ConvocatoriesFiestes El Muséu de Porrúa convoca un concursu de semeyes antigües by asturnet 19 de xunetu, 2007 El Muséu Etnográficu del Oriente d’Asturies tien abiertu’l plazu pa presentar semeyes al so I concursu de semeyes antigües. Les meyores semeyes qu’espeyen tradiciones y cambios sociales del pasáu y d’anguañu van recibir premios de 200 euros por categoría. Nel concursu pue participase con semeyes que recueyan cualquier actividaes que tuvieren llugar nel oriente asturianu, especialmente les que cinquen a elementos del patrimoniu históricu y cultural, los llabores, les fiestes y tradiciones. Hay cuatro estayes temátiques premiaes con 200 euros cada una: familia, trabayu, fiestes y paisaxe y arquitectura. Aparte d’estes categoríes convócase un premiu especial de 300 euros a la meyor semeya pola so antigüedá orixinalidá o aporte históricu. Les semeyes han presentase acompañaes de los datos del propietariu o autor, enantes de la reunión del Xuráu, que va ser el 20 de xunetu. Nun hai tope nel númberu de semeyes que puen unviase, siempre que sían inédites. El Muséu Etnográficu de Porrúa ñaz gracies a la donación, en 1994, de la finca y cases de Llacín, cedíes al pueblu por doña Teresa Sordo Sordo y don Luis Haces Sordo, fíos de Porrúa y residentes en México. La donación estimuló la creación de lAsociación Cultural Llacín, que decidió promover, crear y xestionar un muséu etnográficu, col oxetu de dar a los bienes donaos una finalidá cultural y recreativa; iguóse un conxuntu dedificaciones rurales coles que se consiguieron unos 400 metros cuadraos de superficie espositiva. Les cases que formen el muséu tán dispuestes en dos fileres paraleles xuníes per un corredor voláu de madera. Los edificios del muséu tan nuna finca docho díes de gües acondicionada como parque públicu, con una amplia representación dárboles frutales y de viesca. Ente los árboles destaca la presencia monumental dun aguacate que se trexo de México y se llantó en 1906. El perímetru del tueru na actualidá ye de 7,43 metros. El día 10 de xunetu del 2000 inaugurósel “Muséu Etnográficu del Oriente dAsturies”, nel barriu Llacín de Porrúa. Inaugurólul presidente del Principáu. La obra promovióla lAsociacion Cultural Llacín y remataron asina siete años de trabayu de lasociación. Web del Muséu 19 de xunetu, 2007 0 FacebookTwitterPinterestEmail
ConvocatoriesFiestes Los Alcuentros de Cabueñes 07 tienen abiertul plazu dinscripción hastal 24 dagostu by asturnet 18 de xunetu, 2007 Redacción. L’Alcuentru Internacional de Mocedá ‘Cabueñes 07’ tien abiertu’l plazu d’inscripición hasta’l 24 d’agostu. Los actos van tener llugar nel Centru de Cultura Antiguu Institutu de Xixón ente’l 24 y el 28 de setiembre. La cuota p’apuntase ye de 41 euros, 82 con agospiu. Pa los portadores del carne mozu estes cuotes son de 21 y 41 euros respectivamente . Esti añu, na edición de los Alncuentros de Cabueñes 2007 va haber seminarios participativos y talleres prácticos, ente los que destaquen los seminarios ‘Entendiendo la web social. Comunicación y participación na sociedá de la información’, ‘La mocedá ente los nuevos cambios nel Estáu de Bientar’, ‘El futuru d’Europa y el papel de los xóvenes na construcción europea’ o ‘Tiempu llibre y participación xuvenil: balance d’una decada y retos de futuru’. Ente los talleres destaquen ‘Pon un blogue na to vida’, ‘¿Na to uiqui o na mía? Multimedia 2.0’, ‘Empleate n’Europa. Educación pa la participación’, ‘¡Nun mos mires, xúnete!. Ferramientes pa la participación xuvenil’, ‘Ferramientes d’evaluación nos programes de mocedá’ y un ‘Taller de práctiques d’igualdá’. www.cabuenes.org 18 de xunetu, 2007 0 FacebookTwitterPinterestEmail
