Hestoria

Les Xornaes, celebraes pol Conceyu de Xóvenes Hestoriadores llega güei al so segundu día d’actos centrándose nel fascismu n’España y Alemañan. A les10:00 hores va dar entamu la xornada cola comunicación “El fascismu español”. A les doce, una conferencia d’Ismael Saz, de la Universidá de Valencia, titulada “Fascistes n’España”.

Pela tarde, a les 19:30 hores, la conferencia “El proyectu nacionalsocialista alemán y la lóxica del fascismu”, cola que Ferrán Gallego de la Universidá de Barcelona, va echar el pieslle al día.

Mañana miércoles y el xueves van siguir les xornaes celebraes nes dependecies del Campus del Milán d’Uviéu.

Dende esti llunes 10 de marzu al 13 del mesmu mes, la Universidá d’Uvieu cellebra les VI Xornaes de d’Historia Contemporánea col tema de los fascismos como exe central. Nestes tres xornaes de reflexón van pasar pol aula escalonada del Edificiu Históricu de la Universidá y el Campus d’Humanidaes del Milán dellos espertos na materia como’l profesor de la Universidá Autónoma de Barcelona Alejandro Andreassi, el profesor de la Universidá de Valencia Ismael Saz, el profesor de la Universidá d’Uvieu Francisco Erice, el profesor de la Universidá de Barcelona Ferrán Gallego, el profesor de la Universidá d’Uvieu Sergio Tome y l’historiador Xabier Casals.

La Universidá d’Uvieu va acoyer esti xueves una nueva conferencia col escenariu de la transición española como tema principal. El nome de la mesma ye “La Transición política española: una perspectiva crítica” y l’encargáu de falar sobre’l tema ye Alejandro Ruiz-Huerta Carbonell, un de los abogaos llabolaristes supervivientes del atentáu d’Atocha nel 77. La charra va tener llugar na facultá d’Historia nel Campus d’Humanidaes a les 12:30 hores.

El Real Institutu d’Estudios Asturianos va acoyer dende esti xueves 21 de febreru un ciclu de conferencies sobre la guerra de la Independencia d’España. El primer invitáu que va tener oportunidá d’ufrir la so visión del conflictu va ser el catedráticu d’Hestoria Contemporánea de la Universidá de Deusto, Fernando García de Cortázar. La conferencia titúlase “La guerra de la Independencia: Nación y Libertad” y va entamar a les 19.30 hores.

El ciclu ta organizáu pola Fundación Hidrocantábrico y va desendolcase dende agora y hasta mayu. El 6 de marzu, Jose Antonio Escudero López va falar sobre la constitución española de 1812 y la so influencia n’Europa y America. Carmen Iglesias Cano, va tratar, el 3 d’abril, de “Los ilustraos españoles ante la Guerra” y Juan Velarde Fuentes va falar sobre la invasión napoleónica el 17 d’esi mesmu mes. Jose Luis Díez va ser l’encargáu de pone-y el ramu ao programa d’actos,cola ponencia “La guerra de la Independencia en la pintura”.

¿Cómo fue posible la shoah?. Esti ye’l títulu de la conferencia que Jimena García Herrero, hestoriadora esperta nel holocaustu xudíu, va tar dando esti xueves 14 de febraru nel Centro d’Interpretación del Cine n’Asturies a partir de les 20:00 hores. Na charra, la investigadora va desgranar dellos aspeutos del xenocidiu, ente ellos l’ascensión del partíu nazi o la vida nos campos d’esterminiu. Herrero trabaya nel grupo de investigación Zivia Lubetkin d’educación sobre la Shoah.

Güei miércoles, a les ocho la tarde, el profesor Ramón d’Andrés va dar una conferencia-coloquiu baxo’l títulu de “Una güeyada a la diversidá idiomática d’Europa”. L’actu va ser en local de l’asociación La Escandalera – Llugara d’Alcuentru, na cai San Francisco, 21, 3u., xunto a la cafetería “La Corte”. L’actu ye d’entrada llibre y en terminando “van servise unos culinos de sidra”.

