vuelve a ufiertar 14 asignatures ente les que tán gaita, tambor, percusión, baille, vigulín, bandurria curdión diatónicu, guitarra, asturianada, clarinete, zanfona, xiblata travesera, harpa y formación en conxuntu.

Los mayestros d’estes asignatures son persones conocíes pola so vinculación a la música tradicional y folk, munchos d’ellos pertenecientes a grupos conocíos de la escena musical asturiana, como Felpeyu, Lliberdón, La Bandina o Llangres. Ye’l casu de Diego Pangua, Daniel García, Lisardo Prieto, Horacio Huerta, Toli Morilla, Borja Baragaño, Merce Santos o David Varela.

Les clases, como nos años anteriores, van impartise na Escuela Pública Rei Pelayo, utilizando les aules de la escuela pa desarrollar l’actividá peles tardes. La matrícula ta abierta tol añu al ser una enseñanza individual y adaptada al nivel de conocimientos de cada alumnu, ensin qu’haya llimitación d’edá p’apuntase.

Más información

Charo Bogarín y Diego Perez son los dos nomes que s’escuenden detrás del proyectu Tonolec, un de los esponentes caberos de les nueves musiques arxentines, que presentaron el so primer y homónimu trabayu esta tarde a partir de les 19:00 hores nel fórum de la FNAC (Parque Principado).

Esta pareya de músicos xunen los cancios populares de la cultura indíxena toba de la rexón de Chaco, el so llugar de nacimientu, cola ellectrónica. P’algamar esta fusión suelen acompañase en directu d’ instrumentos como el n&acute;vique, que ye un violín d’una cuerda fecha con cola de caballo, teclaos, soníos pregrabaos charango, la guitarra criolla y les pezuñes de cabra.

El sellu Ámbitu-L’Aguañaz va sacar al mercáu nel mes de payares un discu del productor y músicu Sergio Rodríguez, ‘Tutu Studiu 07’, una reellaboración en clave lletrónica de la música tradicional asturiana. El trabayu ta compuestu por diez pieces d’aire folk, pero namás n’apariencia, porque van muncho más allá d’esi estilu. Les melodíes, d’inspiración tradicional o completamente nueves, vense arropaes por unes igües que les actualicen.

L’álbum inclúi la participación de munchos de los meyores del músicos del país, xente como Rubén Bada, Xosé Ambás, Borja Baragaño, Diego Pangua, José Manuel Tejedor, Dolfu R. Fernández, Héctor Braga, Lisardo Prieto, Xuan Nel Expósito, Toli Morilla, Pepín de Muñalén y Dulcamara, ente otros.

El grupu suecu The Maggots, consumaos especialistes del garage rock más primitivu, aterrizaronn esti domingu en Xixón (Nuevo Savoy, 21:30) pa ufrir una buena dosis del meyor rhythm’n’Blues con denominación d’orixe nórdicu. Los suecos, unos veteranos de la escena rock europea, van presentar en directu lescomposiciones del so últimu trabayu, que lleva por nome “Monkey time” y que recien acaba de publicar la compañia Screaming Apple. Le entraes cuesten 12 euros nes taquilles del Nuevo Savoy y 10 euros anticipaes.

Nel marcu del Teatru Jovellanos de Xixón y dientro del III Alcuentru de la Música, les Lletres y les artes n’Asturies, la Asociación de Musicoterápia, Docencia e Investigación del Principáu d’Asturies quixo homenaxear al cantante mierense Victor Manuel pola so trayectoria como artista. L’eventu, que cuntó xicamente cola presencia del homenaxeáu, entamó’l domingu a les 19:00 hores y prolongose por espaciu d’hora y media.

Pol escenario del Jovellanos pasaron Miguel Ríos, Jose Ángel Hevia, Nuberu, Mari Luz Cristóbal Caunedo, el Coru Mineru de Turón y el Cuartetu Julián Orbón, la Banda de Gaites de Corvera y el Grupu de Baile La Folixa de Carreño.

La banda de rock ovetense Alto Volto va ufrir esta nueche en pravia una nueva ración de la so propuesta músical na inauguración de la Sala Habana. A partir de les 23:00 hores esti tríu de músicos ovetenses pondrán en marcha la maquinaria del so directu na que l’espectador podrá apreciar les composiciones del so primer y homónimu trabayu “Alto Volto”, espublizáu l’añu pasáu.

Alto Volto son Borja, a les voces y a la guitarra, Miki, na batería y Lionel al bajo. Nacidos en 2005 les sos influencias caberes vienen principalmente de les bandes ingleses y norteamericanes de rock duro de los 60 y 70, el blues y los grupos con especial querencia polos desarrollos instrumentales bien ellaboraos.

La sala ovetense Masaveu 55 va ser l’escenariu qu’agospiará esta nueche el conciertu de la banda ovetense Palawer. Fundáu en 2005 esti grupu ovetense va presentar en directu, y en formatu acústicu, les canciones de la so maqueta de debut qu’oscilen ente’l rock’n roll y el flok. Palawer son Nel Muñiz (voz, Guitarra ellectrica y acústica, flauta travesera y gaita Asturiana), Iván Rey (guitarra electrica y coros, Victoria Pascual (pianu ellectricu) y Adrian Juan (bajo ellectricu y coros). La citá va ser a partir de les 20:00 hores y la entrada llibre.

Darreu, a les 23:00 hores, va ser el baterista norteamericanu Ethan Winogrand, xunto con Jacobo de Miguel al pianu y David Casillas al contrabaxu, el encargáu de completar la velada Winogrand neoyorquín de nacimientu pero afincáu n’Asturies, ye un de los músicos de jazz más respetaos de l’actualidá

El sabadu 6 d’ochobre en La Felguera la organización nacionalista Darréu va celebrar, con un conciertu de Rock asturianu y un manifestamientu peles cais llangreanes, el Día de la Mocedá Revolucionario, nel aniversariu de la revolucion d’Ochobre del 34.

El manifestamientu va entamar a les siete de la tarde na estación d’autobuses de La Felguera. Y el conciertu va cuntar colo grupos skontra punk-folk,koma, escuela de odio y habeas corpus y va celebrase col nome de “Asturies nun escaez” nel IES Cuenca del Nalón (antiguu Politécnicu) de La Felguera, a partir de les 21 hores.

Páxina del Día de la Mocedá Revolucionario