ConvocatoriesFiestes Les tarxetes postales van enllenar el Muséu del Ferrocarril dende mañana by asturnet 16 de xunetu, 2007 Redacción. El Museu del Ferrocarril inaugura mañana una esposición sobre la tarxeta postal titulada ‘La estación na tarxeta postal’. L’actu va cuntar cola presencia del nuevu conceyal xixones d’Educación y Cultura, Justo Vilabrille, y del director de la Fundación Municipal de Cultura, Educación y Universidá Popular, Julián Jimenez y va entamar a les 19.30 hores. ‘La estación na tarxeta postal’ percorre postales onde apaecen estaciones de tol mundiu, con una escoyeta d’unes 350 postales. La mayor parte d’elles son del primer terciu del sieglu XX, epoca dorada d’estes tarxetes. Nestes postales pue vese la vida cotidiana de ferroviarios, viaxeros y habitantes de cada sitiu. El material vien d’un na so mayor parte d’una colección particular, mientres que un pequeñu porcentaxe ye del fondu de postales del Museu del Ferrocarril de Xixón, ún de los más importantes d’Europa. 16 de xunetu, 2007 0 FacebookTwitterPinterestEmail
Fiestes Entamó la XI Fiesta de la Oficialidá de la Llingua Asturiana de Bimenes by asturnet 6 de xunetu, 2007 La XI Fiesta de la Oficialidá de la Llingua Asturiana entamó en Bimenes y va celebrar actos hasta’l 14 de xunetu. La presentación del programa d’actos foi esti vienres 6 xunetu a les ocho la tarde, na Casa la Cultura de Santuyano. Pero yá dende va un tiempu y hasta’l 16 de xunetu nesi mesmu llugar y n’horariu de 15.30 a 19:30 hores va tar abierta la esposición de les obres presentaes al “IV Concursu de Cómic n’Asturianu” de la Comarca la Sidra. Ente les actividaes que van celebrase destaquen l’Asturcine, una proyección de curtiometraxes en llingua asturiana na que collabora l’Asociación de Realizadores y Direutores d’Asturies (ARDA), la representación de la obra ‘El burru del tíu Bernaldo’ a cargu del grupu Ensin Reparu y la entrega de premios del X Concursu de Cuentos pola Oficialidá del Asturianu. Amás va celebrase l’actuación de Carlos Alba ‘Cellero’ o la V Feria d’Artesanía y Mercáu de Productos Agroalimentarios, pasacais de grupos folklóricos o’l pregón, a cargu esti añu de Lluís Xabel Álvarez García, filósofu, escritor y profesor de la Universidá d’Uvieu y miembru de l’Academia de la Llingua Asturiana. Otros actos van ser la misa n’asturianu, la Puya’l ramu, l’actuación de grupos folklóricos y la xinta popular de fabes y arroz con lleche. Nos actos va actuar el Cuartetu Torner y el pieslle va ponerlu l’actuación de La Cirigüeña y DJ – J15’l sábadu 15 de xunetu a les 22:00 hores. 6 de xunetu, 2007 0 FacebookTwitterPinterestEmail
Fiestes La Inauguración de la XX Selmana Negra de Xixón va celebrase güei pela tarde by asturnet 6 de xunetu, 2007 Redacción. Güei a les 8:10 de la mañana va salir el Tren Negru de la Estación de Chamartín en Madrid. Los escritores van llegar hacia les cinco la tarde a Xixón. Pero enantes, a eso de les 10 de la mañana va entamar la distribución gratuita del númberu 1 d’“A Quemarropa”, el periódicu oficial de la Slemana Negra. A les doce la mañana va celebrase una mesa redonda nel Tren Negru: “¿Hestories personales?”, que darreu va parar a les dos de la tarde en Mieres pa celebrar una espicha y a les 16:25 n’Uvieu. A les cinco va producise la llegada del Tren Negru a Xixón, estación de cercaníes de Renfe, cola recepción popular y de la banda de música del Ayuntamientu de Xixón. A esa mesma hora va abrise’l recintu de la Selmana Negra, incluyeno la Feria del Llibru, les atracciones de Feria, el minitres, terraces, chigres, música nel Recintu y les esposiciones: “Los irreverentes”, de cómic y otra de fotoperiodismu. A les 19:30 va facese la recepción a los autores participantes per parte del Ayuntamientu de Xixón nel Centru de Cultura Antiguu Institutu. Y a les 21:00 la inauguración oficial de la XX Selmana Negra, col tradicional corte de la cinta. Yá pela nueche, a eso de les 21:30, música na Carpa d’Alcuentros con Yampi. A les 22:30 conciertu de “La Kinki Beat” nel escenariu central. A les 23:00 hores entama’l ciclu “El manga fízose carne”, coordináu por Iñaki Huidobro, cola proyeición de “Lone Wolf and Cub: Sword of Vengeance” de Kenji Misumi (1972) nel espaciu AQ. Páxina web oficial de la Selmana Negra 6 de xunetu, 2007 0 FacebookTwitterPinterestEmail
