Lliteratura Cultura formalizal conveniu pa la creación de la Biblioteca de Poesía Asturiana by asturnet 12 de marzu, 2012 El Conseyu de Gobiernu del Principáu d’Asturies, na so xunta de 1 de marzu de 2012, autorizó la formalización d’un conveniu ente la Conseyería de Cultura y Deporte y la Fundación Aula de las Metáforas pa la creación y el desenvolvimientu de la Biblioteca de Poesía Asturiana. La puesta en marcha d’una Biblioteca de Poesía Asturiana qu’axunte tolos títulos publicaos en dicha llingua nel senu de la Fundación Aula de las Metáforas, asina como les actividaes d’espardimientu tantu n’Asturies como nes sos árees d’influencia, va contribuyir a la meyor conocencia y apreciu de la poesía asturiana, a la so ordenada contextualización nel ámbitu de la creación poética actual y a la meyor promoción y puesta en valor de la poesía y los poetes en llingua asturiana, oxetivos toos ellos del Gobiernu d’Asturies al traviés de la so Dirección Xeneral de Política Llingüística. La Fundación Aula de las Metáforas ye una entidá ensin ánimu d’arriquecimientu y ente los sos fines fundacionales ta’l promover, entamar y executar tou tipu d’acciones culturales que contribuyan al desenvolvimientu, espansión y proyección social de l’Aula de las Metáforas Fernando Beltrán, biblioteca poética y centru de creación, espardimientu y dinamización de la poesía allugada na Casa de Cultura de Grau; asina como caltener, protexer ya incrementar los fondos editoriales y oxetos artísticos que se guarden nel Aula de las Metáforas Fernando Beltrán, asegurando y facilitandol so usu públicu. Pa ello, la Fundación va favorecer intercambios y collaboraciones con fundaciones, asociaciones ya instituciones culturales y cuantes entidaes y persones, físiques y xurídiques, compartan idénticos oxetivos. El Conveniu autorizáu foi soscritu pola Fundación Aula de las Metáforas en fecha 8 de xunu de 2011 y naplicación del mesmu la Conseyería de Cultura realizó una donación de llibros de poesía n’asturianu que sirvieron pa crear la Biblioteca de Poesía Asturiana. La vixencia desti conveniu estiendese hasta’l 31 d’avientu de 2012. Nel protocolu de collaboración, el Principáu d’Asturies, al traviés de la Dirección Xeneral de Política Llingüística, comprométese a: a) Collaborar na actualización de dicha Biblioteca cola donación añal de nuevos títulos de poesía asturiana que puedan editase y de los que se disponga nel fondu bibliográficu de la Dirección Xeneral mentada. b) Desenvolver en collaboración cola Fundación Aula de las Metáforas toa clase d’actividaes ya iniciatives empobinaes a la promoción de la poesía en llingua asturiana n’Asturies y en tolos sos ámbitos d’actuación ya influencia, asina como a collaborar na midida de lo posible coles iniciatives que la Fundación Aula de las Metáforas promueva dientro del espíritu del Conveniu. Lo que se refier a la posibilidá de realizar actividaes conxuntamente nel marcu de programes d’actuación de promoción de la lliteratura en llingua asturiana desenvueltos pola Conseyería de Cultura y Deporte como la Selmana de les Lletres Asturianes. Neses actividaes la Fundación Aula de las Metáforas collaboraría facilitando l’espaciu físicu pa la so realización y los medios materiales y humanos necesarios pa la so execución. 12 de marzu, 2012 0 FacebookTwitterPinterestEmail
Lliteratura Pablo Antón Marín Estrada presenta Despidida en La Madreña by asturnet 9 de marzu, 2012 El xueves día 15 nel Centru Social la Madreña d’Uviéu, asitiáu na cai Xeneral Elorza, 32, y de magar les 20 hores, Pablo Antón Marín Estrada presenta y recita poemes del so llibru últimu, Despidida. Xunto a él, los poetes David González y Pablo X. Suárez. Más tarde siguirá lactividá con David González na Cervecería Gong. 9 de marzu, 2012 0 FacebookTwitterPinterestEmail
Lliteratura Xuben a la rede la versión dixital de Cuentos en dialecto leonés by asturnet 8 de marzu, 2012 Cuentos en Dialecto Leonés ye’l primer llibru n’asturianu asoleyáu en territoriu lleonés y ta consideráu como l’entamu de la lliteratura lleonesa. L’autor ye Caitán Álvarez Bardón qu’asoleyó esta obra nel añu 1907. La versión xubida agora a la rede ye la tercera, espubliza nEstorga en 1955. La temática del llibru ta venceyada a la lliteratura de vezos y calter rural. Descarga’l llibru de baldre 8 de marzu, 2012 0 FacebookTwitterPinterestEmail
