Música

Presentando la obra “Piano Cuartet” compuesta pa ellos pol músicu compositor Mareijn Simmons lleguen a Llanes The Zhislin Piano Quartet. L’actuación ta programada dientro de los actos de la XVI Selmana de la Música qu’organiza Cajastur y va entamar a les 20:30 hores na Basílica de Santa María de Llanes.

El cuartetu ta formáu polos músicos Yuri Zhislin, al violín; Levon Mouradian, al violonchelu; Jeroen Riemsdijk, al pianu y David Abrahamyan a la viola.The Zhislin Piano Quartet van interpretar a más de “Piano Quartet” les obres “The misty doors of memory”, de Zwaag y el “Cuarteto nº 3 en do menor”, de Brahms.

L’Atenéu de La Calzada, en Xixón, entama un nuevu ciclu de conciertos col que “quier dar una vuelta más de tuerca a la so programación musical”. Pa ello llancen esti Ciclu embaxo’l nome de ‘Nueves Músiques Vieyes’, col envís de recoyer estremaos estilos de música baxo un mesmu paragües: la mestura, la nueva creación basada na música tradicional, étnica o clásica.

Pa inaugurar el ciclu va haber esti vienres que vien un conciertu con Aziza Brahim, sah.araui, ñacida’l 9 de xunu de 1976 nos campamentos de refuxaos cercanos a Tinduf, n’Arxelia. El conciertu va entamar a les ocho la tarde.

Páxina web de l’artista

Tres el conciertu d’ayeri nel Xovellanos de Xixón la Orquesta Sinfónica del Principáu d’Asturies (OSPA) entama la so temporada de conciertos 2007-2008 n’Uvieu cola interpretació de la Quinta Sinfonía de Gustav Mahler como pieza principal. El recital entama a partir de les 20:00 hores nel Auditoriu Príncipe Felipe d’Uvieu a les 20:00 hores.

Embaxo la dirección del chilenu Maximiano Valdes, director titular de la OSPA dende 1994, la Orquesta del Principáu ta formada por músicos de más de venti nacionalidaes. La actividá de la OSPA xira alrodiu de la cellebración de conciertos polos principales ecenarios asturianos y del estranxeru.

Esti sábadu 20 d’ochobre entama a les siete la tarde’l IV Xaréu d’Ochobre que fai un homenaxe a Nuberu nel so trenta cumpleaños. L’homenaxe aniciase con un actu institucional en Cangues d’Arriba, nel Aula de la Monarquía Asturiana de Cangues d’Onís onde Benigno Delmiro Coto y Manuel Asur van historiar a esti grupu formáu por Chus Pedro y Manolo Peñayos y que xurdiera en L’Entregu a partir del coleutivu Camaretá.

Pela nueche, a les 21:00 hores, nuna carpa allugada na Plaza de la Casa Conceyu de Cangues, va entamar el conciertu d’homenaxe con Mala Reputación, que va tocar dellos temes con Corquiéu, Vaudí, cantante brasileñu que lleva tiempu n’Asturies, Tejedor, Ramón Prada, Carlos Martagón cola banda Merienda de Negros, Tomás y los Demás, Fernando Vidal y Carlos Blanco.

La banda toledana The Sunday drivers presenten el so nuevu trabayu “Tiny telephone” esta nueche na sala Albeniz de Xixón a partir de les 21:00 hores. Les entraes tan disponibles a la venta al los precios de 15 euros en taquilla y de 12 euros en casi de marcala anticipadamante nos puntos de venta habituales.

The Sunday Drivers facturen un rock de tinte clásicu influenciáu sobre manera pola canción pop de melodíes más reconocibles y con un gran apegu poles instrumentaciones cuidaes y la omnipresenecia de les partes vocales. Con “Tiny telephone” la banda firma’l so tercer trabayu tres el homónimi debú con “The Sunday Drivers” y “Little heart attack”

Apple ta acabante de facer l’anuncia de que baxa hasta los 99 céntimos de euros el preciu de más de dos millones de canciones llibres de derechos dixitales na so tienda iTunes Plus. La compañía amás amplía el númberu de canciones disponibles y dexa toles canciones de iTunes Plus llibres de DRM, el software de xestión de derechos dixitales qu’emplegaba hasta agora pa torgar la copia llibre de la música que se comprare na so web.

Con esta decisión, el catálogu d’iTunes Plus ye agora’l mayor catálogu de música sin DRM del mundoiu ya inclúi artistes que van dende Sub Pop, Nettwerk o Beggars Group, a IODA, The Orchard y otros munchos grupos y artistes, xunto col catálogu dixital de EMI.

Páxina Web de Itunes España

El grupu folk La Bandina va ser el protagonista del amagüestu qu’organiza esti xueves en Xixón la escuela de música tradicional La Quintana y que va celebrase a les nueve y media de la nueche nel local El Barucu, na cai Almacenes de Xixón.

El Conceyu Abiertu del Llar Solidariu d’Uvieu (Gascona 12, baxu A) organiza pa esta nueche una charla-conciertu embaxo’l tema “La muyer na música tradicional asturiana ”. El conciertu va escomenzar a les 20:30 hores y cunta cola actuación de Les Pandereteres de Fitoria. La xera va xirar alrodiu del papel que xugaben les muyeres na música tradicional tantu como intrepretes como la visiçon quese tenía d’elles nes lletres de los cancios.

Les Panderetes de Fitoria cunten con un repertoriu basáu en canciones tradicionales de tola xeografía asturiana. El grupu ta formáu por siete persones: Guadalupe Villanueva, Lorena Álvarez, Yolanda Menendez, Verónica González, Silvia Rodríguez, Laura Ruiz y Florentina Cuadriello.

Bluegrass y punk son les señes d’identidá de la 357 String band, banda americana formada en Wisconsin que lleva al escenariu la so peculiar y enerxetica manera d’entender la música folk tradicional. El cuartetu toca esta nueche a partir de les 22:00 hores nel club Louie Louie de Xixón con entraes al preciu de 12 euros en taquila y 10 euros nos puntos de venta anticipada habituales del local.

La Sociedá Filarmónica d’Uvieu organiza esti miñercoles el conciertu de la violinista madrileña Leticia Moreno. La cita ye a les 19:45 hores nel Teatru Filarmónica. La artista lleva dende los 3 años educándose musicalmente y dio los sos primeros conciertos a la edá de 5 años.

La so formación pasa por estudiar na Escuela Superior de Música Reina Sofía y nel Köln Musikhochschule d’Alemania. Fui alumna de maestros como Rostropovich, Zakhar Bron, Maxim Vengerov y David Takeno.