Lliteratura

Pa güei, miércoles 30, l’Arribada tien previsto presentar, a les cinco la tarde, el poemariu “Orbayu d’alfileres” de Carlos Suari, media hora más tarde, Xuan Xose Sánchez Vicente va dar a conocer el so “Diccionariu Asturianu-Castellanu”; mientres qu’a les seis de la tarde va ser el momentu pal poemariu últimu d’Ignaciu Llope “El combate melancólicu”.

A les 18,30 hores, Producciones Nun Tris va presentar l’espectáculu “Camín del escaezu”, una idea orixinal d’Antón Caamaño sobre poemes d’Ignaciu Llope, embaxo la dirección d’Irma Rodríguez.

A les siete y media Sánchez Vicente protagoniza otru actu de l’Arribada cola ponencia “Sidre, borrachos y espiches na lliteratura clásica y prexurdimietu”, pesllándose la xornada cola tertulia “El chigre na lliteratura asturiana”, na qu’amás de Xuan Xosé, van participar David M. Rivas, Xicu Monteserín y Xosé Nel Riesgo.

Un añu más, La Voz de Asturias organiza’l concursu de Microrrellatos “Minimorum”, al que se pueden mandar rellatos per corréu postal o lletrónicu, que tean basaos na temática “Tiempos de crisis”, siendo de xéneru dafechu llibre, anque han incluyir les pallabres “crisis” y “futuru”.

Les obres pueden presentase n’asturianu en castellán, ensin sobrepasar les 125 pallabres, nin los 1.000 caracteres, tecleaos, a doble espaciu y per una sola cara. Presentaráse orixinal y una copia nel casu de que seyan unviaos per corréu o entregaos en mano en La Voz de Asturias, cai La Lila, númberu 6, 33002 Uviéu, nun sobre zarráu nel que s’incluirán los datos personales del autor/es, direcciones, postal y/o lletrónica, y el teléfonu de contactu, escribiendo nel esterior, V Concursu de Microrrellatos, “MINIMORUM”, o a concursominimorum@lavoz.elperiodico.com.

Pueden presentase trabayos hasta’l 16 d’ochobre, teniendo llugar el fallu del xuráu, diez díes más tarde. Con premios de 500 euros y llote de llibros pa les dos categoríes idiomátiques.

Güei vienres, 25 de setiembre, a les 19,30 hores, va tener llugar na Casa Cultura de Grau la entrega de premios del XVIII Concursu de Cuentos Valentín Andrés, lo mesmo na so faceta Internacional que na Provincial Escolar, presentándose amás el volume colos cuentos ganadores del certame, con ilustraciones de l’artista ADA Cacho Sierra (nome artísticu d’Ada Pérez García).

El númberu d’orixinales presentáu n’esta ocasión algamó la cifra de 544, procedentes, como vien siendo vezu, de tolos requexos del mundu: Francia, Alemaña, L’Arxentina, EE.XX., México, Cuba, etc.

La ganadora n’esta ocasión foi Rosario Acosta Nieva, ñacida en Córdoba-Veracruz (México), y residente en París dende onde va dir Grau a recoyer el premiu, col so cuentu “Dromedarios de palma coloreada”.

El segundu premiu foi pa Miguel Ángel López , de Guadalajara, pol so rellatu “El pianista”, dándo-y el xuráu un accésit al cuentu “Habitaciones para escapar»”, de Paul Alonso, de Lima (Perú).

Na estaya provincial pa escolinos resultaron ganadores Vindio Villarroel Valle, Andrea Fernández Suárez, Bárbara González de Albornoz, Sonia Suárez Guardado, Alicia Feito Álvarez, y Paula Rodríguez Fernández.

La editorial Pintar-Pintar espublizó yá “Arroz, agua y maíz”, de Berta Piñán. La obra, dedicada al públicu infantil, ta ilustrada por Elena Fernández y fízose col I Premiu “María Josefa Canellada” de Lliteratura Infantil y Xuvenil, falláu l’añu pasáu. La obra ta conformada según la editorial por “Versos pa neños y neñes de toles partes del mundu”.

Berta Piñán ñació en Cañu, Cangues d’Onís, nel añu 1963 y ye llicenciada en Filoloxía Hispánica pola Universidá d’Uviéu, amás d’una de les escritores más reconocíes del Surdimientu.

L’Asociación de Vecinos «San Esteban de les Cruces» convocó estos díes el XXII Concursu de cuentos «Los Bilordios de Pinón», pa narraciones curties escrites lo mesmo en castellán que n’asturianu, con categoría pa neños, mozos y adultos.

Van dase dos premios dotaos con 1.000 pa la categoría d’adultos, una por cada llingua, amás d’un accesit común a les dos categoríes.

Nel casu de les categoríes mozos y neños, el premiu va constar de diploma y llote de llibros.