Lliteratura Convoquen el primer concursu de rellatos curtios Cenciella by asturnet 7 de marzu, 2012 L’Asociación Xuvenil Naurenia convocal I Concursu de Rellatos Curtios Cenciella en collaboración cola Conceyalía de Cultura del Conceyu de Noreña. Esti concursu enmárcase dientro de la programación d’actividaes culturales previstes pola asociación pal añu 2012. El concursu convocar en dos modalidaes, tradicional (soporte papel) y nun formatu novedosu, al traviés de la rede social Twitter. Van Poder participar mozos ente los 16 y los 30 años. La tema ye llibre y va poder escribise en castellán o asturianu. Cada modalidá ta dotada con un premiu de 250 euros. El plazu de presentación de les obres abre’l día 29 de febreru y el d’entrega remata’l día 31 de mayu de 2012. Les bases pueden consultase na páxina Web de l’Asociación Xuvenil Naurenia (www.ajnaurenia.tk) y del Conceyu de Noreña (www.aytonorena.es) 7 de marzu, 2012 0 FacebookTwitterPinterestEmail
Lliteratura La Xunta dEscritores Asturianos dedica la so xornada cabera al cine by asturnet 5 de marzu, 2012 La Xunta dEscritores Asturianos 2012 retoma la so actividá dempués de les dos xornaes celebraes la selmana pasada. La biblioteca dEl Campu San Francisco dUviéu acueye les conferencies y la mesa redonda que va dedicase al cine. La escritora xixonesa Beatriz Rato Rionda falará del “Cultivu del maíz nel conceyu de Xixón” a les 17 hores. Beatriz Rato ye llienciada en Filoloxía Hespañola y llueu d’exercer dellos años como profesora anguaño ye funcionaria del Ministeriu de Xusticia. La so vocación lliteraria amosólola cola publicación de varios llibros en llingua asturiana: Vida cotidiana urbana n’Asturies, Recetes llambiones, El cultivu del maíz nel conceyu de Xixón, y llibros de lliteratura infantil como Apuros na playa o Hestories d’un bolígrafu. El cultivu del maíz nel conceyu de Xixón, ye un llibru espublizáu hai un par d’años onde incorpora un trabayu de campu fechu nos pueblos onde llabradores xixoneses rellaten en primer persona les esperiencies directes nel cultivu del maíz y la gran importancia d’esti llabor na so vida diaria, nel ociu, trabayu, alimentación y cultura. Más tarde, lhestoriador Carlos de la Sala falará de les estreches rellaciones ente política y arqueoloxía esistentes n’Asturies pa desenmascarar toa una política oficial de deconstrucción de la singularidá asturiana cultural ya histórica mediante una conferencia que tien por títulu “Política y arqueoloxía: Roma, godos y Reyes Católicos, la santísima trinidad de la historiografía centralista”. Carlos de la Sala ye un destacáu investigador y conocedor de la realidá arqueolóxica n’Asturies, destacando pola so defensa de los yacimientos asturianos y denunciando les atrocidaes cometíes en munches escavaciones como en Veleya, Cellagú o na Campa Torres de Xixón, denunciando el romanismu y godismu que quieren implantar dende estamentos oficiales pa ñega-y a Asturies toa singularidá histórica, pretendiéndo asimilala al del restu la península ibérica. Carlos de la Sala suel publicar los sos estudios y consideraciones nos blogs y redes, calteniendo gran difusión. Pa finar la xornada va tener llugar la Mesa Redonda sobre la “Situación del cine n’Asturies” siguirá darréu de la intervención de Miguel Losada cola participación de los productores Juan Gona, de Porducciones Gona, Geno Cuesta de Blaster Televisión, Sofía Menéndez de Hi-Video Producciones, y el director Alfonso Suárez. 5 de marzu, 2012 0 FacebookTwitterPinterestEmail
Lliteratura El Festival Intercélticu de Sendin va acoyer una llectura en mirandés by asturnet 2 de marzu, 2012 El Festival Intercélticu de Sendin va acoyer na so edición de 2012 una llectura de la torna a la variedá mirandesa de la llingua del testu Ls Lusíadas, que va ser grabada y tará disponible na rede. Lactu va tener llugar los díes 4 y 5 dagostu. Los llectores van escoyetese ente los voluntarios quescriban a sonsdaterra@sapo.pt o amadeuf@gmail.com 2 de marzu, 2012 0 FacebookTwitterPinterestEmail
