Escéniques

El musical “Mamma Mia!”, basáu nos cantares del popular grupu Abba, va llegar al Teatru Campoamor d’Uviéu dientro del ciclu ‘Teatru en primavera 2010’. El musical, que trunfó en ciudaes del mundu enteru va poder vese los díes 20, 21, 22, 23, 25, 26, 27, 28, 29 y 30 del mes de mayu, con unos precios d’ente 30 y 50 euros.

El musical ‘Mamma mia!’ trunfó con una formación asemeyada, protagonizada siempres pola cantante catalana Nina, en Madrid y Barcelona, ciudaes onde tuvo dellos años de forma permanente. Dende l’añu pasáu la compañía ta de xira y anque s’anunciare pal branu de 2009, finalmente la fiebre d’Abba nun llegará a Asturies hasta’l próximu 20 de mayu.

El que nun paez que vaya poder actuar nes xornaes organizaes n’Uviéu, ye Daniel Diges, qu’interpreta nestos momentos a ún de los personaxes protagonistes del musical y que foi escoyíu apocayá como representante de TVE nel festival d’Eurovisión, que coincide en feches col programes pa Mamma Mía! n’Uviéu.

El personaxe del actor Carlos Alba, “Cellero el Monologuista”, va tar esti sábadu 27 a les 23.15 hores nel The Class, llocal asitiáu na cai Torcuato Fernández Miranda, 2, de Xixón.

Dende qu’entamara febreru y hasta’l 27 de marzu el Teatru Filarmónica acueye’l IV Festival Ciudá d’Uviéu de Teatru Amateur, con una programación que yá entamó’l día 5 cola obra “Morrer de amor”, de l’Agrupación Artístico Cultural Padre Coll y que sigue esti 11 de febreru con “Tán repetíos”, del grupu de teatru Rosario Trabanco. El xueves 12 la formación Fusión-Arte tien de representar “El Conventillo” y el 25 El Hórreo interpreta “En el cielo hay una estrella”.

Teatru Contraste va poner na escena’l 26 de febreru “Besos” y “Un cadáver a las cinco” ye la representación de Teatro Electra pal 28 de febreru.

En marzu, les actuaciones entamen el día 11 cola representación de “¡Oh 36!” por Sintexto Teatro y el día 12 Telón de Fondo presenta “El xuegu de Yalta”. Al otru día ye’l turnu de Corocotta Teatro con “¡Ay, Carmela!”, y el 18, el de Trama con Como las bicicletas.

La programación etná va seguir con Traslluz representando’l día 19 “El patrimoniu familiar” y, el día 25, el grupu de teatru de Carbayín lleva a Uviéu La Texuca República Independiente.

El programa del mes piesllenlu Teatru Kumen el día 26 con “L’encierru” y la Compañía Asturiana de Comedies el 27 con “La trastá”.Tán repetíos, la obra que va poner n’escena esti xueves 11 de febreru’l Grupo de Teatro Rosario Trabanco, ye del autor José Ramón Oliva y tien un marcáu caracter costumista. La llegada d’un pariente que nun ven dende hai munchos años vien a alteriar la monotonía de la vida de los vecinos y ponelo too pates arriba.

Les entraes pa toles sesiones son a tres euros y pueden comprase nel Teatru Campoamor, nel teléfonu 902 10 66 01, en www.cajastur.es y nel propiu Filarmónica’l día de la función.

Dende qu’entamara febreru y hasta’l 27 de marzu el Teatru Filarmónica acueye’l IV Festival Ciudá d’Uviéu de Teatru Amateur, con una programación que yá entamó’l día 5 cola obra “Morrer de amor”, de l’Agrupación Artístico Cultural Padre Coll y que sigue esti 11 de febreru con “Tán repetíos”, del grupu de teatru Rosario Trabanco. El xueves 12 la formación Fusión-Arte tien de representar “El Conventillo” y el 25 El Hórreo interpreta “En el cielo hay una estrella”.

Teatru Contraste va poner na escena’l 26 de febreru “Besos” y “Un cadáver a las cinco” ye la representación de Teatro Electra pal 28 de febreru.

