Lliteratura

Como ye tradición na Comarca de la Sidra, el Día de les Lletres Asturianes la Mancomunidá va siguir cola iniciativa qu’entamara l’asociación La Compaña del Ronchel y va celebrar esti día tán señaláu con tola población de los conceyos que la componen y tola xente que quiera averase a ella, compartiendo les lletres de pan que vamos repartir ente los centros escolares, biblioteques, cases de cultura y chigres de la Comarca.

Estes lletres van envueltes nun testu d’un autor destacáu de la nuestra lliteratura. Al tar esti añu la Selmana de les Lletres dedicada a la escritora de Xixón Mª Teresa González, el testu escoyíu ye ún poema qu’apaez en llibru Collaciu de la Nueche, asoleyáu en 1987.

La Biblioteca Pública “Ramón Perez de Ayala” d’Uvieu, foi escenariu d’un espectáculu a mediu camín ente’l teatru, el recital poeticu y la música, n’homenaxe a la escritora María Teresa González. “Ñacerán otres nueches como esta”, Entamó a les 20:00 hores del xueves axuntó nel mesmu escenariu a músicos como’l guitarrista Toli Morilla, Xuan Espósito, Ruben Bada y la xoven gaitera Andrea Joglar. A l’acompañamientu sponoru punxeron-y pallabra les actrices Isabel Friera, Carmen Gloria, María Vallejo y Luz María del Sol y los poetes Sergio Gutierrez Camblor, Alejandra Sirvent, Elisabeth Felguerso y Pablo Rodríguez Alonso.

L’Alcalde del Conceyu de Piloña, Camilo Montes pidó compromisu políticu p’avanzar nel procesu de normalización del asturianu. “La meyor garantía de sobrevivencia y d’igualdá del asturianu va ser la de que tolos neños sepan y conozan l’asturianu. Que deprendan con dignidá la so llingua”. L’alcalde pronunció estes pallabres al entamu del actu col que la Conseyería de Cultura quiso averar el Día de les Lletres Asturianes a la cominidá escolar nel colexu públicu de L’Infiestu ante los escolinos del centru piloñes.

Dende les 12:00 hores del vienre y al son de gaita y tambor, el Salón Polivalente del centru enllenose d’escolinos d’asturianu de la llocalidá y de los ganadores de los distintos premios organizaos con motivu de la Selmana de les Lletres. Al actu asistió, amás del propiu Montes, el Conseyeru d’Educación del Principáu d’Asturies, Jose Luis Iglesias Riopedre.

L’actu, que cuntó coles actuaciones de los alumnos del colexu pa interpretar delles canciones asturianes y una breve actuación teatral al cargu del grupu “En sín reparu·, tamien foi’l marcu de la entrega de premios pa los distintos ganadores nos certames de Poesía y Debuxu, el de cartelismu y el Premiu Especial d’Enseñanza d’Adultos. Tolos trabayos, dedicaos esti añu a homenaxear la figura de la escritora Teresa González taben espuestos nel salón.

El premiu “Jovetense” Ángel González de poesía foi a parar al escritor madrileñu Miguel Mendez pol poema “Quehacer”. Esti certame, que ta organizáu poles Mocedaes Socialistes d’Uvieu n’alcordanza d’Angel González, tamien premió al avilesín Ignacio García Suárez pola obra “Decurso”. La entrega de premios, que se fallaron el pasáu llunes, va tener llugar esti vienres 9 de mayu a les 18:00 hores na Casa’l Pueblu d’Uvieu.

El jxuráu, formáu pola cantante y poetisa Marisa López Diz; l’escritor Aurelio Antonio González Ovies y la secretaria de les Mocedaes Lucía Falcón García, escoyó alos dos ganadores d’ente más d’ochenta aspirantes del ámbitu nacional ya internacional.

Otramiente, les Mocedaes Socialistes van repartir dellos llibros d’Angel González peles cais de la capital, pol metodu del crossbooking y n’alcordanbza de la figura del poeta uviein. El raprtu va entamar a les 21:00 hores.

El Salón del Llibru Iberoamericanu, que ta teniendo llugar en Xixón durante estos díes, organiza pa esti sábadu, un recital poeticu en Ciañu. Dende les 13:30 hores y na Casa de la Buelga de la llocalidá llangreana, el públicu asustente va tener ocasión d’averase a la poesía de la colombiana Lauren Mendinueta y de los espaespañoles Eloy Santos y María Novo. Dirixe l’actu l’escritor cubanu Luis Rafael Hernández,

Esti vienres 9 a la una la tarde presentóse en Xixón al Obra Completa de Mª Teresa González, nel actu participaron Justo Vilabrille, conceyal de cultura y Consuelo Vega, Directora Xeneral de Cultura y Política Llingüística, l’escritor Vicente García Oliva y Leopoldo Sánchez Tolivar.