Lliteratura Xeitu convocal cuartu certame lliterariu na variedá pal.lueza del asturianu by asturnet 2 de marzu, 2012 El Club Xeitu convoca per cuartu añu consecutivu’l Certame Lliterariu en na variedá pal.lueza del asturianu ‘Guzmán Álvarez’, col que s’intenta revitalizar la llingua vernácula del monte occidental ástur-lleonés. Dende l’asociación cultural l.lacianiega, anímase a toes aquelles persones interesaes a participar, una y bones l’oxetivu del mesmu ye la revitalización y divulgación d’esta variedá del idioma. El concursu, abiertu a cualesquier persona interesada, ta dotáu con un premiu de 200 euros paquella obra en prosa o en versu, que resulte escoyida pol xuráu. Les obres han presentase enantes del 1 de mayu, faciéndose dempués públicu’l fallu del xuráu mientres el mesmu mes de mayu. La obra gallardonada va espublizase nel boletín añal de ‘Xeitu’. Les bases completes del certame pueden vese na páxina web del Club. Esti concursu, empecipió va trés años, mereciendo’l primer añu los premios la poesía ‘Al Aviséu’, dIrma González-Quevedo Pedrayes, y el rellatu ‘Carta desd’el Vatse’, de Guadalupe Lorenzana Rodríguez. Una y otra consiguieron los gallardones de los años siguientes, Guadalupe Lorenzana en 2010 cola so obra ‘La sulombra d’él’, ya Irma González-Quevedo en 2011 cola poesía ‘Escuridá’. El certame ta promovíu pol Club Xeitu y nél collabora la Diputación de Lleón-Institutu Lleonés de Cultura. La figura de Guzmán Álvarez, filólogu babianu que da nome al concursu, foi revitalizada por Xeitu nos últimos tiempos, especialmente en 2010 cola conmemoración del centenariu de la so nacencia, cuando se redactó un manifiestu públicu de reconocencia suscrita por más de 60 persones venceyaes a la cultura. Igualmente, lleváronse a imprenta delles espublizaciones sobre la so figura y obra y desenvolviéronse actividaes centraes na mesma temática. Bases completes del concursu 2 de marzu, 2012 0 FacebookTwitterPinterestEmail
Lliteratura Trabe recupera testos de Llorienzu Novo mier na so colección Clásicos y contemporanios by asturnet 2 de marzu, 2012 Si como prosista Llorienzu Novo Mier (Uviéu, 1918-1990) foi a sentar les bases de la narrativa asturiana, como poeta punxol so llabor al serviciu de la creación del yo líricu, nos poemes más íntimos d«Hores», y de lanovación de la tonada asturiana nun garrapiellu testos quentá güei canten los cantadores asturianos («Cancios y asturianaes»). Nesti segundu volume de Novo Mier completamos la obra lliteraria dun autor que foi ponte ente xeneraciones y sensibilidaes distintes, siendo quien a axuntar al rodiu dél la xente más nuevo y, amás, facer col so llabor incansable un trabayu dignu que diba derromper caminos nuevos na lliteratura asturiana. 2 de marzu, 2012 0 FacebookTwitterPinterestEmail
Lliteratura La Xunta dEscritores echa una güeyada a los otros territorios que tienen al asturianu como llingua propia by asturnet 2 de marzu, 2012 La Xunta d’Escritores Asturianos 2012 dedicará la xornada del vienres 2 de marzu a la situación oficial del asturianu fuera les llendes alministratives de la Comunidá Autónoma del Principáu d’Asturies. Asina presentaráse’l llibru “El patrimonio lingüístico cántabro” editáu pol Gobiernu de Cantabria en collaboración con ADIC, l’Asociación pa la defensa y los intereses de Cantabria que pretende sirvir de pauta o llibru de trabayu nel sistema educativu pal enseñu de la llingua na comunidá vecina. Ismael García Carmona, presidente del OSCAC, Órganu de Siguimientu y Coordinación del Estremeñu y la su Cultura, una recién asociación de defensa y fomentu del asturianu d’Estremadura o estremeñu, presenta pa la XEA 2012 una interesante ponencia sobre “L’estremeñu y la su literatura”. Darréu d’ello, la XEA ufierta un Alderique abiertu sobre la situación oficial y real de la llingua asturiana fuera les llendes alministratives del territoriu dAsturies danguaño. Amás, Evaristo Martínez-Radío ufiertará una disertación