Mocedá Darréu entama esti vienres una xornada por una mocedá combativo y crítico” by asturnet 17 d'ochobre, 2013 Darréu entama’l prósimu vienres 18 d’ochobre una xornada denomada por una mocedá combativo y crítico n’Uviéu. Con esta xornada dende Darréu quieren “averar a la mocedá un mensaxe críticu y una actitú combativa p’afrontar la dura situación que vive’l Pueblu Asturianu anguaño. La xornada entamará a les 18:30 hores de la man de Santi Fano, que falará alrodiu “una realidá pocu conocía y de la que la xente crítico nun ye consciente”. Baxo’l títulu Internet, redes sociales y control sociopolíticu Santi Fano falará sobre la utilización que los poderes político-económicos faen de la rede y como controlen l’activismu y la vida privada de la xente al travíes de les redes sociales. A les 20:30 hores celebraráse l’actu políticu en formatu charra-alderique entituláu ¿Paru o emigración? ¡Escoyemos Revolución, finando la xornada a les 21:30 hores con un pinchéu con precios populares amenizáu con música’l país. Tolos actos de la xornada sedrán nos llocales de la Corriente Sindical d’Izquierda n’Uviéu, asitiaos na avenía Hermanos Menéndez Pidal, 14, baxu. 17 d'ochobre, 2013 0 FacebookTwitterPinterestEmail
Mocedá La Xunta defende la continuidá de los conseyos de la Mocedá d’España y Asturies by asturnet 14 d'ochobre, 2013 Partíu Popular y UPYD votaron esta mañana en contra de la Proposición Non de Llei d’IX que demandaba’l caltenimientu del Conseyu de la Mocedá d’España y el d’Asturies, esto ye, los dos partíos tán a favor de suprimir esti órganu de participación xuvenil. Magar la posición d’estos dos partíos, la Proposición Non de Llei d’IX salió alantre colos votos de la coalición, los de Foro Asturies y el PSOE. Marta Pulgar, diputada d’IX na Xunta Xeneral, amosó esta mañana’l fondu desalcuerdu cola intención del Gobiernu del Estáu de suprimir el conseyu de la Mocedá d’España, institución que demientres más de 30 años contribuyó a la promoción del asociacionismu y la participación de los y les moces, según la so representación ante los distintos poderes públicos. De la mesma, la Proposición Non de Llei recueye la demanda de que’l Gobiernu rectifique y caltenga la institución cola configuración xurídica y la organización interna orixinaries, como garantía de los fines pa los que foi creáu’l Conseyu de la Mocedá d’España. Esta Proposición Non de Llei tamién implicaba’l compromisu de los diputaos asturianos col caltenimientu y afitamientu de les estructures públiques de participación xuvenil del Principáu d’Asturies y encamentaba al Conseyu de Gobiernu a caltener esi compromisu col Conseyu de la Mocedá del Principáu d’Asturies. L’anunciu de la próxima desapaición del Conseyu de la Mocedá d’España de resultes de la decisión unillateral del Gobiernu constitúi non yá una pésima noticia, sinón un fondu erru qu’alloña a España del modelu de representación xuvenil de los países de la nuesa redolada, alvirtió Marta Pulgar. La diputada recordaba que la creación del Conseyu de la Mocedá d’España favoreció’l desenvolvimientu del asociacionismu xuvenil y sirvió pa que, de manera paralela a la estructuración institucional del Estáu, fueren creándose los conseyos de mocedá de les distintes comunidaes autónomes colos mesmos fines y oxetivos utilizando idéntiques blimes xurídicu institucionales, blimes que se basaben na idega esencial de l’autoorganización de los y les moces al traviés de les sos asociaciones. En toos estos años d’esistencia, el Conseyu de la Mocedá d’España tuvo un ampliu protagonismu, alzándose como l’interlocutor más válidu de la mocedá ante los distintos gobiernos, treslladando la so sensibilidá y sentir nos problemes que-yos aquexen, esplicó Pulgar. 14 d'ochobre, 2013 0 FacebookTwitterPinterestEmail
