Lliteratura Fina la parrochina preséntase en Xixón by asturnet 29 d'abril, 2011 El vienres 29 d’abril a les 19:30 hores na sala de conferencies del Centru Cultural Vieyu Institutu (cai Xovellanos 21, Xixón) preséntasel llibru Fina la parrochina de Carla Menéndez Fernández. En 2009 Ediciones Trabe abrió una colección nueva, col nome Vivir del cuentu, idea orixinal de Carla Menéndez Fernández. Tolos llibros d’esta colección tienen una temática o céntrense en personaxes mui bien averaos a la cultura asturiana, cuando d’anguaño, cuando del pasáu, cuando seres humanos, cuando animales emblemáticos de la tierra astur. Esti ye’l casu d’esti segundu títulu de la coección Fina la parrochina. Mui atractivos pa trabayar na aula cola reciella más nueva, tán ilustraos a color y encuardernaos a tapa. 29 d'abril, 2011 0 FacebookTwitterPinterestEmail
Lliteratura El Grupu Epona organiza un cuentacuentos nasturianu by asturnet 29 d'abril, 2011 Lasociación Grupu Epona organiza esti sábadu 30 dabril a parti de les seis de la tarde, un cuentacuentos nasturianu, en collaboración cola asociación El Hervidero. Lactu va facese na planta baxa de la Sala dArte Espacio Líquido de Xixón. L’actu faise col envís de celebrar la Selmana del Llibru y la Selmana de les Lletres Asturianes. El títulu del cuentu ye “Los gatinos ecoloxistes” y va facese l’actividá de forma participativa, orixinal y teniendo a los rapacinos como protagonistes nelli, “porque tienen hasta de facer votaciones”, anuncien los organizadores. Al acabu de la sesión fadráse un taller de dibuxu sobro’l cuentu y daráse un regalín. 29 d'abril, 2011 0 FacebookTwitterPinterestEmail
Lliteratura La lliteratura nasturianu esporpolla nEstremadura by asturnet 28 d'abril, 2011 El procesu de recuperación llingüística avanza pasu ente pasu nEstremadura. Lestremeñu, nome que recibe la variedá del asturianu de la zona, cunta con novedaes nel campu lliterariu. Esti vienres, 29 dabril, a les ocho la tarde, el Palaciu Obispu Solís de Miah.adas, va recibir la presentacion de la novela El Revesinu de José Mª Alcón Olivera, quien fuera autor, en 1984, de la primer novela escrita na variedá estremeña de la nuesa llingua. Amás, el sábadu, va celebrase un homenaxe al clásicu estremñu Gabriel y Galán. Sedrá a les doce la mañana na cai que lleval nome del autor decimonónicu y cuntará con miembros de lAsociación Pablo González, que entama estos actos por mor del Día del Llibru. José Mª Alcón Olivera Alcón Olivera ye maestru de primaria y escribe dende los años ochenta,cuando foi finalista del premiu Cáceres de novela curtia por Transparencias. En 1984 la so novela Requilorios convirtióse nel primer llibru escritu dafechu nestremeñu, lo que lu convierte nun pioneru de les nueses lletres nEstremadura. Como investigador participó nel I Congresu del Estremeñu, celebráu en Calzadilla en 2002 cola comunicación “El extremeño en Guijo de Galisteo y pueblos aledaños” y en el II Congresu de la Fala Estremeña organizáu en San Peiru Méria en 2004 con una comunicación sobre la estima social al estremeñu. Amás participó en publicaciones comol llibru “La torre de papel” col cuentu Enfoncháu”. En 2009 reeditó Requilorios, la so primer novela, a la quagora suma una segunda El Revesinu. Ismael Carmona: “Queremos recuperar el patrimoniu llingüísticu d’Estemadura y restituyilu” 28 d'abril, 2011 0 FacebookTwitterPinterestEmail
