Lliteratura Xeira va entregar el XVI Premio de narracióis curtias a Aurora Bermudez Nava by asturnet 4 de xunu, 2007 Redacción. L’Asociación cultural Xeira, que trabaya la conservación y promoción del eonaviegu, falló esta selmana’l ‘XVI Premio de narracióis curtias’ y la ganadora foi Aurora Bermúdez Nava, d’A Caridá, col rellatu tituláu «Tempo de dolor». L’actu d’entrega va ser el sábadu 9 de xunu, a les nueve la nueche, nel auditoriu de la Casa da Cultura d’El Franco. La primera parte de la nueceh va tar dedicada a la entrega del premiu, pero como ye vezu nesti actu añal de Xeira, va brindase al públicu la posibilidá de participar n’actividaes culturales cola llingua del Navia-Eo como vahículu. Esta vegada, van ser el teatru y la música, con Javier del Dios, actor del grupu de teatru d’A Caridá, que va ufiertar un monólogu humorísticu. Pa pesllar l’actu va tocar el curtetu musical Mezá, de Bual, un grupu folk con componentes mui mozs que yá debutó participando na Amuesa de Folclore “Ciudá d’Uvieu” y que ye toa una promesa dientro del panorama musical del occidente asturianu. El premiu de Xeira ye yá un clásicu nel panorama lliterariu asturianu y vienen ganándolu escritores como Mª Jose Fraga Suárez, Aurora Rivas o Xaviel Vilareyo. El xuráu taba conformáu nesta ocasión por Manuel Galano, Rafael Cascudo, Alfredo González y Jose M. Castro, actuando María Jose Fraga de secretaria. Páxina web oficial de Xeira 4 de xunu, 2007 0 FacebookTwitterPinterestEmail
Lliteratura La Oficina Política Llingüística estrenal Catálogu Dixital Bibliográficu Asturianu na so web by asturnet 3 de xunu, 2007 Redacción. Dempues de la presentación na pasada Selmana de les Lletres Asturianes, abre agora’l ‘Catálogu Dixital Bibliográficu Asturianu’, un serviciu p’atopar cualesquier obra escrita en llingua asturiana o eonaviegu, buscando al travies d’estremaes posibilidaes. El Catálogu permite la busca simple o avanzada. Na busca simple ye posible introducir unu o más datos d’ente l’autor, l’añu d’espublización, el títulu de la obra o la editorial. Asina, buscando namás pel autor, podemos atopar la obra completa del mesmu o una obra específica, con tolos sos datos, faciendolo cola busca del títulu. La busca avanzada permite amás, introducir el llugar y númberu d’edición, la imprenta, el depósitu de llei, l’ISBN y les páxines. D’esta manera pue atopase una obra conociendo pocos datos d’ella. Una ferramienta nueva de la lliteratura asturiana pa la investigación o pa la simple busca de testos pa la llectura. Catálogu Dixital Bibliográficu Asturianu 3 de xunu, 2007 0 FacebookTwitterPinterestEmail
Lliteratura Naciu Varillas va tar güei nel Centru Muncipal de Contrueces, en Xixón by asturnet 27 de mayu, 2007 Redacción. Güei, llunes 28 de mayu, a les siete la tarde nel Centru Municipal de Contrueces los aficionaos a la llectura van poder faalr col autor de ‘Carretera ensin barru’, l’escritor y periodista Naciu Varillas. El so primer llibru foi tou un esitu y consiguió reeditase nel primer semestre que tuvo a la venta. Naciu Varillas (Xixón, 1975) ye periodista en Radio Llangreu y amás d’esta novela, tien dellos cuentos espublizaos en variaes publicaciones como Reciella Malory, Lletres Asturianes, etc. Amás, algamó dalgunos premios como’l de ‘Cuentos pola Oficialidá de Bimenes’. Cola espublización de ‘Carretera ensin barru consiguió un gran esitu ente’l públicu y la crítica. 27 de mayu, 2007 0 FacebookTwitterPinterestEmail