Puen presentase obres d’ente trés y seis fueyes ya inédites. Los cuentos han mandase per corréu certificáu a l’Asociación de Vecinos de San Esteban, asitiada en Sograndio e/n, 33193 Uviéu, hasta’l 28 d’ochobre.

L’Arribada llega al ecuador de les sos actividaes con una xornada dedicada a Lleón y la so lliteratura. A les cinco la tarde, van presentase les novedaes de la editorial Filandón, con Xosepe Vega. Media hora más tarde, Nicolás Bartolomé Pérez va falar de “Llengua y lliteratura en Llión”, nel Patiu del CCAI.

A les 18,15 hores y dientro del ciclu “Voces y Acentos” va celebrar un recital de Roberto González-Quevedo. A les siete van presentase les actividaes de l’asociación Furmientu a favor de les fales y la cultura zamoranes.

Media hora más tarde, va proyectase’l documental “Asina falamos”, entamando darréu una tertulia “¿Cómo falamos en Llión?”. con Emilio Gancedo, Xosepe Vega y Nicolás Bartolomé Pérez, que pieslla la xornada de güei.

Les actividaes organízales l’asociación cultural L’Arribada col sofitu de la Conceyalía de Cultura Tradicional de Xixón, la Fundación Municipal de Cultura, Educación y Universidá Popular de Xixón, l’Ayuntamientu de Villaviciosa, la Conseyería de Cultura del Principáu d’Asturies y la Oficina Municipal de la Llingua de Xixón.

Programa completu de l’Arribada 2009

Los diccionarios castellanu-asturianu y asturianu-castellanu de Xuan Xosé Sánchaez Vicente tienen descuentu al mercalos xuntos na Llibrería Asturiana de Trabe. Con esta ufierta de llanzamientu afórrense 5 euros, pagando 90 en llugar de los 95 que cuesten per separtao.

La ufierta ta en vigor hasta’l 31 d’ochobre.

L’Arribada entama la so primer fin de selmana d’actividaes con dos xornaes dedicaes al cine y los homenaxes a dellos autores y descansando’l domingu. El vienres, a les seis y media celénbrase na sala de conferencies del Vieyu Institutu de Xixón una tertulia sobre “El mitu de Prometéu nel cine”, con Chus Parrado, Alberto Álvarez Peña, David M. Rivas ya Illán Gonzali.

Darréu, nel mesmu llugar, va proyectase “Eraserhead / Cabeza esborradora”, sotitulada n’asturianu.

El sábadu, día 19, a partir de les 17,00 hores va producise l’Arribada de los escritores al Puertu Deportivu de Xixón (El Muelle), que se venía faciendo na primer xornada d’actividaes hasta agora. A les 17,30 va inaugurase oficialemente l’Arribada 2009, cola presencia de los políticos y esritores, que van presenciar el documental “L’últimu chalgueiru” y un homenaxe a Nené Losada Rico.

La xornada piésllase cola presentación de los llibros Premios “Nené Losada”, espublizaos pola Editorial Universos.

Ediciones Trabe ta acabante espublizar el poemariu últimu de Rubén d’Areñes (Areñes, Siero, 1983) que tien yá, al pesar de la so mocedá, una obra lliteraria de llargu alcance, que lu convierte nuna de les voces más significatives de la nueva poesía asturiana. Colaborador de les revistes lliteraries Formientu y Lletres Asturianes, foi ganador nel añu 2006 del Premiu «Elvira Castañón». En 2007 algama con Los venticinco pasos (Universos, 2008) el V Premiu de Poesía «Nené Losada Rico» qu’entama l’Asociación de Muyeres Valdés Siglo XXI.

Les páxines blanques, Premiu «Fernán-Coronas» 2008, inclúi 16 poemes de factura sencilla y cuidáu llinguaxe, nos que la voz poética da cuenta, con serenidá, ensin señaldá nin temor, del tiempu pasáu y de les xeres más difíciles de la vida, les que’l ser humanu ha d’encarar pa siguir medrando.

L’Arribada etama esti llunes en Villaviciosa y aporta a Xixón un día más tarde, pa quedar hasta’l 3 d’ochobre, ente’l Centru de Cultura Vieyu Institutu (CCAI) de Xixón, y el Muséu del Ferrocarril d’Asturies.

Nel patiu del CCAI y a partir de les 18,00 hores va inaugurase la esposición “Antonio Medio”. A les 19:39 piésllase la xornada con cine, la película “Der Golem, wie er in die Welt Kam / El Golem”, con rótulos n’asturianu. Va ser na Sala de conferencies, de la 1er planta del CCAI.

Les actividaes organízales l’asociación cultural L’Arribada col sofitu de la Conceyalía de Cultura Tradicional de Xixón, la Fundación Municipal de Cultura, Educación y Universidá Popular de Xixón, l’Ayuntamientu de Villaviciosa, la Conseyería de Cultura del Principáu d’Asturies y la Oficina Municipal de la Llingua de Xixón.

Programa completu de l’Arribada 2009