sobre la llucha de los asturianos escontra los exércitos de Napoleón nel periodu 1808-1812, a partir de les 16,30 de la tarde. Evaristo Martínez-Radío ye Doctor n’Hestoria y profesor d’Hestoria de la UNED. Ye un reconocíu espertu na hestoria política y militar d’Asturies y en 2007 recibiól Premiu Patac d’ensayu por un trabayu sobre la Guerra d’Independencia n’Asturies. Programa de los dos caberes xornaes de la Xunta dEscritores Asturianos 2012 VIENRES 2 MARZU – 16 h. Presentación de la obra narrativa de Xuan Carlos Crespos Lanchas y alcuentru col públicu sobrel so procesu creativu. – 16,30 h. Ciudadanos asturianos escontra Napoleón, por Evaristo C. Martínez Radío. – 17,30 h. Presentación del llibru El patrimonio lingüístico cántabro, Goviernu de Cantabria ADIC. – 18 h. Lestremeñu y la su literatura, por Ismael García Carmona. – 19 h. Alderique sobre la situación de la llingua fuera les llendes alministratives de la Comunidá Autónoma del Principáu dAsturies. LLUNES 5 MARZU – 17 h. El cultivu del maíz nel conceyu de Xixón, por Beatriz Rato Rionda. – 17,30 h. Política y arqueología: Roma, godos y Reyes Católicos, la santísima trinidad de la historiografía centralista, por C. J. de la Sala González. – 18, 30 h. Cine y literatura, la traición necesaria, por Miguel Losada, Director de la Sección de Cine del Ateneo de Madrid. – 19 h. Mesa redonda sobre la situación del cine nAsturies. Intervienen: Alfonso S. Suárez, Sofía Menéndez, Geno Cuesta, Juan Gona y Miguel Losada – 20 h. Pieslle de la Xunta dEscritores Asturianos 2012. 2 de marzu, 2012 0 FacebookTwitterPinterestEmail
Lliteratura Entama nUviéu la Xunta dEscritores Asturianos 2012 by asturnet 1 de marzu, 2012 La Xunta d’Escritores Asturianos 2012 na tarde de güei, xueves 1 de marzu, cola presentación del llibru “Lliteratura asturiana, identidá y nación”, llibru d’actes que recueye les ponencies y disertaciones llevaes alantre na anterior Xunta d’Escritores Asturianos,celebrada nel palaciu de Villa Madalena en 2010. La Xunta d’Escritores Asturianos tendrá continuación mañana, vienres 2 de marzu, y el llunes 5, con ponencies, conferencies y presentaciones lliteraries na Sala de la Biblioteca del Campu San Francisco d’Uviéu. Programa completu de la Xunta dEscritores Asturianos 2012 XUEVES 1 MARZU – 16 h. Presentación del llibru Lliteratura asturiana, identidá y nación. Actes de la Xunta dEscritores Asturianos 2010. – 16,30 h. A la solombra del Surdimientu, por Ánxel Álvarez Llano. – 17,30 h. Barruntos y condiciones pal xorrecer dun ensayu en clave nacional, por Carlos X. Blanco Martín. – 18 h. Presente y futuru de la enseñanza del asturianu, por Xosé Lluís Colodrón Ardura, Responsable de la Secretaría de Llingua Asturiana del sindicatu SUATEA. – 19 h. Presentación del llibru Les Asturies y el nacionalismu bascu de Xaviel Vilareyo, cola intervención de Llucía Fernández Marqués. – 19,30 h. El modelu llingüísticu nasturianu, por Xaviel Vilareyo y Villamil. VIENRES 2 MARZU – 16 h. Presentación de la obra narrativa de Xuan Carlos Crespos Lanchas y alcuentru col públicu sobrel so procesu creativu. – 16,30 h. Ciudadanos asturianos escontra Napoleón, por Evaristo C. Martínez Radío. – 17,30 h. Presentación del llibru El patrimonio lingüístico cántabro, Goviernu de Cantabria ADIC. – 18 h. Lestremeñu y la su literatura, por Ismael García Carmona. – 19 h. Alderique sobre la situación de la llingua fuera les llendes alministratives de la Comunidá Autónoma del Principáu dAsturies. LLUNES 5 MARZU – 17 h. El cultivu del maíz nel conceyu de Xixón, por Beatriz Rato Rionda. – 17,30 h. Política y arqueología: Roma, godos y Reyes Católicos, la santísima trinidad de la historiografía centralista, por C. J. de la Sala González. – 18, 30 h. Cine y literatura, la traición necesaria, por Miguel Losada, Director de la Sección de Cine del Ateneo de Madrid. – 19 h. Mesa redonda sobre la situación del cine nAsturies. Intervienen: Alfonso S. Suárez, Sofía Menéndez, Geno Cuesta, Juan Gona y Miguel Losada – 20 h. Pieslle de la Xunta dEscritores Asturianos 2012. 1 de marzu, 2012 0 FacebookTwitterPinterestEmail