Lliteratura Xixón de novela recueye testos de cuasi cuarenta autores de narrativa by asturnet 21 de mayu, 2007 Redacción. Ayeri pela tarde, nel Antiguu Institutu Xovellanos de Xixón presentóse ‘Xixón de novela, un percorríu lliteraraiu pela villa de les milenta histories’. Nel actu tuvieron presentes Ramón d’Andres, Xefe de Política Llingüística del Gobiernu d’Asturies y Mª Xose Rodríguez, responsable de la Oficina de la Llingua de Xixón y coordinadora de la obra, que comentó que la obra “quier que conozamos un migayu más esta ciudá de novela”. Al actu asistieron munchos de los autores qu’apaecen na antoloxía de testos sobre la villa de Xovellanos, como ye’l casu de Xose Nel Riesgo, David Rivas, Humberto González, Helena Trejo, Vicente García Oliva o Xandru Martino Ruz, ente otros. Con una edición mui cuidada la obra recueye testos d’hasta cuasi cuarenta autores. En llugar de la tradicional llectura, la Oficina de la Llingua de Xixón ellaboró un vidiu, onde dalgunos de los autores lleíen la so obra acompañaos poles imáxenes de Xixón. La presentación d’esti llibru ye’l penúltimu actu de la XXVIIII Selmana de les Lletres Asturianes, que va rematase güei nel Teatru Toreno de Cangas del Narcea cola presentación del númberu seis de la revista ‘El Regueriu’, editada pol CRA Ríu Cibea. 21 de mayu, 2007 0 FacebookTwitterPinterestEmail
Lliteratura Preséntase güei Xixón de novela: Un percorríu lliterariu pela ciudá de les milenta histories by asturnet 20 de mayu, 2007 Redacción. La Oficina de la Llingua de Xixón, serviciu de normalización del Conceyu de Xixón, va presentar esta tarde a les 19:30 hores, nel Centru Cultura Antiguu Institutu la publicación editada pola mesma entidá: “Xixón de Novela: un percorríu lliterariu pela ciudá de les milenta histories”. El llibru espublízase por mor de les actividaes de la XXVIII Selmana de les Lletres Asturianes y según los responsables “tenta de facer un averamientu a los testos lliterarios qu’intentaron describir la ciudá, pente medies de los sos llugares y la so xente, nos caberos 30 años de lliteratura asturiana”. La presentación va ser nel Centru de Cultura Antiguu Institutu a les 19:30 hores de güei, 21 de mayu y va acompañase con un vidiu que-y pondrá imaxe a dalgunos de los testos qu’inclúi la publicación. 20 de mayu, 2007 0 FacebookTwitterPinterestEmail
Lliteratura Mª Esther García recibel premiu Ciudá dUviéu de poesía por Pisadas by asturnet 16 de mayu, 2007 Redacción. ASTURNEWS.COM tuvo accesu a la noticia en primicia. La escritora valdesana Mª Esther García ta acabante ganar el premiu ‘Ciudá d’Uvieu’ de poesía pola so obra ‘Pisadas’. Ésti y los demás premios, entovía desconocíos, convocacos pol Ayuntamientu d’Uvieu entreguenlos el día 26 d’esti mes nel ‘Salón de te’ del teatru Campoamor. Mª Esther García ye llicenciada en Pedagoxía, profesora d’enseñanza secundaria y esperta en Filoloxía Asturiana. Destaca na so obra ‘Toponima de La Montaña (Valdes), ‘Llingua asturiana y práutica simulativa na E.X.B.’ o’l poemariu ‘L.luribaga’. Amás, ye miembru de l’Academia de la Llingua Asturiana y collabora como articulista na edición avilesina de La Nueva España. A la primer edición d’estos premios podíen presentase rellatos curtios, teatru y poesía. Los ganadores de caúna de les categoríes recibien 3000€ y l’asoleyamientu de la obra, habiendo dos premios de 1000 y 600 euros pa los finalistes a los que tamien se-yos van asoleyar los trabayos premiaos. El xuráu tuvo compuestu por representantes de l’Academia de la Llingua, l’Asociación de Llibreros, la Cátedra Alarcos y la Conceyalía de Cultura. 16 de mayu, 2007 0 FacebookTwitterPinterestEmail
Lliteratura La Esposición Ello yera una vez un tiempu de traducciones (1974-2004) llega a Avilés by asturnet 15 de mayu, 2007 Redacción. Nel Palaciu Camposagradao va abrise güei la esposición ‘Ello yera una vez… un tiempu de traducciones ( 1974- 2006 )’ Una esposición qu’amuesa la lliteratura traducida al asturianu dende otres llingües. L’horariu de la esposición ye de 12 a 14 hores y de 17 a 19 de llunes a domingu, la entrada ye de baldre. Y siguen abiertes les esposiciones ‘La Comarca del Cómic’, na Casa la Cultura ‘Marta Portal’ en Nava n’horariu de 9:30 a 21:30 hores, “La pallabra illustrao” na Casa la Mocedá de Sotrondio y “Hai una ringlera trazada: la narrativa en llingua asturiana de Samartín” en L’Entregu, abiertes toes elles hasta mañana xueves 17 de mayu, n’horariu de 10:00 a 13:00 y 16:00 a 20:00 hores. Estes esposiciones formen parte de la Selmana de les Lletres qu’esti añu sigue a lo llargo del mes de mayu con actos per toa Asturies. Los próximos van ser el vienres en Mieres, onde va facese la última presentación del segundu númberu de la revista. 15 de mayu, 2007 0 FacebookTwitterPinterestEmail