Lliteratura Iris Díaz Trancho presenta llibru de rellatos en Xixón by asturnet 28 d'abril, 2011 La escritora Iris Díaz Trancho va presentar esti xueves, 28 dabril, nel Centru de Cultura Vieyu Institutu de Xixón, el llibru de rellatos Nome, asoleyáu por Publicaciones Ámbitu, de magar les siete y med a la tarde na Sala de Conferencies del edificiu xixonés. Amás de lautora va participar nel actu lescritor Antón García. El llibru titúlase Nome y ta dixebráu en dos partes: «Tan cerca» y «Tan lloñe». La primera ta compuesta poles narraciones más averaes a lautora y al so mundu, cuestiones que-y toquen cerca, por familia o simplemente porque pasen nAsturies. La segunda parte compónenla histories que nun formen parte de la vida personal de la escritora, que pasen en cultures que nun tienen nada que ver cola della. 28 d'abril, 2011 0 FacebookTwitterPinterestEmail
Lliteratura Xuan Xosé Sánchez Vicente presental llibru Hacia otra Asturies by asturnet 25 d'abril, 2011 El próximu miércoles, 27 d’abril, a les 7,30 la tarde, na Escuela dHostelería de Xixón, Xuan Xosé Sáncehz Vicente, candidatu dUnión URAS-PAS y escritor, va presentar el so llibru últimu Hacia otra Asturies, editáu pola Fundación Nueva Asturies. Va facer la introducción José Antonio Fidalgo, profesor, autor de decenes de llibros de química y física, de viaxes, turismu y grastronomía. Nel actu va regalase un exemplar del llibru a tolos asistentes. 25 d'abril, 2011 0 FacebookTwitterPinterestEmail
Lliteratura Sigue abiertu’l plazu de presentación d’orixinales pal XIV Concursu de Cuentos pola Oficialidá by asturnet 25 d'abril, 2011 El Conceyu de Bimenes acaba convocar el XIV Concursu de Cuentos pola Oficialidá del Asturianu pa rellatos escritos nesta llingua, de tema llibre y con una estensión máxima de 10 fueyes, mecanografiaes a doble espaciu, per una sola llana. Ha unviase un orixinal, tres copies y una copia en versión informática. Cada autor podrá presentar namás una obra. Los cuentos han unviase a la Casa Cultura de Bimenes (pal XII Concursu de Cuentos pola Oficialidá del Asturianu). Santuyano, e/n. CP 33527 – Bimenes. El plazu de presentación acabal día 1 de xunu del 2011 (fecha del matasellos de correos) y lapertura de pliques, que va tener como escenariu la Casa Conceyu de Bimenes, va facesel día 27 de xunu del 2011, nun actu abiertu al públicu. El primer premiu ye de 800 euros; el segundu, de 500 euros; y el terceru, de 350 euros, entregándose nel día de la Fiesta de la Oficialidá. 25 d'abril, 2011 0 FacebookTwitterPinterestEmail
Lliteratura Cultura convoca los premios lliterarios na so edición de 2011 by asturnet 20 d'abril, 2011 La Conseyería de Cultura y Turismu vien de convocar los premios lliterarios en llingua asturiana pal añu 2011: la 32 edición del Premiu Xosefa Xovellanos de novela; la 17 edición del Premiu Xuan M.ª Acebal de poesía; la 17 edición del Premiu Máximo Fuertes Acevedo densayu; la cuarta edición del Premiu María Josefa Canellada de lliteratura infantil/xuvenil; y la tercera edición del Premiu Alfonso Iglesias de cómic. Bases completes 20 d'abril, 2011 0 FacebookTwitterPinterestEmail
