Música

El Teatru Filarmónica d’Uvieu va acoyer esti vienres 29 de febreru la entrega de los premios “AMAS 2008” a los meyores artistes del panorama musical asturianu. La gala va entamar de magar les 21:00 hores y na mesma van participar les bandes Alto Volto y Tejedor pa pone-y l’acompañamientu musical con dos actuaciones en directu.

Al actu van asistir, amás de representantes de la escena musica y cultural asturiana; Jose Suárez Arias-Cachero, Conceyal Delegáu de Cultura y presidente de la Sociedá Ovetense de Festeyos; Consuelo Vega, de la Conseyería de Cultura y Turismu y Javier Vidal de la SGAE.

Pablo Valdes, un de los artistes qye opten esta nueche al premiu AMAS nes categorçias de meyor canción, meyor vidiuclip y meyor banda revelación (con The Crazy Lovers), va ufrir un conciertu esti sábadu nel centru comercial Valle del Nalón a les 19:00 hores. “Amor en vena”, tema col que pue algamar un AMAS va sonar a bien seguru nel conciertu d’esta nueche xunto coles habituales píldores de rock que definen la propuesta musical de Valdes.

La formación musical Lafu y Rebeca Velasco va dar un conciertu esta nueche dientro del ciclu d’actuaciones que la sidrería Tierra Astur de Cualloto ufre a lo llargo del mes de febreru. El grupu fórmenlu Alejandro Lafuente “Lafu” a la guitarra, Rebeca Velasco, que ye la voz, Antón Fernández Ceballos al baxu, Jorge Cambarelli a la batería, Alfonso Vega al clarinete, Nélida Menéndez nos coros y flauta, y Juanjo Abad nos coros y guitarra.

Lori Watson, ganadora del premiu al Meyor Músicu Tradicional de 2002 qu’rganiza la BBC escocesa, va tar actuando esti miercoles 27 de febreru a las 20:00 hores nel Centru Cultural Cajastur d’Uvieu (C/San Francisco, 4). Watson ye una cantante y violinista que, sobre la base de la música tradicional, y con un discursu afitáu nel soníu del violín de les Highlands, ta algamando un gran exitu nel Reinu Xuxíu. En 2007 punxo na cai, el so primer trabayu d’estudiu, “Lori Watson: Three”.

La Escuela Municipal de Música Tradicional “Manolo Quirós” d’Uviéu ta acabante d’asoleyar un discu de música tradicional tituláu “Pendueles: una tradición de mujeres”, el que se convierte asina na segunda entrega de la colección “Los trabajos del Centro de Documentación”.

Fernando de la Puente, profesor de la Escuela, ye l’autor de les grabaciones a dos muyeres de Pendueles, Emilia Hevia y Rosario Sordo, que componen esti discu xunto a les feches por Marga Lorences y Adolfo Rodríguez.

En total 35 canciones grabaes, que van dende lo profano a lo relixoso. El repertoriu profanu compónenlu canciones infantiles y coros, una añada, una xirandiya, dellos cantares de ronda, un cantar narrativu, un cantar pa la h.oguera y el fandangu de Pendueles. Amás de 23 cantares relixosos, con himnos a San Acisclo, San Antonio de Padua y canciones del ciclu de Semana Santa.

El grupu Mestura, formáu por Marisa López Diz como voz y Luis Suárez a les guitarres, acústica y voz, ta acabante de sacar a la venta un discu nuevu, “Poemes de carambelu”, un trabayu inspiráu nel llibru del mesmu títulu que sacara hai un tiempu López Diz.

El discu, editáu por Pintar Pintar, ta producíu por Mento Hevia, que tamién collabora tocando’l baxu, la percusión y los sintetizadores. Marta Rodríguez foi, pela so parte, la encargada del acordión.

Mestura sacara en 2006 el discu “Agua del norte”, un trabayu onde alternaben testos n’asturianu con otros en castellán, portugués o gallego-asturianu. Les lletres d’esti últimu tan, por embargu, namás n’asturianu y empobinaos al públicu infantil.

El Conceyu de Llanera va organizar la segunda edición del cursu “Jazznera”, empobináu aformar músicos nel terren del jazz. Les actividaes d’esti cursín van desendolcase del 14 al 18 de marzu anque’l plazu p’apuntase fina’l prósimu 7 de marzu. El cursu ta coordinaáu pol profesor de la escuela municipal de música Baldomero Gutierrez Huerta y cunta con profesores como, Celia Mur, Dudu Puente, David Pastor, Bob Sands, Andreas Prittwitz, Felix Morales, Alfredo Morán, Israel Sandoval by Jacobo de Miguel.

Más información

“Pendueles: una tradición de mujeres” ye’l nuevu averamientu a la música tradicional dende la investigación, que fae la Escuela Municipal de Música Tradicional Manolo Quirós y que ta acabante de salir a la lluz. Los responsables d’esti trabayu son Marga Lorences y Adolfo Rodríguez, alumnos de la escuela, qu’encadarmaren el discu r d’unes grabaciones feches a xente Pendueles por Fernando de la Puente en 1995.

El trabayu contien 35 cortes, ente canciones infantiles, himnos relixosos, una añada, cantares de ronda, un cantar pa la foguera, un cantar narrativu, una xirandiya y el fandangu de Pendueles.

Lori Watson, ganadora del premiu al Meyor Músicu Tradicional de 2002 qu’rganiza la BBC escocesa, va tar actuando esti miercoles 27 de febreru a las 20:00 hores nel Centru Cultural Cajastur d’Uvieu (C/San Francisco, 4). Watson ye una cantante y violinista que, sobre la base de la música tradicional, y con un discursu afitáu nel soníu del violín de les Highlands, ta algamando un gran exitu nel Reinu Xuxíu. En 2007 punxo na cai, el so primer trabayu d’estudiu, “Lori Watson: Three”.

“Los conciertos del Museu”, ciclu qu’rganiza’l Conceyu de Xixón y les Mocedaes Musicales d’España, propón pa esti prósimu vienres 22 de febreru una cita col cuartetu Quixote. Los violinistes Daniel Cubero yMaría Sanz, Anna Aldomà, a la viola y la violonchelista Amat Santacana formem esti cuartetu de cuerda nel que rescampla una bayurosa esperiencia na escena de la música de cámara. El recital va entamar a les 19:30 hores nel Museu Casa Natal de Xovellanos de Xixón.