Música

Xune Elipe reclamó esti martes n’Uvieu, mayor presencia y mayor incidencia de la música asturiana nos medios públicos de comunación de la comunidá. “Los medios públicos tan cenciellamente pa eso, p’apoyar a la xente que ta faciendo coses equi n’Asturies”, declaró’l director de producciones musicales d’Ámbitu/L’Aguañaz, refiriendose sobre manera al tratu de la televisión pública del Principáu hacia la música fecha na rexón. El miembru de Dixebra fizo estes declaraciones nel trescursu de la presentación del Anuariu de la Música Asturiana, na se que tien la SGAE na capital asturiana.

Según Elipe nun sirve de nada que la música asturiana ocupe un tantu por cientu determináu del porcentaxe de pantalla si a esta nun se-y un tratamientu correutu. Amás tamien señaló que lo que se busca cola publicación del Anuariu y de otres iniciatives ye que que la música asturiana y n’asturianu garre “normalidá”. “Dende los locales d’ensayu onde tan los grupos hasta’l púublicu hai un momentu nel que esa cadena frande ya impsibilita que los productos de música asturiana tengan incidencia nel mercáu”.

Elipe repasó los conteníos del Anuariu y quiso señalar el cambiu na cabecera ya’l pasu del blancu y negru al color. En cuanto a conteníos l’anuariu trae artículos de Xose Miguel Suárez Fernández, Adolfo Camilo Díaz, Flavio Rodríguez Benito, Xandru Martino Ruz o Ramón Lluis Bande. Tamien apaecerán entrevistes a Xose A. Fernández “Ambás”, Hevia, Lisardo Lombardía o Dulcamara; reportaxes sobre’l Premiu al Meyor Cantar en Llingua Asturiana 2006 y del conciertu N’Alcordanza, amás d’un repasu fondu a toles novedaes rellacionaes cola música asturiana (discos, llibros y audiovisuales) d’esti añu.

El discu que acompaña al anuariu inclúi una esbilla de catorce pieces del sellu Ámbitu/L’Aguañaz y va distribuise de baldre xunto col volumen, del que se van editar 4000 copies, xunto col semanariu “Les Nocicies” del vienres 21 d’avientu en tola rexón..

Xune Elipe anunció esti martes n’Uvieu, que’l discu de versiones de Dixebra que se va asoleyar el prósimu mes con motivu de los 20 años de vida de la banda, ya ta fechu. El discu va llamase “Perversiones”, va tar na cai en payares y tien 20 versiones que van dende’l hip-hop o el punk a la música lletrónica ya’l reggae. El músicu dixo que tanto el como la banda quedaren mui contentos col resultáu ya que nótase que los participantes nun ficieron les versiones por compromisu.

Elipe, que fizo estes declaraciones durante la presentación del anuariu de la música asturiana de 2007, dixo que’l fechu de que Dixebra cumplan 20 años de vida nun se suel dar na música asturiana. Namás Llan de Cubel, Ilegales, Nuberu o Stukas alagamen tantu tiempu enriba los escenarios.

Groucho, Harpo y Chico viaxen nesta ocasión a Casablanca al pocu de finar la II Guerra Mundial pa que Groucho se faiga cargu de la dirección d’un hotel cuyos xerentes anteriores fueron asesinaos. “Una nueche en Casablanca”, parodia clara del clásicu de Michael Curtiz, ye la cinta seleccionada pa esti llunes 17 d’avientu nel ciclu “El mundo de Grocho Marx”, que se cellebra cada selmana nel Teatru Filarmónica d’Uvieu. l pase entama a les 20:30 hores ya la entrada ye de baldre y gratuita hasta completar l’aforu de la sala.

Pal grupu de pandereteres “Dulcamara”, ¡Sali, l.luna1 ye’l so primer discu nel mercáu, anque lleven años tocando perende. Güei sábadu, van falar fondamente del so discu na Cadena Ser de Xixón. Inaciu Galán va entrevistales güei sábadu a partir de la una la tarde a Paula y Carmen, dos de les componentes del grupu.

Una entrevista na que van poder conocese los detalles de la preparación del discu, les opiniones de les componentes del grupu y dalgunos de los conciertos que van poder sentise nos próximos meses con Dulcamara como protgonista. La entrevita ye dientro del espaciu “Falando d’Asturies” que s’emíte tolo sábados a partir de la una la tarde nel programa “A vivir que son dos días Asturies”, dirixíu por Begoña Natal, en Radio SER Xixón, nel 96.5 del FM. Pel programa pasen cada selmana les figures de la cultura d’Asturies más d’actualidá.

