Música

El tamboriteru llaniscu de la Banda de Gaites de Villaviciosa, Diego Purón, va ser el primer asturianu y el primer músicu del Estáu Español n’acceder al “World Solo Drumming Championships”, los mundiales oficiosos de tamboriteros, qu’esti añu se celebren en The Glasgow Caledonian University, el 27 d’Ochobre.

El “World Solo Drumming Championships” ye un campeonatu que se celebra tolos años dende la Segunda Guerra Mundial y desde valora al tamboriteru que meyor acompangue la melodía tocada pol gaiteru que fai pareya con elli. Esa ye la so calterística cimera, ya que ye un campeonatu de solistes que nun consiste en tocar solu, sinon nuna especie de concursu de pareyes de gaita y tambor, nel que namái se valora al tamboritero. Na competición tiénse en cuenta la técnica, la espresividá, los matices y la esactitñu cola qu’encaxe’l toque cola melodia. El concursu fo ganáu 16 veces, na so historia recién, pol gran tamboriteru Jim Kilpatrick, leyenda viva y xefe de percusión de “The House of Edgar Shotts&Dykehead Pipe Band”, una de les bandas más nomáes na historia. L’añu pasáu celebrose en Belfast y ganolu un mozu irlandes, Steven MacWirther, quedando segundu clasificáu’l 16 veces campeón.

Esti añu celebrase en Glasgow, en The Glasgow Caledonian University, el 27 d’Ochobre, col so tradicional sistema de liguilla: hai cuatro grupos de 18 competidores en ca grupu y pasen los cuatro primeros a semifinales. Nesi momentu fainse dos grupos de semifinalistes y aparte de los 8 procedentes de la fase previa súmense seis competidores mas en ca grupu, que son los 12 finalistes del añu anterior. D’estos dos grupos de semifinales sal el grupu finalista formáu por doce competidores.

Ye obligatorio interpretar musica escocesa y llevar preparaos tres sets de musica escocesa, sorteándose minutos enantes de tocar el qu’hai que interpretar. Diego Purón ye’l primer asturianu y primer músicu del Estáu Español, que participa nestos mundiales oficiosos de tamboriteros.

A partir de les 20:30 hores y namás pa los socios va actuar la Orquesta Sinfónica Bohámica de Praga nel Teatru Xovellanos de Xixón. Embaxo la dirección del maestru fundador de la formación Jaroslav Krcek van interpretar obres de Rossini, Beethoven y Mendelssohn.

La Orquesta Sinfónica Bohemica de Praga nació va de 20 años de la mano del destacáu compositor y director Jaroslav Krcek que sigue al frente de la mesma dende la so fundación. El so repetoriu ta basáu na producción barroca y clásica anque tamien recueye obra contemporanea, sobremanera de compositores checos.

El Grupu de Baille Tradicional San Félix de Candás, que cada añu organiza los Alcuentros cola cultura asturiana y edita la revista ‘El Curino’, entama un cursu de baille p’adultos “col envís d’averar el baille tradicional asturianu a los sos vecinos”. El cursu tien un llargor de 30 hores y va desendolcase los miércoles de 19:30 a 21 hores nel llocal de SOFECA (La Baragaña, Candás) dende’l día 7 de payares que vien.

El preciu de la matrícula ye de 15 euros y pue facese los sábados d’11 a 13 hores nel llocal de Sofeca, en La Baragaña o nel teléfonu 691150372.

Dende’l prósimu 7 de Payares el Grupu de Baille Tradicional San Felix de Candás va impartir un cursu de baille p’adultos. La matrícula val 15 euros y pue cursase los sábados d’11:00 a 13:00 hores nel local de SOFECA en Candás. El cursu va cellebrase los miercoles de 19:30 a 21:00 hores y va tener una duración de 30 hores.

El Grupu de Baille Tradicional San Felix, edita la revista «El Cuirno», y ente otres llabores organizó la decima edición de la Nueche Celta y los III Alcuentros cola Cultura Tradicional.

Tres un mes d’espera los seguidores de la banda madrileña Dover van tener la oportunidá de disfrutar del conciertu que se suspendió con motivu del partidu de la selección española de baloncestu. Dover actuen esta nueche nel Palaciu de Deportes de la Guía a les 20:30 hores con entraes disponibles al preciu de 9 euros nes taquilles del Teatru Xovellanos, nos caxeros de Cajastur, al travies de Tiquetxpress y nel númberu 902 106 601.