Mocedá La Universidá d’Uviéu celebra la tercer Nueche Llunática by asturnet 11 d'ochobre, 2013 La Universidá d’Uviéu acueye la tercer edición de la Nueche Llunática, una iniciativa impulsada dende la Facultá de Ciencies p’averar l’astru más cercanu a la Tierra, la Lluna a los neños y adultos. Dende les 20:00 y hasta les 23:30 hores investigadores de la Universidá d’Uviéu van emponenos na observación d’oxetos celestes con telescopios instalaos nel esterior de la facultá. La observación va tener llugar nel xardín sur de la facultá de Ciencies, y a pesar de la presencia de faroles, podrán reparase los cráteres de la lluna, dellos planetes y otros oxetos celestes. Pensóse en tou y en casu de que la climatoloxía nun dexe reparar el cielu, podrá faese la observación, en tiempu real de la lluna, utilizando la sala d’ordenadores de la facultá. Nesta edición, al coincidir la InOMN cola fecha de la llegada de Cristóbal Colón a América preparáronse distintos materiales nos que se pon de manifiestu la relación de l’astronomía col saléu, la cultura y l’arte prehispánico. Asina, los asistentes van poder aprender cómo saber les sos coordenaes n’alta mar, qué conocencies d’astronomía impulsaron a Colón a aventurase al traviés del océanu o cómo los pueblos americanos yeren capaces de predicir eclises con exactitú. Paralelamente, preparáronse otres actividaes de divulgación científica como; representación a escala del Sistema Solar, sesiones de cine (na que se van amosar pequeños documentales), videoxuegos educativos y talleres astronómicos. El pasáu añu l’eventu celebróse simultáneamente en 577 ciudaes de 49 países de too el mundu. La entrada ye llibre y gratuita. 11 d'ochobre, 2013 0 FacebookTwitterPinterestEmail
Mocedá Reciella organiza “Al abrigu los cuentos” n’Avilés by asturnet 8 de mayu, 2013 El próximu vienres 10 de mayu Reciella, families pol asturian va tar nel Palaciu Valdecarzana (Avilés) pa ver lespectáculu dOlga Cuervo Al abrigu los cuentos, actividá que fai esta asociación en collaboración cola Estaya de la Llingua dAvilés. 8 de mayu, 2013 0 FacebookTwitterPinterestEmail
Mocedá Un videu fai repás a diez años de los Alcuentros de la mocedá cola llingua en Xixón by asturnet 7 de mayu, 2013 La Oficina de Normalización Llingüística de Xixón celebra los diez años de los Alcuentros de la Mocedá cola llingua cola producción d’un vídeu fechu pola productora Sr. Paraguas. Un trabayu nel que se fai un percorríu pela historia d’estos alcuentros y de toles actividaes desendolcaes al rodiu d’ellos pola Oficina. 7 de mayu, 2013 0 FacebookTwitterPinterestEmail
Mocedá El CMPA inaugura llar con más espaciu na cai Fuertes Acevedo by asturnet 19 de febreru, 2013 Esti martes 19 de febreru a les seis de la tarde, el Conseyu de la Mocedá del Principáu dAsturies (CMPA) inaugural so llar ampliáu na cai Fuertes Acevedo dUviéu, y dempués dun tiempu nun llocal provisional na Plazal Sol. Nesta nueva etapa quieren ufrir un CMPA más abiertu a les asociaicones y a la mocedá, y pa ello ponen en marchal ‘Centru de Recursos p’Asociaciones del CMPA. 19 de febreru, 2013 0 FacebookTwitterPinterestEmail
Mocedá Uviéu convoca les sovenciones pasociaciones xuveniles by asturnet 14 de febreru, 2013 Hastal 4 de marzu ta abierta la convocatoria de sovenciones pa entidaes xuveniles del Conceyu dUviéu. Les bases pa presentar solicitúes y proyectos pueden consultase na páxina web del Conceyu. Bases completes 14 de febreru, 2013 0 FacebookTwitterPinterestEmail
