Escéniques

La compañía “Toujours après minui” va tar estrenando la obra “Recitatifs Toxiques” nel teatru de la Llaboral de Xixón esti vienres a les 20:30 hores. Esti montaxe, que llega per primer vez a España, entemez música, teatru y baille coles figures del escritor Max Aub y del compositor Heinrich Ignaz Franz von Biber como fontes d’inspiración y coreografía de Roser Montlló-Guberna y de Brigitte Seth.

“Toujours après minuit” ñació en 1995 y tien fechos nueve espectáculos: “El cómo quieres”, “Personne ne dort”, “Suite pour quatre”, “L’Entrevue”, “Rosaura”, “Revue et corrigee, es menschelt”, “Epilogos, confessions sans importance”, “Je te tue, tu me tues, le premier de nous tous qui rira…” y esti últimu estranu “Recitatifs toxiques”.

Dientro de la variada programación teatral que Cajastur ufierta n’Asturies durante tol añu tamien hai sitiu pa poner n’escena propuestes dedicaes a los más pequeños. Buena prueba d’ello ye’l plan pa esti fin de selmana nos centros culturales d’Uvieu, Xixón y Mieres con una nueva representación de la esitosa obra de títeres “Despierta, costurerita” de Mayra Fernández al cargu de la compañía La Tejedora de Sueños.

Los pases entamen el vienres 1 a les 19:00 nel Centru Cultural Cajastur d’Uvieu (San Francisco, 4), van siguir el sábadu 2 en Xixón, na Colexata de San Xuan Bautista a les 17:00 y a les 19:00 y finen el domingu en Mieres (Jerónimo Ibrán) a les 18:00.

“La aldea perdida” d’Armando Palacio Valdes, nuna adautación de la compañia teatral Kumen con direición de Jose Ramón López, ye’l platu pa esti martes 29 de xineru nel Teatru Xovellanos de Xixón. La función va escomenzar a les 20:30 hores, ta organizada pol Aula Popular J. L. García Rúa.

La obra, que trescurre durante los años de la primer industrialización en Llaviana, ta basada nos recuerdos de los años de infancia y adolescencia del autor y na de los habitantes de Laviana a finales del siglo XIX. “La aldea perdida” foi estrenada en 2006 del Teatru Palacio Valdes d’Aviles

Los responsable de la Feria Europea de Teatro para Niños Feten 2008 (FETÉN) tan acabante d’abrir el plazu d’inscripción pa tolos centros escolares que quieran apuntase pa poder asistir a les representaciones del certame. Los actos van tener llugar nel Teatru Xovellanos de Xixón y nel centru municipal Pumarín Xixón Sur, del 24 y el 29 de febreru en sesiones de mañana y tarde. Los centros van poder inscribise, hasta’l 29 de febreru si son del conceyu xixones y a partir del 30 si son d’oteres llocalidaes, na web www.gijon.es o llamando al telefonu 985 181 048/38.

El Centru Municipal de El Coto en Xixón acueye esti llunes 28 de xineru una nueva nueche de teatru n’asturienu, nesta ocasión al cargu del grupu “N’alpargates y Orbayando”. La obra que van representar ye “Maryxes y Xuanes”, una comedia escrita pola mierense Montserrat Garnacho que cunta cola direición de Sonia Vázquez y David Acera. La función va entamar a les 19:30 hores y la entrada ye llibre y de baldre.

El baillarín Cesc Gelabert acompañáu pol videuartista Charles Atlas y pol musicu Carlos Miranda lleguen a Xixón col montaxe “Glimpse” p’abrir la nueve temporada nel Teatru de la Llaboral. La cita pal públicu asturianu cola compañía de Cesc Gelabert y Lydia Azzopardi ye doble, el xueves 24 ya’l vienres 25 a les 20:30 hores.

La compañçia ñación en Barcelona en 1985 y ente los sos reconocimientos, aparte del del públicu, tan la medaya d’oru al meritu nes Belles Artes del gobiernu d’España en 1994 ya’lel premiu nacional de danza na edición de de 1996. Gelabert tamien tien algamao dellos reconocimientos pola so llabor en solitariu como’l premiu Max al meyor interprete en 2005 y 2006.

Dempues d’estrenar la selmana pasada la temporada del Tetru Palacio Valdes d’Aviles, la compañía alavesa Traspasos, col director Mikel Gómez de Segura, llega al Teatru Xovellanos de Xixón el montaxe “Demasiado humano”. La nueva cita del públicu asturianu con esta recreación de los últimos díes de la vida del filósofu alemán Friedrich Nietzsche, premiu “Lope de Vega” en 2005, ta prevista pal sábadu 19 de xineru, a les 20:30 hores.

Cola entrada del nuevu añu entama tamien la nueva temporada teatral nel teatru Palcio Valdes d’Aviles. Los pases d’esta temporada que va de Xineru a Mayu, van escomenzar esti mesmu viernes 11 d’avientu cola puesta n’escena del montaxe “Demasiado humano”: una obra alredor de los últimos díes de vida de Nietzsche. Darreu, el 18 d’esti mesmu mes, el Palacio Valdes agospiará l’estrenu en primicia de la obra “Carnaval”: un thriller policiacu escritu por Jordi Galcerán y dirixíu por Tamzin Towsend.

Pa la última representación los responsables del coliseu avilesín reservaron la pueste n’escena de “El guía del Hermitage” no que supón la vuelta a los escenarios tetrales del actor Federico Luppi y l’actriz Pilar Bardem. “Rebeldías posibles”, “Gatas”, “Valeria y los pájaros”, “De ratones y hombres”, y “La sospecha”, son delles de les pieces que completen la programación del teatru avilesín pa esta temporada que entra.

El baillarín Fernando Hurtado vuelvca a los escenarios xixoneses col montaxe “The Other Side”, una mestura de realidá y ficción, de danza ya imaxen nel que’l director inxerta dellos cachinos de películes famoses. L’escenariu escoyíu pa la ocasión ye’l del Teatru Xovellanos en Xixón y la hora d’entamu del espactáculu va ser les 20:30 d’esti xueves 10 de xineru.

“The Other Side” cunta cola participación n’escena del propiu Hurtado amás d’un cuerpu de baille formáu por Inma Asensio, Vanessa López, Amparo Novas y Irene Vázquez. Nel trabayu musical van tar el vocalista y teclsta Jose Rodríguez, el guitarrista Raul Pacheco, Joe Melero al baxu, el baterista Pedro Peña ya la violinista Gala Perez.

Cajastur continua ufriendo nos centros culturales de la rexón una variada ufierta teatral na que tamiñen tiene cabida los títeres. Nesta ocasión la compañía Yheppa Títeres pon n’escena’l montaxe “La magia del agua” nel Centru Cultural Cajastur d’Uvieu (Cai San Francisco, nº4) esti martes 8 de xineru a les 19:00 hores. Tres del pase nel centru ovetense la obra visitará los de Xixón y Mieres. Yheppa Títeres ufren con “La magia del agua” una hestoria recomendada pa neños de 4 a 9 años.