Fiestes La Felguera celebra les fiestes de San Pedro cola actuación de Gisela by asturnet 29 de xunu, 2007 Isaac de l’Arada / Redacción. La cantante Gisela torna esta nueche a Asturies pa dar un conciertu en La Felguera a les doce la nueche. L’artista reconoció nuna rueda de prensa que-y presta especialmente Asturies que a y paez ser qu’a los asturianos tamien les sos canciones, porque yá ofreció dos conciertos nel últimu mes en dellos puntos del país. L’artista lleva yá más d’un añu con esta estensa xira dende que publicare’l so tercer discu ‘Ni te lo imaginas’, anque’l conciertu tamien va sirvir pa recordar los sos dos anteriores trabayos y esitos como ‘Vida’ o’l reciente ‘Turu turu’. Va yá 6 años que conocemos a Gisela y dende entós nun paró d’acollechar esitos colos sos discos, incluyendo al grabación de canciones pa la factoría Disney y la interpretación de musicales y festivales internacionales. Esta nueche anuncien un gran espectáculu pa tol que s’avere esta nueche al so conciertu en la Felguera. 29 de xunu, 2007 0 FacebookTwitterPinterestEmail
ConvocatoriesFiestes BASES V CONCURSU DE CÓMIC NASTURIANU COMARCA DE LA SIDRA by asturnet 28 de xunu, 2007 1. Participantes: Van poder participar persones de cualquier nacionalidá, de forma individual o coleutiva, que, a la fecha d’entrega de los trabayos tengan cumplíos los 14 años. 2. Tema y Formatu: El tema va ser llibre, pero tanto los personaxes como los guiones y aspeutu final han ser ineditos y orixinales y han presentase en formatu DIN A-4. Los dibuxos van poder facese tanto en blancu y negru como en color, emplegando la tecnica que se vea más afayadiza. La estensión nun tien llende. Los testos han tar escritos n’asturianu. Nesti sen, a pa estimar la obra, el xuráu va valorar los trabayos en so conxuntu, illustración y testu, pero dando mayor importancia al testu lliterariu. 3. Entrega Los trabayos han entregase en Serviciu de Normalización Llingüística de la Mancomunidá de la Comarca de la Sidra na Cai Escueles de Paraes, n u 47 – 33529 Nava, o bien nes Oficines d’Información Xuvenil de la Comarca, Cai La Laguna, baxos 33520 – Nava y Centro Cultural San Juan de Capistrano C/ Asturias 22, 33300 Villaviciosa. Han de presentase nun sobre zarráu que nel so interior recueya los datos personales: nome y apellíos, direición, telefonu, títulu y seudónimu, y copia del DNI o tarxeta residente. El plazu pa presentar los trabayos va finar el 15 de Payares de 2007 (inclusive) 4. Fallu del Concursu El xuráu va tar formáu principalmente por creativos, artistes y ilustradores cualificaos, periodistes y profesores d’asturianu. El so fallu va ser públicu y inapellable, comunicándolu direutamente a los concursantes premiaos y a los medios de comunicación autonómicos. 5. Premios El xuráu va conceder los siguientes premios: -.Un primer premiu de 500 € al meyor trabayu presentáu. -.Dos accesit de 200 € caún pa los dos trabayos finalistes. (premios suxetos a les correspondientes retenciones fiscales). 6. Otros Delles obres seleccionaes van formar parte d’una esposición que va viaxar polos diferentes centros culturales de la Comarca la Sidra. Nel mesmu sen, la organización va editar una publicación coles obres premiaes. Finada la esposición los trabayos van ser devueltos a los autores que lo soliciten. La organización d’esti concursu reserva’l derechu d’usar pa dalgún tipu de material promocional, los dibuxos presentaos, faciendo referencia al autor. La participación nesti concursu supón la total aceutación de les presentes bases. 28 de xunu, 2007 0 FacebookTwitterPinterestEmail
