Lliteratura

Vicente Sánchez García presenta esti vienres 11 de xineru, a partir de les 20:00 hores nel Club Prensa Asturiana d’Uviñeu, una nueva obra alredor del patrimoniu musical asturianu. La presentación de la obra, titulada “Cancioneru. Lírica d’ayeri y de güei. 30 nueves canciones d’Asturies”, va cuntar cola asistencia de Felix Ferreiro Currás, Chus Pedro y Jose Antonio Gómez amás del propiu autor que cantará tres pieces de les qu’apaezen nel llibru.

Vicente Sánchez García recueye nesti volumen, editáu por Trabe, trenta cantares nuevos basaos en lletres d’escritores como Tiadoro Cuesta, Pin de Pría, Pepe Campo, Xuan Xose Sánchez Vicente, Enrique García-Rendueles o Mª Elvira Castañón, ente otros.

Ramón García Piñeiro, historiador naviegu, presenta esti día nel Club Prensa Asturiana d’Uvieu el llibru “Fugaos. Ladreda y la guerrilla en Asturias (1937-1947)” alredor de la figura de Baldomero Fernández Ladreda, guerrilleru comunista asturianu durante la Guerra Civil. L’actu va entamar a les 20:00 hores y cuntará cola intervención del profesor d’Hestoria Contemporánea de la Universidá d’Uvieu Ruben Vega.

Con esta nueva obra, qu’espubliza KRK, García Piñeiro completa la so bayurosa llabor sobre’l movimientu obreru asturianu durante y dempues de la Guerra Civil. Otres incursiones del dosctor n’hestoria n’esti tema”Los mineros asturianos bajo el franquismo” y delles collaboraciones en estudios como “El movimiento guerrillero de los años cuarenta”, “Historia de CCOO”, “Los comunistas en Asturias” y “Las huelgas de 1962 en Asturias”.

El Conceyu de Corvera organizó un concursu pa escoyer la meyor carta n’asturianu unviada a los Reis Magos. Nél participaron 221 neños ente los que Marta González Moro, de segundu cursu de Primaria; Cristina González, de cuartu, y Xesús Álvarez Bolado, de sestu, fueron los ganadores nes trés categoríes.

Xesús Álvarez ye escolín del Colexu Públicu de Cancienes y recibió un llote de llibros n’asturianu y xuguetes. El xuráu tuvo formáu pola conceyala d’Igualdá Rosa Rodríguez; la edil de Cultura, Patricia Rodríguez, y Elena Álvarez, responsable de la Casa de la Llingua.

Enantes d’escribir la carta los neños recibieron material colos nomes de tolos xuguetes n’asturianu. El concursu, patrocináu pol Fondu Social Européu y el Gobiernu d’Asturies, ta siendo tou un ésitu, pasando de 40 participantes de la primer edición a 80 de la segunda y 221 nesta tercera.

L’Asociación d’Oviedistes Espíritu 2003, formada por aficionaos del Real Oviedo, ta acabante d’abrir el plazu pa presentar trabayos al so certamen de rellatos curtios. Los testos puen presentase n’asturianu y castellanu pero tienen que tar rellacionaos col Oviedo y con tolo que vivió la afición del equipu na temporada 2003-04 na que l’equipu ovetense descendió a la tercera división.

El plazu pa presentar trabayos fina’l 29 de febreru de 2008. Tres recibir los testos, el xuráu otorgará un primer premiu (el 26 de Marzu), con cena pa dos persones nun restaurante d’Uvieu de premiu, y un másimu de tres accesits, que recibirán una camiseta firmada d’un xugador del Real Oviedo. Per otra parte los rellatos van espublizase na páxina web de l’asociación pa que la xente vote al ganador.

Nel concursu puede participar cualquier persona, sía o non miembru de l’Asociación, presentando como muncho tres rellatos por persona que nun pasen de diez páxines. Los trabayos puen presentase a concursu de les siguientes maneres: uviándolos a la direción ellectrónica de l’asociación espiritu2003@gmail.com, presentándolos na mesa que l’asociación tien nel Carlos Tartiere los díes de partidu o na dirección física de l’asociación, al Apartáu de Correos 5.108 (33080, Uvieu).

El Conceyu de Corvera organizó un concursu pa escoyer la meyor carta n’asturianu unviada a los Reis Magos. Nél participaron 221 neños ente los que Marta González Moro, de segundu cursu de Primaria; Cristina González, de cuartu, y Xesús Álvarez Bolado, de sestu, fueron los ganadores nes trés categoríes.

Xesús Álvarez ye escolín del Colexu Públicu de Cancienes y recibió un llote de llibros n’asturianu y xuguetes. El xuráu tuvo formáu pola conceyala d’Igualdá Rosa Rodríguez; la edil de Cultura, Patricia Rodríguez, y Elena Álvarez, responsable de la Casa de la Llingua.