Vicente García Oliva y Consuelo Vega falen sobre la obra

Dende’l miercoles y hasta’l prósimu día 12 de mayu, el Centru de Cultura Antiguu Institutu de Xixón va acoyer la XI edición del Salón del Llibru Iberoamericanu. Durante los seis díes que dura la feria, el visitante va tener la oportunidá de comprobar el trabayu que se vien faciendo en más de 30 editoriales d’Iberoamerica amás de poder asistir a esposiciones, llectures y conocer a dellos escritores como María Novo, la poeta mapuche Elicura Chihauilaf o Lucas Chiape. Esti añu la Feria ta dedicada a la lliteratura en rellación col mediuambiente.

Amás de presentaciiones de llibros, conferencies y velaes poetiques , durante’l festival van entregase dellos premios lliterarios como’l VI Premio de Poesía Alonso de Ercill, nel que participen 173 poemarios, la primer edición del Premiu Internacional de Traducción, que recayó esti añu nel italianu Pino Cacucci, o el VII Premio Internacional de Novela Las Dos Orillas al que concurrieren más de 200 exemplares.

Esti año, un elementu bien destacáu dientro de la completa ufierta que presenta’l festival ye la consolidación de les tresmisiones de los ecventos más destacaos de la feria al travies del serviciu Salón TV na web www.literastur.es. Al travies de los videos qu’ufre la pexina va poder siguise cásique en directu les conferencies, les meses redondes o les gales poetiques.

Web del Salón Iberoamericanu del Llibru

Xuan Bello va presentar “La Historia Atapecida”, tercera entrega na so triloxía de Paniceiros dempues de “Hestoria Universal de Paniceiros” y “Los cuarteles de la memoria” na llibrería Cervantes d’Uvieu esti miercoles a les 19:30 hores. La editirial que s’encargó de la edición d’esta nueva obra de Bello ye Ámbitu.

Bello ye ún de los autores más prestixosos de la lliteratura asturiana d’anguaño y quiciabes el más reconocíu tanto ente’l públicu del restu l’Estáu. Amás de les noveles citaes tien nel so haber dellos llibros de poemes como “Los nomes de la tierra”, “El llibru vieyu” o “Los caminos secretos”.

Los actos de cellebración de la Selmana de les lletres aportaron esti miercoles a la Xunta Xeneral, nun actu institucional nel que dellos representantes de la clas política asturiana ficieron la tradicional llectura pública de testos lliterarios n’asturianu. L’actu entamó pa les 13:00 hores nel Salón Europa de la Xunta con una breve presentación del eventu al cargu de la Presidenta de la Xunta, María Jesús Álvarez González. Darreu. la presidenta abrió’l turnu d’intervenciones con un de los testos recoyíos en “Sentir que toi viva”, llibru editáu pola Xunta Xeneral pa la ocasión.

Amás de la presidenta de l’Academia de la Llingua, Ana Cano; el presidente del Conseyu de Comunidaes Asturianes, Manuel Fernández de la Cera y la directora de Promoción Cultural, Consuelo Vega participaron nel actu el delegáu del Gobiernu, Antonio Trevín; la conseyera de cultura, Encarnación Rodríguez Cañas; el conseyeru d’educación, Jose Luis Iglesias Riopedre, el de Salú, Jose Ramón Quirós, y el d’Infraestructures, Francisco Gonzáles Buendía.

Otros miembros del parlamentu atonómicu que quisieron participar na llectura foron: Jesús Iglesias, Joaquín Arestegui, Pilar Alonso, Cristina Coto, Faustino Álvarez y Emilio Perez Cueva. Jose Manuel Cuervo, Hugo Morán, Pilar Fernández Pardo y Dorinda García ficieronlo en calidá de diputaos y senadores por Asturies.

Güei a les siete la tarde na Casa Cultura de Ribeseya va entregase’l Premiu Arbidel de lliteratura erótica, que nesta primer edición va entregase a Xosé Nel Riesgo y David Rivas, con unes cantidaes de 1.000 y 300 euros respectivamente.

La obra de Riesgo titúlase “De bandera”, mientres que la de Rivas lleva por títulu “Boedica y doña Nuria”. La entrega ta dientro de los actos de la 1er Selmana Ribeseyana de les Lletres.

Xosé Nel Riesgo y David Rivas ganen la primer edición del Premiu Arbidel de lliteratura erótica