ConvocatoriesFiestes Asturies celebra lArguyu Gai 2007 con una manifestación nes cais de Xixón by asturnet 28 de xunu, 2007 Redacción. Güei 28 de xunu a les ocho la tarde va celebrase l’Actu Políticu-Institucionall del ‘Día Internacional de Lesbianes, Gais, Transexuales y Bisexuales’ n’Asturies. L’actu va entamar col saludu de representantes de fuercies polítiques, sociales, sindicales y institucionales, pa dempues facer entrega de los premios ‘28 de xunu’: Triángulu Rosa y Lladrieyu Rosa 2007. Too ello va ser nel Salón d’Actos del Antiguu Institutu Xovellanos de Xixón. Darreu del actu, va haber una manifestación, hacia les 9 la nueche. La marcha va salir de la Plaza’l Parchís, xunto al Centru de Cultura Antiguu Institutu, y va llegar hasta’l Paseu Begoña, llugar nel que va procedese a la llectura d’un manifiestu por mor del 28 de xunu de 2007, que lleva esti añu’l lema ‘Agora Europa: La Igualdá ye posible’. Yá mañana, van siguir los actos. Y a les ocho la tarde va celebrase’l Recital poeticu: ‘Día l’Arguyu’, cola llectura de poesía y rellatos gailesbicos per parte del Grupu de teatru ‘Otra Tierra’, nel Llocal Cambalache, na cai Martínez Vigil 30 d’Uvieu. Xega ufierta pal sábadu unos autobuses pa dir a la minifestación de Madrid, qu’esti añu acueye la convocatoria europea per primer vegada. Xega va otorgar a Gustavo Bueno’l Lladriyu Rosa 28 de xunu, 2007 0 FacebookTwitterPinterestEmail
Fiestes El Grupu de Baille Tradicional San Félix prepara yá la X Nueche Celta de Candás by asturnet 25 de xunu, 2007 Redacción. El Grupu de Baille Tradicional San Felix va entamar el 21 de xunetu próximu la ‘X Nueche Celta de Candás’ y yá tán rematando los preparativos pa una nueche de música y pal ‘III Alcuentru cola Cultura Tradicional’, que van entamar yá pal mes d’agostu y nel que van participar grupos musicales de toa Europa. El programa que preparen pal 21 de xunetu va entamar a les once la nueche col pasu pel escenariu del Grupu de Baille Tradicional San Felix colos sos cantares tradicionales pa siguir darreu colos sones con mil tastos de la Patriband Folk Orl.lestra, el folk de Felpeyu, y rematar col rock de Dixebra. Pero’l Grupu San Felix entamar otru actu esti mesmu branu y como ye vezu, esti añu a la vuelta de la so xira europea. Ye’l ‘III Alcuentru cola Cultura Tradicional’ nel que van participar grupos de música tradicional d’Italia, Lituania, Bretaña, Galicia y Asturies. Nel actu va presentase’l tercer númberu de la revista ‘El Cuirno’, que recueye trabayos d’investigación y lliterarios de la fastera d’El Cabu Peñes. 25 de xunu, 2007 0 FacebookTwitterPinterestEmail
ConvocatoriesFiestes Últimos díes pa visitar Feedback nel Centru dArte de la Llaboral by asturnet 25 de xunu, 2007 Redacción. Nel centru d’arte de La Llaboral de Xixón va tar abierta la propuesta espositiva de ‘Feedback’, que según los organizaodre “ta centrada nel arte que respuende a instrucciones, a inputs o al so entornu, ufiertando una posibilidá narrativa a la multiplicidá d’hestories del arte que recurren a la tecnoloxía dixital como sofitu”. La esposición enllaza dos temes venceyaos al arte “reactivu”: unu qu’indaga nel conceptu de feedback dende la creación artística basada n’instrucciones hasta llegar al arte que planteguen los sistemes abiertos que reaccionen a los inputs del esterior. L’otru esplora’l conceptu de la lluz y la imaxe en movimientu dende la imaxe cinetica y l’Op art hasta los plantegamientos reactivos de la televisión y el cine”. L’amuesa nun quier facer un repás hestóricu, sinón amosar una esbilla de les obres más destacaes, diverses idees rellacionaes ente sí. Tan espuestes en conxuntos temáticos o pareyes ramificaes ya interconectaes. Ente los artistes presentes na esposición podemos atopar a Manfred Mohr, Vera Molnar, Charles Csuri, Sol LeWitt , Casey Reas, Roman Verostko, 5voltcore, Harold Cohen, Christa Sommerer & Laurent Mignonneau, Hans Haacke, Edward Inhatowicz, David Rokeby , Lygia Clark, Hachiya Kazuhiko, Robert Rauschenberg, Eddo Stern y a Mary Flanagan ente otros. 25 de xunu, 2007 0 FacebookTwitterPinterestEmail