Emigración

El Boletín Oficial del Principáu d’Asturies (BOPA) espubliza güei la resolución d’axudicación de les subvenciones que’l Gobiernu del Principáu d’Asturies concede añalmente a los Centros Asturianos repartíos per tol mundu pa que puean facer inversiones nes sos instalaciones y, sobre too, puean desendolcar actividaes de calter llúdico-cultural que contribuyan a caltener los llazos cola so tierra d’orixe.

La Conseyería de Presidencia, Xusticia ya Igualdá, al través de l’Axencia Asturiana d’Emigración, empobina a esta fin 939.450 euros, de los que un total de 603.700 euros tán destinaos a los Centros que s’alcuentren nel esterior d’España y otros 335.700 a los qu’están allugaos nel territoriu nacional.

Los beneficiarios d’estes ayudes son los Centros Asturianos que cuenten con Reconocencia d’Asturianía, que nestos momentos son 32 centros d’América, 31 d’España, 6 d’Europa, 2 d’Asia y 1 n’Oceanía.

El Viceconseyeru de Seguridá, Emigración y Cooperación al Desarrollu, Valentín Ruiz, asistió esta mañana al pieslle de l’Asamblea de la Federación Internacional de Centros Asturianos (FICA) y a la entrega de la “Carabela 2008”, distinción qu’entrega esta entidá a persones, colectivos o iniciatives que contribuyen a que los emigrantes asturianos puean compartir la vida social y cultural d’Asturies.
Na asamblea añal d’esti añu, FICA procedió a la elección de la so nueva directiva, resultando reelixíu como Presidente Jose Luis Casas. Formen parte tamien de la nueva Xunta Directiva: Presidente axuntu, Jose Antonio Nespral, del Centru Asturianu de Buenos Aires, Secretariu xeneral, Manuel de Barros, del Centru Asturianu d’Alicante, Vicepresidente de Centros d’America Central y Antillas, Luis Martínez Niembro, del Centru Asturianu de Caracas, Vicepresidente de Sudamerica, Luis Suárez Álvarez, del Centru Asturianu de Mar de Plata, Vicepresidente d’Europa, Emilio Álvarez Sánchez, del Centru Asturianu de Laussane (Suiza), y Vicepresidente d’España, Aladino Braña García, del Centru Asturianu de Cantabria.

Valentín Ruiz felicitó a Casas, asina como al restu del equipu, y aprovechó la ocasión pa ofrece-yos, nel nome del Gobiernu del Principáu d’Asturies, “collaboración honesta y lleal” pa sacar alantre proyectos ya iniciatives que redunden en beneficiu de tola población emigrante asturiana. El Viceconseyeru destacó que’l nuevu Plan Integral d’Emigración 2008-2011 abre munches posibilidaes nesi sen, tanto por recursos económicos como pol grau d’implicación del Gobiernu, pos nel mesmu participen ocho de les diez Conseyeríes esistentes anguaño.
“Carabela 2008”

La Escuela de Branu d’Asturianía ye un programa formativu organizáu dende l’añu 2002 pol Conseyu de Comunidaes Asturianes, entidá que depende de la Conseyería de Presidencia, Xusticia ya Igualdá. El so oxetivu ye formar a emigrantes y descendientes d’emigrantes pa que depues puean exercer de monitores de cultura y música tradicional asturiana nos sos centros respectivos.
El programa inclúi 300 hores llectives distribuyíes en tres cursos o niveles a facer per tres años consecutivos, tres los cualos entregase-yos el diploma qu’acreita como monitor o monitora. Endagora entregáronse 45 diplomes, 20 na primer promoción y 25 na segunda. Esti añu emprimó a impartise’l primer cursu de la tercer promoción, na que participen un total de 27 alumnos y alumnes procedentes de Centros Asturianos d’America y Europa distintos.

El Viceconseyeru señaló que la decisión de conceder la “Carabela 2008” a la Escuela de Branu d’Asturianía foi acertada enforma porque “ta claro que poques iniciatives polítiques desencadenaron tanto consensu social como esta”.

Apoyu inequívocu del Gobiernu del Principáu d’Asturies a la Escuela de Branu d’Asturianía y a la puesta en marcha d’otres iniciatives pa implicar a la mocedá nos Centros Asturianos fueron los dos principales mensaxes de la Conseyera de Presidencia, Xusticia ya Igualdá, María José Ramos nel pieslle del primer cursu de la tercer promoción d’esta Escuela.