Lliteratura Colombres convoca un concursu lliterariu sobre los años 60 by asturnet 19 d'abril, 2011 Por cuenta de la celebración del Día del Llibru’l próximu 23 d’abril, la Casa Municipal de Cultura “Casa de Piedra” convocó un concursu de microrrellatos, colos años 60 como temática, tituláu “¿Qué hai de los 60?”, al certame van poder unviar los sos trabayos los mayores de 16 años de cualesquier nacionalidá siempres que seyan residentes nel estáu español nel momentu de presentar el rellatu a concursu. La tema tendrá de tener siempres rellación colos años 60 teniendo que rellatar fechos d’esa década, basaos en personaxes de la dómina o tar ambientados nella. Los interesaos en participar pueden ponese en contactu cola Casa Municipal de Cultura “Casa de Piedra” al traviés del teléfonu 985 412 235 o del so corréu lletrónicu cultura@colombresyahoo.es El certame ta patrocináu pola Casa Rural la Casona de Villanueva y tien como premios dos nueches d’hotel con almuerzu nel citáu agospiu y un llector de llibros lletrónicos. El plazu máximu pa la entrega de trabayos ye’l día 23 d’abril. Bases completes 19 d'abril, 2011 0 FacebookTwitterPinterestEmail
Lliteratura A Caridá acueyel vienres la entrega del Premiu Xeira by asturnet 14 d'abril, 2011 Lauditoriu de la Casa das Quintas, nA Caridá (El Franco), va acoyer el vienres 15 d’abril, a les ocho la tarde, una xornada lliteraria fecha a comuña ente lasociación cultural Xeira y la Conseyería d’Educación y Cultura. Lactu va abrise cola entrega del XX Premio Xeira de narracióis curtias a la escritora franquía Alba González Fernández, que ganó esta edición col rellatu «Hiperhidrosis». La xornada lliteraria va siguir cola presentación del llibru Máis lletras novas, que recueye los diz últimos cuentos ganadaores del Premio Xeira y que se coedita por esta asociación cultural y la Conseyería de Cultura y Turismu. Trátase de la continuación de la obra asoleyada va diez años, Lletras novas, onde se recoyíen los diez primeros ganadores. Nun ye la última novedá lliteraria, porque de siguío tamién se va presentar el tercer númberu de Trabatel. Revista eonaviega de lliteratura, quasoleya la Conseyería y qu’inclúi prosa y poesía, amás de reseñes de les últimes espublizaciones en gallego-asturianu. Lactu va cuntar cola presenia de la Directora Xeneral de Política Llingüística, Consuelo Vega, y va zarrase con un conciertu del cuartetu folk Moxega, que tien nel repertoriu poemes musicaos y tornaos al gallego-asturianu d’autores como Lorca, Goytisolo o Miguel Hernández. 14 d'abril, 2011 0 FacebookTwitterPinterestEmail
Lliteratura LAsociación dEscritores dAsturies estrena xunta directiva by asturnet 13 d'abril, 2011 L’escritor uvieín Mariano Arias, autor dIl Finimondo o El silencio de las palabras, finalista del Premiu Nadal y del Juan Rulfo de Rellatos ente otros reconocimientos, foi escoyíu presidente pola nuevu Xunta Directiva de l’Asociación d’Escritores d’Asturies. Miembru fundador de lAEA, Mariano Arias ye doctor en Filosofía y exerz el so oficiu nun Institutu d’Enseñanza Secundaria. Participó n’alcuentros y congresos de Lliteratura y Filosofía. Ye collaborador habitual como críticu, reporteru y ensayista en revistes y prensa (Clarín, El Basilisco, La Nueva España, República de las Letras, El Catoblepas, revistadefilosofía.org, El Mundo, Interviú, etc.). El restu de la Xunta Directiva de lAEA ta conformada dende agora por Ángel García Prieto, como vicepresidente; Armando Murias, como secretariu; Ernesto Colsa como ayalgueru y los vocales Violeta Varela, David Fueyo, Marcelo Matos, Juan García Campal, José Havel y Carmelo Fernández. Ente los cargos nengún escritor nasturianu, pese a ser lAEA una organización formada por escritores nes dos llingües y quusa davezu nes sos comunicaciones asturianu y castellán. 13 d'abril, 2011 0 FacebookTwitterPinterestEmail