Música Rosario Flores canta nel escenariu principal de la Selmanona de Xixón by asturnet 13 d'agostu, 2009 La cantante Rosario va presentar el so nuevu álbum Parte de mí, el so octavu trabayu. La Playa de Poniente en Xixón, va acoyer la so actuación dende les diez de la nueche y de baldre. 13 d'agostu, 2009 0 FacebookTwitterPinterestEmail
Música Ciclu de música clásica nel Teatru Riera de Villaviciosa by asturnet 6 d'agostu, 2009 El vienres que vien, 7 d’agostu, la Coral Capilla La Torre de Villaviciosa va abrir el ciclu Clásicos del Branu con un conciertu a les 20.30 hores nel Teatru Riera de Villaviciosa. Van segui-y el sábadu 8 Armando Orbón y Kamal Sabri cola so orixinal propuesta de música fusión de guitarra española y sarangui de la India, nel Teatru Riera a les ocho y media. Les siguientes cites van ser el martes 18 a les 20 hores cola OSP na Ilesia Parroquial, un conciertu que -otru añu- ye posible gracies a Caxastur. El sábadu 22 va sonar en Villaviciosa el jazz contemporaneu del Quintetu Cova Villegas, a les 20.30 hores, otra vuelta nel Teatru Riera. El pieslle del ciclu toca-y esti añu al recital nel marcu del Festival Internacional de Pianu de Xixón que -la primer vez- celebra ún de los sos conciertos en Villaviciosa, apurriendo al públicu llocal y de fuera la posibilidá estraordinaria de sentir solistes mozos de proyeición internacional, como la pianista Akiko Shirogane. El so conciertu va ser el vienres 28 d’agostu a les 20..30 hores nel Teatru Riera. El ciclu musical Clásicos del Branu presenta d’esta miente un programa ambiciosu y anováu, con estilos distintos y una calidá curiosa. Tolos conciertos son con entrada llibre hasta enllenar l’aforu. 6 d'agostu, 2009 0 FacebookTwitterPinterestEmail
Música Xera ufre de baldre’l so nuevu discu: Tierra by asturnet 5 d'agostu, 2009 Xera, un grupu de folk-electrónicu asturianu, vieno acabante llicenciar el so caberu trabayu discográficu, Tierra, con Creative Commons, ufriéndo a tolos aficionaos la posibilidá de descargase l’album enteru. Esto ya lo ficieron con Lliendes, presentáu en 2006, sobre’l qu’ufren nel nuevu trabayu una evolución nidia con más protagonismu vocal Con tolos temes orixinales, menos una versiónn del tema popular “Xilguerín Parleru”, cuntaron esta vegada cola collaboración de Lluis Xabel Álvarez “Texuca”, escritor, profesor y filósofu asturianu, como narrador nuno de los temas. D’esti discu Tierra, del que llevaben un tiempu avisando, asoleyaren hai unos meses el cantar L’Anduriña, y agora ufrenlu enteru pa descarga nel so sitiu web. Tierra va presentase pal 23 de setiembre nel Teatru de la Llaboral de Xixón a les ocho de la tarde. Páxina web de Xera pa descargar el discu 5 d'agostu, 2009 0 FacebookTwitterPinterestEmail
Música La Col.lá Propinde anuncia nuevu discu: A TEYAVANA by asturnet 4 d'agostu, 2009 El grupu l.lenizu La Col.lá Propinde, ta terminando de preparar lo que va ser el so tercer discu destudiu tituláu A TEYAVANA. El discu van sacalu cola so discográfica AMBITU-LAGUAÑAZ pa la seronda, nun sabemos mui bien si pa finales de setiembre o yá pa ochobre. La Col.lá entamó a grabar nel mes de mayu nos Estudios TUTU de Corevera con Sergio Rodríguez como Productor. Tamos grabando unos 15 temes pa depués escoyer unos 11 o 12, non más Entá nos queda grabar dalguna cosina ya igualo too terminar el trabayu. De momento, La Col.lá nun quier adelantar na al rodiu del mesmu. Nel discu van poder sentise temes tradicionales y temes de composición propia, munchos dellos pa cantar. En cuanto al tútulu, decidimos que fuere A TEYAVANA, porque de xemes, sentímonos asina y la nuestra música ta siempre al descubieto, ensin ninguna barrera ni teyao. Con esti títulu queremos facer el nuestru homenaxe particular a Nel Amaro, un bon amigu del grupu, quien escribió una bona montonera de columnes periodístiques entitulaes de la mesma manera, con un conteníu siempre perinteresante. Tamién quieren incluyir dientro del discu, un tema que prepararon pal programa de Camín de Cantares dirixíu por Xose Antón Ambás, col que se zarró esta temporada. El tema ye una reel.laboración que nos pasó Ambás sobre dos pieces del Gaitiru de Carabanzo y la verdá ye que foi una experiencia prestosa y si ye posible meterémoslu dientro del discu como daqué mui especial pa nos. Esti branu vienen de tocar de Sons do Vento en Galiza y vamos poder velos el prósimu día nueve dagostu en Valdesoto (Siero) y el 22 dagostu en Xixón, nel Festival 5º40, onde adelantarán dalgún de los temes nuevos pa ver como furrulen col públicu. Dempués de L.L y GÜERIA, esperemos que a la xente y siga prestando A TEYAVANA. Páxina Web de La Col.lá Propinde 4 d'agostu, 2009 0 FacebookTwitterPinterestEmail