L’actu desendolcóse na Casa de Cultura de Nava y contó, ente otres munches persones, cola asistencia del Alcalde d’esti conceyu, Caludio Escobio, el Viceconseyeru de Seguridá, Emigración y Cooperación al Desarrollu, Valentín Ruiz García, el Presidente del Conseyu de Comunidaes Asturianes, Manuel Fernández de la Cera, la Directora de l’Axencia Asturiana d’Emigración María Eugenia Álvarez, el Presidente de la Federación de Centros Asturianos (FICA), José Luis Casas, el Presidente del Club Tinetense, Venancio Blanco, asina como los presidentes o representantes de los Centros Asturianos de Buenos Aires, Brasil, Caracas, Suiza, Bilbo, Alcobendas, Alicante, Tres Cantos Castellón, Málaga.

La Escuela de Branu d’Asturianía ye un programa formativu, organizáu dende l’añu 2002, pol Conseyu de Comunidaes Asturianes que depende de la Conseyería de Presidencia, Xusticia ya Igualdá. El so oxetivu ye formar a emigrantes y descendientes d’emigrantes pa que depués puean exercer de monitores de cultura y música tradicional asturiana nos sos centros respectivos.

El programa inclúi 300 hores llectives, distribuyíes en trés cursos o niveles a facer per trés años consecutivos , depués entréguen-yos el diploma que los acreita como monitor/a. A la fecha entregáronse 45 diplomes: 20 na primer promoción y 25 na segunda.

Nel cursu que güei pieslla, el primeru de la tercer promoción, tán participando 27 persones procedentes de Centros Asturianos d’Arxentina, México D.F, Uruguay, Chile, Nueva York, Suiza y delles comunidaes autónomes asturianes.

La Conseyera de Presidencia, Xusticia ya Igualdá, María José Ramos, felicitó al profesoráu pol trabayu fechu, pero sobre too a los alumnos y alumnes pol aprovechamientu que fixeron d’esta esperiencia formativa. Destacó que’l tiempu demostró que la puesta en marcha de la Escuela de Branu d’Asturianía foi una decisión acertada pola qu’hai que siguir apostando. Como muestra de que, tanto los Centros Asturianos como la sociedá en xeneral comparte esta apreciación, refirióse a la decisión de la Federación Internacional de Centros Asturianos (FICA) de conceder la Carabela 2008 a esta Escuela. El galardón va entregase’l miércoles próximu, 5 d’agostu, nel Centru Antiguu Institutu de Xixón.

La Conseyera enmarcó la Escuela d’Asturianía dientro de”la importancia que’l Gobiernu del Principáu d’Asturies otorga a la nuesa población emigrante, intensificando esfuercios pa que, anque seya dende la distancia xeográfica, toles asturianes y asturianos tean implicaos na vida social, económica, política y cultural de la so tierra.”.

Destacó que, especialmente dende l’añu 1999, se vien faciendo un esfuerciu importante por incrementar recursos nesta dirección y frutu d’ello son los Planes Integrales d’Emigración. Recordó que’l Conseyu de Gobiernu dio esta mañana’l preste al III Plan d’Emigración con una previsión de 18 millones d’euros pa poner en marcha actividaes ya iniciatives a lo llargo de cuatro años, empobinaes especialmente a dos segmentos de población: los mayores y la mocedá.

Añadió que tol equipu de la Conseyería con responsabilidaes en temes d’emigración –tanto’l Viceconseyeru, la Directora de l’Axencia Asturiana d’Emigración, el Presidente del Conseyu de Comunidaes y ella mesma– tienen claro que, a lo llargo d’esta llexislatura, gran parte del nuesu esfuerciu tien que concentrase en promover, impulsar el papel de la mocedá porque “la suerte y el futuro de los centros asturianos, destacó, depende, sobre too, de que conectemos coles preocupaciones y proyectos de la nuesa, en definitiva coles vuestres inquietúes”.

La Conseya de Presidencia, Xusticia ya Igualdá, María José Ramos Rubiera, visitó estos díes a los 27 xóvenes emigrantes asturianos o descendientes que, dende’l 16 de xunetu pasáu, participen nel primer cursu de la III Promoción de la Escuela de Branu d’Asturianía, nes instalaciones del Institutu d’Alministración Pública “Adolfo Posada”. Tamién participaron nel actu, el Presidente del Conseyu de Comunidaes Asturianes, Manuel Fernández de la Cera, el Viceconseyeru de Seguridá, Emigración y Cooperación al Desarrollu, Valentín Ruiz García, y la Directora de l’Axencia Asturiana d’Emigración, María Eugenia Álvarez.

