Galerías 2008/2014

La Gran Parada de les Naciones Celtes aconceyó a miles de persones y d’artistes nun de los meyores desfiles que se recordaben y que llogró a lo postrero evitar la lluvia, brilló como hacía años que nun lo ficiere. EL grupu Ventolín y la Banda de Gaites Llacín de Porrúa foron los representates asturianos nesti defiles del que puen vese equí dellos momentos de la participación d’otres naciones celtes.

El grupu de rock Dixebra celebró’l pasáu sábadu los sos venti años de trayectoria musical con un multitudinariu conciertu na plaza España d’Aviles nel que repasaron temes clásicos de la banda como ‘La danza’, ‘Pallabres vieyes’ y ‘Grieska’ con otres novedaes del últimu discu, como ‘El manteru’ y ‘Ensin novedá’.

Xose Antón ‘Ambás’ cantando, Toño Gómez al trombón, el raperu Dark la eMe a los teclaos, skratch y coros, DJ Stilo coles programaciones, Guillermo Fernández na producción visual, Sergio Rodríguez cola programación musical y Kaki Arkarazo nos controles de grabación, foron dalgunes de les collaboraciones especiales pa esti conciertu-aniversariu que foi grabáu en directu pa un discu-DVD que saldrá a finales d’añu.

Como toles coses nel Centru Asturianu de Mendoza, les iniciatives nueves, que respuenden al contautu direutu con Asturies, parten d’un finxu munchu más vieyu. Un sentimientu más fondu, más uterinu, que quedó nel alcordances y los oxetos que los asturianos emigrantes a Arxentina taxeron consigo.

Cuando se plantega la posibilidá de antroxar equí, por primera vegada’l día de les Lletres Asturianes, la idega alcuentra entusiasmu, como casi toes les iniciatives que pasen poles manes d’esta xente. Pero sobretoo alcuentra un posu pervieyu de cultura, música, llingua…y por supuestu teatru. Equí ya se facía y se fae teatru, del tipu costumista, claro; pero teatru.

Una de les socies trae ente les manes unos cuaderninos pervieyos de Pachín de Melás que cargara’l so pá na maleta. Otra sorpréndeme cola boina que punxera’l suyu pa facer los monólogos nes folixes del Centru.

Repartimos los papeles más por preferencies que por criterios teatrales y na tarde d’ayer, con un cartelín de la Selmana de les Lletres impresu d’internet (benditu mediu), entamamos la llectura a la que seguirá “l’asáu”, como ellos mesmos dicen, aplicando los conocimientos que vamos algamando nel Cursu de Llingua. Celebraes les actuaciones y los testos, y con un posu de lunfardu na dición, van pasando tolos personaxes del entramau social asturianu, aquellos que pueblen los chigres y les cases.

Pero tamién van pasando les persones: Rosa Mari, Pablo y los sos fíos, Maria Elena y los suyos, Karen, Sabrina, Ricardo…tolos que xeneren esti microclima d’Asturies dientro d’un ambiente qu’un día fue hostil y güey ya ye casa. Pero una casa ensin llar, el llar del sentíu cercanu que d’alguna manera quedó nel momentu nel que l’asturianín del pote (con tolos mios respetos) mercó’l llibru de monólogos nel puestu la Plazuela pa llevalu pa América. Y güey, casi cien años dempués, usamos pa cellebrar el Día de les Lletres, buscando otra vuelta esi sentíu, esa Asturies que nun debiera escaecese d’esta otra.