En marzu, les actuaciones entamen el día 11 cola representación de “¡Oh 36!” por Sintexto Teatro y el día 12 Telón de Fondo presenta “El xuegu de Yalta”. Al otru día ye’l turnu de Corocotta Teatro con “¡Ay, Carmela!”, y el 18, el de Trama con Como las bicicletas.

La programación etná va seguir con Traslluz representando’l día 19 “El patrimoniu familiar” y, el día 25, el grupu de teatru de Carbayín lleva a Uviéu La Texuca República Independiente.

El programa del mes piesllenlu Teatru Kumen el día 26 con “L’encierru” y la Compañía Asturiana de Comedies el 27 con “La trastá”.Tán repetíos, la obra que va poner n’escena esti xueves 11 de febreru’l Grupo de Teatro Rosario Trabanco, ye del autor José Ramón Oliva y tien un marcáu caracter costumista. La llegada d’un pariente que nun ven dende hai munchos años vien a alteriar la monotonía de la vida de los vecinos y ponelo too pates arriba.

Les entraes pa toles sesiones son a tres euros y pueden comprase nel Teatru Campoamor, nel teléfonu 902 10 66 01, en www.cajastur.es y nel propiu Filarmónica’l día de la función.

El Premiu, qu’añalmente otorga’l Teatru Xovellanos a la Producción Teatral, presentó la participación de nueve proyectos de compañíes residentes en Xixón, tres la finalización del plazu de presentación de los mesmos el día 29 de xineru a les 14:00 hores.

Esti premiu pretende aguiyar y promocionar la producción d’actividaes escéniques na ciudá y tien una dotación económica de 21.000 €. Los proyectos participantes podíen ser d’autores estatales o internacionales, primando les obres de nueva creación y aquelles que cunten cola presencia d’artistes y técnicos asturianos en tolos ámbitos de la realización del espectáculu.

L’estrenu de la obra va tener llugar nel Teatru Xovellanos Los nueve proyectos presentaos son: Teatro Demente “Otelo y Desdémona”, a partir del testu d’Emilio Méndez; El Callejón del Gato “Macbeth”, de W. Shakespeare; Escena Apache “Cyrano de Bergerac”, d’Edmon Rostand; Fridonia Producciones, con “La Gaviota”, d’Antón P. Chéjov; Teatro de la Comedia “Camellos”, de José Moret; Tamdem Escena cola “Atlántida”, de Cristina E. Pérez; Konjuro Teatro con “Papá Doc”, de Jorge Moreno, Azogue Teatro col montaxe “El jardín de los cerezos”, d’Antón P. Chéjov y Fundiciones teatrales con “Pentimento”, de dellos autores, embaxo la idea de Jesús Cracio.

El grupu de teatru Carbayín va tar esti vientres en Proaza, poniendo n’escena la obra “Ello yera una vez”. La obra va entamar a les ocho la tarde na capital del Conceyu.

Güei vienres, 18 d’avientu, a les 18.30 hores, nel Salón d’Actos de la Escuela Pública de Llaranes, el grupu de teatru El Milagru de Canciones va poner n’escena la obra “Terapia” d’Adolfo Camilo Díaz.

Complétase esta obra cola estrena del diálogu cómicu “Cuidáu cola Navidá: muerde”. La entrada ye llibre y gratuíta y na organización de l’actividá participen el Grupu de Teatru Santa Bárbara de Llaranes, el CEP de Llaranes y la parroquia de Llaranes.

La compañía Syntexto Teatro va representar la obra “Oh 36!”, de Lluis Portal Hevia, mañana miércoles, 16 d’avientu, a les ocho na tarde, na Casa Cultura Teodoro Cuesta de Mieres y el vienres que vien, 18, a la mesma hora, na Casa Cultura Juan Selgas de Cuideiru, volviendo a traer a escena la vida del médicu y escritor n’asturianu Carlos de la Concha (Villaviciosa 1877 – Xixón 1965), qu’espublizó en vida dos llibros na llingua d’Asturies.

La trama d’esta obra inspírase na esperencia real vivida pol médicu y escritor asturianu cuando la Guerra Civil española. Al empezar el conflictu, el personaxe decide escondese nun abellugu, fechu baxo’l suelu del propiu pisu onde vivía, en Villaviciosa, pa que nun lu garraren presu. El so más directu rival, l’anarquista Cristóbal Cano, acude con frecuencia al so domiciliu cola intención de sorprendelu, lo que nun llegaría a ocurrir gracies a les precauciones tomaes pol doctor, la so familia, y el serviciu de la casa.