Esti sábadu 15 d’avientu llega a la Catedral d’Uvieu el “‘XXX Ciclu de Música Sacra nes Catedrales Españoles” organizáu por Caja Madrid. A patir de les 20:00 hores (con entrada de baldre) y cola dirección d’Alan Curtis, la orquesta “II Complesso Barocco”, y la mezzosoprano Matie Beaumont van ser los encargaos d’abrir el ciclu con un recital basáu en cantares de navidá del barrocu italianu.

El programa pa Uvieu inclui les obres: “O di Betlemme altera” d’Allessandro Scarlatti; ” ¡Ay!, que me abraso de en la llama”, de Sebastián Duró; “Salve Regina en fa mayor”, de Leonardo Leo; “Vi Ouverture” de Francesco Maira Veracini; y “Motete: Sum in medio tempestatum, RV 632” d’Antonio Vivaldi. Dempues del recital na capital asturiana, el ciclu viaxará a la Ilesia de Santa Lucía de Santander (16 d’avientu), la Catedral de Bilbao (18 d’avientu), la Catedral de Pamplona (19 d’avientu), la Ilesia de San Pedro de Vitoria (21 d’avientu) y la Catedral de San Salvador de la Seo de Zaragoza (22 d’avientu).

Sulabarda, la Escuela Municipal de Música de Tineu, la Banda de Gaitas Occidente de Tapia, l’Asociación Cultural Brisas Do Quenllo de Galicia y los asturianos Aires de las Brañas, participen el prósimu sábadu na quinta muestra de folclore del conceyu. Estes actuaciones, que entamen a les 19:00 hores nel cine Marvi de Tineu, tan organizaes pol propiu grupu “Sulabarda”, investigadores de la tradición folclórica asturiana, l’Asociación de padres del Área Tradicional de Tineu y la Conceyalía de Cultura y Deportes del ayuntamientu tinetense.

El XI Festival Nacional Pop Rock Villa de Mieres llega al so tramu final esti sábadu cola cellebración d’un conciertu nel que se va decidir el grupu ganador. A partir de les 19:00 hores les cinco bandes finalistes van subir al escenariu habilitáu nel parque Xovellanos de Mieres pa tratar d’algamar un primer premiu dotñau con 2.150 euros. Los finalistes son: los xixoneses”Tush!”, “H” dende Uvieu, los llocales “Black Horde” y “Fago Cowboys” y los sevillanos “Pen Cap Shew”. Actuarán tamien “Helltrip”, banda de Mieres premiada recientemente nel festival Derrame Rock ya’l oncursu de maquetes de los 40 Principales.

Na nueche d’esti vienres 14 d’avientu, La Col.lá Propinde actuen nel escenariu del Teatru Nuevu de La Felguera a les 20:30 hores. La banda tien dos discos espublizaos nos que afonden na tradición folclórica asturiana anque amestando-y a esta base nueves influencies como’l reggae. en 2006 asoleyaron “Gueria”, la segunda toma de contactu de la banda colos estudios de grabación y collaboraron col raperu “Dark la eMe” nel discu “Chigre y Dragón”.

La banda ta compuesta pol cantant Nel; Alex Domínguez, a la gaita y los coros; David Suárez, cola flauta travesera, les xiblates y tamien a los coros; Cano na guitarra acústica y ellectrica; Lluis Moro, a los teclaos y la diatónica; Gelete, a la batería y les percusiones y David Tuñón, al baxu electricu.

La fastera occidental d’Asturies, en concretu el pueblu de Ridera, en el Partíu de Sierra (Cangas del Narcea) ye la protagonista de la nueva emisión del programa Camín de Cantares d’esti sñabadu na TPA (13:00). L’espaciu va tar centráu na figura d’Eufrasia Torre, natural de la zona y conocedora del repertoriu popular de la tierra los serranos en Cangas. Repasará jotes, el careáu, la danza/rebudixu, ya daque tonada, que dempues interpretará la cantante Mariluz Cristobal Caunedo ya’l grupu Tuenda.

Pal grupu de pandereteres “Dulcamara”, ¡Sali, l.luna1 ye’l so primer discu nel mercáu, anque lleven años tocando perende. Esti sábadu, van falar fondamente del so discu na Cadena Ser de Xixón. Inaciu Galán va entrevistales el sábadu a partir de la una la tarde.

Una entrevista na que van poder conocese los detalles de la preparación del discu, les opiniones de les componentes del grupu y dalgunos de los conciertos que van poder sentise nos próximos meses con Dulcamara como protgonista. La entrevita ye dientro del espaciu “Falando d’Asturies” que s’emíte tolo sábados a partir de la una la tarde nel programa “A vivir que son dos días Asturies”, dirixíu por Begoña Natal, en Radio SER Xixón, nel 96.5 del FM. Pel programa pasen cada selmana les figures de la cultura d’Asturies más d’actualidá.

¡Sali, l.luna! ye’l primer discu de les panderteres Dulcamara