Música Pablo Carrera y Hugo Noval encabecen la delegación asturiana de gaiteros que compiten en Lorient by asturnet 1 d'agostu, 2009 Pablo Carrera y Hugo Noval, que lleven dellos años participando nel Troféu MacCrimmon encabecen la delegación asturiana de gaiteros que compiten en Lorient esti 2009, añu de Galicia. El Troféu palos gaiteros asturianos y gallegos tien güei el so día de competición dende les tres de la tarde nel Palaciu de Congresos de la villa bretona. 1 d'agostu, 2009 0 FacebookTwitterPinterestEmail
Música Dixebra abre les nueches de Rock en Lorient by asturnet 1 d'agostu, 2009 Esti vienres 31 de Xunetu, Dixebra foi l’encargáu d’abrir les nueches de Rock del festival xunta’ grupu galés Taran y los bretones Les Ramoneurs de Menhirs nel Espace Marine. Anque’l públicu taba fríu depués de l’actuación de taran, Xune Elipe caldió un ambiente que dexó preparáu dixebra palos más punkies músicos locales de Les Ramoneurs. Dixebra repite actuación esti día en Lorient. 1 d'agostu, 2009 0 FacebookTwitterPinterestEmail
Música La delegación asturiana entama esti vienres les actuaciones en Lorient con Dixebra nel Espace Marine by asturnet 31 de xunetu, 2009 La delegación asturiana que va participar dende esti vienres hasta’l domingu 9 d’agostu nel Festival Intercélticu de Lorient entamó viaxe a les 10 de la nueche d’esti xueves 30 de xunetu con bandes como Dixebra, La Bandina, l’Asociación Filandón y la Banda de Gaites Xácara como representantes. La delegación salió de la Plaza la Xesta d’Uviéu como ye tradicional y va aportar a Lorient pa xintar y disfrutar de les primeres actuaciones del festival. Los dos autobuses de que se compón la delegación viaxen práuticamente enllenos, coles Bandes de gaites nún d’ellos y les demás agrupaciones y la prensa nel otru. Como tolos años, la collación foi enforma bultable y la gayola inundó los autobuses dende los primeros kilómetros d’una nueche llarga que se va prollongar hasta’l mediudía en que ta previsto qu’aporten a Lorient. Asturnews ufre como tolos años una galería coles fotos de la xida de la delegación que tamién puen seguise na web de Flickr na que se allugarán les fotos diaries del festival o nel Canal de You Tube qu’Asturnews dedica al Festival de Lorient. El primer día del Festival Intercélticu de Lorient arranca davezu con una completa xornada na que se van poer degustar los más típicos pexes de la Bretaña, mentantu actúen delles de les bandes qu’esti añu amenicen la selmana. A les 20.00 hores, en Port de Páche, dase’l pistoletazu al Festival 2008 con una xinta popular xunta la mar y a partir de les 22 hores nel Espace Marine, podrá disfrutase de’un conciertu de rock nel que va participar Dixebra, que repetirá actuación al día siguiente, el sábadu pela nueche, nel Espace Bretagne y dará pasu esi mesmu día a les primeres actuaciones de La Bandina. 31 de xunetu, 2009 0 FacebookTwitterPinterestEmail
Música La delegación astur sal güei pa Lorient by asturnet 30 de xunetu, 2009 La delegación asturiana que va participar dende esti vienres hasta’l domingu 9 d’agostu nel Festival Intercélticu de Lorient entama viaxe a les 10 de la nueche d’esti xueves 30 de xunetu con bandes como Dixebra, La Bandina, l’Asociación Filandón y la Banda de Gaites Xácara como representantes. La delegación sal de la Plaza la Xesta d’Uviéu como ye tradicional y va aportar a Lorient pa xintar y disfrutar de les primeres actuaciones del festival. El primer día del Festival Intercélticu de Lorient arranca davezu con una completa xornada na que se van poer degustar los más típicos pexes de la Bretaña, mentantu actúen delles de les bandes qu’esti añu amenicen la selmana. A les 20.00 hores, en Port de Páche, dase’l pistoletazu al Festival 2008 con una xinta popular xunta la mar y a partir de les 22 hores nel Espace Marine, podrá disfrutase de’un conciertu de rock nel que va participar Dixebra, que repetirá actuación al día siguiente, el sábadu pela nueche, nel Espace Bretagne y dará pasu esi mesmu día a les primeres actuaciones de La Bandina. 30 de xunetu, 2009 0 FacebookTwitterPinterestEmail
Música Skama la Rede celebra trés conciertos nel mes dagostu by asturnet 30 de xunetu, 2009 El grupu Skama la Rede va celebrar trés conciertos a lo llargo del mes dagostu. El primeru va ser el día 8 en Po, en Llanes. El 15 la formación va llegar a Carabanzu y el 29, piesllen la so xira de branu en Porcía. El grupu Skama la Rede ta formáu por Míguel Fernandi “Burilo”: voz; Edu Fernández: guitarra y coros; David Suárez “Xua: guitarra y coros; Fonsu Sánchez: baxu; José Ángel Rodríguez “llou”, batería; Fer Ortiz: trompeta y Xandru Vega a la gaita. Páxina web del grupu 30 de xunetu, 2009 0 FacebookTwitterPinterestEmail
Música Conchita actua esti vienres nel Casinu de Xixón by asturnet 30 de xunetu, 2009 La cantante madrilana, ñacida en Filandia, Conchita, va tocar esti vienres 31 de xunetu, na Sala Acapulco del Casinu dAsturies, en Xixón, de magar les once la nueche. 30 de xunetu, 2009 0 FacebookTwitterPinterestEmail