Lliteratura Conto, ducia e media deles recueye diecinueve cuentos dAurora G. Rivas en llingua eonaviega by asturnet 15 de mayu, 2007 Redacción. L’autora del poemeriu ‘O viaxiero da noite’ Aurora García Rivas, terminó ayeri la presentación del so nuevu llibru, un volume de cuentos n’eonaviegu que foi presentáu a finales d’abril nel Auditoriu d’A Veiga, na Selmana de les Lletres en LlibrUvieu y ayeri, presentada por Inaciu Galán, nel ‘Ámbitu Cultural’ d’El Corte Ingles de Xixón’. Nel actu, l’autora esplicó que “la obra ta conformada por dieciocho cuentos, l’últimu d’ellos ye una hestoria que-y sentí a mio güela de pequeña y nun quixi que se perdera”. Amás comentó que “facer esti llibru de cuentos llevóme cerca de seis años ente escribilos y el llargu trabayu de correiciones qu’hai detrás”. Aurora G. Rivas ñaz en San Tiso d’Abres en 1948 anque ceo va marchar de la so aldea natal. Sicasí, l’autora nunca perdió la conexón col so pueblu y cola fala de la infancia. Va unos seis años entamó a escribir dempues de facer un taller lliterariu en Xixón, onde vive va munchos años. Nestos años algamó premios lo mesmo en castellán que n’eonaviegu, dalgunos de tanta importancia como’l qu’otorga l’Ateneu Xovellanos de Xixón. Esti ye’l cuartu llibru qu’espubliza, el segundu n’eonaviegu. 15 de mayu, 2007 0 FacebookTwitterPinterestEmail
Lliteratura Cuentos neonaviegu nel Ámbitu Cultural dEl Corte Inglés de Xixón by asturnet 14 de mayu, 2007 Redacción. Güei a les siete y media la tarde, va presentase nel ‘Ámbitu Cultural’ d’El Corte Ingles de Xixón ‘Contos, ducia y media d’eles’ cola presencia de l’autora, Aurora García Rivas y representates de la Editorial Trabe, editora del llibru de G. Rivas. La editorial Trabe acaba d’espublizar esti llibru, qu’inclúi dieciocho cuentos curtios escritos n’eonaviegu que la propia autora define “de todos os xeitos: líricos, de medo, misteriosos, máxicos, de contido urbano e rural”. Amás, fai un recorríu pela tradición oral de la zona d’O Arcón. Dalgunos de los cuentos qu’apaecen nel llibru yá fueren recoyíos en revistes como Lletres Asturianes, Lliteratura y en cartafueyos de fiestes llocales, otros fueron premiaos en distintos certámenes lliterarios nos últimos años. Aurora G. Rivas (San Tiso d’Abres, 1948) fundó la yá desapaecida Asociación Poegía y escribe n’eonaviegu y en castellán. Pola so obra n’eonaviegu algamó premios como’l “Xeira de narracióis curtias” en 2003. 14 de mayu, 2007 0 FacebookTwitterPinterestEmail
Lliteratura Xosé Nel Riesgo y David Rivas recibieron el premiu Arbidel dientro de la 1er Selmana Ribeseyana de les Lletres by asturnet 12 de mayu, 2007 El miércoles pasáu a les siete la tarde na Casa Cultura de Ribeseya entregósel Premiu Arbidel de lliteratura erótica, que nesta primer edición foi pa Xosé Nel Riesgo y David Rivas, con unes cantidaes de 1.000 y 300 euros respectivamente. La obra de Riesgo titúlase De bandera, mientres que la de Rivas lleva por títulu Boedica y doña Nuria. La entrega celebróse dientro de los actos de la 1er Selmana Ribeseyana de les Lletres, que’l conceyal de Cultura de Ribeseya, Juan González Martino, comentó nun vidiu p’Asturnews, dando por segura la continuidá d’estos actos en futures ediciones, lo mesmo que del premiu Arbidel. La selmana de les lletres cuntó coles conferencies de Xuan Xosé Sánchez Vicente, Inaciu Galán y Marta Mori d’Arribada. 12 de mayu, 2007 0 FacebookTwitterPinterestEmail