Escéniques

Güei, llunes 14 d’ochobre, a les 19 hores nel Centru Cultural Los Canapés, con entrada llibre y gratuita, Teatru l’Horru pon n’escena una comedia na que’l nuevu cura que llega al pueblu, d’idees progresistes, topeta col alcalde, conservador, nun duelu nel que salten chispes. Hasta final d’añu programarán cinco funciones más dientro del ciclu, incluyida la Gala Fin d’Amuesa del 16 d’avientu.

El grupu Baluarte Teatru va representar esta fin de Selmana en la Pola una función, enmarcada na XVIII Selmana de teatru n´asturianu, que va tener llugar el domingu 13 d’ochobre, a les 20 hores, nel Teatru Auditoriu.

Esti sábadu 12 d’ochobre a les 19 hores en Llaboral Centru d’Arte y Creación Industrial y el sábadu 19 d’ochobre a les 18.30 na Cai Tomás y Valiente, Ana Serna trai’l proyectu Ella yera yo a Danza Xixón pa sensibilizar y señalar la violencia de xéneru entá presente na sociedá actual, al traviés de la danza contemporanea.

Primer estrenu absolutu de la temporada nel Teatru Palacio Valdés, dientro del ciclu Fechu n’Asturies, esti xueves 17 d’ochobre a les 20.15 hores. L’actriz y dramaturga avilesina afincada en Madrid, Ximena Vera, pon n’escena la realidá de la prostitución nuna hestoria texida al traviés de los testimonios reales de muyeres que collaboraron cola autora.

Esti  sábadu 5 d’ochobre, a les 19 hores, nel Centru Polivalente de lValdesoto, el Grupu de Teatru “La Farola de Xixón” va Poner n’escena la función titulada “La maxa de la primer vegada”.