Enantes d’escribir la carta los neños recibieron material colos nomes de tolos xuguetes n’asturianu. El concursu, patrocináu pol Fondu Social Européu y el Gobiernu d’Asturies, ta siendo tou un ésitu, pasando de 40 participantes de la primer edición a 80 de la segunda y 221 nesta tercera.

L’Asociación d’Oviedistes Espíritu 2003, formada por aficionaos del Real Oviedo, ta acabante d’abrir el plazu pa presentar trabayos al so certamen de rellatos curtios. Los testos puen presentase n’asturianu y castellanu pero tienen que tar rellacionaos col Oviedo y con tolo que vivió la afición del equipu na temporada 2003-04 na que l’equipu ovetense descendió a la tercera división.

El plazu pa presentar trabayos fina’l 29 de febreru de 2008. Tres recibir los testos, el xuráu otorgará un primer premiu (el 26 de Marzu), con cena pa dos persones nun restaurante d’Uvieu de premiu, y un másimu de tres accesits, que recibirán una camiseta firmada d’un xugador del Real Oviedo. Per otra parte los rellatos van espublizase na páxina web de l’asociación pa que la xente vote al ganador.

Nel concursu puede participar cualquier persona, sía o non miembru de l’Asociación, presentando como muncho tres rellatos por persona que nun pasen de diez páxines. Los trabayos puen presentase a concursu de les siguientes maneres: uviándolos a la direción ellectrónica de l’asociación espiritu2003@gmail.com, presentándolos na mesa que l’asociación tien nel Carlos Tartiere los díes de partidu o na dirección física de l’asociación, al Apartáu de Correos 5.108 (33080, Uvieu).

La presentación n’Uviéu del llibru Lías, apendiz de contador d´hestories, de Xuan Carlos Crespos abrió esti xueves la segunda xornada, de les trés coles va cuntar la Xunta d’Escritores Asturiana 2008. A les 18 hores, el miembru del RIDEA, Xosé Lluis Campal dió llectura a la so ponencia “Preocupaciones humanistes na poesía de Carlos García Velasco (1973-1975)” cola que se dió paso a la parte principal de la xornada.

Xosé Lluis Campal quiso facer referencia en primer llugar al papel xugáu nos años 70 pol diariu Región, “que munchu enantes de qu’apaecese la seición Alitar Asturies en El Comercio o la seición Conceyu Bable en Asturias Semanal”. El diariu Región tenía una seición dedicada a la poesía en asturiano y elli apaecen espublizaos ocho poemes d’un autor que Campal quier recuperar pala hestoria del Xurdimientu, convencíu de la so importancia de los primeros momentos de la recuperación de la llingua y la lliteratura asturianes: Carlos García Velasco.

L’autor, del “qu’enxamás nun se fala nin entós nin anguaño”, tien de recuperase pa entender un poco meyor aquelles dómines. García Velasco, nestos poemes espublizaos en Región ente’l 73 y el 75, entama a emplegar, por exemplu otobre en llugar d’ochobre, lo que según Campal “hai un deseu por conectar on un tipo de llector, receptor contemporáneu, ya nun escribe pala xente de les xeneraciones del 50 o del 60, sinon pa los que se tan abriendo al procesu de recuperación y dignificación del asturianu”. El desasosiegu por la nun aceptación d’una realidad que-y esmolez: eses verdades a les que nun se-yos abre la puerte, en referencia a la situación del asturianu.

Campal, especialista en oesía minera, “que ye poesía de destrucción, d’acabamientu” camienta que “hai pocos escritores de les dómines de los 80 y los 90 que faigan coses tan interesantes como les que fai esti rapaz nos años 70”, un poeta que “esprésase autobiográficamente”.

La Xunta d’Escritores Asturianos 2008, que se vien celebrando dende’l miércoles na Biblioteca del Campu San Francisco d’Uviéu, llegar güei al so últimu día con una xornada que dende les cinco la tarde va tar enllena d’actividaes. La primera d’elles, una conferencia, titulada “Hestoria y signu de la bandera d’Asturies”, darréu, a les 17,30 hores, Inaciu Galán va lleer la ponencia “Monólogu modernu: el compromisu d´un xéneru”, ya les seis de la tarde será’l momentu pa unos “Apuntes sobre los aconceyamientos d´escritores asturianos”, pola secretaria de l’Arribada, Mayte González.

A les 18,30 hores, Humberto Gonzali va abordar el tema “Una institución pa les lletres asturianes”, sobre’l que yá escribió un artículu apocayá n’AsturnewsOpinión. A les siete la tarde, Trinidad Ruiz Marcellán, directora de la Editorial Olifante, del Festival del Moncayo y de la Casa del Poeta de Trasmoz va dictar la ponencia “Olifante: una oferta de felicidad”. A les siete y media Ángel Guinda va lleer “Arquitextura” y el pieslle de la Xunta va ponelu’l mesmu autor cola presentación del llibru “Tola lluz del mundu”, d’Ángel Guinda, el primer poemariu sextillingüe del estáu español.