La revista cultural asturiana Lata de Zinc y l’asociación Cambalache d’Uvieu cellebra hoy una xornada d’alderique embaxo’l nome “A 90 años de la Revolución Rusa. Un debate” na que van participar Tino Brugos, Holm-Detlev Köhler y Francisco Erica.L’actu entama a les 20:00 hores na propia asociación (C/Martínez Vigil, 30 baxu).

Tino Brugos ye profesor d’hestoria d’enseñanza media, collaborador nel periódicu Les Noticies; Holm-Detlev Köhler ye profesor de socioloxía na Universidá d’Uvieu y Francisco Erice ye profesor d’hestoria contemporánea de la Universidá d’Uvieu.

Esti xueves a les siete la tarde presentóse nel Aula Abierta de la Llibrería Asturiana, na cai Padre Buenaventura de Paredes, 4. La revista d’estudios “Erada. Revista d’Historia Contemporánea d’Asturies” coordinada pol hestoriador Rafael Rodríguez Valdés y que presenta nesta primer entrega trabayos d’hestoriadores como’l mesmu coordinador de la revista, Sergio Sánchez Collantes, Faustino Zapico, Carlos A. Gordon, Xosé Miguel Suárez y Xuan F. Bas Costales que participaron nel actu, que pue siguise nos vídeos y na galería fotográfica qu’ufre Asturnews.

Na presentación d’esta revista editada por Trabe y coordinada pol historiador Rafael Valdés, que quier cubrir un vaciu editorial evidente, dexáronse claros los oxetivos que se pon la publicación: dar pasu a nuevos investigadores y potenciar y l’estudiu de la nuesa historia.

Ente los artículos d’esta primer entrega de la revista, que va tener calter añal, destaquen “25 de mayu de 1808: significáu históricu y consecuencies”, del profesor d’Hestoria Faustino Zapico, “Esbozo histórico del republicanismo en el último tercio del XIX. El movimiento republicano en Gijón como botón de muestra: política, cultura y sociabilidad (1875-1890), de Sergio Sánchez Collantes; y “Trabayu, disciplina y resistencia na Asturies franquista” de C. A. Gordon. Amás, Xosé Miguel Suárez Fernández glosa y publica un “Un artículo inédito de 1931 sobre autonomía y agrarismo pral periódico El Aldeano de Castripol”. Inclúi la publicación una riestra de reseñes bien documentaes.

Mañana, xueves 25 d’ochobre, a les 19:00 hores nel Aula Abierta d’Ediciones Trabe va presentase’l primer númberu d’Erada, Revista d’Historia Contemporánea d’Asturies, coordinada por Rafael Rodríguez Valdés y na que participen un garapiellu d’hestoriadores mozos. Esta publicación ye, según los responsables, “la única revista que trata la hestoria contemporánea d’Asturies” y “nella hai escritos artículos nes trés llingües d’Asturies: castellán, asturianu y gallego-asturianu”.

Esti xueves a les siete la tarde va presentase nel Aula Abierta de la Llibrería Asturiana, na cai Padre Buenaventura de Paredes, 4. La revista d’estudios titulada ‘Erada. Revista d’Historia Contemporánea d’Asturies’ ta coordinada pol hestoriador Rafael Rodríguez Valdés y nesta primer entrega, puede’l llector atopar trabayos d’hestoriadores como Faustino Zapico o’l mesmu coordinador de la revista.

Ente los artículos destaca: “25 de mayu de 1808: significáu históricu y consecuencies”, del profesor d’Hestoria Faustino Zapico, “Esbozo histórico del republicanismo en el último tercio del XIX. El movimiento republicano en Gijón como botón de muestra: política, cultura y sociabilidad (1875-1890), de Sergio Sánchez Collantes; y “Trabayu, disciplina y resistencia na Asturies franquista” de C. A. Gordon. Amás, Xosé Miguel Suárez Fernández glosa y publica un “Un artículo inédito de 1931 sobre autonomía y agrarismo pral periódico El Aldeano de Castripol”. Inclúi la publicación una riestra de reseñes bien documentaes.

Na presentación van tar dalgunos de los collaboradores de la publicación: Sergio Sánchez Collantes, Faustino Zapico, Rafael Rodríguez Valdés,C. A. Gordon, Xosé Miguel Suárez y Xuan F. Bas Costales.