Dover lleguen a Xixón nel marcu de la xira de presentanción del so último trabayu “Follow the city lights”, nel que pa sorpresa de críticos y seguidores amesten el rock independiente que los definió nel pasáu con soníos ellectrónicos y bailables.

El Coro Errante de la Comarca de la Sidra, la Coral Amanecer, de Xixón; el Coro Marinero “Manín”, de Llastres; el Coro Villa de Navia y Rondalla “Nostalgia” de Cuañactuaron esti sábadu nel marcu la Ilesia parroquial de Llastres dientro del III Alcuentru coral “La sidra y el mar”. Les actueciones escomencipiaron a partir de les 19:30 hores de la tarde.

Esta edición llega al conceyu de Colunga tres pasar n’otros años por Sariegu y Nava anque mantien el so compromisi inicial d’axuntar dos e les tradiciones más arraigaes na cultura asturiana: el cultu a la sidra y el trabayu nel mar.

Amás de los recitales, el Coro Errante va entregar el gallardón “Errante 2007″ a Cajastur pol so enfotu en promover la cultura, l’arte y sobre manera la música asturiana. Amás d’esti alcuentro va poder disfruse durante tola xornada en Llastres de los actos gastronomícos, d’ociu y de cultura que hai programaos pa ” Les tres arribaes de Llastres” qu’organiza l’Asociación Colunguesa de Turismu.

Xixón acueye conciertu de la banada catalana de soul, blues y rock “The next Club”. La cita ye’l sábado a partir de les 24:00 hores nel Club Savoy. Los músicos barceloneses van repetir el día siguiente a la mesma hora.

The Next Club nacieron en 2006 asi hace un año en barcelona cunten ente les sos influencies a artistes como Brian Setzer, Jimi Hendrix, Bb King, Stevie Ray Vaughan, Robben Ford, Ottis Reding, Aretha Franklin o Wilson Picket ente otros.

Los ovetenses Entropía faen el so debu en públicu esti sábadu a partir de les 19:30 de la tarde en La Antugua Estación con motivu de la fiesta d’Aniversariu del pub Radio 8. Los asturianos van tar acompañaos pola banda madrileña “Miss Cafeina”.

Entropí nacen en 2005 col firme enfotu de texer cancios plenos de melodía basaos na meyor tradición pop. Entropía son Willy a la voz y a la guitarra, Pelayo al bajo y a los coros, Fran, a la guitarra y Nacho, a la batería. Tienen fecha una maqueta con cuatro temes.

L’Archivu de la Música Tradicional del Muséu del Pueblu d’Asturies ta acabante d’espublizar l’octavu discu de la serie ‘Fontes sonores de la música tradicional asturiana’. Un discu nel que ye protagonista Celestina Cá Sanchu d’Ambás, la güela del etnógrafu Xosé Ambás.

Celestina Cá Sanchu d’Ambás tien ochenta y cinco años y el repertoriu ta conformáu por 32 temes vocales au apaecen dances, la ronda, la xota, la muñeira, el cantar de boda, cantares de neños etc, anque según cuenta’l propoi Ambás “la mayoría son sones pa la danza”.

Amás, cuenta l’etnográfu que “You canto dellos estribillos ya dellas cuartetas chando-y un gavitu”. La presentación va facese’l sábadu qu’entra día 13 a les 13 hores nel pueblu d’Ambás, en Grau y va ser un homenaxe a Celestina au nun va faltar bon quesu, pan y vinu’l País. Tampoco va faltar la música tradicional de tolos convidaos que lleven l’istrumentu y de xuru que Celestina “tamién echará unes cantaruxaes, ta tola xente convidada” diz Ambás.

Güei, xueves 11 d’ochobre, a les nueve y media la nueche la Sidrería Tierra Astur de Cualloto va ufrir l’actuación del grupu de Mieres ‘Skanda’, un recital nel que van presentar el so discu últimu ‘El cuartu’, asoleyáu por Ámbitu-L’Aguañaz.

’El cuartu’ tien once cantares, dalgunos de composición propia y otros inspiraos na tradición d’Asturies. El grupu ñació en 1997 y yá s’afitó bien nel panorama musical asturianu como una de les formaciones más novedoses. Nel discu collaboren la Banda de Gaites Villa de Mieres, Alberto Ablanedo col bouzouki, Héctor Braga col violonchelu, Santi y Fernando González colos vientos, Berto Argallaes cola harmónica y el Coru Infantil de la Escuela de Música de Mieres.