Del conxuntu de participantes, 19 xóvenes son d’América y 8 d’Europa. Los Centros Asturianos a los que pertenecen son los siguientes: Santa Fe, Buenos Aires, Mar del Plata, La Plata, Paraná, Tucumán, y Mendoza (Arxentina) , México D.F, Montevideo (Uruguay), Valparaíso y Santiago (Chile), Caracas (Venezuela), Sao Paulo (Brasil), Nueva York, Lausanne (Suiza), Tres Cantos, Alcobendas, Alcalá d’Henares, Castellón, Alicante y Bilbo (España).

La Escuela de Branu d’Asturianía ye un programa formativu organizáu, dende l’añu 2002, pol Conseyu de Comunidaes Asturies que depende de la Conseyería de Presidencia, Xusticia ya Igualdá. Ta empobináu a emigrantes asturianos y los sos descendientes, socios/es mayores de 18 años de dalgún Centru Asturianu o entidá que cuente cola reconocencia d’Asturianía.

La fin última d’esta Escuela ye la formación de monitores de cultura y música tradicional asturiana pa que puean convertise, a la so vegada, en formadores nos sos Centros respectivos. Pa ello impártense les asignatures siguientes: Conxuntu Instrumental, Taller de Gaita, Taller d’Indumentaria Tradicional, Percusión, Antropoloxía y Llingua, Folclor, Conocencia del Mediu y Canción Asturiana.

El programa inclúi 300 hores llectives distribuyíes en trés cursos o niveles a facer nel Principáu d’Asturies nos meses de xunetu de los años 2008, 2009 y 2010.

Los cursos de branu de la Escuela d’Asturianía entamaron a impartise nel añu 2002, dando asina respuesta a una reivindicación que, dende va años, veníen plantegando tolos Centros Asturianos. En 2004 finalizó la primer promoción, entregándo 20 diplomes acreitativos, y l’añu pasáu peslló la segunda con 25 titulaos, lo que suma un total de 45 persones acreitaes pa ser monitores nos sos centros de procedencia respectivos.

El Conseyu de Comunidaes trata de cubrir toles piticiones de formación que solicitaron los Centros Asturianos y pa ello, amás de la propia Escuela d’Asturianía, organiza cursos d’estensión ellí onde esiste demanda. Endagora fixéronse cursos en más de 20 centros asturianos de tol mundu con más de 500 asistentes. Nel añu 2008 solicitaron cursos d’estensión 37 centros, 18 d’ellos d’España y 19 más d’Europa y América.

Con un ésitu completu d’asistencia, aportando a cásique 200 comensales en total celebróse esta fin de semana el buen facer nos fogones de José Antonio Campoviejo, chef invitáu nes III Xornadas Gastronómiques qu’entamaba l’Asociación d’Asturianos en Bruseles, ASBRU, y que se desendolcaron nel restaurán «Les Asturiennes» de la capital belga.

Los asistentes afalagaron al restaurador pola calidá d’un menú audaz ya innovador que nun dexa de llau la tradición, destacando y triunfando penrriba de tolos demás el platu “Sabores de antaño/texturas de hoy : fabada”.

L’ALLA anunció estos díes los términos del Pautu de collaboración que firmó’l pasáu 27 de mayu en Valparaísu, Chile. Nel actu tuvieron presenteses Ramón Trespalacios Collado en representación del Centru Asturianu de Valparaíso y como Presidente del mesmu y Pablo Xuan Manzano, en representación de l’Academia de la Llingua Asturiana. L’alcuerdu firmóse col envís “d’encontar el procesu de normalización llingüística nes xeres y llabores del Centru Asturianu de Valparaísu”.

El pautu ente les dos partes ta fechu en base a la Llei d’Usu y Promoción del Bable/Asturianu y por él apautaron que l’Academia de la Llingua Asturiana va sofitar llingüísticamente al Centru Asturianu de Valparaíso en toles consultes y duldes qu’esta entidá-y plantegue, teniendo en cuenta al Centru pa esparder cualquiera de les sos actividaes editoriales, formatives o d’otru tipu qu’acostume a programar.

Amás, l’ALLA, va facilitar al Centru Asturianu de Valparaísu el Boletín Oficial de l’Academia “Lletres Asturianes”, asina como cuantes publicaciones considere d’interés pa la emigración del fondu editorial qu’asoleya davezu.

Pela so parte, el Centru Asturianu de Valparaísu comprométese a esparder la conocencia de los finxos y les xeres de l’Academia de la Llingua Asturiana ente los sos asociaos y ente otros Centros Asturianos d’Hispanoamérica, amás de comprometese a dar puxu a la presencia de la llingua y la cultura asturiana en toles estayes de la so actuación.

