Música

Mañana sábadu 21 de xunu, a les ocho la tarde y na ilesia de San Pedro de Tinéu. Va celebrase un conciertu del Coru Villa de Bual, dientro del ciclu Ronda per Asturies Caxastur 2008.

El coru ta formáu por 21 voces mistes y tolos sos integrantes son vecinos del conceyu de Bual. Tien un repertoriu ampliu, onde que s’inclúi música asturiana, habaneres y música popular española.

Esti sábadu 21 de xunu la Escuela de Música Tradicional de Llangréu va celebrar el so conciertu de fin de cursu, que va desendolcase nel Auditoriu de Cámara del Conservatoriu Valle del Nalón a partir de les 17.00 hores.

La Escuela de Música Tradicional tien el sofitu del Ayuntamientu de Llangréu y la Conseyería d’Educación y Ciencia y dende’l so aniciu vien faciendo un bultable llabor d’espardimientu al traviés de los sos cursos y talleres.

El sábadu 21 la mancomunidá de Cabu Peñes y la so Oficina d’Información Xuvenil organicen esti conciertu rock de los grupos llocales de Carreñu y Gozón “ZeroZone”, “Skama la Rede” y “Deeps” a les 11 de la nueche nel Parque Santarúa de Candás, pa conmemorar el Día Européu de la Música. La entrada ye de baldre.

El conceyu de Tinéu prepara yá la celebración de la edición nona del Concursu Internacional de Folk “Cuartu los Val.les”, que va llegar al llugar de Navelgas el 25 de xunetu que vien, organizáu pola asociación cultural “El Arbedeiro”. Pa participar nel eventu, los grupos pueden unviar el so discu o maqueta, con cuatro temes, enantes del 20 de xunu al MOA (Muséu del Oru d’Asturias) de Navelgas. El día 1 de xunetu va facese público qué grupos resultaron escoyíos.

Nel xuráu van tar Iñaki Peña, del programa Trébede, de Radio 3, como presidente honoríficu, Mario Correia de Ediciones Sons da Terra de Portugal, como presidente del xuráu. Y, como vocales, Juan Antonio García Cortes, Miquel González y Jesús Barroso.

Los premios van de los 1.500 euros del ganador a los 1.000 de los finalistes, incluyendo un troféu diseñáu por Manuel García Linares amás de la especial promoción que va tener el ganador, que va emitir un conciertu en Radio 3 y va actuar en festivales del calter estatal.

Bases completes del concursu

La cantante Esther Fonseca apaez nel añu 2002 nel panorama musical asturianu con un discu –Agua- que supuso una propuesta orixinal y nueva na nuestra tierra: l’averamientu al mundu de la balada céltica y les nueves músiques.

Nun yera ésta la primera esperiencia musical nin discográfica d’esta cantante moza. Lloñe quedaben los sos años de neña como integrante de los conocíos grupos de música pa neños Seliquín y Xentiquina, asina como la so participación como voz solista nel discu Xaranzaina, grabáu n’andecha con un garapiellu de músicos mozos del Conservatoriu del Nalón.

El nuevu trabayu d´Esther Fonseca, “Viaxe” , qu´acaba de ver la lluz, algama un saltu cualitativu mui importante na so carrera musical, y ye un nuevu camín qu´axuntar a los yá abiertos n’Asturies, nel tarrén de les nueves propuestes musicales en llingua asturiana.

El conciertu que s´ufierta ye precisamente un viaxe d´una hora llarga de duración, que percorre los catorce temes d´esti últimu trabayu , xunto con dalgún tema d´otros trabayos anteriores de la cantante.

Los músicos qu´acompañen a Esther Fonseca nesti conciertu son Peter Bulla (vigulín),Javi Monge (guitarres), Yago Prado (arpa céltica y guitarra acústica), Manu Fonseca (flautes), Juanjo González (percusiones) y Emilio Huerta (teclaos).

Güei, vienres 13 de xunu a les once la nueche, el restorán “Gallery Art&Food” de Xixón va acoyer un conciertu acústicu del rapaeru nuevayorquín Afu- Ra, consideráu como ún de los músicos más consistentes del so xéneru.

Esti xueves 12 de xunu, la sidrería Tierra Astur de Cualloto va acoyer una nueva actuación na so programación folk de los xueves cola bandina El Miruéndanu.

Nuberu va abrir esti vienres a les 20 hores nel Centru Cultural de La Fresneda la programación musical d’este fiestes que van cuntar tamién esti 13 de xunu con un Conciertu de Rock nel Parque de La Fresneda a partir de les 23 hores colos grupos Plan B, Johnny Penicilina y los Frixuelos Eléctricos, Sweet Wine y Alto Volto.

p>La Conceyalía de Deportes y Xuventú del Ayuntamientu de Villaviciosa acaba facer pública la relación de grupos de la final del I Concursu de Maquetes Apple Pop. Depués de valorar a los 91 grupos presentaos a concursu, foron seleccionaos pala so actuación en direutu en La Villa’l 21 de xunu de 2008: PINBALL WIZARDS, de Albacete, JUST LIKE THE MOVIES, de Valencia, THE SEREDADOS, de Gijón, PANTANO, de Gijón, ONIRIA, de Málaga. Podrás conocelos nel conciertu final del Concursu el 21 de xunu en la Villa, dende les 8 de la tarde, en qu’entamará l’actuaión en direutu y gratuita de los cinco grupos.

Esti sábadu 7 de Xuno cellebrarase una Xornada d’estudiu al rodiu de la música tradicional nel País Vasco, dientro de les actividaes que se tan preparando nun intercambiu cultural que ta desendolcando cola Segundo Olaeta Musiko Eskola de Gernika. Nos, intentaremos facer lo propio cola música d’ Asturies na nuesa visita a Gernika. Xornada d’ estudiu de la música tradicional nel País Vasco Sábado 7 de Xuno de 2008 • 10:30h.- Taller de danza sobre AURRESKU por el Dantzari Iñaki Xavier Olano Revuelta • 13:00h.- Conciertu didáctico de la FANFARRIA de la SEGUNDO OLAETA MUSIKO ESKOLA • 14h.- Comida de confraternidad. • 16h.- Ponencia sobre la ALBOKA por Maiteder Olano Revuelta • 17h.- Taller de TRIKITIXA por Ana Abio Zapirain 17h.- Proyección de la pelicula NOMADAK TX • 17h.- Taller de TXISTU. por Maiteder Olano Revuelta • 18.30h.- Taller de TXALAPARTA • Despedida y cierre de la xornada.