Música

Xorrecer, asociacion asturiana empobinada a lluchar escontra’l maltratu en toles sos variantes, ta acabante d’espublizar un discu recopilatoriu d’artistes asturianos con motivu de a cellebración del “Día Internacional contra la violencia de xeneru”, el pasáu 25 de payares. Embaxo’l títulu “Ensín cadenes”, hai 18 cancios de bandes como Dixebra, Sakama la Rede, K-Nalón, Fe de Ratas o Escuela de Odio, ente otres. Tamien collaboren na iniciativa L’Aguañaz y Santo Grial

El baxista de Felpeyu Dudu Puente imparte durante esti fin de selmana(el sábadu 1 d’avientu)la segunda y última clase del cursu sobre l’usu del baxu na música folk, nel Taller de Músicos de Xixón (C/Jovellanos, 21). La duración del cursín ye de cuatro hores diaries.

Nel cursu abordénse temes formales como la hestoria d’esti instrumentu na música folk y dellos más enfocaos a los músicos profesionales como’l ritmo, estilos, usu de la melodía, armonía, tonalidad, modos, grados, clases de acordes y modos d’afinacion na guitarra y nel baxu ellectricu.

Blog de Dudu Puente

La guitarrista y compositora Erja Lyytinen llega esti vienres a los escenarios asturianos pa presentar el so últimu discu “Dreamland Blues”. La cita pa tolos aficionaos al blues cola artista finlandesa será güei vienres a les 20:00 nel Centru Cultural Cajastur de Mieres dientro del ciclu “Músiques del sieglu XX”.

“Dreamland Blues”, que se grabo en 2006 nos Estados Xuníos cunta cola collaboración de músicos como David y Kinney Kimbrough. El trabayu ye una buena mestura de blues, jazz, pop, r&b y country. Enantes d’esti discu, Lyytinen tenía trabayao con artistes como Ian Parker y Aynsley Lister amás de espublizar varios discos. La voz y la guitarra slide d’Erja Lyytinen van tar acompañaes en directu pola guitarra de Davide Floreno, el baxu d’Iiro Kautto y la batería de Rami Eskelinen.

Valdés acueye la final del Primer Concursu de Canción Asturiana pa mozos y aficionaos del Occidente esti sabadu 1 d’Avientu, a partir de les 18 hores, nel Centru Social de Persones Mayores de L.luarca organizadora del mesmu.

Los intérpretes tienen de participar con canciones dafechamente asturianes que va poer interpretase o non con gaita.

El primer premiu ye de 300 euros y troféu, el segundu de 150 euros y troféu y el terceru de 75.

Al abellugu de la prolífica escena hardcore asturiana ñacieron los xixoneses “Audiotrack” va casique un añu. Con una maqueta homónima espublizada lleguen esta tarde a la FNAC de Siero pa defendela sobre les tables. La voz d’Helena, les guitarres de Luis y Edu, y la sección rítmica con Hector al baxu y Ruben “Chicho” a la batería van poder disfrutase na tarde d’esti vienres 30 de payares a partir de les 20:00 hores nel Fórum de la FNAC..

Escucha al grupu

El cantautor ovetense Edu Vega presenta en formatu acústicu el so discu de debú “Hacia un mundo lejano”, na nueche d’esti vienres 30 de payares nel cafe Masaveu 55 d’Uvieu. L’ovetense trae con esti trabayu, diez diez canciones de propia composición que falen d’hestories y sentimientos de la vida, vistes dende los gueyos del so autor. “Hacia un mundo lejano”, ta autoproducíu pol propiu Vega

The Ettes, influencies clásiques pa una banda xoven, son el platu musical pa esta nueche nel Festival de Cine de Xixón. A padrinaos pola, siempre mediática banda, The White Stripes The Ettes van desgranar el so rock con tintes beat y punk, a partir de les 00:30 hores nel escenariu de la Sala Albeniz. Traen amás nuevu discu nos bolsiellos. Embaxo’l nome de “Shake the dust”, The Ettes meten na so coctelera dende los sones de Billy Childish hasta la urxencia de los Ramones pasando pol influxu de la tradición country americana. Como teloneros van actuar The Right Ons.

Los amantes de la música tradicional tienen una cita esta nueche na Colexata San Xuan Bautista de Xixón el duu Chabenat y D. François, interpretes de zanfona y de violín y nickelharpa respactivamente. El recital, organizáu pola entidad financiera asturianu Cajastur, va escomenzar a les ocho la tarde con entrada de baldre y llibre hasta completar l’aforu de la sala.

Gilles Chabenat ye un de los músico franceses que más tan afondando nos raigaños de la música popular francófona, concretamente la interpretada con zanfona nel centru del país. Escribió música pa obres teatrales d’Enzo Corman y piezes pa la banda sonora del film “Le Frere du Gerrier” del cineasta Pierre Jolivet. Actúa davezu xunto a Eric Montbel, Gabriel Yacoub, Patrick Boufard y, como nesta ocasión Didier Francois.

Didier Francois pela so parte ye un respetáu violinista (ya interprete de nickelarpa) formáu nos Conservatorios de Bruseles y Amsterdam jazz en dellos cursos y talleres. Compuso música pa ballet, teatru y cine. Son destacables les sus collaboraciones con St. Grapelli y Gabriel Yacoub.

El cantautor Carlos Rubiera ta acabante d’asoleyar un discu nuevu, “Asturianaes”, un proyeutu musical nel que lleva munchos meses trabayando y nel qu’axunta doce tonaes, seis tradiciones y seis de creación propia, que van suponer “una auténtica renovación del xéneru”. L’actu tuvo llugar nos llocales de la Sociedá Xeneral d’Autores y Editores, n’Uviéu.

Nel discu, asoleyáu por Producciones La Capitana, apaecen doce temes acompañaos por pianu y otros ritmos del nuevu folk. Amás, n’Asturianes, Carlos Rubiera cunta cola participación de trés grandes de la música asturiana, la cantante Mariluz Cristobal Caunedo y los gaiteros Xuaco Amieva y José Ángel Hevia. Unes collaboraciones de lluxu que faen que’l CD apaeza precedíu d’una espectación importante.

El músicu xixonés ye ún de los hestóricos miembros del llamáu Nueu Canciu Astur, que entamó a garrar puxu nos primeros años de la transición, a mou d’otros movimientos asemeyaos que se dieron n’otres nacionalidaes del estáu, como la Nova Canço Catalana. Tamién formó parte de la organización Conceyu Bable en Xixón, dende la qu’empezó a trabayar pola recuperación llingüística del asturianu. Ye miembru activu de l’Academia de la Llingua Asturiana y l’añu pasáu espublizaba’l so discu últimu hasta agora, “Canciones de Xixón”, onde axuntaba temes nuevos y versiones de los sos yá clásicos sobre la villa de Xovellanos.

Esther Fonseca ye la editora del so segundu trabayu en solitario que col títulu de “Viaxe” recueye 14 temes nos que destaca la collaboración del so padre, Nacho Fonseca, que ye’l compositor de les pieces musicales y les lletres. La cantante del grupu folk Llangres avérase nesti “viaxe” a estilos más pop que nes discu col qu’entamara la so carrera en solitario “Agua”, qua’apaeció en 2002.