Les vivencies de los meses que duró esti particular destierru –como él lu llamaba–, plasmóla nun diariu bien interesante, detalláu y mui revelador, escritu en versu, que permanez inéditu setenta años depués. Esta obra, anque atropa munchos detalles del mentáu diariu y de les sos vivencies, nun busca reflexar exactamente la esperiencia personal de De la Concha, sinón que ye compendiu de la de tantes persones de diferente ideoloxía y nacionalidá que sufrieron la mesma vivencia traumática en mediu de cualquier guerra. La obra, más que la cuestión bélica, trata les contradicciones humanes nuna situación de presión emocional, según revela l’autor.

Lluis Portal Hevia (Villaviciosa, 1964), Llicenciáu en Filoloxía Hispánica, escritor, periodista ya investigador de la lliteratura asturiana, fai un importante llabor d’axitación cultural nel so conceyu, espublizando delles revistes en llingua asturiana. Tien, en volume propiu, narrativa y ensayu, algamando premios como’l de “Llectures pa rapazos” de l’Academia de la Llingua, y les dos ediciones del yá desapaecíu Premiu Uviéu con esta obra y con “Poison”, amás, en 2009 fízose col Premiu Asturnews de Lliteratura Infantil y Xuvenil por “El Club de los valientes”, que va espublizase nos próximos meses.

Syntexto estrena nel teatru Riera “Oh 36!” de Lluis Portal

Güei entama nel Teatru de La Llaboral, l’únicu que ye propiedá del Gobiernu asturianu, la I Muestra d’Artes Escéniques d’Asturies, que va axuntar hasta’l sábadu 12 a venti compañíes del país, que van presentar les sos obres al públicu xeneral y n’otres hores más afayadices pa los profesionales, a los programadores d’otros teatros y centros culturales, n’espacios como’l paraninfu, la ilesia o’l teatru de la Escuela Superior d’Arte Dramáticu (ESAD).

Va ser la primer vez na hestoria del teatru asturianu que se xunten tantes compañíes nun mesmu escenariu pa ufiertar una representación bien amplia de lo que da de sí esti xéneru nel país.

Güei xueves van representase “Cartas de amor a Stalin” (La Tejedora de Sueños), “La calle de Frank” (Teatro Pausa), “Ilusiones” (José Armas Montes), “Solo” (Gomis i Gomis), “Vania” (Teatro del Norte) y “Tartufo” (Margen). Mañana, viernes 11, siguise con “Caleya urbana” (Carlos Alba), “Iphigenia” (Nun Tris), “Hay una guerra en mi habitación” (La Vereda), “Lentas pero seguras” (Higiénico Papel), “La cita” (Tándem), “Almaelectra” (Factoría Norte) y “Así hacen todas” (Teatro de Mente).

El sábadu, día caberu de l’amuesa, van ponese n’escena de “La cabeza del dragón” (Callejón del Gato), “Alizia 21” (Konjuro Teatro), “El tiempo perdido” (Teatro Plus), “Travesía sobre la nieve de Bagdad” (Barataria Teatro), “El convoy de los 927” (Kálatos), “Archeology” (Zig Zag Danza) y “Pequeñas Barbaridades” (Compañía Fernando Hurtado). L’asistencia a toles funciones va ser de baldre hasta la fin de les places.

L’últimu montaxe de Telón de Fondo, “El xuegu de Yalta” llega esta selmana a Mieres y Lluanco, el miércoles y y sábadu, respectivamente.

L’actuación de Mieres va tener llugar a les ocho la tarde na Casa Cultura de la capital del conceyu.

La Casa Cultura de Gozón va recibir la obra’l sábadu, a les 8 la tarde y dientro d’un ciclu orgnizáu por Caxastur.

“El xuegu de Yalta” ye una adautación del cuentu de Chéjov “La dama del perrín” nel que l’autor rusu cuenta la rellación adúltera ente Dmitry Gurov y Ana Sergueyevna, interpretaos por Marilú Casas y Lluis Antón González, respectivamente.

Vidiu de la obra, emitíu en TPA: