Fiestes

Redacción.

Güei llunes y dientro de los actos de la Selmana Grande de Xixón, van tocar na playa de Poniente los componentes del grupu ‘La Quinta Estación’. Esto va ser a les once la nueche, pero a les nueve, na Plaza Mayor de la Villa de Xovellanos, va ser Tony Allen l’encargáu de poner son a la nueche xixonesa.

Y pa los que quieran disfrutar de la tarde en Xixón, a les siete la tarde y dientro del ciclu ‘Arte na cai’ van ufiertar la so música Guillermo García de la Concha na Plaza’l Parchís y Rafa Kas Trío en La Plazuela San Miguel. A les 20 hores en Begoña será’l Coru Marinerun de Llastres quien amenice a los visitantes.

Mañana va ser el día grande de les fiestes de Xixón cola ‘Gran Nueche de los Fueos’, que cada añu ven cientos de miles de persones. Amás del conciertu de ‘Los Redentores’.

Redacción.

La Selmana Grande sigue estos díes en Xixón y failo de la mano de dalgunos de los grupos más conocíos de la escena musical estatal. Güei vienres a les 23:00 hores nel escenariu de la Playa de Poniente Santiago Auserón va dar un conciertu cola música de la ‘Original Jazz Orquestra. Taller de Músics’

Y tamien güei, pero a les nueve la nueche y nel escenariu de la Plaza Mayor, va poder sentise la música d’‘Inside Voices’, un coru de mozos de tol mundiu cantando gospel y estándar.

Pero’l platu fuerte d’esta selmana va llegar el sábadu cola actuación de Fangoria, a les 11 en Ponientes y de Cristina Branco a les nueve na Plaza Mayor.

Redacción.

Mañana sábadu a les once la nueche en Santantolín, capital del conceyu d’Ibias, va celebrase una de les cites más esperaes del calendariu musical del occidente asturianu. Y esti añu los encargaos d’animar la fiesta son Xuacu Amieva, Felpeyu y Blima. Pero enantes d’esta Noite Celta, güei mesmo, pue disfrutase del VII Certame de Gaita ‘Gaiteru Llibardón’.

Lliberdón acueye’l VII Certame de Gaita ‘Gaiteru Libardón’ a les siete y media na Plaza de Chile de Llibardón, en Colunga. El Certame entámalu tolos años l’Asociación Cultural y de Festexos ‘San Roque’, col sofitu del Conceyu de Colunga.

Les categoríes del certame son infantil (hasta 14 años) y mozos-adultos (dende los 15 años). Tolos participantes tienen de tocar dos temes llibres y almítense composiciones propies. Los premios son, pa la categoría infantil, de 120 euros pal primeru, 60 euros pal segundu y 30 euros pal terceru. Na categoría de mozos y adultos, el primer premiu ye una gaita asturiana fecha por Miguel Alonso Cachafeiro, el segundu ye de 150 euros, y el terceru ye de 100 euros.

Redacción.

Siguen les actuaciones nochernigues de la Selmana Grande de Xixón. Y güei van a facelo cola actuación de Kula Shaker a les nueve la nueche na Plaza Mayor y al Sueño de Morfeo a les once nel escenariu de Poniente.

Crispian Mills y Alonza Bevan, componentes de Kula Shaker tornen a los escenarios dempues d’un breve parentesis col so britpop n’estáu puru, con acordes psicodelicos de los 60 chiscaos con ciertes dosis de música hindú.

Y en cuantes a l’actuación de les once la nueche, El Sueño de Morfeo, unu de los grandes grupos asturianos, galardonáu col premiu d’Asturianos del añu 2005 pola repercusión que tuvo’l so primer álbum, tituláu ‘El Sueño de Morfeo’, van presentar la so habitual< música pop enllena d’esitos y númberos unu.

Redacción.

La Selmana Grande de Xixón sigue un día colos sos conciertos nocherniegos. Y güei miercoles van continuar coles actuaciones de ‘Mojo Project’ a les nueve la nueche na Plaza Mayor y del Dúo Dinámico a les once nel escenariu instaláu en Poniente.

‘Mojo Project’ ye un grupu madrilanu nel que fusionen estremaos ritmos y qu’esti branu presenta’l so trabayu últimu ‘Revolution’, que salió al mercáu va poco más d’un añu. El grupu canta en castellán y dalgún tema n’ingles.

En cuantes al Dúo Dinámico, formáu por Manolo y Ramón nun se pueden dicir munches coses que nun seyan conocíes pol públicu. Estos dos amigos lleven trabayando xuntos dende poco anantes de los años 60 y nunca baxaron de los escenarios. Nesti tiempu consiguieron esitos musicales como ‘Quince años tiene mi amor’ o ‘Quisiera ser’, títulu esti últimu del musical que va repasar les so vides –que va estrenase esti mesmu añu.

Otres actuaciones que van poder vese a lo llargo de la Selmana Granve van ser Kula Shaker, Los Redentores o Tony Allen ente otros. Ocho díes nos que Xixón va ser la capital de la música y la fiesta n’Asturies.

Redacción.

Los ‘Patriarcas de la rumba’ van tar nel escenariu de la Plaza Mayor de Xixón a les 21 hores presentando el so discu ‘Cosa nostra’ y a les 23:00 en Poniente, The Commitments. Mañana martes van ser ‘Mojo Project’ los qu’a les nueve la nueche actuen na Plaza Mayor y el ‘Duo Dinámico’ a les once en Poniente.

Otres actuaciones que van poder vese a lo llargo de la selman a van ser Kula Shaker, Los Redentores o Tony Allen ente otros. Ocho díes nos que Xixón va ser la capital de la música y la fiesta n’Asturies.

Redacción.

La Selmana Grande de Xixón entamó ayeri col pregón echáu pol gaiteru Jose Ángel Hevia que preguntó a los xixoneses ‘cómo nun llamaben a la Selmana, la Selmanona’, faciendo referienza al calter ‘grandón’ de los xixoneses. 2.500 persones tuvieron presentes nesti actu d’entamu de les fiestes que van durar hasta’l próxumu 13 d’agostu.

Y güei a les 21:15 na plaza mayor va actuar Pata Negra y a les 23:00 en Poniente, Cachao. Mañana martes van ser ‘Patriarcas de la Rumba’ los qu’a les nueve la nueche actuen na Plaza Mayor y Teh Commitments a les once en Poniente.

Otres actuaciones que van poder vese a lo llargo de la selman a van ser Mojo Project, el Duo Dinámico, Kula Shaker, Los Redentores o Tony Allen ente otros. Ocho díes nos que Xixón va ser la capital de la música y la fiesta n’Asturies.

Redacción.

La parroquia d’Oles celebra esta fin de selmana la quinta edición del so Mercáu Tradicional Asturianu, afitáu como ún de los más populares del país. Esti añu van participar más d’80 artesanos de toles rames de productos y preseos autóctonos. El mercáu va desenrrollase nel campu la ilesia d’Oles.

Y va ser mañana sábadu a les 11 la mañana cuando s’abra, pero la llegada de les autoridaes nun ta prevista hasta les 12.30, cuando va dase llectura al pregón, qu’esti añu va tar al cargu de Yolanda Viniegra Pacheco, arqueóloga y directora d’Ucofa y Asturies Forestal. Darreu va celebrase un pasacais pela feria del grupu maliayu ‘Aires de Asturias’. Pela tarde, a eso de les cinco, va celebrase una demostración d’arrastre de seis pareyes de gües, que van tirar de más de 3,5 tonelaes.

El domingu a les 12 la mañana va celebrase una misa cantada n’asturianu, col Pópuli. Dempues va actuar la banda de gaites ‘Conceyu de Siero’. Yá pela tarde va celebrase’l concursu de saltu d’asturcones.

Dende les 11 la mañana del domingu 29 de xunetu, la localidá ayerana de Murias va abellugar les actividades y actos organizaos pala novena edición del Mercáu Tradicional de l’Asociación Cultural La Colegiata de Murias. Esti añu’l mercáu tará especialmente dedicáu a la mina, que cuntará con una exposición etnográfica.

Durante tol día van poer visitase dellos talleres en vivo, de cestería, cantería, etc., amás de tou tip d’artesanía. L’animación será la estrella de tolos actos del mercáu, con pasucais al toque de sirena, el baille los mineros y montaes de teatru na cai, nos que la mina sedrá la tema central.

Los neños tendrán el so propiu rincón infantil con talleres de xuegos antiguos y tradicionales, y cuentacuentos de lleendes del valle mineru. La xinta popular, con paella xigante ellaborada en directu por espertos cocineros va dar pasu a les 17 hores a un campeonatou del xuegu de la rana y a continuación, a les 20 hores el grupu de teatru Cabayín fadrá reir a tolos asistentes cola comedia costumbrista asturiana “Una de matrimonios”.