Mocedá L’Anguleru llega al barriu xixonés de Cimavilla esti sábadu by asturnet 21 d'avientu, 2012 El grupu de cuentacuentos y representaciones “El prau de mio pá”, del que formen parte dalgunos militantes d’Iniciativa pol Asturianu, entama esti sábadu 22 d’avientu un cuentacuentos n’asturianu inspiráu na figura de L’Anguleru, un personaxe creáu pola asociación “Garabuxada” en 2008 (L’Arena, Sotu’l Barcu) basáu na tradición asturiana, como alternativa a Papá Noel. La función de cuentacuentos (en dos sesiones de 50 min, una a les 11:30h y otra les 12:30h) sedrá de temática ambiental y cuntará tamién con un taller pa construyir un “Anguleru” con material reciclao. L’actividá tendrá llugar na Casa’l Chinu (Plaza Soledá 7, Cimavilla – Xixón) sede de l’Asociación de Vecinos de Cimavilla “Gigia”, organizadora del eventu. El preciu por neñu, de 3 a 8 años, sedrá namás de 3 (2 pa los socios de l’asociación de vecinos) 21 d'avientu, 2012 0 FacebookTwitterPinterestEmail
Mocedá El CMPA organiza una asesoría pa les sovenciones a entidaes moces by asturnet 30 d'ochobre, 2012 L’Institutu Asturianu de la Mocedá, espublizó nel BOPA del 26 d’ochobre les resoluciones poles que se convoquen les subvenciones a Asociaciones y Entidaes Moces del Principáu d’Asturies pa la realización de diversos proyectos. Cola fin de facilitar la presentación de proyectos el Conseyu de la Mocedá dAsturies (CMPA), pon en marcha un añu más un serviciu d’asesoramientu nel que va poder solicitase información, mesmo en persona como telefónicamente y al traviés d’internet, sobre delles cuestiones d’interés: qu’elementos básicos tienen que contemplar los proyectos, cómo rellenar los formularios correctamente, cómo presupuestar les actividaes, etc… L’últimu día pa presentar los proyectos ye’l día 15 de payares de 2012. Díes y horarios de l’Asesoría Nel Conseyu de la Mocedá del Principáu d’Asturies el martes 30 d’ochobre de 17:00 a 20:00 h. Na Oficina d’Información Xuvenil de Siero el miércoles 7 de payares de 17:00 a 19:30 h. Nel CIDAN el xueves 8 de payares de 17:00 a 20:00 h. Nel Conseyu de la Mocedá d’Uviéu el llunes 12 de payares de 17:00 a 20:00 h. Nel Conseyu de la Mocedá de Xixón el martes 13 de payares de 17:00 a 20:00 h. SERVICIU ITINERANTE: en función de demanda n’otros Conceyos SERVICIU UVI: xueves 15 de payares de 17:00 a 20:00 h. nel CMPA ASESORÍA EN LLÍNIA: www.cmpa.es / asociacionismo@cmpa.es 30 d'ochobre, 2012 0 FacebookTwitterPinterestEmail
Mocedá El Gobiernu dAsturies convoca los premios mozos de lliteratura y artes Culturaquí by asturnet 23 d'ochobre, 2012 La Conseyería de Presidencia, al traviés del Institutu Asturianu de la Mocedá, convoca la edición númberu ventitrés del Programa de promoción de mozos creadores Culturaquí 2012. La participación ta abierta a tolos artistes asturianos o residentes nAsturies, siempres que la so edá nun pase de los trenta y cinco años enantes del 31 d’avientu, y tamién a descendientes hasta’l segundu grau d’emigrantes asturianos. Convóquense los premios Asturies Mozu d’Artes Plástiques y Amuesa d’Artes Plástiques (4.800 ), con plazu hasta’l día 16 de payares de 2012; Concursu de Maquetes Pop-Rock (1.000 ), con plazu hasta la fin dochobre; los premios Asturies Mozu de Poesía, Narrativa y Testos Teatrales (1.500 ), con plazu hasta’l día 16 de payares; Premiu de Nuevos Realizadores del Principáu d’Asturies (7.250 ), hasta’l 31 d’ochobre de 2012; Premiu Astragal (4.000 ), Certame Nuevu de Graffiti del Principáu d’Asturies (1.000 ), Programa d’esposiciones pa mozos artistes plásticos. Sala Borrón 2012-13, toos ellos hastal 31 de payares, y Premiu LAB_Mozu_Esperimenta pa la ellaboración d’un proyectu específicu pa Llaboral Centru d’Arte y Creación Industrial (10.250 ), hastal 16 de payares de 2012. Bases completes de los concursos 23 d'ochobre, 2012 0 FacebookTwitterPinterestEmail