L’alcuerdu inclúi la celebración añal del “Día de les Lletres Asturianes” nos primeros díes del mes de mayu, cuntando cola collaboración de l’Academia.

El pautu tien una duración d’un añu, pudiendo estendese indefinidamente.

El presidente del Conseyu de Comunidaes Asturianes, Manuel de la Cera, y la Directora Xeneral de Promoción Cultural, Consuelo Vega, participaron estos díes na población chilena d’Iquique nos actos d’inauguración del bustu n’honor del asturianu Eduardo Llanos Álvarez de las Asturias. Nel homenaxe xuntáronse Chile, Asturies y España al rodiu de la figura d’Eduardo Llanos (1833-1927), un home ilustráu, emprendedor y promotor d’importantes iniciatives culturales, como la construcción d’una escuela en Coráu o la publicación d’obres de referencia de la bibliografía asturiana.

Cola inauguración, les autoridaes de dambes orielles quixeron reconocer la trayectoria vital d’esti emigrante asturianu, que “se comprometió coles sos dos patries”.

Biografía del homenaxeáu esta selmana en Chile

El presidente del Conseyu de Comunidaes Asturianes, Manuel Fernández de la Cera, y la direutora xeneral de Promoción Cultural y Política Llingüística, Consuelo Vega Díaz, participen nes distintes actividaes culturales organizaes con motivu del ‘Día de les Lletres’ na Emigración organizáu pol Gobiernu del Principáu y el Conseyu de Comunidaes.

Sigún asoleya esti día europa Press, nos actos oficiales d’inauguración de la xornada institucional en Valparaísu (Chile) intervinieron, amás de los representantes del Gobiernu asturianu, Pablo Manzano en representación de l’Academia de la Llingua Asturiana y el presidente de la Coleutividá Asturiana de Valparaísu, Ramón Trespalacios Collado.

Nesta ocasión el Día de les Lletres ta dedicáu a la poesía y s’editó llibru tituláu ‘Cuando la memoria fala’, nel que se recopilen poemes de diversos escritores asturianos. El Día de Les Lletres nel esterior vien celebrándose alternativamente en centros asturianos d’España (Les Palmes nel 2001, Logroño nel 2004 y Madrid nel 2007), América (Montevideo nel 2002, Bonos Aires nel 2005) y Europa (París nel 2003 y Liexa nel 2006).

La Coleutividá Asturiana de Vaparaísu tien ente los sos oxetivos la realización d’actividaes culturales y sociales. Ente les sos más recientes contribuciones ta la creación de la biblioteca Principáu d’Asturies na Escuela Pública España. Esta biblioteca creóse con una dotación de llibros aportada pola propia comunidá asturiana, amás de 6.000 euros del Gobiernu del Principáu. Nesti momentu, tien unos 500 volumes y atiende a 500 neños d’esta escuela asitiada nún de los barrios más humildes y probes de Valparaísu.

El Día de les Lletres Asturianes nel Esterior d’esti añu, entamáu pol Conseyu de Comunidaes Asturianes en collaboración cola Conseyería de Cultura y l’Academia de la Llingua, va facese nos últimos díes de mayu nos Centros Asturianos de Santiago de Chile y Valparaísu

Pa esti añu tán programes actividaes inclúi conferencies, actuaciones de música tradicional y una esposición de publicaciones en llingua asturiana, según anunció’l Presidente del Conseyu de Comunidaes Asturianes, Manuel Fernández de la Cera’l vienres pasáu.

Esti vienres van celebrar el XVIII Alcuentru de cases y centros rexonales. Con motivu de la cellebración del “Día de les Illes Balears”, que ye fiesta autonómica, el Gobiernu de les Isles Baleares pon una carpa con stands pa cauna de les cases con presencia en Mallorca. Ellí van repartise de baldre productos asturianos y van axuntar tolos asturianos nes islles, qu’amás esti añu celébren los 200 años de la lliberación de Gaspar Melchor de Xovellanos del so encarcelamientu nel Castiellu de Bellver, polo que va repartise información en collaboración col Foru Xovellanos.

El programa va incluyir una actuación de la Banda de Gaites de Xixón, el sábadu 1 de marzu, a les 21:15 nel escenariu de la carpa del Alcuentru. Paseu Marítimu, delantre del Consolat de la Mar y al llau del “Bar Pesquero”. Amás dende’l vienres 29 y hasta’l domingu dos van repartise productos asturianos de baldre (sidra, bollos preñaos, quesu Cabrales….) nel Llar del Centru Asturiano de Mallorca (Stand Númberu 4).