Lliteratura

Esti vienres 25 d’abril, nel IES de L’Entregu y a les 13:15 hores, va presentase en sociedá’l llibru “Microrelatos Mineros”, trabayu que contien los relatos ganadores y seleccionaos na cuarta edición del concursu Manuel Nevado Madrid. Durante l’actu ven lleese dellos fragmentos de les obres esbillaes col acompañamientu de música asturiana.

Esti certame ta organizáu pola Fundación Juan Muñiz Zapico, Cajastur, la Conseyería de Cultura y Turismu, la fundación Rosa Luxemburgo, la Federación Minerometalúrxica de CCOO, la fundación d’investigaciones educatives y sindicales, Hunosa, el Conseyu la Mocedá del Principáu, y Ediciones KRK

L’Institutu “Islla de la Deva” de Castrillón entregó ayeri los sos premios lliterarios pa bachilleratu y ciclos de FP nun actu nel que participaron el director del centru, la Conceyal de Cultura de Castrillón y el xefe de Castrillón de Caxastur, entidá que patrocinaba’l concursu.

Los ganadores fueron Andrés Suárez Boto pol cuentu “El Llibru Misteriosu”, na estaya de cuentos n’asturianu y Ana Gil Paz, pol so cuentu en castellán “Soñar”. Dambos dos recibieron un premiu en llibros por valor de 50 euros y un diploma del centru.

Nel actu pudieron sentise los cuentos de la propia voz de los xóvenes autores, de los que se destacó la importante calidá de la so obra.

Los actos de la XVI Selmana Cultural terminaron per esta selmana güei a les 12 con una mesa redonda-presentación de les revistes Formientu, de lliteratura moza n’asturianu y N’ast, d’ensayu na mesma llingua. Nel actu tuvieron presentes representantes de les dos publicaciones, Inaciu Galán, director de Formientu y Toño Martínez, en representación de N’ast. La coordinación de la mesa corrió a cargu de Javier Cubero, representante de la Comisión de Cultura de la Facultá de Xeografía y Hestoria que declaró qu’“estes publicaciones son imprescindibles pal desenrrollu cultural d’Asturies”.

A la una la tarde, entregáronse los premios naranxa y llimón a los profesores de la Facultá y a les dos, los actos completáronsese con una espicha a la qu’acudió Juan Vázquez, el yá ex Rector de la Universidá d’Uviéu, xunto con otros miembros relevantes del campus d’Humanidaes, como la Decana de Filoloxía Ana Cano y otros profesores.

Los actos d’esta Selmana Cultural van siguir el llunes que vien cola presencia de Gustavo Bueno, ente otros.

Los actos de la XVI Selmana Cultural siguen, y van facelo güei a les 12 con una mesa redonda-presentación de les revistes Formientu, de lliteratura moza n’asturianu y N’ast, d’ensayu na mesma llingua. Nel actu van tar presentes representantes de les dos publicaciones, Inaciu Galán, director de Formientu y Toño Martínez, en representación de N’ast. La coordinación de la mesa va correr a cargu de Javier Cubero, representante de la Comisión de Cultura de la Facultá de Xeografía y Hestoria.

L’actu va incluyir un pequeñu recital poéticu. Darréu, p’hacia la una la tarde, van entregase los premios naranxa y llimón a los profesores de la Facultá y a les dos, los actos van completase con una espicha.

Los actos d’esta Selmana Cultural van siguir el llunes que vien cola presencia de Gustavo Bueno, ente otros.

Programa completu de la XVI Selmana Cultural

Llangréu celebra’l Día’l Llibru y convida a la llectura nuna selmana enllena d’actividaes lliteraries. El próximu 23 d’abril, el mundu enteru va celebrar el Día Internacional del Llibru, una conmemoración establecida pola UNESCO nel día nel que morrieron Miguel de Cervantes, William Shakespeare y Garcilaso de la Vega. En Llangréu van desarrollase una montonera actos alredor d’esta efeméride, actos que tendrán llugar non solo’l día 23 sinón que van allargase más nel tiempu.

Unes selmanes nes que va haber llectures públiques ya institucionales, conferencies, presentaciones de llibros, cuentacuentos nes escueles y biblioteques del conceyu, cine, campaña d’animación a la llectura en llingua asturiana, programes específicos nes escueles y esposiciones igüen una selmana celebraciones que traten d’afalar vezos llectores de tola xente’l conceyu.

Llangréu un llibru abiertu celebra la llectura con actividaes qu’entamen el día 23 cola llectura pública qu’esti añu va facese en Ciañu n’alcordanza y homenaxe a José León Delestal. Dende’l día 2 de mayu y hasta’l 16 de mayu va poder visitase na Casa la Cultura Sama la esposición El País de Graeslinjú, un llugar máxicu onde viven los grandes escritores de la lliteratura infantil y mozo. Les sos vides, les sos histories y los sos grandes personaxes al traviés d’un percorríu enllenu fantasía, misteriu ya imaxinación.

Rescamplen tamién la campaña d’animación a la llectura en llingua asturiana y les conferencies que van poner Luis Sepúlveda y Diego Medrano, amás del actu Presentaciones cruzaes nel qu’escritores de la sonadía de Pablo Antón Marín Estrada, Pablo Rodríguez Medina y Naciu Varillas presentarán y falarán de les sos últimes obres: Secretos y dos sombres, Perreríes y El camín de Dios. En resume, un programa d’actividaes pa tola selmana per tol conceyu y destinaes a toles franxes xeneracionales.

Güei, miércoles 23 d’abril, Día del Llibru, a les 19 hores nel Centru Polivalente de Candás va celebrase la presentación d’“El color del escaezu”, novela de los que son autores Marián García, Profesora de Llingua Asturiana nel IES Candás, y Xurde Fernández, Profesor de Llingua Asturiana nel IES Cristo del Socorro de Lluanco.

“El color del escaezu”, asoleyóla la Editorial Trabe y ye una novela na que lo real y lo real inflúin nel destín del protagonista. Esta presentación va celebrase gracies al Conceyu de Carreño, el Serviciu de Normalización Llingüística y el Teatru Prendes.

Esti miércoles ye’l Día del Llibru y el barriu xixonés de La Calzada celebra con delles actividaes una feria del llibru cabo l’Atenéu. Les llibreríes Seshar, Amez y Acuarel van colocar puestos y van tener llugar actividaes d’animación na cai.

A les 18:00 hores va producise l’actuación del magu Norber, darréu una firma de llibros a cargu de la escritora Pilar Sánchez Vicente. A les siete la tarde va producise l’actución del Dj Nacho de La Vega y media hora más tarde, la vidioproyección “Lázaro de Tormes”.

El Conseyu de la Mocedá d’Uvieu va cellebrar el Día del Llibru, esti miercoles 23 d’abril, con una singular iniciativa basada na práctica del crossbooking. El día antes varios xóvenes collaboradores van dexar en delles ubicaciones de la capital, nueve obres lliteraries d’autores xóvenes asturianos pa que’l que los atope pueda descubrir el so trabayu. Nes tapes de los llibros va dir una pegatina cola invitación de ller el llibru y volver a dexalu n’otra ubicación asina como una rellación de les doce biblioteques de la ciudá.

Los llibros que van tar espardíos pela ciudá nesta actividá son: “El país del silenciu” de Vanessa Gutierrez y Beatriz R. Viado; “De andar por casa” de Sergio Varela; “Un poemario” de Teresa Soto; “Los sueños diurnos, manual de amantes, pobres y asesinos” de Diego Medrano; “Catalina y los bosques de hormigón” de David Acera y Ana Laura Barros; “Espejo” de Miguel Barrero; “No llegare vivo al viernes” de Nacho Guirado; “Argonautes” de Jose Ángel Gayol y “El final del cuento” d’Ines Toledo.

Asturies va celebrar güei un añu más el Día Internacional del Llibru y esti añu la programación vien cargada d’actividaes en tolos puntos del país. Unos actos a los que va xuntase la celebración de munches de les llibreríes del país, que nesti día ufren descuentos y promociones nes ventes. N’Asturnews facemos un repás completu a los actos del día.

Nel apartáu de les llibreríes que van celebrar esti día, ta la célebre llibrería Alborá Llibros de Xixón, que va ufrir a lo llargo de güei un descuentu del 10% na compra de llibros, a los que va acompañase’l regalu d’una flor.

No que cinca a los actos lliterarios Llangréu va convidar a la llectura pública qu’esti añu va facese en Ciañu n’alcordanza y homenaxe a José León Delestal. Pero’l Día del Llibru va allargase nesti conceyu. Dende’l día 2 de mayu y hasta’l 16 de mayu va poder visitase na Casa la Cultura Sama la esposición El País de Graeslinjú, un llugar máxicu onde viven los grandes escritores de la lliteratura infantil y mozo. Les sos vides, les sos histories y los sos grandes personaxes al traviés d’un percorríu enllenu fantasía, misteriu ya imaxinación. Rescamplen tamién la campaña d’animación a la llectura en llingua asturiana y les conferencies que van poner Luis Sepúlveda y Diego Medrano, amás del actu Presentaciones cruzaes nel qu’escritores de la sonadía de Pablo Antón Marín Estrada, Pablo Rodríguez Medina y Naciu Varillas presentarán y falarán de les sos últimes obres: Secretos y dos sombres, Perreríes y El camín de Dios.

Nel Barriu de La Calzada, en Xixón, va celebrase güei una feria del llibru cabo l’Atenéu na que van participar les llibreríes Seshar, Amez y Acuarel. A les 18:00 hores va producise l’actuación del magu Norber, darréu una firma de llibros a cargu de la escritora Pilar Sánchez Vicente. A les siete la tarde va producise l’actución del Dj Nacho de La Vega y media hora más tarde, la vidioproyección “Lázaro de Tormes”.

N’Uviéu, El Conseyu de la Mocedá va celebrar el Día del Llibru con una singular iniciativa basada na práctica del “crossbooking”. El día enantes dellos xóvenes collaboradores van dexar en delles ubicaciones de la capital, nueve obres lliteraries d’autores xóvenes asturianos pa que’l que los atope pueda descubrir el so trabayu. Nes tapes de los llibros va dir una pegatina cola invitación de ller el llibru y volver a dexalu n’otra ubicación asina como una rellación de les doce biblioteques de la ciudá. Los llibros que van tar espardíos pela ciudá nesta actividá son: “El país del silenciu” de Vanessa Gutiérrez y Beatriz R. Viado; “De andar por casa” de Sergio Varela; “Un poemario” de Teresa Soto; “Los sueños diurnos, manual de amantes, pobres y asesinos” de Diego Medrano; “Catalina y los bosques de hormigón” de David Acera y Ana Laura Barros; “Espejo” de Miguel Barrero; “No llegaré vivo al viernes” de Nacho Guirado; “Argonautes” de José Ángel Gayol y “El final del cuento” d’Inés Toledo.

A esta actividá va axuntase tamién la Universidá d’Uviéu, que magar de tar nel día de les sos elecciones a Rector, va repartir delles obres espublizaes pol so Serviciu de Publicaciones. Les escoyíes pa esta ocasión son ‘Mi viaje a América’ de Rafael Altamira, ‘Michel Foucault, caja de herramientas contra la dominación’ de Juan Pastor, Anastasio Ovejero y ‘La memoria posible’ d’Eduardo San José.

Nel Centru Polivalente de Candás, a les 19 hores, va celebrase la presentación d’“El color del escaezu”, novela de los que son autores Marián García, Profesora de Llingua Asturiana nel IES Candás, y Xurde Fernández, Profesor de Llingua Asturiana nel IES Cristo del Socorro de Lluanco.

D’otra banda, la lliteratura asturiana va tar presente n’otros llugares fuera del país. Y ye que Xuan Bello va participar en Barcelona nel Día Internacional del Llibru, presentando la versión catalana del “Història Universal de Paniceiros”, acabante editar pol sellu Adesiara. La presentación va ser en Barcelona, dientro de los actos de Sant Jordi, y cola apaición en dellos programes de radio y televisión, una atopada colos medios de comunicación acompañáu por Quim Monzó y la firma d’exemplares na Llibrería LaCentral (Rambla de Catalunya, esquina Mallorca) a partir de les 19:00.

La conceyalía de Cultura pretende con estes acciones averar a tolos públicos, especialmente a los más pequenos, la lliteratura. Electra va ofrecer, na biblioteca de La Pola a les 17:00 hores, “La historia de Rosamunda”; amás, Teatru Kumen va representar, a les cuatro la tarde nel Centru Cultural de Campumanes, los sos “Cuentos de la Caja”. Teatru Electra va llevar a los escenarios del Centru Cultural de Vil.layana “Las mellizas de Guanajuato”, a les 18:30 hores.